Search Sort Posts:  Oldest to newest Newest to oldest

05-05-2006, 05:05 AM za3boot Joined on 11-20-2005 Posts 8,459 سوريون في مطبخ الغربة رح اجمع الوصفات يلي انا و غيري عم نقدملكون ياها من مطابخ الغربة..... متل ما شفتو....عم نحاول نطبخ و نخترع معتبرين انو نحنا من مثل الطبقة المنتوفة بالغربة.....يعني طلاب بشكل عام........ يا ريت اذا حدا حب يشارك ما يبخل علينا.....بس المهم...يكون في صورة للطبخة....يعني تخيلو كتاب الشيف رمزي بدون صور.....و كون وصفاتو مستحيلة التحضير...ساعتها ما رح يصفي اي استخدام الو غير لف صاندويش الفلافل... بحب اكد...انو اهم شي بالطبخ....هو النظافة.....بتمنى من الجميع يغسلو ايديهون قبل ما يفوتو لهون.... رج ارجع حط الوصفات القديمة بهل الموضوع و نخصص هادا الموضوع بشكل دائم.....        Report

05-05-2006, 05:07 AM za3boot Joined on 11-20-2005 Posts 8,459 Re: سوريون في مطبخ الغربة رح بلش بشي حلو هالمرة..... كيف تحضر الكريم ويب بدون توافر اي اتصال بالويب.....و بالنهاية رح نساوي فريز مع الكريم ويب..... المكونات: بعر غنم او بقر حسب الرغبة حليب تراب حوض بلاستيك فاضي بذر فريز مي خلاط فانيلا سكينة براد سكر طريقة التحضير: بتحضو التراب بالحوض و بترشو بذور الفريز و بتسكبو شوي مي و بتحطو البعر على الوش...... بعد فترة (من اسبوع لشهر) بتبلش تنمو سجرة فريز...و بعد فترة..بيبلش يطلع عندكون ثمار الفريز..... بتقطفو شوية فريز و بتغسلوه و بتحطوه بالبراد..... من هون ليبرد....و من شان تستغلو الوقت...خلونا نبلش بالكريم ويب....بتحطو كاستين حليب و نفس الكمية من المي مع بعض و حطوهون ليبردو بالبراد....وبعدين بتضيفو الفانيلا عليهون و بتحطوهون بالخلاط على دوران متوسط السرعة....و بتبلشو تضيفو السكر اثناء الدوران...و بعدين بتزيدو السرعة تدريجيا...... بتطلعو الفريز من البراد....و بتقطعوه.....و بترجعو الكمية الزايدة على السجرة..... بتحطوهون بجاط و بتحطو فوقهون الكريم ويب.....و بتصير جاهزة للتقديم.... هلأ اغلب الظن....ما رح يكون عندكون خلق لكل هالشي...ففيكون تشترو الفريز مغسول و جاهز....و حتى الكريم...روحو على اي سوبرماركت و قلولهون يعطوكون البخاخ يلي بيطلع فوم ابيض.....انا هيك عملت.....و بالنتيجة طلع معي الطبق التالي....   صحة و هنا    Report

05-05-2006, 05:14 AM za3boot Joined on 11-20-2005 Posts 8,459 Re: سوريون في مطبخ الغربة http://souria.com/club/forums/655252/ShowPost.aspx    za3boot wrote: مرحبا اعزائي القراء..... انا من هواياتي الطبخ....بس لما كنت بالشام...كنت شاطر باللزانيا و انواع الباستا و الستيكات و الشرحات و كم اكلة صينية..... دارت الايام.....و هلأ هون محل مالي قاعد....عفن قلبي من هالاكلات....... المهم و مالكون بطول سيرة...... انا من عشاق اللبنة..... و اللبنة شكلها اكلة عربية لانو ما لقيتها هون....مدري ما كان الي مروة دور على شي محل لبناني او عربي و اشتريها..... الايام تمر....و كل يوم يزداد شوقي و حنيني لصحن اللبنة.....بالشام...كنا ناخد هالاكلات على المضمون.....شي لبنة هنا...شي لبنة السعودية...شي مدري شو...... اليوم و بعد تفكير شديد...قررت اصنع اللبنة....بأيدي..... و اليكم الطريقة: المكونات و المواد اللازمة: - بقرة - سطل - علبة لبن عادي - مصفاية - جاط - محارم مطبخ - ملح - نعنع - زيت - شمعة - علبة محارم كلينكس لون زهري طريقة التحضير: بتحلبو البقرة.....و طبعا السطل منشان تحلبو البقرة فيه.....بيطلع عنا سطل حليب بقري طازة....هلأ هون....انا ما بعرف شلون بيحولو الحليب للبن....منشان هيك...شيلو السطل و الحليبات على جنب و استعملو علبة اللبن العادي يلي فيكون تلاقوها بأي سوبرماركت. بتحطو المصفاية بالجاط و بتحطو على المصفاية طبقتين من محارم المطبخ (يكون نوع اكسترا سميك).... بعدين بتدلقو علبة اللبن....و بتتركوها تصفي شغلة 24 ساعة او حتى اقل...حسب اللبن.... لازم هيك يكون شكل المطبخ...لحتى تعرفو انكن ماشيين صح و انو الوصفة و العيارات صح:   بعد ما يشرو الميات و ينشف اللبن...بتلاقو انو صار في عنكون لبنة.... بتحطو اللبنة بالصحن و بتضيفو ملح على قد الرغبة....و بعدين شوية نعنع و زيت.... اذا مشيتو على هل الطريقة خطوة خطوة.....بتحصلو على الاتي: المقادير بتكفي لخمسة اشخاص...اربعة منهون ما بيحبو اللبنة. صحتين و هنا.... الى اللقاء مع طريقة تحضير المكدوس......      Report

05-05-2006, 05:17 AM za3boot Joined on 11-20-2005 Posts 8,459 Re: سوريون في مطبخ الغربة  sanjoob wrote: طبق اليوم كتير سهل اسمو تشيبسنشييز.... ما بيحتاج اي تحضير بالبيت يعني بتشتريه من التيك اويه...بس عادة التيك اويه ما بيعرضوه كمنتج قائم بحد ذاتو لذلك انت بدك تقلون كيف يعملوه.... 1- طلوب لارج بورشين اوف تشيبس )باميركا الله العليم اسما فرايز.... هالبورشين ما يضحكو عليك و يلفولك ياها بكيس ورق....لآلآلآلآلآلآلآلآلآ بتخليهون يفرشوها بالصحن يلي عادة بيقدمو فيه وجبة البيرغر....هاد الصحن الكرتون المطاول يلي قلو غطا 2- هلأ و ابل اي شي بتخليهون يضيفو الفنيغر )خل( بعدين سولت )ملح( مو ملح اول لانو الخل بينزلو لتحت...لذلك الخل اول.... 3- هلأ بتخليهون يضيفولك فوق غطاء كثيف من جبنة البيزا...... 4- تغلق العلبة لمدة دقيقتين....لتسيخ الجبنة بحرارة البطاطا...... أييييييييييييييييياك سم ايييياك انك تقبل يحطولك ياها بالميكروويف لتدوب الجبنة لانو الماكرو بيدبل البطاطا و بدل ما تكون عم تقرمش بتصير متا ال النايم.... 5- تفتح العلبة فيصبح الغطاء كصحن اضافي يدمج فيه الكتشب و المايونيز و سحطين و عافية    Report

05-05-2006, 05:20 AM za3boot Joined on 11-20-2005 Posts 8,459 Re: سوريون في مطبخ الغربة http://souria.com/club/forums/661564/ShowPost.aspx  za3boot wrote: مرحبا..... بيصير انو احيانا بيجي على بالكون تاكلو بيض مسلوق....بس بتطلعو على الساعة بتلاقو انو كل محلات البيض الجاهز مسكرة لانو الدنية بعض نص ليل؟ هل تعيشون في بلد فقير حيث لا يتوفر لا غاز و لا بوتغاز و لا اي فرن كهربا لانها تعتبر من الرفاهيات....و حتى لو كان في.... مافيكون تستعملو اي نوع من الحرارة بالغرفة لانو ممنوع الطبخ بالغرفة و اذا فكرتو..زمور الحريق بيشلق الدبب؟ اليوم رح نقدملكون طريقة بسيطة لسلق البيض بدون نار..... العدة و المتطلبات: 1- جاجة 2- ديك 3- بيضتين 4- زبدية 5 ماء 6- ملح 7- فلفل 8- شوكة 9- مايكروويف   طريقة التحضير: (لسن فوق 18 سنة) بتحطو الجاجة على التخت و بتفوتو الديك لعندها..عطوهون شوية وقت...و بعدين...  بتستنو الجاجة لتبيض.....اذا ما باضت و طلع الديك فافوشي....... شيلوهون على جنب و استعملو صفط البيضتين تبعاتكون...يلي ذكرناهون بالمقادير سابقا....بتاخدو المي و بتحطوه بالزبدية.....و بتحطو ملح كتير..... بعدين...بتحطو الزبدية بالمايكروويف.... و بعد 3 دقائق لتصير تغلي المي.....بتفقسو البيضة الاولى بالمي......استنو نص دقيقة.....بيصير عندكون الاتي: بعدين بتاخدو الزبدية مرة تانية و بتحطوها بالمايكروويف مرة تانية بتحطوها تلت او خمس دقايق حسب اديش بدكون البيضة تكون مسلوقة..بتطلعو الزبدية و بتجيبو الشوكة و بتغزوها بالبيضة و بتملصو البيضة و بتحطوها بالصحن ......و النتيجة:   و صحتين و هنا......الكمية بتكفي لتلت اشخاص.....   هلأ.....انا بعرف انو في مناطق و بلدان افقر  الاوضاع فيها اصعب و صعب انو حتى يلتقى فيها شوية مياه نضيفة..... فأذا كنت انت من هل الناس.....فرح اعطيكون طريقة تسلقو فيها البيضة بدون نار و بدون مي..... بتنزلو على اقرب سوبرماركت....و بتشتري شي اسمو "مايكروويف ايغ كوكر" او بالانكليزي Microwave Egg Cooker بتحطو شوية ملح بسفل القالب....و بتفقسو البيضة التانية و بعدين بالشوكة بتبخشو الصفار 3 مرات.....و بتحطو القالب بالمايكروويف لمدة خمسين سانية..... و النتيجة بيضة مسلوقة الكمية تكفي لاربع اشخاص اذا كل واحد منهون جاب بيضتين.....   ترقبو المرة الجاية لطريقة تحضير البامية....بدون ما نستعمل بامية......    Report

05-05-2006, 05:21 AM za3boot Joined on 11-20-2005 Posts 8,459 Re: سوريون في مطبخ الغربة http://souria.com/club/forums/702186/ShowPost.aspx  za3boot wrote: اخواني......اخواتي..... هل تشعرون بالملل كلما تناولتم قطعة من الدجاج و انتم في الغربة؟ هل تشعرون بالشوق و الحنين للوطن؟ هل سئمتم من ان يملي عليكم البعض ما يجب تناوله مع الجاج المقلي بدون مراعاة شعوركم كمغتربين؟ هل مللتم من الغريفي تبع البندورة و اللااعرف ماذا (المدري شو بالعامي) التي تلصق بكل وجبة جاج مقلي؟ هل تعتصر عيونكم بالدموع حنينا لبروستد الوجبة السريعة بالشعلان....او الطير بكفرسوسة او الباشا بالجسر الابيض او البلدي بالمزة؟   اخي الفلاح..... اليوم رح نتعلم طريقة تحضير علبة التوم يلي ما بيصح البروستد بلاها.....و كنتيجة...رح نحضر وجبة بروستد سورية.... المكونات:   علبة لبن توم علبة مايونيز علبة كريم التوم اربع قطع جاج مقلية من عند كنتاكي لتر مازوت   طريقة التحضير.... بتحطي التوم بالخلاط و بتحطو معو ملح و بتلعنو نفسو ليصير متل الكريم......غالبا رح تكون مشحوطين بالغربة و مو لاقيين تاكلو...فما رح يكون عندكون خلاط....منشان هيك كبو التوم...و استعملو كريم التوم الجاهز يلي بتلاقيه بأي بقالية....فضو اللبنات من علبة اللبن....لانو اللبن ما بيلزم....بس رح نستعمل العلبة لانو رح نفرض انو ما عندكون علبة بلاستيك محكمة الاغلاق.....بتحطو ست معالق كريم التوم.....و معلقتين مايونيز بعلبة اللبن يلي ما فيها لبن......بتحركوهون منيح.....متل كأنكون عم تخفقو البيضات..... بعد 3 دقايق....بيصير معكون كريم التوم يلي بتحصلو عليه من عند معظم محلات البروستد بالشام و بأدلب......بتشيلو قطع الجاج من علبة الكنتاكي و بتكبو العلبة منشان تتخلصو من التاثير السايكوبيولوجي لماركة كنتاكي....بتجيبو صحن عادي...بتحطو قطعتين جاج.....و بيطلع معكون وجبة بروستد سورية بأمتياز...بتحطو المازوطات ادامكون على الارض و بتتمتعو بالوجبة السورية يلي رح تنسيكون الغربة و رح تحسو حالكون بالشام..و خصوصي مع ريحة المازوت يلي رح تعبق بأنوفكون....   هي صورة الطبخة تبع اليوم.....حطيت علبة الغريفي تبع البندورة منشان يلي ما بيحبو كريم التوم..... setImgWidth();    و صحتين و هنا...    Report

05-05-2006, 05:25 AM za3boot Joined on 11-20-2005 Posts 8,459 Re: سوريون في مطبخ الغربة  LostParadise wrote: اعزائي عزيزاتي الان مع طبق الملوخية بالجاج.... و هو طبق معروف باوساط الطبيخة.... بس مو متل هاد الطبق ابدا المكونات.... كيس مكتوب عليه بالعربي الملوخية الطازجة.... سالتو للبياع الحمار لما اشتريتا اذا كانت ورق ولا ناعمة... الي ورق.... بس طلعت ناعمة اربع خمس حبات توم جاجة مهرمنة ليوم الهرمنة باقة كزبرة طريقة التحضير.... الصراحة نسيت.... بس بتذكر اني سلقت الجاجة ربع سلقة ثم قطعتا و اضفت ماء و سلقتا ثم اضفتا عالملوخية مع باقي المكونات و تركتون يغلو ثم عملت كمية رز طلعت هائلة.... ما بعرف ليش مع اني حطيت بس كاستين و بالنتيجة طلع الطبق التالي.... رفيقي يلي عزمتو الي طيبة   و انا بدي ماما      Report

05-05-2006, 09:31 AM toulin Joined on 11-24-2005 Posts 2,856 Re: سوريون في مطبخ الغربة بما انو اليوم ما عندي دوام لانو بنتي عندا موعد مشان المدرسة فقررت ساويلون قطايف عصافيري واذا بتحبو هي المكونات 500 غرام طحين ظرف باكينغ باودر معلقة سكر مدوبنا ب750 مل مي رشة ملح علبة ماسكربونة مي وسكر وعصرة ليمونة مشان القطربس ماتكرو السكر لانو بعدين بصيييييييييييييييييييير   كراميل الطريقة بتحطو الطحين مع المي الي دوبتو فيها السكر والمي لازم تكون فاترة مو سخنة ولا باردة ورشة الملح وظرف الباكينغ باودر وبتخلطوهون بالخلاط لحتى يصير القوام متجانس كيف يعني؟؟؟ يعني لا سائل كتير ولا متل عجينة الكاتو بهل الوقت هاد بتكونو حطيتو المقلايه على النار الي عندو كهربا عرقم تلاتا والغاز مابعرف بس لازم يكون مو كتير عالية النار بس تحمر الدويرة الي بنص المقلاية هاد اذا كانت المقلاية تيفال بتمسكو معلقة الاكل وبتصيرو تسكبو واحدة واحدة ولازم يكونو بعاد عن بعض يعني المقلاية الصغيرة بتوسع 3 قطايفات والكبيرة بتوسع 5 بس يصير في فقاعات على وش القطايفاية بتقيموها وبتحطوها على بشكير نضيف وهكذا حتى تخلص العجينة بتمسكو القطايفاية بجكر مبالغ فيه وبتسكروها لنصا وبتحطو عليها الماسكربونة وبتصفوهون بالصحن وبتكتو القطر الي عندو فستق حلبي من الشام بيرش عليهون والي ما عندو في بالسوبرماركت كياس فستق اخضر بس ال 150 غرام حقون قريب ال 3 يورو يعني الفستق فزلكة مالو طعمة   وصحتين وهنا   بس ساويها بحطلكون الصورة   toulin محشوة بحبك...كوسادة    Report

05-05-2006, 03:40 PM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: سوريون في مطبخ الغربة لك انشالله بتطلع عأبري تشرب عرق أو متة أو سحلب الك حرية الاختيار  قريبا رح حطلك أكلة صميدعية خليك تنسى الغربة انتظروا  المقلوبة جد جد جد جد جديد جديد جديد مقلوبة باذنجان إن لم تستح فافعل ما تشاء    Report

05-05-2006, 04:28 PM NDL Joined on 11-19-2005 out of reach Posts 4,166 Re: سوريون في مطبخ الغربة لك مشان الله حدا يحطلنا طريقة الحرا باصبعو    Report

05-05-2006, 07:19 PM AlMzanber Joined on 03-29-2006 المزنبر .. عين رامشة Posts 14,344 Re: سوريون في مطبخ الغربة والله يا زعبوط انت مالك تمام يعني عمال فيها شيف و واكلات وصور وبتركز دائما على سفاسف الامور وسالناك اكتر من مرة وحضرتك ولا هون وعم احكي جد مو مزح .. انا لا افقه بالطبخ شيئا بس يا اخي بحب اعمل المكرونة لأنو قالولي انها سهلة بس عم تطلع معجنةةةةةةةةةةةةةةةةة يعني بتطلع فايتة ببعضها ومخبصة لدرجة انو فيني قطعها بالسكين او اكلها بالخبز تغميس يعني فشو الحل افيدونا افادكم الله؟؟؟ بتمنى ما تهملو رسائلنا متل القنوات الاخرى وياحبذا لو نفوت بالسحب الله حيوووووووووووووووو في الغابة قانون يسري في كل مكان    Report

05-05-2006, 07:34 PM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: سوريون في مطبخ الغربة  AlMzanber wrote: والله يا زعبوط انت مالك تمام يعني عمال فيها شيف و واكلات وصور وبتركز دائما على سفاسف الامور وسالناك اكتر من مرة وحضرتك ولا هون وعم احكي جد مو مزح .. انا لا افقه بالطبخ شيئا بس يا اخي بحب اعمل المكرونة لأنو قالولي انها سهلة بس عم تطلع معجنةةةةةةةةةةةةةةةةة يعني بتطلع فايتة ببعضها ومخبصة لدرجة انو فيني قطعها بالسكين او اكلها بالخبز تغميس يعني فشو الحل افيدونا افادكم الله؟؟؟ بتمنى ما تهملو رسائلنا متل القنوات الاخرى وياحبذا لو نفوت بالسحب الله حيوووووووووووووووو   كل ما في الأمر أنو لازم وقت تحط المعكرونة بالطنجرة مشان تسلقا تحط 3 ملاعق زيت نباتي أونا او مازولا مو زيت زيتون  و ملعقة صغيرة ملح بالماي و تتركها تنسلق طبعا كل نوع معكرونة الو وقت معين بس الدواق ممكن يحل المشكلة  كل شوي دوقها بس تحسها استوت شيلا عن النار و جهز مصفاية مشان تصفيها من الماي اسكبون بالمصفاية و فتاح عليهن الماي الباردة لحتى يبردو عالآخر اذا ما دخلت الماي الباردة عكل المعكرونات بتعجن ومشان ما يلزقوا ببعض و يعجنو حط عليهن كمان زيت نباتي بحيث يجي عليهن ولو طرطوشة 3 ملاعق كمان إن لم تستح فافعل ما تشاء    Report

05-05-2006, 07:38 PM toulin Joined on 11-24-2005 Posts 2,856 Re: سوريون في مطبخ الغربة  NDL wrote: لك مشان الله حدا يحطلنا طريقة الحرا باصبعو عزيزي نضال وهي طريقة الحراق اصبعو الكمية بتكفي شي 3 زلمايات كاسة عدس اسود وبصلتين وشي 3 سنان توم دبس رمان عجين على شكل مربعات وفيك تحط بدالو معكرونة الي بيجي موديلا متل الفراشة ملح ورشة بهار ورشة كمون كزبرة خضرا وخبز مقطع ومقلي للوش   فزلكة يعني بتدق التوم وبتقليه بزيت الزيتون وبعدين البصل الي بتكون قطعتو جناحات وبعدين بتحط العدسات مع مي طبعا بتكون غاسل العدس منيح فوق البصل والتوم وبتتركون ليغلو بس يغلو بتحط الملح والبهار ورشة الكمون وبتنزل العجين او المعكرونة وبتوطي النار وبتتركون لينسلقو منيح وبتغطيهون وكل ما شفت انو المي قلت بتزيدا لحتى العدس ينسلق وقبل شي 10 دقايق بتحط دبس الرمان وما تكتر كتير لانو بيغمق الاكلة  واذا بدك ياها حامضة اكتر حط عصير ليمونة وتركون شوي عالنار لوقتا بتقلي توم مع كزبرة خضرا بزيت زيتون بتسكب العدس وبتزينو بالتوم والكزبرة والخبز المقلي   تؤكل باردة او ساخنة وصحتين وهنا   toulin   محشوة بحبك...كوسادة    Report

05-05-2006, 07:46 PM bassel1159 Joined on 11-21-2005 بالشو اسمو Posts 6,765 Re: سوريون في مطبخ الغربة ana mama btitbikhli أيلة و مريم بيحبو بعضون    Report

05-05-2006, 08:04 PM AlMzanber Joined on 03-29-2006 المزنبر .. عين رامشة Posts 14,344 Re: سوريون في مطبخ الغربة جد يا جماعة الخير وجد عم احكي للمرة الالف حطولنا شي طبخة سهلة يعني تكون ما بدها كيمياء والاهم انو تكون موادها الاولية سهلة المنال يعني موضروري تكون معقدة او غير متوافرة بالاسواق العادية امانة الله شي طبخة سهلة شنو عفن قلبي من الحواضرررررررررررر والله عفن قلبي من الحواضرررررررررر اللي ما سمع يسمع عفن قلبي من الحواضررررررررررر والحاضر يعلم الغايب عفن قلبي من الحواضرررررررررر يعني مو صفيان غير حطلكون اياها بتوقيعي لتعرفو ؟؟ الله حيوووووووووو من قلب محروق في الغابة قانون يسري في كل مكان    Report

05-06-2006, 03:06 AM sanjoob Joined on 11-19-2005 حوض المتوسط Posts 10,776 Re: سوريون في مطبخ الغربة  AlMzanber wrote: بس يا اخي بحب اعمل المكرونة لأنو قالولي انها سهلة بس عم تطلع معجنةةةةةةةةةةةةةةةةة لما تسلقا ضيف ربع قالب زبدة ع المي المغلية و كتر ملح يا زكي انابيبو و ارضي عربية    Report

05-06-2006, 05:02 AM za3boot Joined on 11-20-2005 Posts 8,459 Re: سوريون في مطبخ الغربة  silva_silva wrote: لك انشالله بتطلع عأبري تشرب عرق أو متة أو سحلب الك حرية الاختيار هلأ نشالله بعيد الشر عن قلبك......بس يعني اذا و لا بد...شاي اذا مافيها سئلة....   بخصوص المقلوبة....ابحبها.....بس شكرا ذو...    Report

05-06-2006, 10:43 AM sanjoob Joined on 11-19-2005 حوض المتوسط Posts 10,776 Re: سوريون في مطبخ الغربة طبخة اليوم...تقدمة الرازي للثريات و الخزفيات.. اهداء خص نص للمزنبر في مجاهل اوروبا او وين ما كان (لانو بصراحة ما وشو وش اوروبا...يعني ان فلقت حالا ممكن يطلع بكندا...قليلة شو لامة مساطر؟).....الحاصلو...   الطبخة مالا صور لانو ما رح بغضر اعملها لانو ما عندي ن عدة الطبخ شي و نشالله بعدم زعبوط و بلاولاشي بيوم واحد اذا عندي معلقة بالبيت...ذاتا انا ما بطبخ ولا دخلت مطبخ من سنتين..و اصلا الحق علي يلي كترت غلبة و حبيت ساعدكون...بس بسيطة انا عملت باصلي..... بس انتو طلعتو اشباه الرجال...و يا حيف عالعشرة ..سلام انابيبو و ارضي عربية    Report

05-06-2006, 10:46 AM blawlashi Joined on 11-20-2005 Posts 11,634 Re: سوريون في مطبخ الغربة  sanjoob wrote: لما تسلقا ضيف ربع قالب زبدة ع المي المغلية و كتر ملح يا زكي   لعما شو مفتري .. ربع قالب زبدة ؟؟   لأ يا ابني حطلها نقطتين زيت زيتون بيمشي الحال .. خلي الزبدة لوقت ما بدك تطبخها تعا لالي وناجيلك وأنور أنا ديلك    Report

05-06-2006, 10:48 AM sanjoob Joined on 11-19-2005 حوض المتوسط Posts 10,776 Re: سوريون في مطبخ الغربة  blawlashi wrote:  sanjoob wrote: لما تسلقا ضيف ربع قالب زبدة ع المي المغلية و كتر ملح يا زكي   لعما شو مفتري .. ربع قالب زبدة ؟؟   لأ يا ابني حطلها نقطتين زيت زيتون بيمشي الحال .. خلي الزبدة لوقت ما بدك تطبخها يا محمد شو كحتة...يا سيدي صدق المتل...بلصك حلال شرعا انابيبو و ارضي عربية    Report

05-06-2006, 12:44 PM sanjoob Joined on 11-19-2005 حوض المتوسط Posts 10,776 Re: سوريون في مطبخ الغربة Attachment: pastaa.jpg وين كنا؟ طبخة اليوم اهداء للمزنبر لحم بعجين.....   معلقتين زيت - يمكن الاستغناء عنو في حالة عدم توافرو حمض ليمون - يمكن الاستغناء عنو في حالة عدم توافرو ملح - نشالله عمركون ما تاكلو في حال عدم توافرو..شيه ---- نصف ربطة معكرونة. ربع قالب زبدة. مي سخنة. بشكير...  - 3 معالق كبار ملح... علبة طون علبة درة. علبة ميونيز  خشاش الارض (بزاليا-زيتون-بقدونس-خس)حسب الرغبة ----- التحضير... بتحط المي عالنار لتغلي او بتسخنها بالكاتل لتعرف ازا غليت فيك تتبع قاعدة استعمال الكوع لقياس درجة حرارة الماء او الزيت المغلي .. بتجيب المعكرونة بتكسرها نصين.. بتحطها بالمي المغلية بعد ما تكون دوبت فيها 3 معالق ملح بتزت ربع او تمن قالب زبدة.. بترك المزيج يغلي شغلة 5 دقايق بعدين بترفعو عن النار... بتنطر شي عشر دقايق بتلاقي المعكرونة عم تتمايل داخل المياه... بتحملها متل ما هي و بتحط الطنجرة تحت مجرى اء دافق (حنفية الفيجة) بس نتبه المجرى ما يكون اوي منشان ما تزمط المعكرونة خارج الطنجرة (عم باعتبر انو يلي عم يطبخ ما عندو غير طنجرة..يعني لا مصفاية و لا بطيخ) بتحط ايدك عالمعكرونة منيح و بتصفي الطنجرة من المي.. بتنشف ايديك بالبشكير... بتفتح علبة الطون بتدلقها فوء المعكرونة  بتفتح علبة الدرة و بتدلق نصها فوق المعكرونة و بتكب البائي لانو بيعفنو بالبراد.. بتفتح علية المايو و بتضيف كمية كافية مع الخلط.. لاء مو بالخلاط الله لا يعطيك عافية تؤكل فورا بس اذا حطيتا بالبراد بتطلع اطيب..... و لا تنسى.....دائما نشف ايديك بالبشكير...  مدة التحضير 20 دقيقة كلفة للتحضير 5 باوند حق الاكلة جاهزة : 1.89 باوند انابيبو و ارضي عربية    Report

05-06-2006, 12:56 PM LostParadise Joined on 11-20-2005 داخل الصندوق Posts 6,513 Re: سوريون في مطبخ الغربة  sanjoob wrote:  blawlashi wrote:  sanjoob wrote: لما تسلقا ضيف ربع قالب زبدة ع المي المغلية و كتر ملح يا زكي   لعما شو مفتري .. ربع قالب زبدة ؟؟   لأ يا ابني حطلها نقطتين زيت زيتون بيمشي الحال .. خلي الزبدة لوقت ما بدك تطبخها يا محمد شو كحتة...يا سيدي صدق المتل...بلصك حلال شرعا    sanjoob wrote: لتعرف ازا غليت فيك تتبع قاعدة استعمال الكوع لقياس درجة حرارة الماء او الزيت المغلي   صالة أنابيبو للذة الحرام    Report

05-06-2006, 01:02 PM blawlashi Joined on 11-20-2005 Posts 11,634 Re: سوريون في مطبخ الغربة  LostParadise wrote:  sanjoob wrote: يا محمد شو كحتة...يا سيدي صدق المتل...بلصك حلال شرعا     شو في شي بيضحك؟؟ إنت شئفة أكلة ملوخية ما عزمتنا عليها .. يعني صحيح أنا ما كتير بنمحن عليها للأكلة بس هي كلمة وبتنقال .. وإلو عين يعيب علينا كمان   بعدين ملاحظة للأخ سنجوب .. الإيغل هو النسر .. الفالكون هو الصقر تعا لالي وناجيلك وأنور أنا ديلك    Report

05-06-2006, 01:05 PM LostParadise Joined on 11-20-2005 داخل الصندوق Posts 6,513 Re: سوريون في مطبخ الغربة  blawlashi wrote:    ملاحظة للأخ سنجوب .. الإيغل هو النسر .. الفالكون هو الصقر   صالة أنابيبو للذة الحرام    Report

05-06-2006, 01:13 PM sanjoob Joined on 11-19-2005 حوض المتوسط Posts 10,776 Re: سوريون في مطبخ الغربة  blawlashi wrote: بعدين ملاحظة للأخ سنجوب .. الإيغل هو النسر .. الفالكون هو الصقر shu hal moula7aza el out of context!!!!!!! yl3anny deb iza femt 3alek انابيبو و ارضي عربية    Report

Page 1 of 16 (384 items) 1 2 3 4 5 > ... Last »

Souriaty Club » غرف المناقشة با... » غرفة سوريا الاج... » سوريون في مطبخ الغربة

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة