Search Sort Posts:  Oldest to newest Newest to oldest

11-04-2004, 02:56 PM mhd_uk Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد ناس فاضية!! فعلا صار المظهر هو الشغل الشاغل للشباب.. كل القضايا أقل أهمية من قضية الجمال بشعبنا.. هيك أولوياتنا! يعني هلأ كيف بدو يروح الشب عالجامعة ويساهم في تطوير بلدو وتقدمها ورقيها وسعيها إلى أن تكون من مصاف الدول المتقدمة إذا كان أنفو مو حلو كتير أو كان وزنو زايد كم كيلو أو كان قصير شي 5 سنتيمتر??? يعني حرام عليك يا زعبوط أنت ليش ضد التقدم والحضارة يا أخي?! بتروح وبتجي بالسلامة ولا تنسانا من الدعاء    Report

11-21-2004, 10:09 AM Anonymous مقالات اعجبتني و تعليقات قد لا تعجبهم - موضوع خالد ثغرات في القوانين تعزز النزعة الذكوريّة وتسامح "المغتصب"حينما تزفّ الضحية الى جلادها... لمحو الجريمة! "تزوجته تجنباً للفضيحة" تقول لميس التي تعرضت للاغتصاب منذ سبع سنوات تقريباً وتضيف: "كي تطوى القصة ولحمايته من الملاحقة القانونية, عرض أن يتزوجني ولم يحتج جهداً كبيراً كي يقنع أهلي بأن هذا الحل هو الأسلم والأشرف لي ولهم. لم أستطع الرفض فقد كنت منهارة تماماً وليس أمامي خيار آخر, تحولت عروساً وأصبح اغتصابي حلالاً أيضاً. عشت معه في ما يشبه الجحيم, مجرد ذكر اسمه يشعرني بالرعب, هو مجرم في نظري وسيبقى مجرماً!". ‏ ‏ ‏ زواج قانوني ‏ ‏ ‏ تنص المادة 489 من قانون العقوبات السوري على انه "من أكره غير زوجه بالعنف أو بالتهديد على الجماع عوقب بالأشغال الشاقة خمس عشرة سنة على الأقل ولا تنقص العقوبة عن إحدى وعشرين سنة إذا كان المعتدى عليها قاصراً". وإذ يقتصر الفعل الجرمي في هذه المادة على الضحية غير الزوجة, فهي تبيح في المقابل الاغتصاب الزوجي وتترك الزوج المغتصب بمنأى عن العقاب, لتأتي المادة 508 وتوقف الملاحقة القانونية بحق مرتكب إحدى الجرائم الواردة في المادة الأولى إذا ما تم عقد زواج صحيح بينه وبين المعتدى عليها لمدة لا تقل عن خمس سنوات شريطة ألاّ يتم طلاق المرأة خلال هذه المدة من دون سبب مشروع. ‏ ‏ وتقول س.ع. وهي أيضاً ضحية تعرضت للاغتصاب ثم تزوجت بمن تسميه جلادها: "لم أستطع الاستمرار في هذه اللعبة أكثر من سنة. طلبت أن يطلقني ولكنه رفض خوفاً من أن يتم القبض عليه, اشترط أن أطلب بنفسي المخالعة أمام المحاكم لئلا أتهمه بالطلاق التعسفي. كان همّه الوحيد أن يفلت من العقاب وقد أخبرني أنه غير منزعج من وجودي معه. بالعكس فأنا أخدمه وألبي رغباته وبالطبع فهو لا يمانع بل يفكر جدياً في أن يبقيني على ذمته حتى بعد انقضاء السنوات الخمس القانونية". ‏ ‏ نظرياً تملك المرأة سواء أكانت بالغة أم قاصراً حرية تقرير مصيرها في رفض أو قبول "عريس الغفلة" هذا. أما عملياً فيسيطر الخوف عليها من نظرة المجتمع وموقفه منها فتتلاشى كل الفرص أمامها وتنهار درءاً لما يسمى بالفضيحة والعار, وعلى رغم وجود بعض الحالات التي صمدت وحافظت على حقها بالاقتصاص من المجرم "طالب القرب" استسلمت غالبية المعتدى عليهن أمام خيار الزواج والسترة وإن كان الخلاص على يد المغتصب نفسه فرضخت ووافقت على العيش معه تحت سقف واحد ليؤسسا ما يسمى "أسرة" أو ما تصفه الكتب التعليمية بالمؤسسة الأهم في المجتمع. ‏ ‏ رب ضارة نافعة ‏ ‏ "القانون للجميع" وقد استغل بعض الشبان هذا جيداً فذهبت بهم عقولهم المريضة ليقدموا على اغتصاب فتاة أثارت إعجابهم من أجل إجبارها على قبول الزواج. تقول ج.ك. (19 عاماً): "كان ينتظرني يومياً أمام باب المدرسة ويتودد إلي طالباً علاقة بالحلال. أوضحت له أنني لا أزال صغيرة ولا أفكر بالزواج الآن. لم يقتنع واستخدم شتى وسائل التحايل والضغط لإقناعي. طلبت منه الابتعاد عني وهددته بأن أخبر أهلي فغضب وتوعدني كثيراً". أشاحت بوجهها مضيفة بمرارة: "لم آخذ كلامه على محمل الجد. حدث ما حدث واضطررت إلى قبول الزواج به فقد أخبر أهلي بأنه يعرفني منذ مدة طويلة وأن كل شيء تم بإرادتي. لم يستمر زواجنا أكثر من سنتين اغتصبت خلالها مئات المرات, أنا الآن مطلقة". ‏ ‏ نشرت إحدى الصحف المحلية مفارقة مبكية مضحكة عن شخص أقدم على اغتصاب قاصر في منزل صديق له ثم تزوج بها ليفلت من يد القانون بينما عوقب الصديق بالحبس أربع سنوات لأن عملية الاغتصاب تمت في منزله. اقتصر العقاب إذاً على الشريك في الجريمة في حين تساهل القانون مع الفاعل الحقيقي وإذا صح التعبير سامحه بصدر رحب , بل وثق به وجعلــه زوجاً ورب أســرة. ‏ ‏ لكل جريمة عقاب, لكن عندما يتعلق الأمر بجريمة الاغتصاب لا بد من الاعتراف بانتصار مؤسف للأعراف الاجتماعية والتقاليد المتخلفة على حساب الحق والعدل وحرية الاختيار. فإلى متى يبقى ميزان العدالة مختلاً وظالماً وحقوقنا الإنسانية منقوصة؟ ‏ ‏ ‏ الحياة‏

11-21-2004, 10:25 AM Anonymous مقالات اعجبتني و تعليقات قد لا تعجبهم - موضوع خالد صراحة و ما الكون عليي يمين..... انا اتفاجأت من هيك قانون.....!! شو هادا!؟ القانون بيراعي المغتصب و سمعة اهل البنت (كون سمعتها و شرفها و صلاحيتها موجودة بين رجليها بمجتمنا) بس ما بيراعي شعور البنت و نفسيتها المحطمة.... يا ترى شلون شعورها انو تتزوج انسان مجرم اعتدى عليها؟ يعني المغتصب انسان مريض...عدا عن كونو مجرم بكل الاعراف.... فليش نحنا منعطيه ميزة و منعامل الضحية على انها مذنبة؟ قانون مريض لمجتمع مريض و لا عتب....! زعبوط!

11-24-2004, 01:35 PM Alarabi3 Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد بونجور حجي ظعبوط أولا سمحلي قللك بعد ما اجيت من العمرة ألف مبروك انشالله عقبال الحجة الكبيرة تانيآ اسمحللي قول رأيي بمداخلتك الأخيرة ، يعني مابعرف ؟؟هو فقط مجرد رأي شخصي لا أكثر ولا أقل لذلك بتأمل انك تاخد رأيي بروح رياضية وبدون أي زعل .. أساسآ اذا بدك تزعل منلغي مشروع القول من أساسو..بس أكيد انت واحد من الناس يللي بيحترموا الرأي والرأي الآخر لذلك أكيد رح تتقبل رأيي بروح رياضية عالية..لاء وبظن واحد متللك اذا ماسمع رأيي بدو يزعل..لأنو الناس يللي من أمثالك بيتغذوا نقد وبيتعشوا نقد ذاتي ..على ذكر نقد ذاتي قال في ورق نقدي تجوز ورقة نقدية قام جابوا ولد سموه حق النقد اللافرعي..شو جاب سيرة الفرع هلئ؟؟تضرب الفروع ويللي بيطلع عليها..ايه نعم أنا قلت بيطلع وماقلت بينزل لأنو أنا قصدت فروع الشجرة العالية..وياويل يللي بيوقع فيها.. قصدي من عليها..باي باي أطراف سفلية وعلوية..هادا اذا ماوقع الواحد على نافوخوه..سيدي!!منرجع لموضوعنا الرئيسي..وين كنا؟ ايه كنت بدي قول رأيي ..اطمئن حجي..رأيي مارح يكون أهم من رأي الوزراء وأعضاء مجالس الشعوب والمدراء وشرطة المرور بس مع ذلك اذا ماقلتوه يعني لرأيي بدو يصيبني نفخة وأنا عادة النفخة عندي مابتنحل الا بضبط اقلاق راحة عند الشرطة لذلك ببوس ايدك خدني حسب عقلي وتركني قول؟؟؟ رح قول؟؟قول؟؟قول معليش؟؟يعني ممكن يللي بدي قولوه بيزعج بعض المسؤولين معليش؟؟؟..ولا قولتك ليش هني خلوا شى مابيزعج الا ماساوه؟؟ايه بس قد من كان لازم لحنا ناخود تصرفاتهون كمان بروح رياضية ..مو على أساس لحنا بنحترم الرأي الآخر ؟؟..هادا يعني انو لازم كمان نحترم تصرف الآخر ولا كيف؟ أنا بدفع نص عمري هدية ليلي بيقللي شو عم يساوا المسؤولين بمكاتبهون طول مدة الدوام الرسمي !!ياخي لعبة الشدة سوليتير خليها تاكول ست ساعات من الدوام ..وين راحوا الساعتين البقيانات؟ خلي ساعة تلفونات مع المرة والعشيقة ونص ساعة بالمرحاض على الحش يللي تمتعوا فيه طول الليل ,,,طيب وين راحت النص ساعة البقيانة؟؟هلئ بيقلي تمسيح جوخ,,طيب عشر دقايق تمسيح جوخ وربع ساعة عياط على الحجاب ,,وين راحت الخمس دقايق البقيانة؟؟هدول الخمس دقايق بيقبض عليهون مدير الاذاعة والتلفزيون نص مليون ليرة ,,مو لعبة؟؟يعني معقول انو ما عم يحسنوا المسؤولين بها لخمس دقايق يخططوا مستقبل الأجيال ..طيب موضوع مستقبل الأجيال خارج من ايدهون لأنو عادة بيتخطط من فوق ايه بس خليهون يحلولنا مشكلة البيئة وهجرة الريف الى المدينة..وليه شو بنق,,ليش ملائي سد لوئتي بالأول قبل ما احكي عن البيئة؟؟ماعلينا,,منرجع لموضوعنا,,شو كنت بدي قول؟ ايه تذكرت,,كنت بدي قول رأي بس أنا قررت انو ماقول شي,,هي أسلم طريقة لأنو الناس تحترم رأيي..وأنا كمان بحترم كل الآراء يللي صحابها بطلوا يقولوها ولو انو رح تضل غصة بقلبي سلام    Report

