Search Sort Posts:  Oldest to newest Newest to oldest

02-07-2006, 11:47 AM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم  blawlashi wrote:  crazyivan wrote: ترقبوا قصة كريزي أيفان و العذراوات الثلاث قريبا جدا!!!!!!   بدك تشفرها هي القصة أما مفتوحة لجميع المشاهدين ... حاكم بتعرف هون بالموقع في أطافيل لك عم يقلك عذراوات شو ما بتفهم انتة؟؟ انابيبو و ارضي عربية    Report

02-07-2006, 11:53 AM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم  sanjoob wrote:  blawlashi wrote:  crazyivan wrote: ترقبوا قصة كريزي أيفان و العذراوات الثلاث قريبا جدا!!!!!!   بدك تشفرها هي القصة أما مفتوحة لجميع المشاهدين ... حاكم بتعرف هون بالموقع في أطافيل لك عم يقلك عذراوات شو ما بتفهم انتة؟؟   سلامة فهمك سنجوب ... هدا كريزي إيفان ولو!! بكرا بس يبلش المسلسل تبعه لا عاد يضل عذراوات ولا هم يحزنون مقسومين .. لك قوم فوت نام وصير حلام    Report

02-07-2006, 12:02 PM bassel1159 Joined on 11-21-2005 بالشو اسمو Posts 6,782 Re: سوريات ... من تأليف عضاوات سوريا دوت كوم يحكى أن زعيما جبليا أختلف مع دولة شقيقة فأرسل الزعيم بعد أن أوصدت الدولة الشقيقة بوجهه كل الأبواب فأرسل مساعده الأقرب ويده اليمنى وثقته العمياء الى تلك الدولة لكي يقدم الأعزار والأعتذار عما بدر من التفاف على مواقف أستراتيجية وغيرها  وعلى نكران الجميل الذي بدا من ذاك الزعيم تجاه تلك الدولة التي لها اليد الطولى في كل مايمثل من موقع زعامته فبالطبع...رجع الموفد خائبا خالي الوفاض مطرودا هو وزعيمه من جنة الشقيقة أحد الكبار الذين قابلهم في تلك الزيارة الى الدولة الشقيقة حمل الموفد جملة بسيطة لينقلها الى زعيمة... أستغرب الموفد لهذه الجملة  ولكن الكبير قال له بأن زعيمك سوف يفهم ماتعنيه هذه العبارة البسيطة:باضة النعامة... ويقول الراوي:ان الزعيم خاف وأرتعب حين سمع تلك العبارة وقد دهش مساعده لقدرة هاتين الكلمتين في التأثير على الزعيم وأخراجه عن طوره وبعد أصرار المساعد على الزعيم بأن يروي له قصة هذه الكلمات قال له الزعيم:عندي في الحديقة نعامة لم تبض من أربع ستوات ولقد باضت منذ ثلاثة أيام فقط ولا يعلم أحد بهذا الأمر سوى قلائل من قصري!.. وعلم الأثنان أن عيون الدولة الشقيقة وصلت الى داخل القصر وأن حركاتهم وسكناتهم وأقوالهم عند رقيب عتيد فشن الزعيم حملته الهوجاء في حفلة جنونه على الدولة الشقيقة ظنا منه أن الطلقة أصبحت في الرأس فجائه التطمين أن المقصود هو العكس:أنت بالحفظ والصون!!...                                           *  *  *  *  * يقول الراوي أن أبطال هذه القصة همBlawlashi, Lostparadise, Crazyivan, Sanjoob, and Za3boot أيلة و مريم بيحبو بعضون    Report

02-07-2006, 12:03 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم مع ضيف الشرف باسل بدور النعامة انابيبو و ارضي عربية    Report

02-07-2006, 12:08 PM bassel1159 Joined on 11-21-2005 بالشو اسمو Posts 6,782 Re: سوريات ... من تأليف عضاوات سوريا دوت كوم  sanjoob wrote: مع ضيف الشرف باسل بدور النعامة lik ah ya bida inta, kilmeh okhra w bf2isak أيلة و مريم بيحبو بعضون    Report

02-07-2006, 12:09 PM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم  bassel1159 wrote: يحكى أن زعيما جبليا أختلف مع دولة شقيقة فأرسل الزعيم بعد أن أوصدت الدولة الشقيقة بوجهه كل الأبواب فأرسل مساعده الأقرب ويده اليمنى وثقته العمياء الى تلك الدولة لكي يقدم الأعزار والأعتذار عما بدر من التفاف على مواقف أستراتيجية وغيرها  وعلى نكران الجميل الذي بدا من ذاك الزعيم تجاه تلك الدولة التي لها اليد الطولى في كل مايمثل من موقع زعامته فبالطبع...رجع الموفد خائبا خالي الوفاض مطرودا هو وزعيمه من جنة الشقيقة أحد الكبار الذين قابلهم في تلك الزيارة الى الدولة الشقيقة حمل الموفد جملة بسيطة لينقلها الى زعيمة... أستغرب الموفد لهذه الجملة  ولكن الكبير قال له بأن زعيمك سوف يفهم ماتعنيه هذه العبارة البسيطة:باضة النعامة... ويقول الراوي:ان الزعيم خاف وأرتعب حين سمع تلك العبارة وقد دهش مساعده لقدرة هاتين الكلمتين في التأثير على الزعيم وأخراجه عن طوره وبعد أصرار المساعد على الزعيم بأن يروي له قصة هذه الكلمات قال له الزعيم:عندي في الحديقة نعامة لم تبض من أربع ستوات ولقد باضت منذ ثلاثة أيام فقط ولا يعلم أحد بهذا الأمر سوى قلائل من قصري!.. وعلم الأثنان أن عيون الدولة الشقيقة وصلت الى داخل القصر وأن حركاتهم وسكناتهم وأقوالهم عند رقيب عتيد فشن الزعيم حملته الهوجاء في حفلة جنونه على الدولة الشقيقة ظنا منه أن الطلقة أصبحت في الرأس فجائه التطمين أن المقصود هو العكس:أنت بالحفظ والصون!!...                                           *  *  *  *  * يقول الراوي أن أبطال هذه القصة همBlawlashi, Lostparadise, Crazyivan, Sanjoob, and Za3boot   باسل شايف طلع الكيبورد عندك بيطبع عربي شلون هيك صار؟!   بس عربي سنسكريتي لأني ما فهمت شي ... بحضي إنك كنت سكران لما كتبتها مظبوط؟ مقسومين .. لك قوم فوت نام وصير حلام    Report

02-07-2006, 12:12 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم  blawlashi wrote:    بحضي إنك كنت سكران لما كتبتها مظبوط؟ lak sakraan wein???? انابيبو و ارضي عربية    Report

02-07-2006, 12:54 PM farid55 Joined on 11-19-2005 SYR Posts 3,855 Re: سوريات ... من تأليف عضاوات سوريا دوت كوم شو سنجوب شو مشاركها لألسيا بمحل المجوهرات لأنو هي عم تطالع درر وأنت عم تطالع دحل يسلمو إيديكم ياشباب عن جد شي بينومس يحرق حريشك مطرح مابيحرقو الحريش    Report

02-07-2006, 01:21 PM natooosh Joined on 11-19-2005 SYRIA Posts 44 Re: سوريات ... من تأليف عضاوات سوريا دوت كوم  bassel1159 wrote:  sanjoob wrote: مع ضيف الشرف باسل بدور النعامة lik ah ya bida inta, kilmeh okhra w bf2isak   hahahahahahahahaha  7lweh kteeer  a7la mn alstory kla :) bs  lesh  ma  2lly doooor  ana :(  wela  bs  al VIP  ???     When Life Gives U LeMonS,Ask 4 Tequila & Salt    Report

02-07-2006, 09:07 PM crazyivan Joined on 11-19-2005 Posts 1,605 Re: سوريات ... من تأليف عضاوات سوريا دوت كوم كريزي ايفان و العذراوات الثلاث للبالغين فقط يحكي أن كريزي ذات يوم دخل الى البار *******مشفر *******مشفر *******مشفر *******مشفر *******مشفر *******مشفر و هذه قصة كريزي ايفان و العذراوات الثلاث    Report

02-07-2006, 09:13 PM Mogtareb Joined on 11-22-2005 Posts 798 Re: سوريات ... من تأليف عضاوات سوريا دوت كوم  crazyivan wrote: كريزي ايفان و العذراوات الثلاث للبالغين فقط يحكي أن كريزي ذات يوم دخل الى البار *******مشفر *******مشفر *******مشفر *******مشفر *******مشفر *******مشفر و هذه قصة كريزي ايفان و العذراوات الثلاث    Report

02-08-2006, 12:08 AM 3zra2il Joined on 01-05-2006 Posts 1,263 Re: سوريات ... من تأليف عضاوات سوريا دوت كوم  bassel1159 wrote: يحكى أن زعيما جبليا أختلف مع دولة شقيقة فأرسل الزعيم بعد أن أوصدت الدولة الشقيقة بوجهه كل الأبواب فأرسل مساعده الأقرب ويده اليمنى وثقته العمياء الى تلك الدولة لكي يقدم الأعزار والأعتذار عما بدر من التفاف على مواقف أستراتيجية وغيرها  وعلى نكران الجميل الذي بدا من ذاك الزعيم تجاه تلك الدولة التي لها اليد الطولى في كل مايمثل من موقع زعامته فبالطبع...رجع الموفد خائبا خالي الوفاض مطرودا هو وزعيمه من جنة الشقيقة أحد الكبار الذين قابلهم في تلك الزيارة الى الدولة الشقيقة حمل الموفد جملة بسيطة لينقلها الى زعيمة... أستغرب الموفد لهذه الجملة  ولكن الكبير قال له بأن زعيمك سوف يفهم ماتعنيه هذه العبارة البسيطة:باضة النعامة... ويقول الراوي:ان الزعيم خاف وأرتعب حين سمع تلك العبارة وقد دهش مساعده لقدرة هاتين الكلمتين في التأثير على الزعيم وأخراجه عن طوره وبعد أصرار المساعد على الزعيم بأن يروي له قصة هذه الكلمات قال له الزعيم:عندي في الحديقة نعامة لم تبض من أربع ستوات ولقد باضت منذ ثلاثة أيام فقط ولا يعلم أحد بهذا الأمر سوى قلائل من قصري!.. وعلم الأثنان أن عيون الدولة الشقيقة وصلت الى داخل القصر وأن حركاتهم وسكناتهم وأقوالهم عند رقيب عتيد فشن الزعيم حملته الهوجاء في حفلة جنونه على الدولة الشقيقة ظنا منه أن الطلقة أصبحت في الرأس فجائه التطمين أن المقصود هو العكس:أنت بالحفظ والصون!!...                                           *  *  *  *  * يقول الراوي أن أبطال هذه القصة همBlawlashi, Lostparadise, Crazyivan, Sanjoob, and Za3boot lk 2nteh 2akhdet mni  7a2 bel nasher abel matltshli 2l riwayeh 2l fazeh tb3i مواطن عالي الجودة    Report

02-11-2006, 06:38 AM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم رفعت أمي التليفون وبلشت تكبس الأرقام ... وأنا عم شوبرلها بإيدي "لأ ماما الله يوفقك" بس هي كانت مصرة ... هي جارتنا الله يهدها إم أحمد عطتها رقم تليفون صبية مشان تروح تخطبلي ياها ... لك يلعن أبو هالزمان ... أنا بحب رفيقتي بالجامعة بس إمي مو رضيانة تكون الخطيبة إلا على إيدها ... ما كانت مرأت ساعة على المخابرة لحتى اتصلت جارتنا إم بطيخ .. "شو جارتنا اتصلتي بالجماعة ... إيمتى حددتوا موعد ... يوو ... اليوم المسا ... طيب رح جهز حالي روح معكن" ... قلت لحالي ولي كملت!!! دقينا الباب على هالجماعة أنا وأمي وإم أحمد ... أنا متل الأجدب لابس طقم وكرافة ... وباخخ كلونيا كارولينا هيريرا يلي ما بحط منها إلا على المناسبات ... مسا الخير مسا النور ... واشتغل التبويس بين أم أحمد والمخلوقة ... وما بلاقي غير إم أحمد غمزتها لأم العروس ... قلت لحالي ولي تخورفنا!! بس للأمانة إم العروس كانت حلوة وبتشبه ميادة الحناوي إيام كانت صبية ... مع إنها كانت عم تبحلق فيني من فوق لتحت كأنها وقعت على كنز ... وطوال القعدة كنت مشتهي قوم اسلخها كف إعميها ... بس أنا مطول بالي على الأخير ... ما نقدر على زعل الوالدة ... بلشت إمي بدها تحكي قامت نطت إم أحمد " إيه يو تقبريني .. لك شو وينها العروس" (عروس شو الله لا يوفقك يا إم النحس) ... "يلا تقبريني رح تجبلكون العصير" (عصير شو لعما الشغلة شكلها جد) ... محاولة أخرى من أمي للحكي ... نطتلها إم أحمد مرة تانية "رح تفوت العروس بغطا أم سيفور" (لعما ليش شو الشغلة ما يطلبه الجمهور) ... "يو لأا تقبريني بنتي ما بتتغطى قدام العرسان" (ما شاالله تعيشي وتربي) ... "هه تقبريني يا أم أحمد" (يا رييييييييييييييييت) دق باب غرفة الضيوف وفاتت الصبية ... إيييييييييييييه لأا عن جد حلوة ... لعما شي ضرب ماكن هالبنت!! ... انفرجت أساريري كلها بهديك اللحظة وطلعت هيك بأم أحمد تطليعة وقلت لحالي "بالفعل لا تاخد الرفسة الماكنة إلا من الحمار الأعرج" قربت الصبية حاملة صينية العصير والكاسات بقلبها عم ترجف ... مدتلي الصينية ... حملت الكاسة بإيدي وقلتلها يسلموا إيديك يا قمر ... وإذذذذذ ..... البنت بتبتسم ابتسامة ملائكية وبعدين بتقدح ضحكة من هدول تبع ناجي جبر ... يا جماعة حسيت قلبي وقف بمحله ... لك الله لا يعطيك العافية يا أم أحمد لعما يا ريتها ما فتحت تمها ... الحمار بيفوت جوات تمها يدور ويطلع ...   ليش هيك حظاتي أنا؟!!!   مقسومين .. لك قوم فوت نام وصير حلام    Report

02-11-2006, 06:55 AM matrix01 Joined on 11-19-2005 Posts 15,488 Re: سوريات ... من تأليف عضاوات سوريا دوت كوم   حلوة و ملعوبة    Report

02-11-2006, 06:50 PM LostParadise Joined on 11-20-2005 داخل الصندوق Posts 6,543 Re: سوريات ... من تأليف عضاوات سوريا دوت كوم اص.... جويزة.... الاص برص وهي سبعة سبات... روح شايفلك اب شرك.... هلا ما النا ما في حكي باللعبة.... لعما عالولدنة... شيل سنجوب شيل بلا ولاشي.... شو حكينا لوست.... النالو شيل.... ازا مدايق انك عم تخسر خلص عمي.... انت الربحان و بلا ما نكمل.... حاكم شايفك محمر و مخضر و رح تجيك الجلطة شوي تانية زعبوط.... ليك مين عم يحكي.... صرلي لعبان شي خمسميت برتية و بحياتو بلا ولاشي ما طلع بوحدة... غير تخبيصاتو يلي بدى حلم الله لتنبلع.... ايه.... الله يلعن هالزمان بس لوست.... تركو زعبوط تركو.... ضارب فيه عرء الزلمنة هاليومين.... الحق معو... رح يصير عريس يئبر عين امو.... تركو ولو سنجوب.... عريس شو.... شو الئصة بلا ولاشي.... بدك تتجوز من ورا ضهر شريكك ولا.... شو الترتيب ولا شي.... حكيلنا لوست.... شو بدو يحكي.... بس والله سمعنالكم يا جماعة انو العروس حلوة.... شغلة عالبغلة يعني بلا ولاشي.... الله لا يوفقك يا ام احمد اذا بينبق بتمك فولة سنجوب.... ام احمد..... معناها القصة مزبوطة.... تضرب من بين الشركات لكن.... ليش ما خبرتني و لك سلال زعبوط.... و ما لئيت غير ام احمد تخطبلك.... تضرب شو فاشل لوست..... شوف بلاولاشي.... ازا مانك غضران اتطبق لا تلجا لام احمد فورا... نحن بالخدمة.... انت اشر عالبنت يلي بتعجبك بس بلا ولاشي.... هلا رح تستلمونا.... الشغلة ما الي علاقة فيها.... حديث صار بين امي و ام احمد.... حكي نسوان يعني... ما صار شي لسا لوست.... كزاب ولا.... ليش رحت شفت البنت ازا حكي نسوان لكن زعبوط.... اضرب.... شاف البنت.... خلص معناها.... طبس صاحبنا و ما حدا سما عليه.... خصوصي ازا التلو البنت مرحبا او مسا الخير سنجوب.... شو اصدك زعبوط.... بلا ولاشي مانو خروء.... صحيح قضا قصة حب عنيفة مع السيا على صباح الخير و مساء الخير.... بس كلشي لحال.... ايوااا لوست.... اي مزبوط... كلشي لحال.... صحيح مصادري عم تئول انو الشب طاير عئلو و طابس لمناخيرو بالوضع الجديد.... بس كلشي لحال بلا ولاشي.... الله لا يوفقك يا ام احمد زعبوط.... كم قصيدة صرت ناترة للمخلوءة ولا شي.... ارالنا وحدة منون والله عيب عليك سنجوب... اي بلا تقرالنا شي منون ولاشي.... بس ما تكون حزاينيي متل رائعتك ماساة ممسحة بلاولاشي.... يرئعك شي يسهل امرك.... ماساة ممسحة قصة قصيرة مو قصيدة يا جاهل زعبوط.... سنجوب ايمتى بدك ترتقى لمستوى الحدث و تفرق بين القصة و الرواية و القصيدة.... يا لطيف شو ما عندك حس فني بلا ولاشي.... هلا بدكم تكملو البرتية ولا بدكم تقضو السهرة علاك مصدي.... اذا ما بدكم تكملو لعب لحتى قوم روح لوست.... لاء خلص خلص.... رح نكمل لعب.... بس كنت بدي الك انو اوعة يدرى كريزي ايفان بالوضع الجديد.... مشان ما يشلحك ياها متل ما شلحك السيا من زمان.... دير بالك.... ما بدنا ماساة ممسحة جديدة بلاولاشي.... عمي.... انا رايح.... مو باينتكم بدكم تلعبو اليوم زعبوط.... لك خلص عود.... عم نمزح معك شبك.... شيه.... بايد مين الفتح سنجوب.... انا شلت بالاص اخر شي بلاولاشي.... اي لعاب لكن شريك لعاب.... بدي خليون يحرمو يلعبو شدة بعد اليوم لوست.... اي لعاب بلا علاك.... ام احمد طلعت طلعت... حاجي هوس ها ها هاهها ها   صالة أنابيبو للذة الحرام    Report

02-11-2006, 06:52 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم yaaaaaaaay, new episodddddd. yeppy...yalla let me read !!!   wow , taree 7alqten wooooooow انابيبو و ارضي عربية    Report

02-11-2006, 06:59 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم GUYS U R WONDERFUL I LOVE U!! (BALA WALA MA3NA) انابيبو و ارضي عربية    Report

02-11-2006, 08:04 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم اليوم الضهر رجعت من الشغل عبكير لانو في وقف دوام و الطلاب عاملين اعتصام كرمال صور الرسول ...بس مع هيك ما كنت مبسوط لانو حرام هالاجيال تترك دراستها و تركض ورا هيك شغلات خصوصي ضمن اوقات الدوام و السنة ما رح نلحق نعطيهون المنهاج كللو على هالحالة...المهم رجعت عالبيت و انا عالطريق مريت لعند ابو النور لقيتو كالعادة عم يطج على سجادة الصلاة مع انو الدنية لا ضهر و لا عصر..قلت لحالي الله يقوي ايمانو هالابو النور ..مو شاطر غير بالصلاة..سناولت قنينة كولا تبع اللترين و علبة هونالين و ناديت للولد منشان ياسبني...كان ابو النور خلص صلاة و عم يصلي عالنبي.. .اهلين استاذ كيفك نشالله بخير... حرما ابو النور كيفك اليوم؟  والله يا استاذ متدايق شوي من قصة هشام لانو كبرت و صار الها ايدين و رجلين و اثرت عالغل عندي.. .طيب يا ابو النور مو انت الحق عليك ؟؟ لي مزودلو 2000 ليرة عحسابو بالدفتر؟؟  لك يا استاذ سنجوب الله وكيلك سهوا بالغلط يعني.. و بتصير , انا ما نكرتون عليه .. .ايه بس يا ابو النور هي مو اول مرة بتعملها. .اخي سنجوب لا تأخذني انا مالي استاذ متل حضرتك و اكره شي عليي الحساب ..جل من لا يخطئ عود لاحكيلك هالحديث عن رسول الله عليه افضل الصلاة و اتم التسليم و اله و صحبه و اتباعه باحسان الى يوم الدين.. .ابو النور الله يخليك حاسبني و خليني امشي..  رو استاذ مو محرزة منتحاسب باخر الشهر.. لا ابو النور الله يرضى عليك حاسبني هاللق.. المهم خلصنا من ابو النور اجيت و انا طالع عالدرج ما بلاقي غير جارتنا كاب عم تشطف ادام بيتون...  سنجوب الله يخليك ما تدعوس     ...  لك شلون بدي اطلع عالبيت لكان...؟  ما بيصير عليك شي نزيل حوص بالحارة  بتتسلى  شوي مع فيروس اجا قبلك و ما مرقتو .. .يا حبيبي بدك ياني اتسلى مع فيروس؟؟ ايه والله ما يشوفني ليعملي درس الو اول مالو اخر لانو تارك الاعتصام و جايه عالبيت.. .ليش باءا؟؟ مو هو كمان جاية؟؟  يا حرام شو غشيمة انتي.. لك اذا حدى سألو بيقللون انو هو جاية قصدا..يعني مكلف فبها رسميا..مهمة...فمتي عليي...قال تسلى مع فيروس قال.. .طيب خلصنا مروق امري لالله...لك صحي سنجوب.ما يضبوك اهلك بقى و يلاقولك شي بنت حلال ؟؟ رفقاتك كلون تجوزو او على وشك... هيك اولتيك؟؟ بيصير خير... وصلت عالبيت ...شو جاهز الاكل؟؟ اجيت؟؟ اهلين يالله غسل ايديك لحطلك تاكول اذا ما بدك تستنى ابوك و اخوك.. لك شو ابي و اخي؟؟ شو عزيمة؟؟ حطي حطي../اصلا ما صدقناع الله تركتي الشغل لنلاقي الاكل جاهز اول ما نصل.. صحي سنجوب...اتصل فيك بلا ولا شي اليوم و قال دقلك عالموبايل بس انت طافيه و لازم يشوفك ضروري كتيير بعد الضهر..حاكيه خطي مدري شو بدو كان ملهوف.. لك شو بدو يكون بدو يعني..المسا بحاكيه. .لا ابني الله يرضى عليك وعدتو و ناطرك حرام.. امي طول عمرك ما بطيقي رفقاتي؟؟ شو القصة.. ايه مو صحيح بلا ولا شي احسن رفقاتك شب مادب و خلوق و مربى مو متل هدول التنين السرسرية يللي بتضل معون لنصاص الليالي.. لك مو بلا ولاشي دائما معنا... مظبوط بس بلا ولا شي بيسمع كلمة اهلو..مو متلك؟؟ شفت كيف امو عم تخطبلو...لك انت شو ناقصك اه؟؟ امي خلص خلص بدك احكي معو هلق بحكي معو يتبع انابيبو و ارضي عربية    Report

02-11-2006, 08:11 PM matrix01 Joined on 11-19-2005 Posts 15,488 Re: سوريات ... من تأليف عضاوات سوريا دوت كوم حلوة كتير سنجوب بس شو مشان كاب قال ما بدها تخليك تتطلع   الله يعطيكن العافية يا شباب    Report

02-11-2006, 08:32 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم الو مرحبا بلا ولاشي كيفك اهلين سنجوب لك ليش طافي موبايلك ولا؟ شو اجدب انت ما بتعرف اني بكون بالجامعة الصبح؟؟ لك مبلى بس ليش انت الوحيد يللي قابضها نظامية بلكي حدا احتاجك ضروري يا اخي؟؟ هلق خلصنا انا داقق لا تعود تطق حنك شو بدك؟؟ بدي شوفك قبل الاربعة ضروري الله يخليك ليش خير شوفي؟؟ لك لما بشوفك بقللك.. بشرفك بلا ولاشي اذا مو شي مهم اجلها بتعرف اني معجوق ليوم.. لك لهيك بدي وفك قبل ما تسافر لانو ضروووووري... خير نشالله اربعة بشوفك عند اروما مشي؟؟ مشي احلى سنجوب والله باي.. ------------------------------- والله عالاربعة رحت لقيتو واصل و سابقني و طالب قهوتو.. كيفك استاذ؟ اهلين سنجوب صرلي ساعة ناطرك.. و لك مو متفقين اربعة...هي اربعة الا دقيقتين كمان..يا سيدي انا مو مستنضف قصتك شو في؟؟ سنجوب الك ولا للديب؟؟ والله في شغلات غير الديب ما بيقدر عليها بس هات لشوف شو في؟؟ بدي ست تالاف ليرة برجعلك ياهون باخر الشهر... لي بدك 6 تالاف؟؟ لك الدهان اليوم ما رضي يجي يكمل البيت قال بدو دفعة عالحساب و بيتنا منكوت فوقاني تحتاني و مالي عرفان شو بدي اعمل معلومك الوالد و الوالدة متدايقين لانو مشنططين و انا ما بهون عليي... يعني والله ما بعرف شو بدي قللك بس انت بتعرف انا كل شي معي 8 تالاف ليرة و مخليهون من شان نطلع انا والشباب عاللادقية متل ما بتعرف والله بعرف بس شوفيت عينك اذا منك ما طلبت من مين بدي اطلب.. ايه بس هيك بتكون نزعتلي كل الوييك ايند صرلي شهر عم فكر فيها..بعدين ما حلوة افقس الشباب صرلنا اسبوع عم نرتبها و من غير شي مو طايقيني هالكم يوم.. ليك سنجوب انا حكيتيلك الوضوع و مقدر ظرفك بس صدقني لو ما اهلي و شنططتهون والله ما بطلب..بتعرف.. خلص تكرم عينك و بلاها روحة اللادقية ..تفضل خيو..المهم الوالد و الوالدة يخلصو من شنططة الدهان بعرف هالوضع و مزعج.. ----------------- والله بعتت مسج للشباب اني فقست و سككرت موبايلي و نمت... فقت المسا مزعوج و خصوصي انو فعلا كنت محتاج هيك سفرة غير جو... يفضح عينك يا بلا ولا شي شو الله جابرني باهلك انا...يالله مالي غير دقلو هالمغضوب نطلع نسهر سوى اصبح... لك شبو التاني مسكر بطيخو؟؟؟؟ الو.. مرحبا خالة كيفيك؟ ايه سنجوب.. الله يخليكي... ماشي الحال بتسلم عليكي..انتي كيفيك و عمو ابو بلاولاشي كيف؟؟ انشالله مو متداقينين من قصة الدهان؟؟ انو دهان؟؟؟؟؟؟؟؟؟؟؟؟؟!!!!!!!!!!!؟؟؟     خالة تعطيني بلا ولا شي احكي معو؟؟ ؟         شو؟؟؟؟ باللادقية؟؟؟؟؟؟؟؟؟؟؟؟؟؟؟؟؟؟؟؟؟؟؟؟   انابيبو و ارضي عربية    Report

02-11-2006, 08:51 PM LostParadise Joined on 11-20-2005 داخل الصندوق Posts 6,543 Re: سوريات ... من تأليف عضاوات سوريا دوت كوم lol sanjoob.... tahts wicked...... good effort dude صالة أنابيبو للذة الحرام    Report

02-11-2006, 11:50 PM LostParadise Joined on 11-20-2005 داخل الصندوق Posts 6,543 Re: سوريات ... من تأليف عضاوات سوريا دوت كوم غرفة نوم بلاولاشي.... الساعة الرابعة صباحا --------------------   عندي ثئة فيك.... عندي حلم فيك.... والله رح موت فيك.... اييييه يسعد ربك يا ام احمد شو فهيمة.... صعي لتاتة.... بس والله مزوءة و بتعرفي تنئي بلا ولاشيييي.... رح حبك.... تعي نئعد بالفي.... مش لحدا هالفي.... ايييه دخيل رب الحب شو حلو لازم اطلع معا مشوار لحالنا لازم.... بدي الا لامي تاخود ازن من اما مشان نطلع سوى فانا.... لا املك.... في الدنيا... الا عينيك و احزاني..... لازم جهزلا قصيدة من هلا.... اللقاء الاول لازم يكون حاسم.... لازم تطبس فيني من اول قصيدة اتحدى العالم كلو وانا..... ويااااك..... و بئول للدنيا بحالها اننا..... بهواااااك.... يا ترى شو بتحب تسمع اغاني.... والله لازم خلي امي تسال اما قبل ما نطلع مشوار.... ضروري اعرف.... يا الله اذا بتطلع متلجية شو بدنا ننبسط وين ايفنينج فوووول.... شي رنز تو مي.... لايك ويسبير دريييم.... يور ايز كان سييي.... يا الله ما احلا الحب.... يا ترى بتكون عم تفكر فيني هيك هية.... اكيد اي.... الحمد لله شخصية و مال و جمال.... اكيد هي كمان حبتني اكيد.... بس والله لازم كمان خلي امي تسال.... بس بشكل غير مباشر وهية عملا ايه دلوئت.... و مين هون عليها الوئت.... لك صحيح.... هلا انا اول شب بحياتا.... يا حبيبي..... بركي كانت على علائة مع شب ابلي.... و هي ما فينا الماما تعرفا.... لانو اكيد مارح تكون ايلة لاما على هيك اصة..... ولي.... بس ما يكون كريزي ايفان مطبئة ابل ما اعرفا..... لعما اذا هالحكي صحيح.... الملعون مو مخلي بنت بالحارة مو حاكي معا.... الله يستور ----------------- و يستمر الارق   صالة أنابيبو للذة الحرام    Report

02-12-2006, 12:20 AM cap2 Joined on 11-19-2005 Damascus - Syria Posts 2,684 Re: الاجتماع الشهري مع مديرة مدرسة سوريا دوت كوم الاجتماع الشهري مع مديرة مدرسة سوريا دوت كوم كاب: مرحبا مرحبا: أهلين انسة كاب كاب: لك تضرب بهالشكل ما عم سلم عليك، خبرت الطلاب مشان اجتماع اليوم مرحبا: اي خبرتن انسة كاب، بس ممكن اطلب منك اني احضر الاجتماع معكن انسة كاب؟؟ كاب: ليكو الأجدب ليكو، لك انت شو بفهمك ياحمار روح على شغلك ولا وجبلي فنجان قهوة بسرعة، يللا مرحبا: حاضر معلمتي عند الساعة الخامسة مساء، اجتمع طلاب سورية دوت كوم (أليسا، نورهدى،سلمى، لوست، باسل، سنجوب، كريزي ايفان،زعبوط ، بلاولاشي، هالو، أمجد، م.ت،فايرس،  اوروك، سقراط،لؤي، ) كاب: مسا الخير يا حبايبي كيفكون بدراستكن وأشغالكن، ما بدي شوف حدا عابس ها، هالاجتماع محتم عليكن لآخر عمركن، شو مفكرين  اللي بيدخل عمدرستنا بسهولة بيطلع ؟؟؟، ما حزرتوا والله،  هي الانسة إليانا طفشتوها وماعد رجعت،والاستاذ راندوم ما إجا حتى ما يبتلي بحدا فيكن اليوم. والاستاذ احسان يا دوب بيجي بئول مرحيا ويا  إيدكم   مرحبا: عيطتيلتي انسة كاب كاب: لك يئطع عمرك عم تتسمع  من ورا الباب ، روح من وشي ولا سنجوب: انسة ممكن تعجلي شوي واعد رفقاتي انا ومستعجل كاب: لك ولا سنجوب ما بدك تبطلها هالعادة ما إلتلك ما بتوعد حدا بيوم الاجتماع، وبعدين بس ترجع عالبيت بتمسح رجليك منيح قبل ما تطلع عالدرج، شو عاملتك لفاية ولا انت وفايرس ؟ تعا فايرس لعندي ( وبصوت خافت لفايروس) سلمتلي على.....  ــــ فايروس: اي انسة سلمت عليه وقال هو حاضر إذا مو عاجبتك الإدارة بدبرلك بمطرح تاني كاب: وطي صوتك ولا ، (بصوت عالي) يلا انقلع على محلك ، قال عضو عامل قال   كاب: ( تقرير بيدها) اي هاتو  لنشوف  ، لوست وكريزي وزعبوط وبلاولاشي، الله لا يعطيكون العافية مقضينلي ياها سهرات ولعب ورق، اي بتصلني اخباركن كلها، بكرا إذا فشلتو بحياتكن بئولوا العالم الحق عالمدرسة ، هاللو ، وقف على حيلك، هاللو: حاضر معلمتي جزاك الله خيرا كاب: ما قصيت لسانك شوي انت،  انا ما فصلتك هديك السنة من المدرسة كرمال هالحكي والمسبات، ولولا كرامة عمك ابو النور فلا كنت برجعك هاللو: جزاك الله خيرا يا اختي كاب، لكن هم من يغيظونني اولا وانا لا استحمل كاب:  خلصنا اوروك: لو سمحتي لي يا انسة كاب ،  انت قلتي إذا فشلتو بحياتكن بئ.....ـ كاب: شو حبيبي بدك تفتحلي محاضرة هلا، اي عود ما في وقت، اكتبين على ورقة وعطيني ياهن بقراهن بالبيت. اورك: دمتي بخير يا انسة كاب: شو باسل بيك،  قال صار عندك لابتوب جديد وما حدا قدك وبتعبطوا وبتنام ، ارحمو شوي يا عيني وبعدين شو قصتك مع الاعتذارت انت أه باسل: anseh cap, enti bta3rfi eno ana ma b7mni la laptop wla shi b7adnieh, bas enti sho dakhaleh ya3ni ansei cap? cap: shut up and dismiss,         خلص تعبت  بجوز يتبع وبجوز لأ ويجوز الوجهان              Report

02-12-2006, 12:27 AM LostParadise Joined on 11-20-2005 داخل الصندوق Posts 6,543 Re: الاجتماع الشهري مع مديرة مدرسة سوريا دوت كوم  cap2 wrote:   خلص تعبت  بجوز يتبع وبجوز لأ ويجوز الوجهان   ???!!!!! شلون زبطت معك هي صالة أنابيبو للذة الحرام    Report

02-12-2006, 12:32 AM cap2 Joined on 11-19-2005 Damascus - Syria Posts 2,684 Re: الاجتماع الشهري مع مديرة مدرسة سوريا دوت كوم  LostParadise wrote: ??!!!!! شلون زبطت معك هي يتبلأ    Report

Page 3 of 76 (1,899 items) < 1 2 3 4 5 > ... Last »

Souriaty Club » غرف المناقشة با... » غرفة سوريا الاج... » Re: سوريات

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة