Search Sort Posts:  Oldest to newest Newest to oldest

09-28-2004, 02:20 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty زعبوط بتعرف شو حلاوتك انك بتقطش الاخبار و المشكلة انو متل ما قلتلك منقرا نفس المواقع و الله يا معلم مدري شو بدي قلك...خجلتني... بس بتعرف شو الفكرة...انو انت مصدرك اخد الخبر من جريدة "الراية القطرية" اما مصدري فالخبر متل مو مذكور بجريدة "الشرق الاوسط"... و هادا الشي مذكور بذيل المقال...فقبل ما تزت اتهامات و تحليلات حول سر حلاوتي... كمل قراية للاخير يا زلمة... بخصوص المصادر....البلد كلها بتقرا من نفس المصادر... مو بس انا و ياك....بس الهيئة طلع عندي مصادر اخرى غير مصادرك... شكرا للمرور و للتوقف.. زعبوط

09-28-2004, 02:53 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty ----------------------------- هاد المقال كامل من موقع المركز الاقتصادي السوري www.seczn.com/viewnews.php?nseq=13545 انطلاقا من ايماني بأهداف الحزب و الايمان بضرورة تثقيف الجماهير الكادحة و الفايقة و الرايقة...رح حطلك الرابط يلي نشر الخبر.... و بتمنى تضيفو لمصادرك... منشان تصير مصادرنا شبه موحدة... www.asharqalawsat.com/print/default.asp?did=id257656 سلام يا مواطن.. زعبوط

09-28-2004, 07:05 PM eve00 Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد من زمان كانوا يقولون مسمار جحا ومع التطور لازم يصير مدفعية جحا ربما بعد كم سنة بتلاقي جحافلنا السورية عائدة الى لبنان من اجل كم برغي لرص المعدات اللي جلبت    Report

09-28-2004, 07:58 PM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد شكرا على المصدر الجديد و للمرة التانية انا ماني معلم و قبل ما تعلق على الخبر على الاقل دور على مصدرو خصوصا انو خبر غريب و بمس بسمعة جيش بلدك انا هاد كان تعليقي و للامانة رجاع و فوت على الموقع الاقتصادي بتلاقي كل كلامك من هنيك مو عيب تجيبو مقالات و تعلقو عليها بقا بلا تعصيب و شرحلي شوي عن افكار حزبك العظيم الا اذا كان كلامك من باب التهريج    Report

09-28-2004, 08:21 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty و قبل ما تعلق على الخبر على الاقل دور على مصدرو خصوصا انو خبر غريب و بمس بسمعة جيش بلدك انا هاد كان تعليقي و للامانة رجاع و فوت على الموقع الاقتصادي بتلاقي كل كلامك من هنيك مو عيب تجيبو مقالات و تعلقو عليها بقا بلا تعصيب و شرحلي شوي عن افكار حزبك العظيم الا اذا كان كلامك من باب التهريج لك يا حبيبي...الخبر غريب و مصدرو الشرق الاوسط....شو بدك؟ خلص ما عاد اقرا غير جرايد سورية منيح هيك؟ شيه! اذا عم تتأثر بالتعليقات.او عم يزعجوك.....فيك ما تقراهون و بما انك من متابعين المركز الاقتصادي السوري فيك تقرا المقالات هونيك بدون تعليقاتي.... و ما بتخيل انو المقالات يلي عم حطها هي مقالات سرية او غريبة... كلهون موجودين بكل المواقع و حتى منها مأخود من الجرايد السورية.. اما المركز الاقتصادي السوري هو بيعمل نفس الفكرة و بيجيب مقالات جرايد من هون و هون بأستثناء بعضهم... المهم مرة تانية قبل ما تقول على حدى عم يقطش من المقال و يحذف منو.... يا ريت تقرا منيح...يعني مو منشان شي...بس منشان سمعة المحل... و شكرا لمتابعتك.... و الى اللقاء مع مصدر جديد.. زعبوط

09-28-2004, 08:33 PM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد كل ما حكينا كلمة بتنبحتو علينا شو القصة من حقي علق على تعليقك و لا بدك تمنعني وين الديمقراطية و حقوق الانسان و حقوق النشر و حرية الفكر لازم تلتزمو فيهون    Report

09-28-2004, 11:09 PM Danti77 Joined on 11-19-2005 SYR Posts 34 مقالات اعجبتني و تعليقات قد لا تعجبهم - موضوع خالد طولو بالكون يا جماعة نايتي & زعابيط يعني صراحة مو مستاهلة القصة كل فترة بطلطل وبشوف اخر المستجدات والمقالات يعني من وين ما كان حلوين مئطوشين او لا يعني الموضوع وصاحب الفكرة حر ينقل الي بدو يا نايتي وجهة نظرو وانت من حقك تعلق على اي شي يعني افرطوا بس زعبوط في شغلة من اول ما دخلت ما كنت لاقي خالد ليكون اسمك خالد مدري هاد العنوان لسى ما لقيتووينو شكلي لازم غير نضاراتي بكل الحب    Report

09-29-2004, 11:47 AM Anonymous مقالات اعجبتني و تعليقات قد لا تعجبهم - موضوع خالد quote posted by Nighty كل ما حكينا كلمة بتنبحتو علينا شو القصة من حقي علق على تعليقك و لا بدك تمنعني وين الديمقراطية و حقوق الانسان و حقوق النشر و حرية الفكر لازم تلتزمو فيهون علق عيوني علق...ماحدا مسكك....بس كمان انا بيحقلي علق على تعليقك مهيك؟ اما عن حقوق النشر.... فكل مقال بينلزق هون بينحط اسم صاحب المقال او اسم الجريدة او المصدر... و اذا انت ما عم توصل لنهاية المقالات و تشوف هل الشي مشكلتك... دانتي.. لاء لا تغيري نضاراتك لانو حلوين لابقين عليكي...فيكي تغيري العدسات اذا بدك... اما خالد فهدا قصتو طويلة كتير..... و مافيني احكيها هون لانو نايتي عيونو عشرة عشرة على هل الموضوع و بخاف يتهمنى بأنتهاك حقوق الانسان....مو بس النشر... ( ) و الان اعزائي نعود لمتابعة المقالات و التعاليك بعد هذا الفاصل النقاشي المفيد... زعبوط

09-29-2004, 11:52 AM Anonymous مقالات اعجبتني و تعليقات قد لا تعجبهم - موضوع خالد سوريا : تراجع معدل الأمية إلى «1‚17%» أظهر تقرير برنامج الأمم المتحدة الإنمائي للتنمية البشرية لعام 2004 ان هناك جهودا حثيثة بذلتها الحكومة السورية للقضاء على الأمية مشيرا إلى أن معدل الأمية لدى البالغين من عمر 15 سنة وما فوق انخفض عام 2002 إلى 1‚17% مؤكدا ان هذه النسبة تعد جيدة مقارنة مع بقية بلدان إقليم شرق المتوسط وشمال افريقيا‚ ‏ ‏ وأوضح التقرير ان معدل الإلمام بالقراءة في سوريا ارتفع لدى البالغين من عمر 15 عاما وما فوق من 8‚64% عام 1990 إلى 9‚82% عام 2002‚ كما أن معدل القراءة والكتابة لدى الشباب الذين تتراوح أعمارهم بين 15 و 24 سنة ارتفع من 9‚79% عام 1990 إلى 2‚95% عام 2002 وكان صافي الالتحاق بالتعليم الابتدائي نحو 98% في عام 2002 ويضيف التقرير ان معدل الاناث من عمر 15 عاما وما فوق وكنسبة مئوية من معدل الذكور ارتفع إلى 82% وذلك في مجال الإلمام بالقراءة والكتابة وإلى 96% لدى الشباب من عمر 15 ــ 24 سنة الأمر الذي يدلل بقوة على نجاعة اجراءات محاربة الأمية المتخذة من قبل الدولة في سوريا‚ وشدد التقرير على أن هذا التوجه العام للتخلص من الأمية خاصة في الريف يساهم في تطبيق خطط التنمية وزيادة الانتاج.‏ ‏ الوطن القطرية ‏

09-29-2004, 12:06 PM Anonymous مقالات اعجبتني و تعليقات قد لا تعجبهم - موضوع خالد التعليك مو بخصوص الجهود الحثيثة للحكومة العتيدة بمجال محي الامية لانو اكبر دليل هو النتائج الصادرة.... بس الفكرة هالمرة انو هل ياترى تعريف "الامي" لا يزال نفسه؟ من مليون سنة و نيف كان "الامي" يلي ما بيعرف يقرا و يكتب... هل معقول انو بهل الايام فينا نقول نفس الشي؟ بهديك الايام كان يلي معو سرتفيكا "شهادة صف السادس" يكون متلو متل يلي هلأ معو ماجستير.... برأيي لازم تصير الاحصاءات بناءا على نسبة حملة الشهادات العليا... مو الاميين...منشان تكون احصاءات مفهومة و معروف شو معناها... لانو يلي بيعرف يقرا و يكتب لا رح يقدم و لا يأخر في تطور المجتمع السوري.... و لا شو؟ شو الفائدة اذا في عنا مليار مواطن بيفكو خط و بيقرو يوميات باسم و رباب..... بالوقت يلي عنا خريجين الجامعة يادوب عم يعرفو يطبقو يلي تعلموه بالجامعة...و طبعا ما بدي قرب على قصة الجامعة منشان ما يجعنا راسنا.... زعبوط

09-29-2004, 12:27 PM naaar Joined on 11-19-2005 Posts 1 مقالات اعجبتني و تعليقات قد لا تعجبهم - موضوع خالد quote posted by za3boot <div dir=rtl> quote posted by Nighty كل ما حكينا كلمة بتنبحتو علينا شو القصة من حقي علق على تعليقك و لا بدك تمنعني وين الديمقراطية و حقوق الانسان و حقوق النشر و حرية الفكر لازم تلتزمو فيهون علق عيوني علق...ماحدا مسكك....بس كمان انا بيحقلي علق على تعليقك مهيك؟ اما عن حقوق النشر.... فكل مقال بينلزق هون بينحط اسم صاحب المقال او اسم الجريدة او المصدر... و اذا انت ما عم توصل لنهاية المقالات و تشوف هل الشي مشكلتك... زعبوط </div> اخي زعبوط تابع وكم جميل ان ترى الفكرة موجودة بالداخل    Report

09-29-2004, 01:28 PM freemak Joined on 11-20-2005 Posts 879 مقالات اعجبتني و تعليقات قد لا تعجبهم - موضوع خالد تحياتي للجميع يعني بيصير الفضايح يا سيد زعبوط اذا كانت امية كتابة و قراءة و عنا 17.1 معناها لو حسبناه على الي بيبطل دراسة من الاعدادي و لا بيكتشف بحالو مواهب من الثانوي و لا يلي بيياس من الجامعة بتطلع تخينة كتير فخلينا فرحانين بمحو الامية الي عنا و الحمد لله .. مواضيعك حلوة و ملعوبة و يعطيك العافية freemak .    Report

09-29-2004, 02:51 PM mhd_uk Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد quote posted by za3boot التعليك مو بخصوص الجهود الحثيثة للحكومة العتيدة بمجال محي الامية لانو اكبر دليل هو النتائج الصادرة.... بس الفكرة هالمرة انو هل ياترى تعريف "الامي" لا يزال نفسه؟ من مليون سنة و نيف كان "الامي" يلي ما بيعرف يقرا و يكتب... هل معقول انو بهل الايام فينا نقول نفس الشي؟ بهديك الايام كان يلي معو سرتفيكا "شهادة صف السادس" يكون متلو متل يلي هلأ معو ماجستير.... زعبوط بتوقع مفهوم الأمية ما تغير.. الامية ما زالت عدم معرفة القراءة والكتابة .. كمصطلح يعني... طبعا هالمعيار ما بيعني شي بالدول المتقدمة لأنو نسبة الأمية فيها مو أكتر من 1-2% طبعا يلي معو ماجستير مو متل يلي معو الاعدادية فقط.. وقتها ممكن نعمل احصائية مختلفة ونستخدم مصطلح جديد غير الأمية... قلتلي 17.1% مو كتير ما هيك؟    Report

09-29-2004, 02:52 PM mhd_uk Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد quote posted by za3boot برأيي لازم تصير الاحصاءات بناءا على نسبة حملة الشهادات العليا... مو الاميين...منشان تكون احصاءات مفهومة و معروف شو معناها... لانو يلي بيعرف يقرا و يكتب لا رح يقدم و لا يأخر في تطور المجتمع السوري.... و لا شو؟ شو الفائدة اذا في عنا مليار مواطن بيفكو خط و بيقرو يوميات باسم و رباب..... بالوقت يلي عنا خريجين الجامعة يادوب عم يعرفو يطبقو يلي تعلموه بالجامعة...و طبعا ما بدي قرب على قصة الجامعة منشان ما يجعنا راسنا.... زعبوط تماما    Report

09-29-2004, 03:09 PM nourhuda Joined on 11-19-2005 Posts 1,741 مقالات اعجبتني و تعليقات قد لا تعجبهم - موضوع خالد quote posted by mhd_uk <div dir=rtl> quote posted by za3boot برأيي لازم تصير الاحصاءات بناءا على نسبة حملة الشهادات العليا... مو الاميين...منشان تكون احصاءات مفهومة و معروف شو معناها... لانو يلي بيعرف يقرا و يكتب لا رح يقدم و لا يأخر في تطور المجتمع السوري.... و لا شو؟ شو الفائدة اذا في عنا مليار مواطن بيفكو خط و بيقرو يوميات باسم و رباب..... بالوقت يلي عنا خريجين الجامعة يادوب عم يعرفو يطبقو يلي تعلموه بالجامعة...و طبعا ما بدي قرب على قصة الجامعة منشان ما يجعنا راسنا.... زعبوط تماما</div> كلام سليم بس عجبتني يوميات باسم ورباب .. ليش مو عمي منصور نجار و اللا يمكن مستواها اعلى شوي و من يتق الله يجعل له مخرجا    Report

09-29-2004, 08:37 PM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد هلأ اذا بدنا نحكي رح تنبحتوا علينا بس بدي بق هالبحصة ما حدا فيكون بيعرف شو معنى الامية الامية و حسب تعريف اليونسكو هي القدرة على استخدام المعلومات و تحليلها و الاستفادة منها بالحياة العملية هاد هو تعريف الامية يا سادة بشكل مختصر هالموضوع بالذات هتميت فيه كتير بايام الجامعة بقا حسب هاد التعريف كم واحد فيكون امي و كم خريج جامعي او من حملة الماجستير امي انا ما عماتهجم على حدا بس هي الحقيقة اذا النظام التدريسي من اولو لاخرو بيعتمد على قدرة الطالب على استحضار المعلومات التي حفظهاو لا يمتحن على اساس القدرة على الاستفادة من المعلومات بقا عدو كم امي حقيقي عنا بالبلد ---------------- زعبوط احيانا الواحد لازم يكون اكثر تقبلا للنقد و مو كل موضع بيحتاج لرد لنثبت انو نحن يلي منفهم و بس    Report

09-29-2004, 08:43 PM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد انا كان عندي احصاءات قبل بستة اشهر تقريبا من نفس المنظمة الاممية بس النتائج مناقضة كتير ليلي نذكر اول ما لاقيهون رح ضيفهون هون لأنو بشركون سوريا بعد كم سنة رح تتربع على عرش الدولة المتخلفة و اغلب سكانها اعيرو رؤوس خواريف و وضعوها بين كتفيهم بعيد عن السامعين    Report

09-29-2004, 09:14 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty >هلأ اذا بدنا نحكي رح تنبحتوا علينا بس بدي بق هالبحصة ما حدا فيكون بيعرف شو معنى الامية الامية و حسب تعريف اليونسكو هي القدرة على استخدام المعلومات و تحليلها و الاستفادة منها بالحياة العملية هاد هو تعريف الامية يا سادة بشكل مختصر هالموضوع بالذات هتميت فيه كتير بايام الجامعة بقا حسب هاد التعريف كم واحد فيكون امي و كم خريج جامعي او من حملة الماجستير امي انا ما عماتهجم على حدا بس هي الحقيقة اذا النظام التدريسي من اولو لاخرو بيعتمد على قدرة الطالب على استحضار المعلومات التي حفظهاو لا يمتحن على اساس القدرة على الاستفادة من المعلومات بقا عدو كم امي حقيقي عنا بالبلد ---------------- بس تعريف الامي حسب المناهج السورية و اذا انت درست بالمدارس السورية بتعرف انو غير الشي يلي انت ذكرتو و حسب ما بذكر: "الامي هو الشخص الذي بلغ السادسة عشرة و لا يعرف القراءة و الكتابة"... هو هيك بما معناه... بس فيك تحطلي شي لينك يلي بيذكر هل التعريف على لسان اليونيسكو؟ لانو حسب هيك تعريف....نسبة الامية جدا كبيرة بالعالم كلو...مو بس عنا! زعبوط

09-29-2004, 11:41 PM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد تكرم زعبوط بس لالقي وراقي القديمة بحطلك لينك التعريف    Report

09-30-2004, 01:20 PM Danti77 Joined on 11-19-2005 SYR Posts 34 مقالات اعجبتني و تعليقات قد لا تعجبهم - موضوع خالد سلام اجد ان الموضع اخذ كثير من الابعاد عزيزي نايتي امي ليست مسبة هناك فرق بين الجاهل والعالم والامي انا مدركة ان امي بفكرة القراءةوالكتابة ورغم ما نشر عن الاحصائيات في سوريا تجد ان كثير من الشعوب تعاني الامية بمعنى القراءة والكتابة ولكن ضعب امة لا يقرر بهذا المفهوم او غيره كم من شعوب امتلكت المعرفة ولم تستخدمها وجائت وبالا عليها ان تملك شيءولا تستخدمه هنا الكارثة وهو ما يحصل بكثير من الامور ما بيقولو الي بيعرف مو متل الي ما بيعرف مابالكون الي مطيلس بنوب بكل الحب    Report

09-30-2004, 01:22 PM Danti77 Joined on 11-19-2005 SYR Posts 34 مقالات اعجبتني و تعليقات قد لا تعجبهم - موضوع خالد ضعف* خطأ مطبعي كعادتي بكل الحب    Report

10-01-2004, 10:56 AM Nighty Joined on 11-19-2005 Posts 360 مقالات اعجبتني و تعليقات قد لا تعجبهم - موضوع خالد دانتي بلاها عزيزي بتصيبني كريزة وقت بسمعها صدقيني القصة مو قصة قراءة و كتابة شو بيستفيد الشخص اذا قرا راشتة طبية و ما عرف انو يلي بايدو راشيتة طبية او شو الفايدة من قراءة مقالة اذا ما فهمتيها او شو الفايدة من حفظ قانون رياضي بس ما نعرف نستخدمو و وين انا هاد قصدي صدقيني نص هالبلد بروس خواريف لك تصوري لهل الالة الحاسبة ممنوعة بنظامنا التعليمي و بتشوفيها عند بياع الخضرة    Report

10-01-2004, 11:37 PM Zannoubia Joined on 11-20-2005 SYR Posts 158 مقالات اعجبتني و تعليقات قد لا تعجبهم - موضوع خالد quote posted by za3boot <div dir=rtl> شو الفائدة اذا في عنا مليار مواطن بيفكو خط و بيقرو يوميات باسم و رباب..... </div> بس بدي قلك انك كتير مهضوم و بالمرة بزيد عدد مشاركاتي مشان يصيرو بيعبو العين غمضي عين و فتحي عين... بتصيري عالعكازة... طقم سنان و حردبة... و انتي بدون جوازة    Report

10-01-2004, 11:50 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty ما حدا فيكون بيعرف شو معنى الامية الامية و حسب تعريف اليونسكو هي القدرة على استخدام المعلومات و تحليلها و الاستفادة منها بالحياة العملية هاد هو تعريف الامية يا سادة بشكل مختصر هالموضوع بالذات هتميت فيه كتير بايام الجامعة بقا حسب هاد التعريف كم واحد فيكون امي عزيزي نايتي, انا مالي انسان صبور.. و خفت انت تتأخر علينا بمصدرك عن تعريف الامي حسب اليونيسكو....فرحت فتحت هالموقع تبع يونيسكو و دورت على تعريف الامية... و طلع معي...: Adult illiteracy is defined as the percentage of the population ag