Search Sort Posts:  Oldest to newest Newest to oldest

02-01-2006, 10:58 AM blawlashi Joined on 11-20-2005 Posts 11,815 سوريات ... من تأليف عضاوات سوريا دوت كوم بعد النجاح الباهر الذي حققه مسلسل مدرسة سوريا نقدم لكم الآن مسلسل جديد   بطولة :   عضاوات سوريا دوت كوم ضيف الشرف:   إحسان في دور مختار الحارة   مع الفنان القدير:   لوست بارادايس   والوجه الصاعد :   سكران   ولأول مرة الفنان الشعبي:   باسل   تاليف وإخراج:   بلاولاشي   جميع الأحداث في هذا المسلسل وهمية ولا تمت للواقع بصلة مقسومين .. لك قوم فوت نام وصير حلام    Report

02-01-2006, 10:59 AM blawlashi Joined on 11-20-2005 Posts 11,815 أحداث مثيرة في حارة سوريا الصغيرة (الحلقة الأولى) رن جرس التلفون وأنا عم أركض بالغابة السودا هربان من شلة أشباح ... طلع جرس المنبه هو يلي عم يرن الساعة سبعة الصبح مو التلفون ... ضحكت وفزيت لبست أواعيي مشان روح على المدرسة ... بس بالأول غسلت وشي واطلعت بحالي على المراية بركي بيكون طلعلي شوارب أو دقن بس ما في ... مديت أيدي على جيبة بنطرون أبي بس ما لقيت غير خمس ورقات ... قلت لحالي "يلا أحسن من بلا" ...   رحت وقفت ورا باب البيت عم طلع من العين السحرية ... فتحت إلسيا باب بيتهن يلي مواجهنا وطلعت ... قمت أنا عملت حالي هلق طالع ... إجيت بدي قلها صباح الخير ... ما بلاقي غير واحد عم يسفقني على نقرتي ... بطلع لورايي بلاقي كريزي إيفان الغليظ ...   اتطلع فيني كريزي إيفان وقلي "ما بدك تبطل هالحركات ولا أجدب؟" طلع خلقي منه بس حاولت بين آدمي قدام إلسيا ... بس وين ... إلسيا نزلت على الدرج وسبقتني ... انبعصت كتير من كريزي إيفان وقلت لحالي "أنا بفرجيك يا كريزي الكر ... بس لصير أكبر منك لأشرب حليب وأضربك على بطاريتك" ... لأنه هو كان صف سادس وأنا خامس ...   نزلت على الدرج ووصلت على باحة البناية ... لقيت جارنا لوست بارادايس عم يشغل سيارته الداتسون وما عم تقدح معه ... آم نادالو لكريزي إيفان "عمو عطيني دفشة من ورا الله يرضى عليك" قام راح كريزي إيفان وصار يدفش من ورا ... بعد شوي اشتغلت السيارة وطلعت دخنة سودا من الأشطمان وبالتالي صار كريزي إيفان كله شحوار ... قمت صرت أنا أضحك ... ما بلاقي غير كريزي إيفان ترك عمو لوست بارادايس وصار يركض ورايي ... وأنا التاني بلشت أركض ... طبعاً هو كان أسرع مني بكتير ...   وبس قرب كتير مني ولقطني ما بلاقيه غير اصفر لونه وصار يبحلق لبعيد ... اطلعت بالاتجاه يلي عم يبحلق فيه بلاقي جارنا هللو جايه من بعيد ... متل العادة دقنه طويلة كتير ولابس بنطرون قصير وعيونو عم تقدح شرر ... قام كريزي إيفان حمل حاله وبلش يركض ... قام عمو هللو شلح شحاطته البلاستيك من رجله وشلفها باتجاه كريزي إيفان وهو عم يصرخ "تعا لهون يا عرص ... تعا لهون يا زنديق" ... بس كريزي كان سريع كتير ولا الشحاطة صابته ولا عمو هللو لقطو ...   تركتهن وضليتني ماشي باتجاه المدرسة ... بلاقي إلسيا عم تمشي هي وسنجوب باتجاه المدرسة ... قامت غرغرت الدمعة بعيني وصرت أبكي على حظي المعتر ... بس قلت لحالي يلا ... بكرا بتجوز بنت عمي متل ما بدو أبي شو بعمل يعني ...   بس وصلت على المدرسة لقيت الناطور مرحبا واقف عم يبيع قباقيب ... وهي أكلة أنا بحبها كتير ... بس كمان كان في أكلة شطي مطي ... وهي كمان أكلة بحبها كتير ... وبما أنه ما كان في بجيبتي غير الخمس وراق يلي لقيتهن بجيبة أبي والشطي مطي حقها نص بينما القباقيب حق الواحد ربع ليرة ... قلت لحالي يلا وفر يا ولد ... رحت اشتريت قبقاب وصرت قرقط فيه بسناني ... بنفس الوقت كان سكران هلق يا دوبو وصلان على المدرسة ... عيونو مفنجرين ونسيان يصرح شعراته يلي طالعين متل كوشة المنفوشة ... قام الأستاذ راندوم أستاذ العسكرية صرخ عليه لسكران "ولا سكران ولا حيوان ... فوتة على المدرسة ما في ... بتروح بتجي إيدك بإيد ولي أمرك ... وغير هيك ما في فوتة" ... قام سكران بكل بساطة دار وشه ورجع على البيت ...   بعدين فتت عالباحة وكانوا الطلاب عم ينصفوا مشان تحية العلم ... رحت وقفت بمكاني متل كل يوم ورا زيروكول الغليظ ... وكان بهديك اللحظة فولارو مو مربوط ... قمت من دون ما يحس سحبتو من على رقبته وصرت أدعي يا رب يجي الأستاذ راندوم ويشوفوا مو حاطط فولار ... والله ليشختو ...   بس الأستاذ راندوم ما شافو لزيروكول بس شاف لاتاكيان عم يدخن سيجارة حمرا طويلة ... قام رفعه من أدانيه ... المسكين لاتاكيان صار يبكي وأدانيه صارو كتير حمر ...   "استارح ... طلائع ... استعد ... بعث ... رتلاً ترادف ... ثورة ... إلى العلم سلام خذ"   كان البرنامج هداك اليوم كتير حلو ... أول شي درس الرياضة مع الآنسة أليانا ... بس الآنسة أليانا كانت غايبة ... قامت المديرة كاب نزلتنا على الباحة وعطت الولاد طابة مشان يلعبوا قدم ... وعطت البنات حبلات مشان ينطوطو عليهن أو يلعبوا سلوى يا سلوى ... الولاد كانوا لابسين بيجامات زرقا والبنات كانو لابسين بيجامات حمرا ... بس أنا ما كان عندي حق بيجاما زرقا ... فاضطريت البس بيجاما أختي الكبيرة العتيقة الحمرا ... وصارو الولاد يضحكوا عليي ... وما خلوني ألعب معهن طابة ...   الحصة التانية كانت تربية قومية ... مع الأستاذ فيروس ... بس ما كان حدا بيحبها لهالحصة ... لأنه الأستاذ فيروس كان بيضل يرغي تلت رباع الساعة وما حدا بيفهم عليه شي ... الحصة التالتة كان في عندنا فلسفة ... مع الأستاذ سقراط ... وكنا نشاغب فيها كتير هي الحصة ... لأنه الأستاذ سقراط كانت شخصيته كتير خرائية ... وما حدا ملتكشه ... بعدين الحصة الرابعة كان في عنا حصة تربية دينية مع الآنسة نور الهدى ...   بس بالحصة الخامسة إجت المديرة كاب ونزلتنا على الباحة لأنو في تلقيح للطلاب ضد الكزاز .. سنجوب صار يبكي ما بدو يتلقح ... بس عبد صار يشجعوا لأنه التلقيح بيحميه من الأمراض الخبيثة ... بعدين إجا ستالوارت وصار يلطش الممرضة يلي عم تلقحنا ... قامت زورتو زورة قطعته من نصه ...   فجأة ما بنشوف غير واحد عم يتعربش على حيط المدرسة وعم يحاول يفوت ... ركضنا بدنا نزت عليه حجار بس ما بنلاقيه غير نط على الباحة وطلع الشنتيانة يلي بإيده ... وصرخ علينا "يلي بدو يتحرك بدي شركو ولا ... إغيييي"           نهاية الحلقة الأولى .... يتبع مقسومين .. لك قوم فوت نام وصير حلام    Report

02-01-2006, 11:11 AM souri_ta Joined on 11-20-2005 Posts 991 Re: أحداث مثيرة في حارة سوريا الصغيرة (الحلقة الأولى) شو رايكم نرجع لعن عزرائيل عا باضت النعامة؟؟؟    Report

02-01-2006, 11:12 AM bassel1159 Joined on 11-21-2005 بالشو اسمو Posts 6,782 Re: أحداث مثيرة في حارة سوريا الصغيرة (الحلقة الأولى) dude!!  that is the a huge effort and very funny... bas sho haidi 2ab2ab!!  wlak marhaba tli3it fa3il bi souria أيلة و مريم بيحبو بعضون    Report

02-01-2006, 02:10 PM cap2 Joined on 11-19-2005 Damascus - Syria Posts 2,684 Re: أحداث مثيرة في حارة سوريا الصغيرة (الحلقة الأولى) انو مين واستطي انا لحتى صرت مديرة    Report

02-01-2006, 02:12 PM cap2 Joined on 11-19-2005 Damascus - Syria Posts 2,684 Re: أحداث مثيرة في حارة سوريا الصغيرة (الحلقة الأولى)  souri_ta wrote: شو رايكم نرجع لعن عزرائيل عا باضت النعامة؟؟؟ بزعل منك سوري هلأ هي متل هديك؟؟؟؟؟       Report

02-01-2006, 02:15 PM farid55 Joined on 11-19-2005 SYR Posts 3,855 Re: أحداث مثيرة في حارة سوريا الصغيرة (الحلقة الأولى) ملعوبة وأقراص بعجوة بس ياريت تحطلنا شي مقطع للكبار يعني شوية سئسئة يحرق حريشك مطرح مابيحرقو الحريش    Report

02-01-2006, 11:49 PM LostParadise Joined on 11-20-2005 داخل الصندوق Posts 6,543 Re: أحداث مثيرة في حارة سوريا الصغيرة (الحلقة الأولى) برن المنبه عالساعة ستة و نص.... و متل العادة بفيق شحط من النوم..... يلعن الشغل و ساعتو.... شو كان صار لو ربحت اليانصيب تبع الخمسين مليون.... بس هيك الله بدو يضل معترني بالشغل و التعتير فناجين القهوة و الدولة بالمجلى بدون جلي.... لك تضرب هالعيشة المسخمة تضرب.... بلا ما نتكروت قهوة من عند الصبح دكينا تيابنا عالسريع و نزلنا..... ضربنا مرش السيارة.... بس لا حياة لمن تنادي.... شترينا هالسيارة الداتسون من تلت شهور من ايغل باربعميت الف على اساس نضيفة..... طعمانا كم فيها المنظوم بعد الدفش و المقاتلة مشيت السيارة.... عجئت البلد بتخلي الادرينالين يدفق دفق و توصل عالوظيفة مفتح مخك عالتمام طبعا الاستاذ هللو دائما اول الواصلين.... ما منسترجي نئلو صباح الخير.... لازم السلام عليكم.... و ياريت برد متل الخلق.... لك يضرب هالصباح يضرب وينو سوريتا.... سالتو لهلو.... و ما ادراني.... عله كان البارحة سهران في احد المواخير و لم يستيقظ بعد كعادته.... نفس نمط الاجوبة تبعو.... ضحكت و درت وشي.... ما بدي وجع راسي معو شوي و اذ بفوت سوريتا..... صبح علينا و الضحكة عوشو شبر..... الي حزير شو بدي فطرك اليوم.... التلو ياسيدي كريم و نحن منستاهل...... طلع من شنتايتو علبة جبنة البقرات الثلاث الدنماركية و رغيف خبز تازة..... انا اجتني الضحكة و طلبت شاي عالحارك.... حاكم كنت اتضور جوعا اتطلع سوريتا بهالو والو.... مالحنا حبيب.... رد عليه هالو و الو.... اخرس يا زنديق... لعلك تتسمم و تذهب الى جهنم يا عدو الله..... انفجر هون سوريتا وانبحت على هلو والو.... لك يخرب بيتك شو متخلف.... بتعرف انك انت الزنديق.... امثالك هني يلي خلو الدنماركية يتمسخرو يا دب..... و هيك بلشت الخناقة كالعادة..... انا طبعا بهالاثناء قضيت عالجبنة و الخبزات و الشايات..... و سوريتا الي صحتين..... سدلي نفسي هالو من عند الصبح   صالة أنابيبو للذة الحرام    Report

02-02-2006, 01:05 AM bassel1159 Joined on 11-21-2005 بالشو اسمو Posts 6,782 Re: أحداث مثيرة في حارة سوريا الصغيرة (الحلقة الأولى) mal3obeh lost bas yalla more ya shabab أيلة و مريم بيحبو بعضون    Report

02-02-2006, 01:30 AM sanjoob Joined on 11-19-2005 حوض المتوسط Posts 10,779 Re: أحداث مثيرة في حارة سوريا الصغيرة (الحلقة الأولى) TOP...... i'm loving it ....!!!!!!!!!!!!!!!!!! انابيبو و ارضي عربية    Report

02-03-2006, 09:26 PM Elssia Joined on 11-19-2005 CAN Posts 692 Re: أحداث مثيرة في حارة سوريا الصغيرة (الحلقة الأولى) ليش ملحوش لورا؟ up and five stars on top    Report

02-03-2006, 09:32 PM LostParadise Joined on 11-20-2005 داخل الصندوق Posts 6,543 Re: أحداث مثيرة في حارة سوريا الصغيرة (الحلقة الأولى)  Elssia wrote: ليش ملحوش لورا؟ up and five stars on top how about u post something here??.... I know ur a talented girl.... but why dont u show us some of ur jewelers??   صالة أنابيبو للذة الحرام    Report

02-03-2006, 09:46 PM Mogtareb Joined on 11-22-2005 Posts 798 Re: أحداث مثيرة في حارة سوريا الصغيرة (الحلقة الأولى)  LostParadise wrote:  Elssia wrote: ليش ملحوش لورا؟ up and five stars on top how about u post something here??.... I know ur a talented girl.... but why dont u show us some of ur jewelers??    i did not know Elssia have jewelery shop, and why would showing one worker there proves that she has talent?!    Report

02-03-2006, 09:51 PM LostParadise Joined on 11-20-2005 داخل الصندوق Posts 6,543 Re: أحداث مثيرة في حارة سوريا الصغيرة (الحلقة الأولى)  Mogtareb wrote:  LostParadise wrote:  Elssia wrote: ليش ملحوش لورا؟ up and five stars on top how about u post something here??.... I know ur a talented girl.... but why dont u show us some of ur jewelers??    i did not know Elssia have jewelery shop, and why would showing one worker there proves that she has talent?! well.... am not gona answer u here.... wait and c elssia.... she is about to post one of the best stories that ever written.... wait and c   صالة أنابيبو للذة الحرام    Report

02-03-2006, 10:00 PM Elssia Joined on 11-19-2005 CAN Posts 692 Re: أحداث مثيرة في حارة سوريا الصغيرة (الحلقة الأولى)  Mogtareb wrote:  LostParadise wrote:  Elssia wrote:  i did not know Elssia have jewelery shop, and why would showing one worker there proves that she has talent?! My jewelry shop is based in my mouth, ya3ni I tell derar that’s what Lost meant. Regarding to being talented, wait and SEE      Report

02-03-2006, 10:01 PM Elssia Joined on 11-19-2005 CAN Posts 692 Re: أحداث مثيرة في حارة سوريا الصغيرة (الحلقة الأولى)  LostParadise wrote:  Elssia wrote: how about u post something here??.... I know ur a talented girl.... but why dont u show us some of ur jewelers?? Coming soon.............    Report

02-03-2006, 10:06 PM ZEROCOOL Joined on 11-20-2005 Rami & Lana Posts 4,754 Re: أحداث مثيرة في حارة سوريا الصغيرة (الحلقة الأولى) 16 من 16 بموضع التعبير بلا ولا شي ثابر الى الامام ممتاز يا بطل احسنت يا نشيط برافو يا بطل Rami بيك - Lana خانوم    Report

02-03-2006, 10:22 PM LostParadise Joined on 11-20-2005 داخل الصندوق Posts 6,543 Re: أحداث مثيرة في حارة سوريا الصغيرة (مسلسل جديد) دخل اول مراجع الساعة تسعة.... اتطلعت في انا بطرف عيني و الت بقلبي اجت الرزءة.... حاكم ما بنسترجي نحكي هيك ادام سوريتا.... بيعملي درس بالوطنية و الاخلاق.... و هالو.... هي هئ.... و الله بيشختني عالبلوعة و الله من كتر مانو اعمى قلب هالمراجع.... ما راح غير لعند سوريتا.... طبعا متل العادة.... بيشلف الاضبارة بوشو و بقلو.... لك شو ما بتفهمو انتو.... يعني فوء مو بيتك مخالف.... كمان بدك تطلع بطابق تاني.... لك سارق المي و الكهربا.... و لسا بدك طابق تاني المراجع اتطلع بسوريتا و الو.... طول بالك علينا استاذ.... بدنا نجوز هالصبي الله يرضى عليك.... والله نطف الب امو لحتى نجوزو..... بعدين ارب من سوريتا و مدري شو وت وتلو.... هون نط سوريتا من اربعتو و الو بدك ترشيني.... عرس شو يلي الي ارص فيه يا متخلف.... يا انبطاحي.... انئلع من وشي ولا.... انئلع احسن ما اعملك قضية شرشحك باخر عمرك.... تفه عليك بس طبعا هالو صار يردد عبارتو الشهيرة.... الا شاهت الوجوه و ما ارغم الله الا المعاطس.... انقلع يا جمعوص.... ما شبهتك الا بالجلبي يا اكل الجيف و انا ما حلوة ضلني ساكت.... فقلت.... يا عيب الشوم عليك و على امثالك يلي عم يخربو البلد.... و درت وشي و عملت حالي رايح وقع شي اضبارة من عند رئيس البلدية طبعا طلعت و لطيتلو للزلمة باخر الكوريدور.... شوي و اذا بشوفو جاية صوبي.... مدري ليش اجتني الضحكة لما سمعتو عم يكفر و عم يسب عالدولة و فسادا اي روء عمي.... الاستاذ سوريتا هيك دائما عصبي.... شو بدك فيه.... خلص انا رح ساعدك.... تكرم عينك انت و العريس و العرس و القرص يعني حاكينا وروئنا للزلمة و استنفعنا بتلاتين الف ورئة من عند الصبح.... طبعا لو ما بحت عليه سوريتا ما كنت اقدرت احلبو هالحلابة لهالمواطن.... بالعادة بطلب عشرين لاني.... ايه.... قال انبطاحي قال.... خلي المبادئ اتطعمي خبز   صالة أنابيبو للذة الحرام    Report

02-03-2006, 10:27 PM LostParadise Joined on 11-20-2005 داخل الصندوق Posts 6,543 Re: أحداث مثيرة في حارة سوريا الصغيرة (الحلقة الأولى)  Elssia wrote:  LostParadise wrote:  Elssia wrote: how about u post something here??.... I know ur a talented girl.... but why dont u show us some of ur jewelers?? Coming soon............. el competition is so high here.... ma elek masl7a..... ens7be   صالة أنابيبو للذة الحرام    Report

02-03-2006, 10:33 PM Elssia Joined on 11-19-2005 CAN Posts 692 Re: أحداث مثيرة في حارة سوريا الصغيرة (الحلقة الأولى)  LostParadise wrote:  Elssia wrote:  LostParadise wrote:  Elssia wrote: how about u post something here??.... I know ur a talented girl.... but why dont u show us some of ur jewelers?? Coming soon............. el competition is so high here.... ma elek masl7a..... ens7be مرتشي و الك عين تحكي؟   بكرة بتشوف السيا و حسا الادبي، بس يصرلي شي ربع ساعة زمان فراغ و شوف الابداع    Report

02-04-2006, 04:47 AM sanjoob Joined on 11-19-2005 حوض المتوسط Posts 10,779 Re: أحداث مثيرة في حارة سوريا الصغيرة (الحلقة الأولى) i donno what to say lost...i was not reading it...i was watching it if u know what i mean...what great stuff!!! انابيبو و ارضي عربية    Report

02-04-2006, 05:51 AM blawlashi Joined on 11-20-2005 Posts 11,815 Re: أحداث مثيرة في حارة سوريا الصغيرة (الحلقة الأولى) بصراحة وبدون مجاملة طلعت قصة لوست أحلى من قصتي ... بس أنا مع هيك رح كمل المسلسل ..   بس بالأول دعنا نرى ماذا سيتأتى على لسان الأخت إلسيا! مقسومين .. لك قوم فوت نام وصير حلام    Report

02-04-2006, 07:37 AM sanjoob Joined on 11-19-2005 حوض المتوسط Posts 10,779 Re: أحداث مثيرة في حارة سوريا الصغيرة (الحلقة الأولى) اليوم الصبح كان عندي محاضرتين عبكير من التمانة للطنعش و انا مبارح بالليل طفيت موبايلي على قد ما هالغلاظ زعبوط و لوست بردايس يعملولي ميسكولات و ما افهم عليهم.. (عرفت لما فتحت الموبايل الصبح انو كانو سهرانين بقاسيون لانو تكرمو و بعتو مسج...ايه شو انا بقرا بالفنجان انو اذا عملولي ميس كول وين بيكونو سهرانين؟)  الحاصل..باعتبار طافي الموبايل ما فقت عالوقت..بس ربكون ستر امي حست انو ما فقت اجت فيقتني من اربعتي و خصوصي انو اول محاضرة عملي واستاذها كتير غليظ و قابضها زيادة عن الزوم...اسمو ايغل..المهم .. كانت الساعة شي 7 و نص ولا عاد في مجال احلق -  قول الحمدلله مو متعود افطر..شربت كاسة هالحليب و ركد عالدرج. .تفشكلت بالولاد يلي رايحين عالمدرسة  متل العادة ابن ام كريزي لاحق هادا الطحبوش بلا ولا شي بدو يخلصو شنتايتو. . و انا طالع من الحارة بتصبح بخلقة هللو لابس طقمو السافاري و طاقيتو البيضا و شحاطة بلاستيك و رايح ع شغلو ... - صباح الخير عمو.. - استغفر الله العظيم على هالجيل .. و عليكوم السلام!! رد بجفاصة.. ما اخدت و عطيت كتير...تكسيييييي.. - يعطيك العافية. - الله يعافيك عيوني لوين مشوارك؟ -هون عالبرامكة بالله - على خير... (بيركب اول و بيمشي) - هو ....حلوة شمسة عبوكرة يا عمي احسن من عجقة الضهر: .. صمت 3 ثواني هو ....: بعدين يا اخي بتشوف هالطالبات شي بيفتح النفس مهيك استاذ انا  (ابتسامة مني مع صمت) هو ....: شفت شو عملو فينا استاذ..هيك فجأة لا احم و  لا دستور رفعو البانزين ..الله وكيلك من قبل ما يرفعو البانزين ما كانت عم توفي معنا..مالي عرفان كيف بدي دبر لقمة هالولاد.. ( سيدي الله يرزقك و يرزقنا الغلا عالكل : جاوبتو)  ... وصلنا عاشارة السبع بحرات هو ....:- لاء استاذ و كل شي غلي ..و هالعالم معد شبعت ايه عشو بدنا لحق لنلحق الله وكيلك عم يقلي أعلي هج من هالبلد و سافر... (انا صمت مطبق-فتحت الاشارة) هو ....:- عندي اخي بالمانيا معو جنسية و داكتور و بيحكي الماني شايفلك مالي غير اخود هالمرة و الولاد و نهجر لعندو.. (بس يمكن الفيزا صعبة شوي..) هو ....:-هي صعبة والله بس انا منشان ما شنطط هالاطفيل حرام هون بالمدرسة  (وصلنا عاشارة العابد) هو ....: و الا لو ما عندي عيلة كنت طلعت شتغلت مع اخي الداكتور... (ليش حضرتك كمان دكتور؟؟) هو ....:- لا يا استاذ يحرء حريشك هاد منظر دكتور هاد؟؟ ( قلت بقلبي لا والله..بس قلتلو عسلامتك حبيب بس شو بدك تشتغل مع اخوك الدكتور بالمانيا - فتحت اشارة العابد) هو ....:- هاد يا سيدي اخي شريك بمطعم كتير كبير و معروف اسمو تاك ويه ... (آه عندو مطعم تيك اويه؟؟) هو ....:- شو استاذ من وين بتعرف الاسم شو كاين بالمانيا؟؟ (شو بدي قللو هاد....لاوالله بس سمعان فيه باينتو كتير مشهور) ..وصلنا عاشارة الحمرا.. هو ....:- شايف يا استاذ هالوضع بالبلد ...والله هالهجمة ما بتطمن بنوب و حسب ما اخي الدكتور قال لما حكى من المانيا انو البلد ما عم تمشي صح انت شو شايف .. - انا هن نقزني قلبي..:  .والله هو نشالله ما بيصير علينا شي و القيادة عنا حكيمة و هالهجمة كلا من اسرائيل و اعوانا.. هو ....:- معك حق استاذ بس كمان كأنو البلد هون شوي عم تتعقد الامور يعني لا تأخذني بهالكلمة اخي الدكتور قبل كم يوم قال انو صورتنا بالاعلام الغربي كتير منزوعة و خصوصي بعد اخبار مظاهرات الدنمارك..و بيني وبينك اخي عندو علاقات بالدنمارك و خايف على صورة السوريين بالخارج...انت شو رأيك معقول تتأثر الصورة يعني انتو بلجامعات ادرى منا بهيك امور شو عم تحكو بين بعض..شلون شايفلي الاوضاع؟؟ - ماشي الحال والله الكل مقتنع انوبالنهاية نحن ماشين بالطريق الصح و نشالله الاصلاح شغال (وصلنا ع اشارة دار السلام) هو ....:- ايه والله يا استاذ مبارح سمعتلك انو بدون يجتثو الفساد و قلعو رئيسن بلدية سرسرية بحماة و الامور على تحسن ...الحمدله بلشا نخلص من الخونة متل خدام و امثالو الله وكيلك استاذ كان ناهب البلد هو و ولادو الله لايردو مظبوط حكيي استاذ؟؟ - والله معك حق..صمت... هو ....:- بالمناسبة استاذ (شارة اول الجسر) سمعتلي صوت شهد برمدا ما احلاه تحفة هالبنت والله..و بتستاهل يا اخي .. - ابتسامة لا تعليق.. هو ....:- يعني بصراحة استاذ انا ما بروق غير لما شوف علمنا بنص المسرح يا اخي بينفش قلبي.. (مشيت الاشارة) هو ....:- و سمعتلك يا ستاذ انو في ناس كتير عم تصوتلا شي بخمسين و شي بمية و شي بميتين ليرة..بس سبحان الله نفسون هالناس بيدققو معنا نحن الشوفيرية المعترين عالعشر وراق تصور يا زلمة العالم معد استحت ... - ايه هون عاليمين الله يخليك.. هو ....:- يعني اشتهيت شي مرة زبون يكارمني اخود كيلو موز لهلولاد - هون هون الله يخليك عاليمين. هو ....:- تكرم استاذ يا ريت كل الزباين بزوقك - قديه طلع علينا معلم هو ....:- خلص خللي علينا استاذ ولو.. - لا خلص تفضل.. هو ....:- يسلمو ايديك حبيبنا نشالله معوضين..   هو ....:بالله ما تعرفنا عالاسم الكريم - سنجوب هو ....:- عاشت الاسامي سنجوب بيك محسوبك فيروس انابيبو و ارضي عربية    Report

02-04-2006, 07:44 AM blawlashi Joined on 11-20-2005 Posts 11,815 Re: أحداث مثيرة في حارة سوريا الصغيرة (الحلقة الأولى) هلق طلع فيروس أخوه لسقراط!!!   أما هو عم يحكي عن دكتور تاني بألمانيا؟!   وبعدين ما بتخششو لعما شو كحتوت مقسومين .. لك قوم فوت نام وصير حلام    Report

02-04-2006, 07:46 AM sanjoob Joined on 11-19-2005 حوض المتوسط Posts 10,779 Re: أحداث مثيرة في حارة سوريا الصغيرة (الحلقة الأولى) شو بيعرفني اذا اخوه انا ما صدقت ع الله نزلت من التكسي انابيبو و ارضي عربية    Report

Page 1 of 76 (1,899 items) 1 2 3 4 5 > ... Last »

Souriaty Club » غرف المناقشة با... » غرفة سوريا الاج... » Re: سوريات

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة