Search Sort Posts:  Oldest to newest Newest to oldest

05-07-2006, 07:24 AM 3zra2il Joined on 01-05-2006 Posts 1,263 Re: سوريون في مطبخ الغربة  za3boot wrote: شيف زعبوط مدري ليش هيك بس شفت هالصورة عنت عبالي الشاورما وصرت أتخيلا وجبة عربي من عند الأغر بس مو مشكلة كلون كم يوم وبشبع شاورما بس ألي عندك طلب صغير ياريت تعلمنا طريقة تحضير الشعيبيات بالجوز وحلاوة الجبن وأيا وصفة تانية من المطبخ الحمصي وشكران   مواطن عالي الجودة    Report

05-07-2006, 08:48 AM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: سوريون في مطبخ الغربة  za3boot wrote:   اي نعم الاكلة بسيطة....بس بتسطح جمل صراحة.....   صحتين و هنا....     الله يسامحك لك زعبوط المنظر بيشهي اليوم عالعشا بدي ساويها و بكرة بضاعف دقائق الركض و الذي منو بالنادي بس ما قلتلي جربت تحطلا جبنة موزاريلا عالوجه؟؟؟   إن لم تستح فافعل ما تشاء    Report

05-07-2006, 08:51 AM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: سوريون في مطبخ الغربة  LostParadise wrote: مفركة البطاطا البرادايسية متل ما عودكم المبطخ البارادايسي..... يلي لا يؤمن بضرورة تناغم و تناسق مكونات الطبخ.... رح نقدملكم طبق فخم من طبخ الشيف لوست المكونات حبتين بطاطا.... كم سن توم.... كوشة كزبرا.... بهارات اسما روز ماري.... تعدموني اذا بعرف شو شغلتا..... اساسا ما بعرف شو جابا لعندي عالبيت.... فلفل اسود.... ملح.... زيت قلي.... زيت زيتون..... مقلاية.... طنجرة و غطاوتا.... صحن.... و كاسة التحضير قشرو البطاطا و غسلوها.... ثم قطعوها مربعات حجم وسط..... بعدين قلوها نص قلية حطو الناتج بطنجرة.... و زتو فوقو التوم بعدما تقطعو مع الملح و الكزبرة.... يلي حتى لو كانت معسئلة معلش بضل بتعطي نكهة.... ورشو الملح و البهارات و كل ما تجود به قريحتكم.... و شوية زيت زيتون..... و على نادر هادية شي ربع ساعة زمان الناتج هوي الصحن التالي بالخلفية بتشوفو كيسين نودلز.... هدول من احتياطي الطعام الاستراتيجي تبعي يلي بنزلو وقت الازمات.... نزلت هالكيسين احتياطا.... يعني اذا طلعت الاكلة ما بتتاكل فبينزلو عالمائدة بخمس دقايق و صحتين     شو مشان طريقة التحضير ؟ بتعرف أنو ولا مرة آكلة مفركة بطاطا بلا شي يعني يا أما مفركة بطاطا بالبيض يا أما باللحمة بس بلا شي هاي أول مرة بتشرف فيها إن لم تستح فافعل ما تشاء    Report

05-07-2006, 10:06 AM toulin Joined on 11-24-2005 Posts 2,856 Re: سوريون في مطبخ الغربة  sanjoob wrote: تولين عزمانكون ما كان في لحمة؟؟ عيلة vegetarian محشوة بحبك...كوسادة    Report

05-07-2006, 01:37 PM matrix01 Joined on 11-19-2005 Posts 15,488 Re: سوريون في مطبخ الغربة إلى كل السوريين يللي بالمهجر إخواني الأعزاء إنشالله بعلمكن قريبا أكلة الشاكرية مع الرز يللي الكل أكيد بحبوها يعني كلنا بالهوا سوا مغتربين و منحس ببعض و الخلود لرسالتنا        Report

05-07-2006, 02:50 PM finalfantasy Joined on 11-20-2005 في جنح الظلام Posts 1,265 Re: سوريون في مطبخ الغربة انو ليش كلكون بتشربو نفس العصير؟      Report

05-12-2006, 04:17 AM 3zra2il Joined on 01-05-2006 Posts 1,263 Re: سوريون في مطبخ الغربة وهي طريقة تحضير أكلة صوت وصورة تعدموني أزا عرفت شو هية بس مافي مشكلة فوتو جربوا وبركي عبد بشرحلنا شو هية الأكلة يلي تم تحضيرة http://www.5qq5.com/mob/getfile.php?cat=blue&id=40   ومتل  مابيقول الشيف زعبوط صحتين وعافية مواطن عالي الجودة    Report

05-12-2006, 05:42 AM za3boot Joined on 11-20-2005 Posts 8,459 Re: سوريون في مطبخ الغربة  finalfantasy wrote: انو ليش كلكون بتشربو نفس العصير؟   لانو هادا العصير عم توزعو السفارة السورية على ابناءها المغربين منشان يضلو بصحة جيدة....   سارع اخي المغترب للحصول على عبوة العصير الخاصة بك......راجع اقرب سفارة سورية....    Report

05-12-2006, 05:52 AM Mogtareb Joined on 11-22-2005 Posts 798 Taboleh in the park Attachment: 100_0367.jpg to have that you need  A wife A park  you ask your wife to make Tabouleh and then go the park  Wa Sa7teen    Report

05-12-2006, 08:47 AM nonilove Joined on 12-27-2005 Posts 3,091 Re: سوريون في مطبخ الغربة كان بدي اكتب طريقه الشيش طاووق بالفرن او مشوي بس طريقه طيبه كتيرر بس ماعندي صور ومو معقول روح اطبخا وصورا اذا بيمشي الحال بلا صور بمشيها وبطجا هون واذا نو راح نص عمركن بس مين بده يعرف طريقة اي طبخه يقلي عليها   عازز عليا النوم وطيفك على بالي    Report

05-12-2006, 12:55 PM finalfantasy Joined on 11-20-2005 في جنح الظلام Posts 1,265 Re: سوريون في مطبخ الغربة  za3boot wrote: لانو هادا العصير عم توزعو السفارة السورية على ابناءها المغربين منشان يضلو بصحة جيدة....   سارع اخي المغترب للحصول على عبوة العصير الخاصة بك......راجع اقرب سفارة سورية.... ماحدا عطانا شي هون.....ال ماعميوصلون.....العما على هلسفارة ..ازا عصير ماعندون    Report

05-12-2006, 07:51 PM jwdi Joined on 11-19-2005 Posts 198 Re: سوريون في مطبخ الغربة شو هالشيف زعبوط   والله بتعرف اكلات اكتر مني بس انا ما لي مغتربة لذلك لن اشارك معك في الموضوع روحت عليك وصفة البيض المقلي   بالاضافة الى المعكرونة بالجبنة     القلب لديه أسبابه ..... التي لا يعرف العقل عنها شيئاً !!!    Report

05-13-2006, 01:08 AM Ana_Arabia Joined on 01-20-2006 Here! Posts 388 Re: سوريون في مطبخ الغربة يا جماعة  حدا بيعرف شي وصفة طيبة لمساوات الهريسة كتير جاية عبالي و مابعرف ساويها لا تقل شئنا فان الحظ شاء    Report

05-18-2006, 05:39 AM sanjoob Joined on 11-19-2005 حوض المتوسط Posts 10,779 Re: سوريون في مطبخ الغربة زعبوط زكاتك اذا فيك تحطلنا طريقة عمل ال... lobster انابيبو و ارضي عربية    Report

05-18-2006, 11:40 AM NDL Joined on 11-19-2005 out of reach Posts 4,166 Re: سوريون في مطبخ الغربة  sanjoob wrote: زعبوط زكاتك اذا فيك تحطلنا طريقة عمل ال... lobster يا شماتة العدا    Report

05-20-2006, 09:22 PM za3boot Joined on 11-20-2005 Posts 8,459 Re: سوريون في مطبخ الغربة اكلت اليوم هي معكرونة مع حباشاتها..... مبدئيا نفس الحباشات يلي حطيتهون بس زيادة عليهون سوس و معكرونة.... اكلة سريعة و بتسند شي نهار كامل.....و بالتالي اوفر للجيبة....   المكونات... معكرونة بندورة و معجونها فطر جبنة بارميزان جبنة ريكوتا او روكفور او دانيش بلو جبنة كروتونيز....اي جبنة شكلها غريب بيمشي حالها جبنة تشيدر خل بالساميك...Balsamic vinegar عصير ليمون زيت زيتون بهارات هوت دوغ فليفلة توم بصل طنجرة مصفاية صبيين   طريقة التحضير بتغلو المي و بتحطو فيها ملح و زيت...و بتزتو المعكرونة لتصير طرية......بنفس الوقت بتخلو الصبي الاولاني يعمل السوس..خليه يحط البندورة المقطعة بشكل صغير شوي على النار..و بتستعملو شوية مي يلي استعملناها لغلي المعكرونة....بعدين يحط شوية معجون بندورة...منشان التماسك....بعديم بيحط زيت زيتون...بهارات..الخل....انواع الجبنة الاربعة....و عصير الليمون.....بيطلع معنا سوس الكواترو فورماجي...كمان بنفس الوقت بتخلو الصبي التاني يقطع الهوت دوغ و التوم و البصل و الفطرو الفليفلة....و يقليهون بالمقلاية مع نقطة زيت.... بتصفو المعكرونة بالمصفاية....بتضيفوها للمقلاية يلي عم يشتغل عليها الصبي التاني و بعد شي 3 دقايق...بتكون خالصة...بتسكبوها بالصحن و بتحطو فوقها السوس يلي ساواها الصبي الاولاني...بتقلعو الصبيين على بيوتهون و بتاكلو الاكلة.... و صحتين و عافية... بكرا رح علمكون كيف تساوو لوبستر او كركند...    Report

05-20-2006, 10:16 PM modey911 Joined on 11-20-2005 خلف الشاشة Posts 1,056 Re: سوريون في مطبخ الغربة  za3boot wrote: .... و صحتين و عافية... بكرا رح علمكون كيف تساوو لوبستر او كركند... وين العصير شيت السفارة ليش مو حاطو؟؟؟؟ ننتج الميثانول و مادة ال اي بي بي    Report

05-21-2006, 03:51 AM za3boot Joined on 11-20-2005 Posts 8,459 Re: سوريون في مطبخ الغربة هالاكلة قررت اطبخها بعد تجربة مريرة صارت معي من يومين خربتلي ميزانية الشهر......و كمان لانو سنجوب طلبها قبل ما يترك البلد.....   الاكلة لمحبين المأكولات البحرية......و هي اللوبستر....و يمكن بالعربي اسمو الكركند....   المكونات:   شختورة شبكة 2 لوبستر عايشين سبيترو او اي شي كحولي برتقال ليمون فلفل ملح فليلفة توم بصل اي سوس على زوئكون صحن بيتزا من عند بيتزا هت سيجار كوبي اناناس مقطع   طريقة التحضير...   من طيز الصبح...بتروحو بالشختورة و بتصطادو 2 لوبستر....و حورية بحر اذا بتلاقوها...بتحطو الحورية بالفريزر و بعلمكون طريقة تحضيرها مرة تانية.... هلأ اللوبستر لازم يكون عايش....لانو اول ما بيموت اللحم تبعو بيتفسخ مباشرة و بيصير غير صالح للاكل....منشان هيك اهم الشي انو يكون عايش.....و شكلو هيك و هو عايش....بقدملكون لوبي و سوبي...و طبعا هدول اسماء الدلع...   يلي على اليمين هو لوبي و التاني هو سوبي... [URL=http://imageshack.us][/URL]     و هي صورة مقربة لسوبي.... [URL=http://imageshack.us][/URL]   بتقطعو البرتقال و الليمون و التوم و البصل و الفليلفة...بتحطوهون بطنجرة المي يلي لازم يكون معبا تلت رباعها....بتحطو شي نص كاسة ملح و فلفل...و بتخلوهون ليغلو على الاخير....متل هيك..   [URL=http://imageshack.us][/URL] بعدين....بتمسكو اللوبستر و هو لساتو عايش و عم يبلعط بأيديكون...بتقولو بسم الله الرحمن الرحيم و بتزتوه بالطنجرة الغليانة....رح يبلعط شوية و يطلع صوت غريب.....فهون انتو رح يغط على البكون....بتتستعملو السبيترو منشان تفيقو.....و بتحطو اللوبستر التاني...و نفس الشي...بلعطة...صوت غريب...غوطنة و سبيترو....بتتأكدو انو اللوبسترين مغمورين بالمي على الاخير...بتغطو الطنجرة و بتعيرو 20 دقيقة.....بعد عشرين دقيقة....بيكونو جاهزين للاكل....بتطلعوهون من الطنجرة....و لازم لونهون يكون زهري.... بيطلع معكون بهل الشكل هاد...و جاهز للاكل...   [URL=http://imageshack.us][/URL]   بعدين لازم تملصو و تفصصوه بأستعمال الشاكوشة و المفك....غالبا رح تقرفو عيشتكون اذا لسا ما قرفتوها....رح يطير اللحم بكل انحاء المطبخ مع كل ضربة شاكوش....رح تشوفو شغلات عجيبة غريبة....بتزلع المصارين.....رح تسدلكون ابليتكون و تفرفو شي اسمو اكل و بحر و برشلونة و ارسينال و كرة قدم و لوست برادايس. ...و اذا لساتكون جوعانين...كلو البيتزا....   هلأ اذا مصرين على الاكل....اطيب الشي فيه هو اللحمة يلي بالملاقط و الدنب....الرجلين فيكون تمصو اللحمة يلي فيهون مص....كلحمة....كتير طيبة...بس بعد قتل هالحيوان و تكسير عضامو..رح تقرفو بصراحة...منشان هيك ازا بتروحو على اي مطعم و بتطلبوه رح يكلف 40 دولار...بس رح تتهنو فيه و تستمتعو  اكتر....و بيقول المتل...هين فلوسك و لا تهين نفوسك...... ينصح بتدخين اصبع سيجار على الاخير و تناول اناناساية كاملة منشان تخلصو من الريحة يلي رح تعلق براسكون من جوا و ما رح ينفضها الا السيجار.....و الاناناس لتغيير طعمة التم...   و صحتين و عافية....   الاسبوع الجايي بعلمكون شلون تطبخو جاجة عايشة بالمايكرو ويف.....        Report

05-21-2006, 01:26 PM matrix01 Joined on 11-19-2005 Posts 15,488 Re: سوريون في مطبخ الغربة لك يخرب بيتكن شو هالقرف لا و لسا عايش كمان يععععععع    Report

05-26-2006, 11:58 PM finalfantasy Joined on 11-20-2005 في جنح الظلام Posts 1,265 Re: سوريون في مطبخ الغربة وينك زعبوط؟.  لك ماتطبخلك شي طبخة  زعبوطية ناكلها؟؟ جعنا    Report

05-27-2006, 12:06 AM marioroma Joined on 11-19-2005 Posts 2,654 Re: سوريون في مطبخ الغربة هلق عن جد انت البارون تبع العيادة لما صيت غنا و لا صيت فئر في عيد الميلاد اتذكر أمي بعيون طفل    Report

05-27-2006, 12:09 AM Hish Joined on 12-10-2005 هشام السوري Posts 2,000 Re: سوريون في مطبخ الغربة  finalfantasy wrote: وينك زعبوط؟.  لك ماتطبخلك شي طبخة  زعبوطية ناكلها؟؟ جعنا   http://www.gbsfood.com/     Tomorrow is another day.    Report

06-23-2006, 08:46 PM finalfantasy Joined on 11-20-2005 في جنح الظلام Posts 1,265 Re: سوريون في مطبخ الغربة    Report

10-07-2006, 10:12 AM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: سوريون في مطبخ الغربة up إن لم تستح فافعل ما تشاء    Report

10-09-2006, 10:24 PM za3boot Joined on 11-20-2005 Posts 8,459 Re: سوريون في مطبخ الغربة Attachment: Kabseh.jpg طريقة تحضير الكبسة...... المكونات - بزر دوار القمر - رز - قرفة - ست سبع طناجر - هيل - بهارات - اربع جاجات - ملح - فلفل - رب البندورة - بصلة مفرومة   طريقة التحضير..وسطيا بحاجة لست ساعات تفرغ... منجيب الجاجات و منحطهون بطنجرة...منحط معهون قرفة و هيل و ملح و بهارات.....و طبعا منعبي الطنجرة مي و منسلق شرفهون... بنفس الوقت...منجيب الرزات..و كمان بطنجرة تانية....مننقعهون بالمي لمدة لا تقل عم نص ساعة..... منجيب طنجرة و منجيب البصلة ..منقطعها بشكل ناعم و دقيق و متزن.... بعدين بطنجرة منفصلة...منحط زبدة او سمنة...حسب المتوفر....فأنا ما حطيت شي لانو مافي شي متوفر عندي....المهم...بتحطو الزبدة و بتحموها...لما تبرد...حطو رب البندورة....و البصلة الناعمة...و الجاجات يلي لازم يكونو انسلقو...بتشيلوهون من مرقتهون و بتحطوهون مع المزيح....كمان بطنجرة منفصلة....و بتقلو المزيج كلو مع بعضو على نار هادية....   بعدين بتجيبو المزيج السابق و بتحطوه بطنجرة...و بتضيفو عليه مرقة الجاج و كمان بتحطو ملح و قرفة و بهارات....بمجرد ما غلت الخبصة....بتنوصو النار على انوص عيار...بتغطو الطنجرة و بتستنو شي نص ساعة.... بالاخير بتجيبو طنجرة....بتسكبو فيها كمية الكبسة يلي بدكون تاكلوها....و بتصفو شوية جاج على الوش....و اصولا لازم ينحط صنوبر و لوز...بس هاي البير و هاد غطاه...منشان هيك بتستعملو بزر دوار القمر.... و صحتين و عافية...        Report

Page 3 of 16 (384 items) < 1 2 3 4 5 > ... Last »

Souriaty Club » غرف المناقشة با... » غرفة سوريا الاج... » سوريون في مطبخ الغربة

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة