Search Sort Posts:  Oldest to newest Newest to oldest

02-13-2006, 11:10 AM crazyivan Joined on 11-19-2005 Posts 1,605 في الباحه المشهد الأول باحة المدرسه ولاد عم يعيطو و يركضو .. ستال و كريزي على جنب عم يحكو ---------------------------------------------------- كريزي: جبت المصاري؟ ستال: أي كريزي: وينون؟ ستال: بجيبتي! كريزي: عم تخفف دم؟ ستال: لاء .. عنجد بجيبتي.. شوف كريزي: أي ولله ستال: جبت البضاعه؟ كريزي: طبعا.. ليكا جاهزه بالشنته.. عطيني المصاري أول شي ستال: ما حزرت حبيبي.. قديمه كتير لعاب غيرا.. بتاخود و بتعطي بنفس الوقت كريزي: بلكي أخدت المصاري و ركضت يا عكروت؟ بعرفك عرص و بتعملا ستال: شو صار بالثقه يا زلمه؟ أديش صرلنا بالبزنس سوا؟ كريزي: ولله يا معلم بتعرف البزنس تبعنا.. ما في محل للثقه فيه.. يلعن أخت هالزمن يللي جبرنا نشتغل بهالمصلحه الدنيئه.. بتعرف شو؟ عم فكر بطل بعد ما نخلص من هالصفقه! ستال: طول بالك يا زلمه. شو تبطل؟ و من وين بدي لاقي "بضاعه" أنا؟ بعدين ما بيعصب المعلم اذا بطلت؟ كريزي: أي يزعل.. ويعمل شو ما بدو.. يعني لأيمتى رح نضل خايفين منو؟ بدو يبعتلي عصابتو يبعتا.. ماعت تفرق معي ستال: شكلك ما شربت قهوتك اليوم.. خلص لا تستعجل .. فكر منيح قبل ما تبطل.. هات البضاعه لقللك كريزي: هات المصاري فجأه بيظهر بلاولاشي .. كريزي و ستال بيتفاجأو.. الظاهر بلا ولا شي سمع كل شي!! ستال بيطلع بكريزي و بيقول: عم تفكر متل ما أنا عم فكر كريزي: أي.. بلا ولا شي صار مصدر وجع راس .. لازم نخلص منو كريزي و ستال بنفس الوقت:: ها ها ها ها ها ها ها يتبع..    Report

02-13-2006, 04:08 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم Attachment: alkhateebeh.jpg  blawlashi wrote: دق باب غرفة الضيوف وفاتت الصبية ... إيييييييييييييه لأا عن جد حلوة ... لعما شي ضرب ماكن هالبنت!! ... انفرجت أساريري كلها بهديك اللحظة وطلعت هيك بأم أحمد تطليعة وقلت لحالي "بالفعل لا تاخد الرفسة الماكنة إلا من الحمار الأعرج" قربت الصبية حاملة صينية العصير والكاسات بقلبها عم ترجف ... مدتلي الصينية ... حملت الكاسة بإيدي وقلتلها يسلموا إيديك يا قمر ... وإذذذذذ ..... البنت بتبتسم ابتسامة ملائكية وبعدين بتقدح ضحكة من هدول تبع ناجي جبر ... يا جماعة حسيت قلبي وقف بمحله ... لك الله لا يعطيك العافية يا أم أحمد لعما يا ريتها ما فتحت تمها ... الحمار بيفوت جوات تمها يدور ويطلع ...   ليش هيك حظاتي أنا؟!!!     انابيبو و ارضي عربية    Report

02-13-2006, 04:09 PM farid55 Joined on 11-19-2005 SYR Posts 3,855 Re: في الباحه يحرق حريشك مطرح مابيحرقو الحريش    Report

02-13-2006, 04:11 PM farid55 Joined on 11-19-2005 SYR Posts 3,855 Re: في الباحه تتهنى يابلوشي ومابتبلى هالأبتسامة ياحق يحرق حريشك مطرح مابيحرقو الحريش    Report

02-13-2006, 04:13 PM farid55 Joined on 11-19-2005 SYR Posts 3,855 Re: في الباحه أحلى شباب والله بس عن جد هللو باكاني من الضحك أحلى شي تبع القوارض يحرق حريشك مطرح مابيحرقو الحريش    Report

02-13-2006, 04:15 PM sanjoob Joined on 11-19-2005 حوض المتوسط Posts 10,779 Re: في الباحه  farid55 wrote: أحلى شباب والله بس عن جد هللو باكاني من الضحك أحلى شي تبع القوارض انابيبو و ارضي عربية    Report

02-13-2006, 04:23 PM farid55 Joined on 11-19-2005 SYR Posts 3,855 Re: في الباحه تتهنى يابلوشي ومابتبلى هالأبتسامة ياحق يحرق حريشك مطرح مابيحرقو الحريش    Report

02-13-2006, 04:27 PM farid55 Joined on 11-19-2005 SYR Posts 3,855 Re: في الباحه  sanjoob wrote:  farid55 wrote: أحلى شباب والله بس عن جد هللو باكاني من الضحك أحلى شي تبع القوارض شووووووووووووووو يحرق حريشك مطرح مابيحرقو الحريش    Report

02-13-2006, 04:29 PM farid55 Joined on 11-19-2005 SYR Posts 3,855 Re: في الباحه شو بخصوص الكرامة والشعب العنيد ؟؟؟ يحرق حريشك مطرح مابيحرقو الحريش    Report

02-13-2006, 04:30 PM sanjoob Joined on 11-19-2005 حوض المتوسط Posts 10,779 Re: في الباحه ma qtana3et! انابيبو و ارضي عربية    Report

02-13-2006, 04:49 PM farid55 Joined on 11-19-2005 SYR Posts 3,855 Re: في الباحه يحرق حريشك مطرح مابيحرقو الحريش    Report

02-13-2006, 07:35 PM Elssia Joined on 11-19-2005 CAN Posts 692 يوميات اليوم التنين  الصبح و الواحد مو طايق حالو, راجع عالشفل بعد يومين عطلة...........ولييييييييي لسا خمس تيام للويك اند   بطلع عالساعة بلائيها 7:30 اووووووووووووف كيف بدي الحئ البس و سشور شعري و اعمل ميك آب و اشرب قهوتي.........النهار مبين من اولو   خلصت تحضيراتي عالسريع , بودع ماما و بفتح الباب و از بلائي جارنا بلاولاشي عم يتنأوز من ورا بابون منشان يشوفني ايمتى رح اطلع, بس انا بطنشو لأنو من جهة انا ما بحب هالحركات و من جهة تانية الشباب مستوطين حيطو و بيضلو بيبهدلوا عالروحة و الجية, و ما اثبتلي ولا مرة انو قوي و أد حالو   بوصل على مدخل البناية بلائي جارنا المشكلجي كريزي ايفان عم يلعب بالموس و يدخن سيجارة , ما سلمت عليه لانو سمعتو مش ولا بد بالحارة, و بيقولوا انو و العياز بالله بيحشش .....!!!!   انا و ماشية حدا بيلكشني على كتفي بطلع بلائي زميلي بالشغل سنجوب صباح الخير السيا صباح النور سنجوب هاو واز يور ويك اند؟ نات باد, ريلاكسينغ, هاو اباوات يورز؟ غريت (سنجوب مع ضحكة شبر) آي وينت كلابينغ اون ساتردي نايت, اون فرايدي نايت هاد برتية شدة مع الشباب للصبح, الاحد وينت شوبينغ   واوووو شوبينغ......... لاكي يو   ياي يا السيا شو في شغلات حلوة بالمول, اشتريت ترينينغ بانتس و ترينينغ شوز اديداس بياخدو العقل, عملت تاتو على كتفي ليكي شو حلو...............نحنا وعم ناخود و نعطي منشوف رفيئنا لوست برادايس   هاي غايز هاي لوست........منرد عليه طلعو بالسيارة منروح كلنا سوا عالشغل..........لوست عم يعرض خدماتو   طلعنا ببعض انا و سنجوب و قلنا بصوت واحد " اكلنا هوا" آخر مرة طلعنا معو بسيارتو اضيناها دفش............لا لا شكرا لوست حابين نتمشى كلك زوء منبئى منشوفك بالشغل بعد شوي بالله طلعوا احسنلكون من شنططة السيرفيسات بيني و بين حالي " لا والله بتشنطط بالسرفيس ولا بدفش سيارة" (منشان البرستيج مو اكتر)   ثانك يو دير ............ سي يو آت وورك, باي فور ناو   منطلع بالسرفيس....طبعا  بعد طول انتظار....., منمشي خمس دقايق بيوقف السير!!!! لك شو القصة ليش عجأة كتير, خير انشاالله عمو الشوفير فيروس ليش السير واقف " بسأل الشوفير"   عمو الشوفير فيروس : ما بعرف شو القصة, شكلو شي حادث يا اما شي مواطن فاسد مكبر حكي مع شرطي ا لسير   بمد راسي من الشباك بلائي سيارة لوست برادايس واقفة بنص  الشارع و معطلة يا حبيبي لا ازا طلعنا معو خالصين ولا ازا ماطلعنا خالصين, الله يمضي هالنهار على خير "بقول لحالي"   استنينا شي عشرين دقيقة لحتى اجا الونش سحب السيارة و طلع لوست معنا بالسرفيس و بوجنا عالشغل, الله يوفقك عمو الشوفير فيروس بسرعة, اتأخرنا على شغلنا     بعد تأخر تلت رباع الساعة منوصل عالشغل, لسا ما منفوت على مكاتبنا منسمع الآزن عم يناديلنا لوست سنجوب آنسة السيا, مطلوبين لمكتب السيدة المديرة كاب!!!!!!       يتبع.......    Report

02-14-2006, 06:00 AM blawlashi Joined on 11-20-2005 Posts 11,815 Re: يوميات   يا فتاح يا عليم .. الخطيبة وشفتو صورتها ... وإلسيا شايفتني خروء ...   لك شو هالحظات!! مقسومين .. لك قوم فوت نام وصير حلام    Report

02-15-2006, 03:35 AM sanjoob Joined on 11-19-2005 حوض المتوسط Posts 10,779 Re: يوميات just a li22le up ^ انابيبو و ارضي عربية    Report

02-15-2006, 06:02 AM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم جلس الطفل الصغير بجانب مدفأة الحطب ... "بلوشتي" "لك شو بدك ... ما قلتلك لا تقاطعيني وأنا عم أكتب ... " جلس الطفل الصغير بجانب مدفأة الحطب ، كانت ليلة باردة "يا بلوشتي" "لك الله يلعن أبو بلوشتي على أبو الساعة يلي ولد فيها بلوشتي ... الله ينزع مساكي طيرتيلي الفكرة ... الله لا يوفقك يا إم أحمد الزفت ... خير شو بدك" "بدي إعزم أهلي بكرا لعندك على الغدا .. جبلي معك 3 كيلو لحمة مفرومة وكيلو مجروشة" "الله ياخدك وياخد أهلك بنهار واحد " "شو قلت بلوشتي" "ما قلت شي عم حاكي حالي .. ما بتعرفيني مجنون بنص عقل؟" بتفوت من الباب بهديك اللحظة "يوه بلوشتي ليش هيك عم تحكي على حالك ... إنت عقلاتك بيتوزعو على بلد" "إيه حبيبتي أنا قصدي من وقت ما شفتك ما ضل فيني عقل من فرحتي " "يوه يبعتلك يا بلوشتي ... يعني أنا صحيح حلوة ... وبشهادة صحابك سنجوب ولوست قالو عني قمر أربطعش" "إيه هنن هيك قالو بعرف ... جهزتي الحلو ... الليلة السهرة عندي ... ومو إذا قلك باسل رقصاتك حلوين دغري بتحطيلي شريط عبد الوهاب وبتعدي بترقصي عليه ... فهمانة؟ ... نحنا هون بالشام ما عنا هيك حركات ... مو متل عندكن بجامايكا فلتة وطيشة" "خلص بلوشتي آسفة ... ما كنت بعرفك بتغار" دق الجرس   "لك وين رايحة" "رايحة افتح الباب" "لاءا ارجعي لهون أنا بفتح ... أهلين بالشباب تفضلوا ... لك شو هادا يلي حاملينو بإيدكن"   يتبع .... مقسومين .. لك قوم فوت نام وصير حلام    Report

02-15-2006, 09:38 AM cap2 Joined on 11-19-2005 Damascus - Syria Posts 2,684 Re: سوريات ... من تأليف عضاوات سوريا دوت كوم شرّف!!! بدك تتجوز ؟؟؟ كنت عزابي وماشاالله حولك ما نبهتك مية مرة انا؟؟؟؟          Report

02-15-2006, 09:47 AM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم  cap2 wrote: شرّف!!! بدك تتجوز ؟؟؟ كنت عزابي وماشاالله حولك ما نبهتك مية مرة انا؟؟؟؟         طيب ما لقيت وحدة بتعرف تطبخ غيرها ... شو بموت من جوعي يعني أما بفلس من ورا المطاعم؟؟   بعدين على قولة برناردشو "when lights fade out ... all women are the same" ...   مشان هيك بيتي عتمة    الله يورجيني فيكي يوم يا إم أحمد ... مقسومين .. لك قوم فوت نام وصير حلام    Report

02-15-2006, 09:52 AM cap2 Joined on 11-19-2005 Damascus - Syria Posts 2,684 Re: سوريات ... من تأليف عضاوات سوريا دوت كوم  blawlashi wrote: طيب ما لقيت وحدة بتعرف تطبخ غيرها ... شو بموت من جوعي يعني أما بفلس من ورا المطاعم؟؟ بعدين على قولة برناردشو "when lights fade out ... all women are the same" ... مشان هيك بيتي عتمة  الله يورجيني فيكي يوم يا إم أحمد ... أهلين طبخ..... بكرا بتفلسك هيه يعني عالحالتين رح تطلع بلوشي    Report

02-15-2006, 10:00 AM blawlashi Joined on 11-20-2005 Posts 11,815 Re: سوريات ... من تأليف عضاوات سوريا دوت كوم  cap2 wrote:  blawlashi wrote: طيب ما لقيت وحدة بتعرف تطبخ غيرها ... شو بموت من جوعي يعني أما بفلس من ورا المطاعم؟؟ بعدين على قولة برناردشو "when lights fade out ... all women are the same" ... مشان هيك بيتي عتمة  الله يورجيني فيكي يوم يا إم أحمد ... أهلين طبخ..... بكرا بتفلسك هيه يعني عالحالتين رح تطلع بلوشي   لكل معتر من اسمه نصيب مقسومين .. لك قوم فوت نام وصير حلام    Report

02-16-2006, 04:46 AM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم ^ انابيبو و ارضي عربية    Report

02-16-2006, 02:20 PM farid55 Joined on 11-19-2005 SYR Posts 3,855 Re: سوريات ... من تأليف عضاوات سوريا دوت كوم كمشتك يحرق حريشك مطرح مابيحرقو الحريش    Report

02-16-2006, 02:22 PM sanjoob Joined on 11-19-2005 حوض المتوسط Posts 10,779 Re: سوريات ... من تأليف عضاوات سوريا دوت كوم انابيبو و ارضي عربية    Report

02-17-2006, 02:52 AM LostParadise Joined on 11-20-2005 داخل الصندوق Posts 6,543 Re: سوريات ... من تأليف عضاوات سوريا دوت كوم نبقى الان.... مع هذا الفاصل  sanjoob wrote:     صالة أنابيبو للذة الحرام    Report

02-17-2006, 03:57 AM LostParadise Joined on 11-20-2005 داخل الصندوق Posts 6,543 Re: سوريات ... من تأليف عضاوات سوريا دوت كوم لوست.... مرحبا جارتنا توماتو.... من ورا الباب.... اهلين اخي اهلين لوست... كيف الصحة... نشالا تمام.... كيف الاهل... زمان ما شفناهم.... امانة تسلمي عليهم توماتو.... بيصل اخي بيصل لوست..... اي تمام.... اي شو كنت بدي الك توماتو.... بترد الباب اكتر.... خييير.... خير انشاله جارنا لوست.... لاء خير خير انشاله.... بس والله يا جارتنا.... الحمام عندكم عم ينشي مي علينا.... و توماتو.... شو هالحكي لوست.... يوه.... اي حمامنا مافي شي عين الله عليه.... يوه شو هالحكي هاد.... و غير هيك و هيك ماصرلنا كم سنة نافضينو لحمامنا.... اكيد مو من عنا التنشاية.... يوه على هالئصة لوست.... طولي بالك شوي علينا.... ما في حدا ساكن فوئنا غيركم.... بعدين مارح يبين بحمامكم شي..... الشغلة بتكون بمواسير المي يلي بارض الحمام عندكم.... و توماتو.... بتفتح الباب على مصراعيه..... اي ما حزرت منوب و الله يا لوست.... منوب ما حزرت.... اولا هي المواسير ماشية بسقف بيتكم مو بارض حمامنا..... تانيا انا والله شايفي حمامنا مافي اي مشكلة.... شغال و عين الله عليه.... بئا الله يرضى عليك نحن ما دخلنا.... المشكلة من عندك لوست.... بينضبع شوي و بيرجع خطوتين لورا.... يا جارتنا يا جارتنا..... انا جبت معلم صحية و قلي انو المشكلة من عندكم.... و توماتو..... لا والله اقنعتني.... اذا معلم صحية الك هيك بتئوم بترد عليه.... على اساس انك متعلم و فهمان يا بعدي.... القريضة انشاله على هالحكي لوست..... اي شو يعني بدي جبلك دكتور ليشفلي سبب التنشاية..... الله يرضى عليك يا جارتنا.... و الله الدهان صار عدم عنا.... بهون عليكي هيك تاذي جيرانك توماتو.... والله بس تثبت انو التنشاية من عنا.... و متل العالم و الناس مو تجبلي معلم صحية.... ساعتا بيطلعلك تحكي.... مع انو ما لازم تحكي على اذية الجيران ابدا.... ما بدي احكي هلا عن سالاتك انت ورفئاتك بالبناية.... و بعدين....   The End   صالة أنابيبو للذة الحرام    Report

02-17-2006, 06:29 PM Elssia Joined on 11-19-2005 CAN Posts 692 Re: سوريات ... من تأليف عضاوات سوريا دوت كوم باسل غسلت ايديك....؟ سنجوب شربت الحليب.....؟ بلاولاشي كتبت الوظيفة؟   ولييييي عليكون كنو ما بتجيبوا الجلطة.......قوم تحرك انت وياه   انا شو ضربني على ألبي و تجوزت؟ كنت مرتاحة عند أهلي معززة مكرمة بلا ولاد بلا هم...........لاء و شو!! 3 صبيان منشان تكمل معي   "بينفتح باب البيت و بيدخل رب الاسرة لوست برادايس و يدور الحوار التالي"   شو بكون ليش صواتكون طالعة؟   شو السيا شو بكي, شو في؟ مين ما عم يسمع الكلمة؟   السيا.............قول مين عم يسمع الكلمة؟ الله وكيلك معجزيني, سلولي عافيتي,..........باسل تروك شعر اخوك!   لوست..........بسيطة انت بتحمليها زيادة, مافي احلى منون   السيا..........ايه معك حق, للهم ووجع الراس و التعتير ما في احلى منون.......سنجوب حاج تئلب بالتلفزيون, قوم عالنوم   لوست.......... و بعدين لآخرتنا ما النا غيرون,هو صحيح نسوانون يصيروا يتمأطعوا فينا,و  ولادنا يلتهوا بعيلتون و نسوانون و مشاكلون و ينسونا, و بجوز يحطونا بمأوى العجزة.......... بس ما النا غيرون لكبرتنا!!!!!   السيا............لو كان عندي بنت, كانت ريحتني خيرات الله, بتسمع الكلمة ........لك كن انت وياه..........., بتساعدني, بتكون رفيقتي, بتزعل لزعلي و بتعمل الف حساب منشان ما تدايقنا, حنونة و ألبا كبير   بلاولاشي لسا  ما خلصت غر عالتلفون؟؟؟؟        ما كان الله ريحني و بعتلي بنت بدل هالتلت مصايب هدول.......نزيل عن الطاولة!!!   له يا السيا ما حبيتا منك, عيب شو هالحكي؟ بدك العالم يعيروني و يقولوا ما بجيب صبيان؟ ولا بدك امي تزعل مننا و تصير بدا تجوزني وحدة تانية!!!   انت معصبة روقي, الصبيان ما احلى منون, صحيح طايشين, عديمين المسؤولية, سريعين الانفعال, قابلين للانحراف, و مشاكلون ما بتخلص ............بس معليش  مابتعرفي المثل يلي بيقول هم البنات للمات!!!!!!!!    Report

Page 5 of 76 (1,899 items) « First ... < 3 4 5 6 7 > ... Last »

Souriaty Club » غرف المناقشة با... » غرفة سوريا الاج... » سوريات ... من تأليف عضاوات سوريا دوت كوم

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة