Search Sort Posts:  Oldest to newest Newest to oldest

08-19-2008, 11:34 AM AlMzanber Joined on 03-29-2006 عودة المقاتل الشرس Posts 9,816 لسة الدنيا بخير .. ان خليت بليت صباحووو جميعا بادئا ذي بدء هدا الموضوع يعبر عن راي كاتبه فقط.. مع العلم انو راي كاتبه يحمل الغلط والصواب .. يعني مجرد وجهة نظر او ظاهرة اقلقت مضجعي لا اكثر واتمنى قبولها بحيادية بغض النظر عن تسلسل الاحداث او ارتباطها بذاك الشخص او ذاك متحلي بالصبر    Report

08-19-2008, 11:43 AM Golden_French_Kiss Joined on 12-08-2005 المدينة..الفاضية..المدينة..الفاضية..المدينة..الفاض Posts 10,737 Re: لسة الدنيا بخير .. ان خليت بليت http://it.youtube.com/watch?v=YzxdumcAqcQ&feature=related € ..I'm The ONE u love To Hate..    Report

08-19-2008, 11:46 AM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت الشغلة اللي انتبهتلها مؤخرا .. او مو مؤخرا .. اخي بصراحة هلق هالكم يوم اللي مرقو هو اهمية هالموقع (تحديدا) بحياة المزنبر الحقيقي .. قصدي انعكاس كل شي بهالموقع على حياة المزنبر اللي خلف الشاشة .. وبالتالي خليني اتفزلك شوي وقول تاثير الحياة الالكترونية (شيت هالموقع) على الحقيقية اللي اكتشفتو اني بالفترة الاخيرة... بسبب ساعات الشغل الطويلة وقلة الاحتكاك مع المجتمع السوري مباشرة-سواء غربتلية او اللي بسوريا نفسها -  .. فانطباعي عن سوريا (كدولة وكمجتمع وكثقافة وكشعب ) صرت اخدو ( باللاوعي) من خلال شخصيات هالموقع سواء اللي فايت بشخصيتو الحقيقية ومعرف عنها .. او اللي مخبيها ورا شخصية الكترونية وبالتالي اذا كان الاغلبية هون عم يضحك ... فصرت حس انو الشعب السوري اغلبو مبسوط واذا اغلب المواضيع والردود عبارة عن نق وامتعاض .. بشكل  طبيعي لا ارادي حس انو السوريين بالمجمل ممتعضين هالفترة وهكذا دواليب ومن نفس الفكرة اعلاه .. اذا انتشرت فكرة هون وحسيت انو الاغلبية وافق عليها .. فبحس انو الشعب السوري بالمجمل موافق على هالفكرة .. والعكس بالعكس هالفكرة ممكن تكون سياسية او اجتماعية او حتى دينية طائفية . ما بهم شو اساس هالفكرة .. اللي بهم تفاعل الناس هون معها سلبا او ايجابا .. قبولا او رفضا يتبع متحلي بالصبر    Report

08-19-2008, 12:08 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت وبالتالي قلعلي هل من المعقول انو فعلا هالمجتمع الالكتروني المحصور بسوريا دوت كوم بعبر عن المجتمع السوري ؟؟ خصوصا انو فيو اشكال اولوان .. صغار وكبار  .. ومن كل الشرائح المادية .. ومن كل الطبقات الاخلاقية .. من ابن عالم والناس للخنزير اللي بلا اخلاق وبالتالي ليش حتى ما يشكل عينة شاملة مقبولة بتنوب عن المجتمع السوري كلو ؟؟ بالمقابل بتقول لحالك هون عم يغلب طابع الغربة على اغلب المشاركين يعني نسبة الغربتلية هون اكبر من الموجودة بالمجتمع السوري  وطبعا الغربتلي دائما عندو راي خاص بتتحكم فيه كتير عوامل .. بس مو هدا موضوعنا بالاضافة الى طبيعة المجتمع الالكتروني وخصوصيتو .. من خلال الكذب فيه اسهل .. بيع الشرفيات فيه على ابو موزة .. مجتمع ممكن يخليلك المجرم بالحقيقة رجل دين ورع .. ورجل الدين نصاب .. والصغير بيحكي متل ابن 60 سنة .. وابن ال50 سنة بيحكي متل المراهق وبالتالي هون منوصل لنتيجة انو ممكن الاراء المطروحة تتأثر بعامل مؤقت او عامل خاص موجود بس عالنت .. ناهيك عن انو في ناس ما بتطرح رايها بمواضيع دينية او مواضيع سياسية مثلا .. من باب بعد عن الشر وغنيلو بس هدا ما بيلغي دور هيك موقع بالانطباع اللي بينترك عن واحد متلي (كعضو بالموقع)من خلال الاراء والافكار اللي عم تنحكى هون متحلي بالصبر    Report

08-19-2008, 12:48 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت هلق انا عن حالي كمزنبر حقيقي او الكتروني .. ميال او متحمس لما يعرف بالافكار التقليدية او بنظر البعض القديمة.. ويمكن بنظر بعض تاني اسمها متخلفة في عندي شي اسمو مسلمات او موروثات متل ما في ناس بتسميه .. ويمكن انا من مصلحتي سميه مبادئ او اخلاقيات يعني بتختلف التسمية حسب موقع كل شخص من هالافكار على سبيل المثال متل وقت تنطرح فكرة دينية .. في ناس بتفوت بتتمسخر عالفكرة بس لكونها مربوطة بدين وبيعتبرو هالشي علامات تخلف او قلة عقل او ضيق رؤيا .. وفي ناس بتعتبر هالشي حق طبيعي او فطرة طبيعية .. وفي ناس بتعبر هالشي شيء غير قابل للنقاش او الاخد والعطا .. وطبعا فيه ناس اكتر حماسة .. ومافي داعي نعطي امثلة فكري واضحة بالرجوع لشخصي الكريم كمزنبر .. من الشغلات  اللي اقلقلت مضجعي بهالموقعي او وقفت عندها .. انتشار فكرة فضفاضية الانتماء بالمناسبة كنت رح سمي الموضوع (فضفاضية الانتماء) .. بس خفت تزعلو مني بصراحة بالاضافة الى فضفاضية الانتماء .. اقلق مضجعي فكرة التعامل مع العدو ضمن الوضع الراهن.. والتعامل مع الوطن ككل ضمن الزمن الحالي بكل ما يحمله من تناقضات ومتغيرات .. الخ يمكن حالي حال الكل هون او الاغلبية .. ربينا على شعارات او ادبيات وطنية وغلب عليها الطابع القومي والانتماء للعروبة وللوطن .. وبمناسبات معينة (خاصة) للدين .. او الدين الاسلامي تحديدا. كونو هو الدارج بمنطقتنا وبنفس الوقت بضملنا قوى منيحة متل ايران وباكستان .. يعني زيادة الخير خير هلق نحنا بالمجمل وعم احكي عن جيلي تحديدا ربينا وكبرنا بعد موضوع حرب 73 وبعد ما صارت فكرة السلام مع اسرائيل واقع عالارض .. وبعد ما صارت قوى محسوبة عالعرب (لبناني) فعليا عم تقاتل بجانب اسرائيل وبعد ما صارت اسرائيل كيان قائم ومنظم ومدعوم .. وفكرة انو الاسرائيلي بفوت وبيطلع على بعض الدول العربية شغلة موجودة ويومية .. والخيانات العربية على اعلى مستويات .. والنكبة والنكسة والانتفاضة و..و..و... الخ مع هيك ومع كل الشغلات العاطلة اللي صارت قبل وبعد .. ضل موضوع العدو والوطن الو خصوصية  معينة عند الشعب كافراد بغض النظر عن السياسة يعني بتقدر تعمل سلام مع مصر وتفتح سفارة .. بس ما فيك تخلي المصري ينظر للاسرائيلي.. متل العربي .. او متل الفرنسي مثلا طبعا مو بالضرورة تكون نظرة المصري للعرب او الفرنسي منيحة.. بس انو بكل بساطة مختلفة .. والسبب هو طريقة قيام كيان الصهاينة اللي اسمو اسرائيل والتاريخ اللي بيننا وبينهون اللي لسة ما صار قديم كتير واثارو هي الاهم حاليا .. وكونها بالنهاية العدو اللي ضل موجود على حالو ليومنا الحالي .. على عكس كل اللي استعمر الدول العربية ورجع ع بلادو من فترة... هدا صار الو المركز التاني بالعدائية اذا صح التعبير .. ويمكن حتى انتقل من خانة العدو لخانة صديق المصلحة.. مع استحقار ضمني يمكن سببه اختلافو عنا  بلون البشرة والعيون  اكتر مما هو بسبب الاستعمار او غيرو بس كمان هدا مو موضوعنا متحلي بالصبر    Report

08-19-2008, 12:52 PM AXIS Joined on 06-28-2008 Damascus - Syria Posts 1,478 Re: لسة الدنيا بخير .. ان خليت بليت  AlMzanber wrote:  وابن ال50 سنة بيحكي متل المراهق حلو عن ضهر الزلمي بقا ليك أنا ما بعطيك رأي ,أنا بفرض رأيي    Report

08-19-2008, 01:11 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت منرجع للموقع بعد ما لعينا قلبكون بسيرة مالكون فيها فهدا الموقع مرق فيو افكار رح نسميها غير تقليدية .. مشان ما نعمل حساسية مبدئيا .. هلق فكرة الطرح نفسو مو مشكلة .. بالعكس شغلة منيحة بشكل او بآخر بس الجديد او اللي فاجأني (شخصيا) كان ردة الفعل اتجاه هالافكار .. وطريقة صياغتها يعني مرقت وبتمرق كتير افكار جديدة بكل جوانب الحياة .. ودائما صاحب الفكرة الجديدة بسمي حالو منفتح .. او متحرر .. او متعقل ... وبالتالي افكارو متلو انفتاحية ومتحررة ومتعقلة.. واي رد على افكارو بصنفو بخانة الغيرة او قلة الفهم .. يعني انت مو منفتح فكريا متلي وبالتالي مالي متوقعك تفهم او تتقبل افكاري بس هالافكار الجديدة ورغم الزخم الكبير اللي فاتت فيه على مجتمعنا ورغم كل ما حملتو من شغلات غريبة او غير مقبولة اجتماعيا ضل  الها خطوط حمراء اذا صح التعبير .. خطوط حمراء على الاقل من ناحية الصياغة يعني بلشنا حياتنا بفكرة لا لاسرائيل ونعم للمقاومة والتصدي والصمود ... بعد فترة خفت هاللهجة نوعا ما وصارت انو السلام العادل والشامل الو قواعد وشروط ومتطلبات هون نطو عالم واعتبرو تغير هالخطاب هو ابتعاد عن الموقف .. وفي ناس نطت اعتبرت هالشي هو تكيف مع المتغيرات الدولية بس ضل الشارع السوري والعربي  (الشعب) بشكل عام بفضل فكرة عودة الاراضي العربية كاملة وعدم وجود اسرائيل نهائيا عالخريطة.. واذا صار غير هيك فاوكي انو ممكن يصير كمرحلة .. بس رح تضل فكرة انو القدس تكون محررة وبايدي عربية حلم دائم لكل عربي ولكل سوري تحديدا هون بلشت تطلع افكار تانية من انو لازم نقبل اسرائيل كشعب ولازم نخليهون يعيشو ومن هالحكي (رغم اعتراضي عالفكرة)بس انو لقت صدى اكبر من اللي كان ببالي كون اسرائيل هي المعتدي ونحنا فعليا اللي عم نطالب بحق البقاء او العيش على ارضنا مو العكس بس انو فكرة انتشرت بالنهاية وكان الها صدى واسع .. الكترونيا عالاقل مع بقاء النبض العام (بنظري) ميال للافكار الاساسية بانو ياريت نقدر نعمل شي بحيث تكون النتيجة انو اسرائيل كلها مو موجودة .. وياريت يجي يوم نقدر نحاربها ونغلبها يتبع متحلي بالصبر    Report

08-19-2008, 01:15 PM Nighty Joined on 11-19-2005 Posts 360 Re: لسة الدنيا بخير .. ان خليت بليت شو السؤال    Report

08-19-2008, 02:13 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت انا متاكد انو كل اتفاقيات السلام كانو يوقعوها بعد الغدا مو قبلو ما علينا المهم ضمن نظرتي المتواضعة للموضوع واللي شرحت اغلبها اعلاه .. فكان عندي بحياتي مسلمتين متخيل انو كل العرب والسوريين بشكل خاص رح يشاركني فيها الا وهي بما انو بدنا ترجع الحقوق العربية كاملة وما بدنا شي اسمو كيان صهيوني بلزقنا .. فكان شي طبيعي نكون عايشين ضمن فكرة انا سوري للعضم ومنها انا عربي للعضم .. ومافي اي قومية او مغري مادي او غير مادي ممكن يخلي اي دولة او كيان ينافس سوريا والعروبة بهدا الموضوع تاني شي بما انو ما بدنا اسرائيل لانها دولة مغتصبة معتدية ... فشي طبيعي (نظريا) يكون فناء هالكيان من خلال القوة وليس الحكي والمفاوضات.. وبالتالي رح انظر باحترام فطري لكل من رفع السلاح ضد هالكيان المغتصب ايمانا منو بعدالة قضيتو او احقيتو بارضو او دفاعا عن الحقوق المسلوبة يعني هالشخص اللي رفع السلاح بغض النظر كم  اسرائيلي قتل او ما قتل .. مجرد فكرة انو مشي بهالطريق وضد هدف واضح اللي هو الكيان الصهيوني .. فهدا بنظري لازم يكون مثل اعلى وبرايي من خلال هالناس هي اجا موضوع قدسية الشهادة فداء للوطن وتراب الوطن .. والمركز الروحي العالي اللي بمثلو الشهيد لكل دولة او كل امة بمثلها .. ومن هون اجا اهمية الاسرى .. وفصل كلمة معتقل او سجين عن  كلمة اسير .. للدلالة عن حالة الحرب والتضحية اللي عاشها الشخص الاسير بس من خلال هالموقع تفاجئت بانو هالمسلمتين .. ما بقا يمتو للمسلمات بصلة عند فئة مو قليلة من رواد الموقع .. يعني سوريا فجأة صرت شوفا بعيون البعض  كيان غير واضح الملامح .. العروبة مفهوم مطاط .. الدولة عبارة عن عشر اشخاص وبس المناطق الجغرافية هي دلالات طائفية او بحدد ملامحها الطائفة اللي عايشة فيها تراب الوطن وحدودو .. صارت شغلات للمسخرة عند البعض .. الاخ بالعروبة او بالقضية صار شي من الماضي فكرة المقاومة صارت غباء .. والشهيد صار عبارة عن مراهق مغرر به .. والاسير مجرم قاتل .. والانتماء صار مفهوم فضفاض للبعض لانو بكل بساطة بحس حالو منتمي  لدولة تانية عاش فيها كم سنة وقدمتلو شغلات حلوة يتبع متحلي بالصبر    Report

08-19-2008, 02:23 PM ishtar Joined on 11-23-2005 Posts 8,420 Re: لسة الدنيا بخير .. ان خليت بليت وانت بداية روحي وانت الختام    Report

08-19-2008, 02:36 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت هلق مشان الحلال والحرام الافكار اللي قلت اني شفتها هون وفاجأتني واقلقت مضجعي واللي ذكرت بعضها بالسطور الاخيرة بالمداخلة اعلاه ما فيني قول اني اول مرة تعرفت عليها من خلال هالموقع .. او انو مابعرف شي عنون قبل الموقع  متل متلي كتيرين مارقة هالقصص كلها بحياتنا سواء قراءة او سمع او غيرو بس الجديد (بالنسبة الي كمزنبر) انو هالافكار قبل هالموقع كانو اصحابها بالنسبة الي بعيدين .. يعني مالون ملامح واضحة .. مو لانو ما حدا منهون قعد قدامي وحكاها .. لا مو هيك .. بس والله مالي عرفان كيف بدي اشرحها انو كنت حسها متل انو في هيك عالم بس هدول قلال كتير ويمكن اهمالون (بذكر اني عم احكي عن الشعب مو حكومات وسياسيين)يعني في ناس بتقلك المقاومة مالها طعمة او انو الشهداء اغبياء روحو حياتون عالفاضي .. بس هدول يااخي ناس ساكنين كتير بعيد بالمريخ يمكن ..او  انو جدبان...  او انو عم يحكو هيك مشان البلبلة انو شوفوني انا ابو الافكار المعاكسة للتيار.. وبالنسبة لطبقة السياسيين كنا نقول انو هدول منتفعين من العدو ... او عم يحكو بالصرماية غصب عنون .. او خونة وعملاء بس انو بالنسبة الي مهما انتشرت هالافكار فكان بنظري انو الاولوية دائما (ولو بالحكي) لتراب الوطن والتحرير حتى اخر شبر .. والله حيوووو شهداء امتنا يعني مثلا ذكرى الجلاء بسوريا .. انا عن حالي كنت صغير كتير ما بوعاها مزبوط .. يعني كنت بالحفوضة .. المفروض ابو هيسم بيوعاها المهم رغم اني ما عشت تفاصيلها .. بس يا اخي بحس بالفخر انو بيوم من الايام سوريا صار فيها تضحية بهيك مستوى وبحترم الشهداء اللي قدمو دمهون وارواحهون مع اني وكيلكون الله ما شفت ولا واحد منهون شخصي ولا بعرف اشكالهون.. بس فكرة انو هدول الشهداء راحو مشان شي فاضي .. او كانو اغبياء مغرر فيهون .. او انهون مجرمين سفاكين دماء .. او ما كان الهون الفضل بالجلاء فهي افكار كانت اصغر واسخف من انو تتناقش .. هيك كنت انا عايش هالموضوع يتبع متحلي بالصبر    Report

08-19-2008, 02:40 PM ishtar Joined on 11-23-2005 Posts 8,420 Re: لسة الدنيا بخير .. ان خليت بليت  AlMzanber wrote: هلق مشان الحلال والحرام الافكار اللي قلت اني شفتها هون وفاجأتني واقلقت مضجعي واللي ذكرت بعضها بالسطور الاخيرة بالمداخلة اعلاه ما فيني قول اني اول مرة تعرفت عليها من خلال هالموقع .. او انو مابعرف شي عنون قبل الموقع  متل متلي كتيرين مارقة هالقصص كلها بحياتنا سواء قراءة او سمع او غيرو بس الجديد (بالنسبة الي كمزنبر) انو هالافكار قبل هالموقع كانو اصحابها بالنسبة الي بعيدين .. يعني مالون ملامح واضحة .. مو لانو ما حدا منهون قعد قدامي وحكاها .. لا مو هيك .. بس والله مالي عرفان كيف بدي اشرحها انو كنت حسها متل انو في هيك عالم بس هدول قلال كتير ويمكن اهمالون (بذكر اني عم احكي عن الشعب مو حكومات وسياسيين)يعني في ناس بتقلك المقاومة مالها طعمة او انو الشهداء اغبياء روحو حياتون عالفاضي .. بس هدول يااخي ناس ساكنين كتير بعيد بالمريخ يمكن ..او  انو جدبان...  او انو عم يحكو هيك مشان البلبلة انو شوفوني انا ابو الافكار المعاكسة للتيار.. وبالنسبة لطبقة السياسيين كنا نقول انو هدول منتفعين من العدو ... او عم يحكو بالصرماية غصب عنون .. او خونة وعملاء بس انو بالنسبة الي مهما انتشرت هالافكار فكان بنظري انو الاولوية دائما (ولو بالحكي) لتراب الوطن والتحرير حتى اخر شبر .. والله حيوووو شهداء امتنا يعني مثلا ذكرى الجلاء بسوريا .. انا عن حالي كنت صغير كتير ما بوعاها مزبوط .. يعني كنت بالحفوضة .. المفروض ابو هيسم بيوعاها المهم رغم اني ما عشت تفاصيلها .. بس يا اخي بحس بالفخر انو بيوم من الايام سوريا صار فيها تضحية بهيك مستوى وبحترم الشهداء اللي قدمو دمهون وارواحهون مع اني وكيلكون الله ما شفت ولا واحد منهون شخصي ولا بعرف اشكالهون.. بس فكرة انو هدول الشهداء راحو مشان شي فاضي .. او كانو اغبياء مغرر فيهون .. او انهون مجرمين سفاكين دماء .. او ما كان الهون الفضل بالجلاء فهي افكار كانت اصغر واسخف من انو تتناقش .. هيك كنت انا عايش هالموضوع يتبع   وانت بداية روحي وانت الختام    Report

08-19-2008, 03:35 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت المهم مالكون بالطويل .. وخلونا نفوت بصلب الموضوع >>> ياحليله كل ذا وتوه ما جا صوب صلب الموضوع طرح الافكار اعلاه هون بالمنتدى بحد ذاتو ما فاجأني بصراحة ... اللي فاجاني واقلق مضجعي حقيقة .. ردة الفعل عليها وعدد الاعضاء اللي تحمسلوها .. وتبنو نشرها وتسهيلها والنقاش فيها واعطائها قوالب منطقية او علمية او سياسية .. والدفاع عنها بقوة وقتها خلتني السيرة كلها على بعضها ..اصفن شوي خصوصا انها (كما اسلفت) كانت بالنسبة الي مسلمات .. انو معقول انا متأخر لهالدرجة عن هالركب .. معقول يكون المجتمع كلو صار هيك ؟؟ واللي عم فكر فيه انا صار هو الماضي الغبي؟ ليش لا ؟؟ حاكم اخر كم سنة انا ما كتير احتكيت بالناس بسوريا .. غير انو شغل كيفك شو اخبارك اشتقنالك .. وبس والاخبار العالمية بجوز يمرق 4 ايام ما اسمع خبر غير من فلان او علان على سيرة سمعت شو صار بكذا .. ويحكيلي خبر صرلو 3 ايام ويمكن اكتر فليش ما يكون كل شي تغير ؟؟ وانا اللي لسة عايش بالعسل ؟؟.. طبعا مو انو انا تحديدا كمزنبر قصدي جملة الافكار اللي انا بعتبرها صح كلها صارت افكار قديمة .. والدور هلق صار على تحرير المراة وتمييع فكرة الوطن .. وتهميش الانتماء والقومية .. وتجميل صورة  اسرائيل.. مدح ديموقراطيتها.. وحقوق الانسان فيها ...  وتغيير صورة الشهيد والاسير تمهيدا للوصول لفكرة اسرائيل الجارة والصديقة يعني ليش لا ؟؟ بالنهاية اذا اغلب العالم بالشارع وافقت وتقبلت هالشي فانا واثق تماما انو ما حدا رح يرد عليي ويوقف عندي .. لانو بزماني ما كنت وقف عند اللي كان يقولو هالحكي نفسو اللي فاجاني .. واليوم صارت افكارون هي نبض الشارع   هون ما بخفيكون .. يمكن انا انسان بحلم زيادة عن اللزوم ..بس  من ضمن احلامي وتخيلاتي .. انو اذا بيوم من الايام اسرائيل وامريكا بتفتح النار على سوريا .. فبشكل طبيعي بتخيل انو كل سوري بصير اكبر من الطائفية ومن الدين ومن المنطقة .. وبتخيل انو كلو رح يمسك سلاح ويوجهو ضد اسرائيل .. وهالسلاح يمكن يكون عصاية او حجرة مو ضروري  سلاح فردي خفيف مزود بحربة لقتال الشوارع بصراحة بعد اللي صار بالعراق .. هالتخيل اهتز شوي .. وبعد ما شفت بعض النقاشات اللي انطرحت هون بالمنتدى . انهز كتير  وبصراحة اكتر ما بقا كتير استبعد انو ناس تقول ما دخلني ..الضرب ما اجا على حارتي .. وما بقا استغرب ناس تقول يلا معليش الله ينصر اسرائيل وامريكا علينا بضلو احسن من النظام الفلاني او من الطائفة العلانية انا كنت متخيل انو ما حدا بيقبل يشوف الشام (مو بس دمشق) الشام كناية عن سوريا .. ما كنت متخيل انو في سوري رح يقبل للحظة وحدة انو يشوف فيها وجود امريكي او اسرائيلي بس بصراحة ياجماعة اللي عم يتطلع عالشهداء على انهون اغبياء .. والاسرى انهون مراهقين و مجرمين .. والوطن بالنسبة الو مو واضح الملامح .. طيب هدا هل ممكن اتخيل منو يحمل سلاح ويضحي كرمال وطن فضفاض ؟؟ او كرمال طائفة ما بحبها و بيعتبرها اختصار للوطن كلو ؟؟ . او هل ممكن اطب منو يكون غبي واجدب ويصير شهيد او اسير ؟؟ او اطلب منو يصير مجرم ويوافقني ؟؟ المهم هالفكرة الاخيرة كتير قلقت مضجعي بالايام الاخيرة . وما بكذب اذا قلت قهرتني وخنقتني.. لانها بتعني تغيير كبير .. كبير كتير اكبر من انو يتسوعبو واحد متلي متحلي بالصبر    Report

08-19-2008, 03:51 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت فهون رجعنا لبداية الموضوع .. انو صرت فكر . هل هالموقع والشرائح اللي فيه هو عينة تعبر عن المجتمع موضوع الدراسة ؟؟ يعني اذا شي راي هون لاقا قبول واستحسان هل فيني قول انو سوريا اغلبها مالت لهدا الراي؟؟ وبناء عليه حبيت اعميل تجربة خاصة جدا .. خاصة فيني طبعا يعني بما انو هون المجتمع عشوائي .. فقلت لحالي خلاص يامزنبر وانت كمان اعميل  دراسة عشوائية مو ضروري تفكر انو هالعينة كافية ولا لا .. المهم انها عينة وخلاص وبناء عليه بلشت اتحرك ورجع علاقاتي مو بس مع السوريين هون .. مع كل شي من بلاد الشام .. كونو بنظري همنا قريب على بعضو بما يتعلق بموضوع العدو الصهيوني وامريكا وبنفس الوقت حركت حالي باتجاه الشباب بسوريا سواء اهلي او رفقة . يعني كل شي ربي قدرني اوصل الو من شباب ونسوان   متحلي بالصبر    Report

08-19-2008, 04:09 PM viruseh Joined on 07-14-2006 Posts 102 Re: لسة الدنيا بخير .. ان خليت بليت لك دخيلو اللي مصدي لسانو لوستو نئطة ضعفي الوحيدا    Report

08-19-2008, 04:22 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت وصلنا عالعملي .. كنت بالبداية بدي اطرح السؤال متل ما هو .. دج يعني شو رايك بكذا .. وشو انطباعك عن كذا .. بس يا اخي الحق يقال .. الشعب العربي عامة والسوري خاصة روح قلبو التنظير .. وصيغة طرح السؤال بتلعب بصياغة الاجابة يعني اذا سالت واحد شو رايك انو نعمل سلام مع الكيان الصهيوني .. او شو رايك بالاحتلال الاسرائيلي ؟؟ هون اكيد رح يكون الجواب .. انا ارفض الاحتلال بكافة اشكاله .. او الكيان صهيوني هو كيان مغتصب دخيل على هذه الامة  الغراء وعليهم ياعررررررب يعني الخطاب الوطني المقاوم اذا صح التعبير ما غاب عن الساحة .. يمكن ما بقا متل الاول بس لسة ما حلنا نقول انو انتسى .. يعني اذا منجيب جاسوس عربي او خاين عربي ومنقلو القي خطاب وطني .. يمكن يخلي الدمعة تهر من عيونا .. بس الفكرة انو هو حافظو بصم اكتر مما هو عم يعمل فيه فقلت لحالي يامزنبر . تحربق هالمرة .. وصرت افتح السيرة على شكل نقاش وانا اللي اطرح وجهة النظر التانية على اسسا انو رايي .. يعني تبنيت الاراء الللي قالقة مضجعي ... وبما اني هون بالموقع قريت كل القوالب والصيغ تبع الراي التاني فكنت مؤهل للرد على اي جواب او سؤال بهالخصوص وبلشت احكي انو نحنا لازم نفتح عيوننا .. ونحاكم بمنطق وعقل .. وما نكون إمعة ورا الناس .. وما في داعي نحصر حالنا بالموروثات البالية .. ولازم نعيد كتابة التاريخ بحكمة ومنطق .... وطرحت فكرة الاسير المجرم .. او الشهيد المغرر به .. او المقاوم العميل للجهة الفلانية .. وحاولت اطرح فكرة اسرائيل الدولة اللي فيها شغلات كتير صح وفيها ديموقراطية وفيها حقوق  انسان افضل من عنا وفيها احترام اكتر من بلادنا.. وطرحت فكرة اولوية الوضع الداخلي وضرورة التركيز عليه الى آخر الحكي اللي مرق معكون ومعي هون بالموقع بعدة اشكال والوان قلت لنشوف ردة فعل العالم .. وعلى اساسها الواحد بيتصرف .. يعني قلت لحالي والله لسة صغير انا ..و بقدر نفد حالي واتبنى راي تاني يناسب الحضارة التطور اللي عم نعيشو وهلق احسن من بعدين لك ابي .. والله احسن من بعدين متحلي بالصبر    Report

08-19-2008, 05:06 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت لا تخافو ما رح عدلكون رأي ورا رأي  او شو صار مع كل واحد .. خصوصي انو اختلفت القعدات من ساعات وش بوش ... لدقايق عالتلفون .. يعني الظروف حكمت المجمل ما رح قول انو كلو كان مع .. او كلو كان ضد .. الحقيقة كان في عدد واصلتو هالافكار وما عندو مشكلة فيها بالمقابل ما حدا طرحها بالصياغة او الوقاحة اللي انطرحت فيها هون بالموقع .. بس مشان الانصاف منقول القعدة الشخصية او معرفتك بالشخص بتفرق بطريقة العرض كنت كتير حريص اني اسال رفقات اخي الصغير .. يعني كوني بعتبرهون الجيل اللي بعدي مباشرة .. يعني عمرون هلق شي 20 سنة بصراحة كنت خايف من سؤالي الهون .. وكنت قول اذا هدول تشربو هالافكار .. فعلى الوطن السلام . وعلى الامة الرحمة .. والله يعطينا العافية كل واحد لبيتو وشغلو الحمدالله مية مرة .. لقيت لسة فيهون النخوة وفي عندهون  قداسة لفكرة التضحية  والشهيد الو مكانتو .. والمقاومة المسلحة ما زالت محل احترام بغض النظر عن اختلاف الدين والطائفة بتذكر واحد منهون هيك قطعتو صغيرة ... قلتلو : بس حبيب هدول الاسرى قاتلين ناس مدنيين واطفال ما بصير ننسى هالشي فكان جوابو : اخي معليش كانت ظروفو النفسية صعبة الزلمة... يعني نفسيتو تعبانة وتحت الضغط ..فلازم تتفهم وضعو الصحي وقتها وما فيك تحاسبو متلو متل البقيانين.. مو هيك بقولو عن الجنود الاسرائيلية اللي بيقتلو عالم عم تصلي بالاقصى؟؟ عن جد فرطني ضحك .. وذكرني بالمثل .. المرض الخبيث بدو الدوا النجس وبالتالي ما في داعي خوض بشوية حكي انساني الغرض منو غير واضح وغير معروف.. خلاص خيو شب خاطر حالو كرمال قضيتو فعلى عيني وراسي والله يقويه وانتهينا بالنسبة لرفقاتي (وهون كانت مشكلتي) انو اغلبهون بيعرفو رايي .. فوقت حكيت الراي المقابل.. شي يضحك عليي .. وشي يقللي شبك اخد حبوب شي ؟؟ الذ واحد قلي : خيو مو مشكلة احكي قد ما بدك هون نحنا رفقاتك بس يستر عليك لا تحكي هالحكي قدام حدا وتفضحنا قدام الناس وكمان واحد من الجيل الثاني قلتلو انو خيو هدول حزب الله شيعة ونحنا سنة .. وايران وما ايران .. لازم ندير بالنا كان جوابو : هلق غصينا بايران ؟؟ فكري ما ضل بلد ما احتلتنا .. سيدي منصير وقتها نقول العدو الايراني والمحتل الشيعي والباقي متعودين عليه ياسيدي هالجيل اللي طالع نهفة .. كلو مزنبرين صغار وعم ينطو واخر جواب بدي اذكرو وكان نفسو صاحب اول جواب : وقلت قلتلو انو خيو انت شو فارقة معك اذا بتجي امريكا على سوريا المهم يصير في كل شي عندك  متل الناس وكل شي متوفر بسهولة مو احسن ؟؟ فكري هيك هيك اللي متلنا مو فارق معو مين اللي قاعد عالكرسي .. يعني فكري مو احسن من انو تموت من الجوع ؟؟ كان جوابو اخر شي توقعتو . قال مع دوزي كبير  : لا مو احسن من انو نموت من الجوع .. بالعكس نموت من الجوع احسن وقتها قلتلو :خلاص  روح .. ناجح ودينو وربو بدو يقنعني ويناقشني .. وانو يفهم انو خلاص عمو انا بس عم امزح معك .. مافي حدا لحدا هون منرجع لبداية الموضوع وبالاحرى لعنوانو .. بصراحة ارتحت وتفائلت شوي .. بالاحرى كتير .. يمكن مافي شي منيح على الارض ولا في اي شي ببشر انو رح يصير شي منيح بس الحمدالله انو لسة في نخوة بقلوب الناس .. وممكن يجي يوم وتصير ملموسة بالواقع يتبع متحلي بالصبر    Report

08-19-2008, 05:40 PM AlMzanber Joined on 03-29-2006 عودة المقاتل الشرس Posts 9,816 Re: لسة الدنيا بخير .. ان خليت بليت اخيرا بدي قول .. انو فعلا انبسطت ورجعلي نوع من الامل والايمان .. ورجعت شوف سوريا والعرب والقضايا العربية متل ما كنت شوفا قبل . وعرفت انو الاراء اللي هون مو بالضورة تكون هي الغالبة بالمجتمع الحقيقي .. مع انو الاراء اللي سمعتها ما فيني قول انها شملت كل الفئات .. بس بالنسبة الي كانت كافية لترجعلي الثقة بالناس ونخوة الناس وشي حلو انو يكون في شي اسمى واكبر من موضوع جوعي وشبعي الشخصي .. انو يكون في شي اقوى من متطلباتي الشخصية شي حلو يكون في تقدير للتضحية حتى لو طلعت من طرف ما بشاركني نفس الاراء .. شي حلو انو احترم الدم اللي رخصو صاحبو لتراب الوطن .. شي رائع اني قدس سنين قضاها صاحبها بالاسر .. شي راقي كتير اني حس بالوطن على انو شي اكبر من شط سباحة نضيف او  شبع معدة او سيارة جديدة او بيت كبير المشاكل الداخلية موجودة وحق كل واحد يحاربها .. بس المشاكل الداخلية.. مالها بداية ولا نهاية .. حتى اكتر دول العالم تطورا فيها مشاكل .. الانسان بطبعو بحب الاحسن . بس يجوع بدو الاكل والشرب .. بعدها بدو الامن .. بعدها بدو بيت .. بعدها بدو بيت اكبر . وبعدين سيارة .. وبعدين حرية بطقس معين ..و ,, ,, الخ وحق لكل انسان انو يطالب بالافضل الو بس كتير مهم (برايي) انو ما يجي يوم يصير عدوي الاجنبي اقربلي من عدوي الداخلي الجوع والقهر والظلم اللي مصدره داخلي .. لازم ما انسى انو اللي عم يمارسو هو سوري قبل كل شي .. يعني فيه امل يتغير .. سواء يتغير كشخص . يروح ويجي حدا منيح محلو .. او يتغير بانو يتحرك شي فيه اتجاه سوريا بظرف معين او بمرحلة معينة   بس يا اخي الاجنبي بعمرو ما رح يطلع على وطنك غير اذا فيو مصلحة الو .. ولا يمكن يعمل شي لوطنك لمجرد انو وطنك لازم يكون الو هدف تاني والا شو بدو فيك ؟؟   بتمنى تقبلو مني هاللعي كلو على اساس طرح لراي مو اكتر ..لاني حسب ما عم شوف انو في كتير ناس عم تطرح اراءها وتدافع عنها بقوة وتبثها بيناتنا بكل كبيرة وصغيرة فحبيت شارك برايي .. وحسيت اني من واجبي اني شارك برايي كنوع من التذكير مو اكتر .. تذكير بشي كلكون بتعرفوه .. وما حبيت يغيب ضمن هالنظريات والافكار الانسانية والعقلانية والتحررية والطائفية اللي عم تطلع كل يوم وكل ساعة متل ما الغريب حقو اني يحكي رايو حتى لو ما ناسبني .. فليش نحنا ما نحكي راينا حتى لو ما ناسبو ؟؟ سوريا لازم تضل بعيدة ومحمية من كل شي اجنبي سواء امريكي او اسرائيلي او غيرون .. وياريت تكون الاولوية لهالموضوع بغض النظر عن مين اللي عم يحكم او مين عم يستفيد .. بغض النظر اذا انا وانت جو