12-06-2004, 11:23 AM Anonymous مقالات اعجبتني و تعليقات قد لا تعجبهم - موضوع خالد شو حج زعبوط موضوعك الخالد كان راح يخلخل ويسلت الظاهر لائيت شي شغلة منيحه بالسعودية ...محرر سياسيي بشي مجلة مثلا

12-18-2004, 07:05 PM DamasMoon Joined on 11-19-2005 Damascus Posts 1,613 مقالات اعجبتني و تعليقات قد لا تعجبهم - موضوع خالد زعبوط الكبير وينك يا زلمة والله اشتقنالك كرمخت    Report

12-24-2004, 02:13 PM Anonymous مقالات اعجبتني و تعليقات قد لا تعجبهم - موضوع خالد quote posted by Alarabi3 أنا بدفع نص عمري هدية ليلي بيقللي شو عم يساوا المسؤولين بمكاتبهون طول مدة الدوام الرسمي !!ياخي لعبة الشدة سوليتير خليها تاكول ست ساعات من الدوام ..وين راحوا الساعتين البقيانات؟ خلي ساعة تلفونات مع المرة والعشيقة ونص ساعة بالمرحاض على الحش يللي تمتعوا فيه طول الليل ,,,طيب وين راحت النص ساعة البقيانة؟؟هلئ بيقلي تمسيح جوخ,,طيب عشر دقايق تمسيح جوخ وربع ساعة عياط على الحجاب ,,وين راحت الخمس دقايق البقيانة؟؟ طول بالك عزيزي كلشي بالرواق بيصير..... المشكلة ما بتنحل لا بخمس دقايق و لا بساعتين و لا حتى بدوام نهار كامل....المشكلة اكبر من هيك بكتير...يعني ايام و شهور و يمكن سنين...منشان هيك انسى! زعبوط

12-24-2004, 02:23 PM Anonymous مقالات اعجبتني و تعليقات قد لا تعجبهم - موضوع خالد و الله يا كواركس و يا داماس موون انا لا صرت حجي و لا حجك, يا دوبها عمرة و شكلو الله ما استجابلي لادعيتي لانو محسوبكون صرلو عم ياكل هوا من العيار التقيل من بعد ما رجعت من السعودية تقريبا و لا يزال الاكل مستمرا.....شو طق براغي.....شو تبييض صواني على حساب العالم....شو بهدلة بالشغل...شو احباطات عاطفية و خيانات....شو حشيش ما حشيش...يعني صار عندي من كل بحر نقطة..... المهم بيعين الله....و طول ما الصحة بخير الواحد ما بيضينو شي....لك صحي...اكلتها مرضة على كيفكون و ضليت مسطوح اسبوعين بعز البردات يلي سفقو الشام و ما حدا حس فيني شنو كنت لحالي.... و خلال تأملي و الساعات الطويلة لحالي رافقت 3 نملات....مو طلع النمل بيحكي؟ بس بدو مين يسمع...انا سمعت! خليها لربكن يا مواطنين.... المهم, منرجع لموضوعنا الخالد يلي ما كان خالد بنوب بغيابي...يا عيب الشوم... من بعد ما نردد الشعار بقلوبنا منبدا.... -------- الميلاد في سورية مختلِف لعل الاحتفال بعيد الميلاد في سورية يختلف عنه في البلدان العربية الأخرى (ماعدا لبنان) لأنه يُعتبر عيداً لجميع الناس، تعطل فيه مؤسسات الدولة عن العمل، ويعتبر يوم عطلة رسمية مع أن عدد المسيحيين في سورية لا يتجاوز عشرة بالمائة من عدد السكان، كما تعطل مؤسسات الدولة يوم رأس السنة الميلادية وفي عيدي الفصح الشرقي والغربي ويحتفل جميع السوريين بهذه الأعياد مع أنها أعياد مسيحية. ‏ يضع معظم السوريين من المسيحيين والمسلمين شجرة الميلاد في بيوتهم، وينتظر الأطفال أسبوع العيد ليضيئوا شجرة الميلاد، ويقوم السوريون المسلمون بزيارة أصدقائهم المسيحيين يوم الميلاد لتهنئتهم بالعيد كما هي العادات الشرقية الإسلامية التي يهنئ الناس بعضهم بعضاً بزيارة بيوتهم. ‏ تكتسي الأحياء المسيحية في المدن طابعاً خاصاً إذ تُضاء بمئات المصابيح الكهربائية، وتزين البيوت من الخارج، ويزدحم الناس في الشوارع للقيام بعملية الشراء المنتظرة منذ زمن، ويلهو الأطفال ـ من مختلف الأديان ـ في الحدائق وملاهي الأطفال ويلبسون أفضل ألبستهم. ‏ تكاد الأعياد المسيحية في سورية أن تكون أعياداً للمسلمين أيضاً، والأمر نفسه بالنسبة للأعياد الإسلامية، وهذا تقليد سوري منذ مئات السنين، وكأن هذه الأعياد أعياداً وطنية وليست دينية. ويوفِد رئيس الجمهورية موفداً خاصاً (وزير الرئاسة غالباً) ليقوم بتهنئة رؤساء الطوائف المسيحية يوم عيد الميلاد، والطوائف المسيحية عديدة في سورية أرثوذكسية وكاثوليكية وسريانية وغيرها، وعيد الميلاد موحداً لها جميعاً، أما عيد الفصح فيختلف من طائفة لأخرى (حسب اختلاف التقاويم) ويتوحد كل ثلاث سنوات. ‏ ‏ آكي‏

12-24-2004, 02:32 PM Anonymous مقالات اعجبتني و تعليقات قد لا تعجبهم - موضوع خالد كل عام و جميع السوريين من جميع الاديان بألف خير و طبعا بخص اخوانا المسيحيين و انشاء الله روح الميلاد تملى قلوب الجميع..... كل عام و بلدنا بخير و الله يحميلنا سوريا من العدو يلي برا العدو يلي جوا.... كل عام و اصدقائي المسيحيين بألف خير (على اساس رفقاتي بيعرفو انو زعبوط هو رفيقون ( ) ) كل عام و جميع الاعضاء بسوريا.كوم بخير و الله يهدي نفوسكون و تبطلو حروب الجهاد و الحروب لصليبية يلي شغالين بالمنتدى... كل عام و ابو يعرب و ابو ثائر و ابو مضر و ابو نوفل و ابو منهل و سيادة ابو طلال بألف خير و انشاء الله صحتين و هنا و منتمنالكون عام افضل و الله يبعتلكون سيارات مرسيدس متل يلي بغنية راغب علامة الجديدة.....و لا...ليش لحتى الله يبعتلكون؟ ما شاء الله حولكون مصاري و معكون و فيكون تشترو لحالكون!... فعلا, العيد بسوريا غير شكل....مبارح كنت بالقصاع و الغساني و هديك المناطق.... فعلا الزينة بتاخد العقل...و الله بتخلي الواحد ينسى همومو و يفرح.... كل عام و الجميع بخير.... زعبوط

12-24-2004, 02:49 PM thesweetestangel Joined on 11-20-2005 SYR Posts 66 مقالات اعجبتني و تعليقات قد لا تعجبهم - موضوع خالد اهلين بعودتك اخ زعبوط والحمدلله على سلامتك المهم ما بعرف اذا انت كاتب الموضوع بس في عندي تعليق بسيط عليه هو انو نسبة المسيحية بسوريا مو10 بالمية هي 14 بالمية وطبعا مصادري موثوقة ولا تنس انو المسيحية السوريين المهاجرين يفوق عددهن 11 مليون اما بالنسبة عن احتفال الاسلام مع المسيحية والمسيحية مع الاسلام في الاعياد فكلامك لا غبار عليه ومرة تانية شكرا عالموضوع دالية i love my tuxedo cat..    Report

12-24-2004, 03:09 PM mhd_uk Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد الحمد لله عالسلامة أبو الزعابيط كمان الزعابيط بيمرضو؟ على كل مبروك النا رجعتك وإحياء الموضوع من بين الموتى وكل عام والجميع بخير والله يديم الأفراح بالقلوب    Report

12-29-2004, 03:03 PM Anonymous مقالات اعجبتني و تعليقات قد لا تعجبهم - موضوع خالد العراقيون يحتفلون بعيد الميلاد في سوريا دمشق, سوريا- تتحدث دولت الياس حول احتلال المسلمين لمنزلها المهجور اليوم في كركوك في العراق، وعن رحلتها القاسية من وطنها الذي لم تطأ قدماها سواه، وهي لا تستطيع تحمل فكرة عدم العودة مطلقاً الى هذا الوطن. قالت بكل هدوء" كل انسان وطنه عزيز عليه، ولكننا كمسيحيين، لم نعد نستطيع العيش في العراق بعد الان". ولكن في كل مرة كانت تذكر فيها عيد الميلاد كانت تجهش بالبكاء وتسيل دموعها على خديها. قالت .. " انك لا تستطيع تخيل الفرحة التي تجتاحني وأنا أرى زينة عيد الميلاد هنا في دمشق" وغطت عينيها بيديها وتنهدت بعمق. وأضافت " لو أن أحدنا وضع صليباً في الخارج لقاموا باطلاق النار على الصليب حتى يقع على الارض. حتى أننا على مدى سنتين لم نكن نستطيع الذهاب الى الكنيسة. نحن نعتبر هذا اضطهاداً". في العام الماضي، احتفل العراقيون المسيحيون للمرة الأولى بعيد ميلاد وذلك بعد سقوط صدام حسين، بدت مظاهر الاحتفال من خلال الاشجار الزينة وحضور بابا نويل وغيرها من الطقوس العاطفية في كنائس بغداد التاريخية. ولكن هذا العام، احترق العديد من هذه الكنائس وتهدم نتيجة سلسلة من التفجيرات نفذت في أب. لقد عاش المسيحيون في العراق على مر مئات الأعوام، وكانوا ينعمون بعلاقات سلام مع المسلمين معظم ذلك الوقت. ولكن بعد الغزو الأمريكين بدأت حركات التمرد تستهدف الطائفة المسيحية، متهمين المسيحيين بالتعاون مع الأمريكيين " الملحدين" من خلال عملهم كمترجمين، عمال تنظيف، وتجار. ازدادت ازعاجات الاسلاميين لدرجة أن العديد من النساء المسيحيات أخذن يرتدين الحجاب لتغطية رؤوسهن. ويقدر قادة المسيحيين أن عدد الذين هربوا العام الماضي خارج البلاد بـ 50.000 مسيحي، لجأ معظمهم الى الأردن وسوريا. يقول المسيحيون بأن الاعتداءات – التي تشمل التفجيرات المنظمة في خمسة كنائس في أب الماضي، واطلاق النار على أصحاب محلات بيع الكحول المسيحيين- قد أفسدت أجمل أيام السنة بالنسبة لهم. قال القادة المسيحيون في العراق بأنهم سيقيمون قداسات قصيرة خافتة، لكن لن يقيموا الكرنفالات التقليدية أو الترانيم أو المآدب، أما قداسات منتصف ليلة الميلاد فسوف تجرى في فترة ما بعد الظهر. هناك ألاف العراقيين مشردون في سوريا، وكل هجوم جديد يجلب معه موجة جديدة من هؤلاء المسيحيين. وشكلوا بأنفسهم طائفة بديلة، وسكنوا في أحياء مخالفة قانونياً في ضواحي مدينة دمشق. هنا في بيوت مصنوعة من التراب والاسمنت منتشرة في شوارع غير مرصوفة سوف يقيم المسيحيون أول عيد ميلاد لهم في المنفى. الشوارع المعفرة لمعت بأضواء المصابيح المتلألئة التي علقت قبل اسبوع من عيد الميلاد، وقبعات بابا نويل المكدسة على طاولات منتشرة على طرفي الطريق، كما انسابت موسيقى اغاني الميلاد بنعومة من المحلات التجارية. ولكن مزاج المسيحيين العراقيين لم يكن رائقاً بسبب مساكنهم التي تصفر فيها الرياح والطرقات الضيقة المليئة بالاسلاك. العراقيون في سوريا بعيدون عن وطنهم، أسقمهم الشوق الى عائلاتهم والبحث عن عمل وفيزا ومسكن يأوون اليه. لقد فروا من فك الموت وتفجيرات الكنائس واختطاف الأبناء التي عمت وطنهم بعد سقوط صدام. ولكنهم اليوم يعانون صراعاً بين بدء حياة جديدة وبين نزوع عاطفي في الالتصاق بالحدود العراقية أملاً بعودة الهدوء نوعاً ما للعراق ورجوعهم ثانية للوطن. قد تبدو فكرة هجرة حشود المسيحيين للعراق الذي احتلته أمريكا والتماس مأوى في سوريا ساخرة نوعاً ما، فسوريا كانت دوماً هدفاً لتهديدات وانتقادات الغرب. ولكن سوريا العلمانية رغم كل عيوبها الا أنها معروفة بشكل واسع كواحدة من المعاقل القليلة للدين المسيحي في منطقة الشرق الأوسط التي أصبحت اكثر استقطاباً وتوتراً. قالت بثينة شعبان وزيرة المغتربين في سوريا " عندما ارى عراقياً مسيحياً أشعر بالخجل مما حدث في العراق، ان هذا أخطر شيء يحدث في منطقتنا". لقد كانت هذه المناطق المجاورة لدمشق غوطة خصبة مليئة بأشجار المشمش واللوز، ولكنك اليوم لست ترى ولا حتى شجرة واحدة، فقد اقتلعت جميعاً كي تشق طريقاً للأبنية المخالفة. كما احتشدت الشاحنات كي تثير غيوماً من الغبار والضباب. وامتلأت الشوارع بباعة الالبسة المستعملة والبرتقال الجوالين. وخلال فترة ما بعد الظهر، تسمع جلبة لثلاثة شبان عراقيين يضعون ايديهم في جيوبهم وقبعاتهم تغطي جزءاً من وجههم. في البداية قالوا بأنهم كانوا يبتاعون ما يلزمهم لعيد الميلاد، ولكن لم يكن في أيديهم ولا حتى كيس واحد. ثم هزوا أكتافهم واعترفوا بأن عائلاتهم لا تستطيع شراء ولا حتى شجرة بلاستيكية. لقد كانوا فقط يتسكعون في الجوار. " لا اشعر بالراحة هنا " هذا ما قاله قال أوسكار ايلبس، وهو شاب يبلغ من العمر 18 عاماً وهو صامت ومحدق في الفراغ معظم الوقت بينما أبناء عمومه الاخرين تكلموا قائلين " نحن غرباء هنا ، ولا ننتمي لهذا البلد". أما سارغون وليام سليوة 21 عاماً فقال " على الاقل نحن نعيش بأمان هنا". بقلم ميغان ستاك - لوس أنجلوس تايمز ترجمة هدى شبطا

12-29-2004, 03:06 PM Anonymous مقالات اعجبتني و تعليقات قد لا تعجبهم - موضوع خالد منضل بجو الميلاد و ان كان جو غائم بالحزن و ماطر بالدموع بالنسبة للمسيحيين العراقيين بس انا كسوري بفتخر انو بلدي على الرغم من عللها العليلة.....انو تكون من المعاقل القليلة الامنة في الشرق الاوسط للمسيحيين..... و هادا ان دل...فبيدل على انو التعصب و ان كان موجود بسوريا متل طبعا اي دولة "حرة" اخرى بالعالم....هادا التعصب هو شذوذ عن القاعدة.....و التسامح هو القاعدة بين كتير سوريين....... يعني متل ما قلت هادا السبب بالاضافة لبوظة بكداش و شاورما الصديق و جريدة البعث هنن اكتر اسباب الفخر اني سوري ااااااااااااااااااااااااااااااااااااه يا نيالي!!!......... و طبعا ما عم نق و لا عم سمع حكي بس عم عبر عن مكنونات واحد رفيقي...... زعبوط

12-29-2004, 03:40 PM thesweetestangel Joined on 11-20-2005 SYR Posts 66 مقالات اعجبتني و تعليقات قد لا تعجبهم - موضوع خالد لا لي لا لي لا لي انا سوري اااااه يا نيالي لا لي لا لي لا لي يا وطنا لالي بالعالي سلاما سلاما ايها الاسد سلمت سلمت ويسلم البلد الى الابد الى الابد يا بشار الاسد هذا الشبل من ذاك الاسد ولا ننسى اغنية برنامج الايدي الماهرة اللي رح تعلق للابد بعقلي مهما كبرت ومهما بعدت بصراحة مابعرف اش عبصير معي يمكن متقلة العيار شوي بس لاتواخذوني دالية i love my tuxedo cat..    Report

12-29-2004, 08:02 PM freemak Joined on 11-20-2005 Posts 880 مقالات اعجبتني و تعليقات قد لا تعجبهم - موضوع خالد تحياتي للجميع عمرة مقبولة لزعبوط و مبروك اللقب الجديد يعني بنصير نناديلك يا عمري شو القصة عم تعملو حصر للشعارات الخالدة تبعنا قبل نهاية السنة اكيد كل سنة بيسقط كم شعار و بيطلعلو كم شعار جديد زعبوط ان شاء الله ينعاد عليك و على جميع اعضاء المنتدى و يكون موضوعك حافل على طول السنة احلى ميزة ببلدنا انو الطائفية اذا كانت موجودة فصعب انو تظهر و الحمد لله على تسامح و مشاركة شعبنا مع بعضو ....ان شاء الله بيضل هيك على طول freemak .    Report

01-03-2005, 10:38 AM Anonymous مقالات اعجبتني و تعليقات قد لا تعجبهم - موضوع خالد معاقون حتى النصر -1- بدأت عملي في جريدة "تشرين" بصفة مدقق لغوي قبل عقدين من الزمن، وكانت تشرين تخصص حينها صفحتين لمتابعة (إنجازات) المنظمات الشعبية بينما تقتصر بقية صفحاتها على قضايا ودع واستقبل وأكد وندد وأشاد والعلاقات الأخوية مع المنظومة الاشتراكية وعلى رأسها الاتحاد السوفييتي الصديق بالإضافة إلى زيارات و خطابات المناضلين (التاريخية) للجماهير الكادحة في المناسبات الوطنية السعيدة والمجيدة... وبما أنه كان لدينا 360 مناسبة في السنة وما تبقى منها ينفذ كأيام (عمل طوعي) فقد حفظت خطابات الرفاق رؤساء المنظمات الشعبية المكررة غيبا.. وفي إحدى المناسبات الهامة ضاع نص خطبة الرئيس الأزلي لمنظمة الشبيبة واسقط في يد المحرر المناوب قبل ساعات من طباعة عدد تشرين فما كان مني إلا أن أنجدته وأعدت كتابة الخطبة الحمادية غيبا دون أن أنسى في ختامها ذكر الجملة الدائمة في كل خطاباته والتي يقول فيها أنه كان بالأمس عند السيد الرئيس وأن سيادته قد حمله تحياته القلبية إلى الرفاق الشبيبيين.. في ذلك الشهر حصلت على كامل مخصصاتي من (الجمعية التعاونية الاستهلاكية) من حليب ورز وسكر وسمن وشاي ولحمة وبندورة ومنظفات، كما اسقطت عني تهمة (صديق للشيوعيين) لأن من يحفظ خطابات الرفيق حمادي لا بد أنه يحمل روحا وطنية بامتياز.. وأذكر أني قضيت بضعة سنوات في قسم التصحيح والتدقيق اللغوي وأني كنت أكره عملي وأشعر بكآبة وملل شديدين جراء مراجعة المواد التي ستنشر في اليوم التالي بسبب التكرار: تكرار الأفكار والصياغات والجمل الساذجة ذاتها خصوصا في الأعياد الوطنية حتى تمتلئ صفحات الجريدة بالكلمات والخطابات الثورية التي لا ينسى أصحابها في الخاتمة التأكيد (على تعزيز دور المنظمات الشعبية) على الرغم من معرفتهم أن هذه المنظمات قد فرغت من مضمونها وحرفت عن أهدافها بعدما تسرب إليها كذابون ومنافقون ومختلسون وأغبياء وأميون حتى صارت عبئا على الحزب والدولة كما ساهمت في تراجع أوضاعنا الاجتماعية والاقتصادية مثلما عرقلت ظهور المنظمات الأهلية التي تغطي نشاطات المجتمع في سائر الأمم إلانا، حيث كانت تراخيص وزارة الشؤون الاجتماعية والعمل تقتصر على الجمعيات الخيرية وكأنها وزارة مخصصة لشؤون المتسولين والبؤساء والمعاقين بالإضافة إلى تأمين سياحة الوزير السويسرية مع حاشيته أثناء انعقاد مؤتمر منظمة العمل بجنيف.. أما الآن فيبدو أن هناك تغيير في بنية عمل الوزارة إذ بدأت تعطي أولى تراخيصها للجمعيات الأهلية التي يفترض أن تمثل طاقات المجتمع السوري وبالتالي تحسين صورة سورية أمام نفسها والعالم، ولا أعرف فيما إذا كان الوقت مناسبا للآن لطرح موضوع تطبيق قانون التقاعد على بعض المنظمات (الشعبية) لبلوغها سن الشيخوخة.. وعلى ذكر الشيخوخة فقد ذكر لنا الصديق حسين العودات مرة الفرق بين الكهولة والشيخوخة بقوله أن الكهل هو الذي بلغ السن التي يخرج فيها المرء من الحمام وقد نسي سحابه مفتوحا، أما مرحلة الشيخوخة فهي تلك التي تدخل فيها إلى الحمام وتخرج دون أن تفتح سحابك.. نبيل صالح

01-03-2005, 11:25 AM Anonymous مقالات اعجبتني و تعليقات قد لا تعجبهم - موضوع خالد لسنوات طويلة....قبيل سن البلوغ....ظننت ان الكتاب المقدس للمسلمين هو القرأن...و للمسيحيين هو الانجيل و لليهود هو التوراة.....و كنت اعتقد ان هنالك كتاب مقدس اخر مخصص للسوريين هو "كتاب القومية".... سبب اعتقادي هذا كان كثرة سماعي للمسؤولين السوريين يذكرون كلاما مقتبسا من ذلك الكتاب عند خطاباتهم الطنانة في العديد من المناسبات التصحيحية و الثورية.....تماما كما يقتبس المسلمون و المسيحيون من كتبهم في صلاتي الجمعة و الاحد.....!! بعد سن البلوغ....اكتشفت انني غير مكلف بالايمان بذلك الكتاب.....لانني لم انتسب للحزب.... و لكن هذا لا يعني انني استطيع ان انقد كلماته الرنانة....علما انني استطيع ان انقد باقي الكتب المقدسة....و لكن في سوريا..... الاتهام بالكفر فافوشي مقارنة بالاتهام بعدم الايمان بأهداف الحزب و كتابه المقدس.... بل على العكس..... فان العذاب نتيجة الكفر بالكتب المقدسة ابسط من نتيجة الكفر بكتاب القومية و آياته.... لان العذاب الاول بيد الله...الرحيم.....اما عذاب الثاني فهو بيد الشباب الطيبة....و ما ادراك ما الشباب الطيبة....!!! اصبحنا في زمن نبحث فيه عن ثغرات الكتب المقدسة السماوية و نجعلها شماعة لمصائبنا و تخلفنا...... و لكن لم نفكر او نتجرأ على البحث عن ثغرات كتاب الحزب المقدس و نرى ما سبب تخلفنا!!! اصبح من الاسهل لنا ان نلوم الله على ان نلوم انفسنا و ساساتنا.... اصبح القرأن و الانجيل هم مسببي التخلف و ليس كتاب القومية...... اعتقد انه قد آن الاوان لاعادة قراءة جميع الكتب المقدسة و خصوصا كتاب القومية..... و ابداله بكتب اكثر تجددا...... و الخيارات مفتوحة من "كتاب الانسان"....."كتاب الحضارة"...."كتاب العلم و التطور"...."كتاب الديمقراطية"......وصولا الى سلسة ميكي جيب و روايات عبير....فسماع مسؤول غير متعلم و لكن مدعوم يقتبس مغامرة من مغامرات ميكي ماوس او كلمة غزل و عشق من روايات عبير لاكثر فائدة من سماعه يقتبس ايه "قيمة المواطن السوري" من جزء "الامن العام"....... او ببساطة يمكنه ان يتكلم مباشرة عن قيمة المواطن السوري من ارشيف فروع الامن......فكل ذلك اصدق من آيات كتاب القومية!!! اللارفيق زعبوط

01-04-2005, 05:54 AM ghazl Joined on 11-19-2005 CAN Posts 0 مقالات اعجبتني و تعليقات قد لا تعجبهم - موضوع خالد عنجد موضوع خالد غزل .............    Report

01-04-2005, 12:14 PM Anonymous مقالات اعجبتني و تعليقات قد لا تعجبهم - موضوع خالد بين شياطين سورية وملائكتها .. كعادتي خرجت في صباح متأخر الى العمل وضغط على مفتاح الطابق الارضي في المصعد ، الرحلة من الطابق السابع تأخذ حوالي الخمس ثواني ، انقضت وما زال المصعد يهوي الى الاسفل ، اضاء مفتاح الطابق الارضي .. ولكن الباب لم يفتح والمصعد مازال يهبط ، انتظرت خمس ثوان اخرى دون جدوى ، لست عالقا لانني اشعر بحركة المصعد تتسارع باتجاه الاسفل .. ، توترت ضغطت مفتاح التوقف ، مفتاح " جرس الانذار " كل المفاتيح الاخرى دون جدوى ، المصعد يهبط بثبات وسرعة نحو الاسفل نحو الاعماق .. توقفٌ فجائي ، وباب المصعد ينفتح بسرعة لاقذف خارج " كبينه " ، نور خافت ، وطاويط تطير باتجاه الظلام الدامس ، مخلوقات غريبة تبدو شريرة وماكرة .. مرحبا أيتها الشياطين ، كيف ترون حال المواطن السوري ؟ " ان الصراع مع .. يحتم علينا ان نحشد .. ونرص الصفوف ونربط الاحزمة ، فسورية هي .. الصمود .. ، .. دول الطوق .. حالة حرب .. اللحمة الوطنية .. والشعب ملتف .. تحرير الارض .. تحقيق الوحدة .. سورية منيعة ، .. انجازات كبيرة .. مكاسب الطبقة العاملة .. السكر والرز والخبز ارخص من الرخص .. المازوت وبعض المواطنين مدعومين .. نسبة البطالة تحت السيطرة .. الاستثمارات كبيرة .. الخيرات كثيرة .. اطمئن حبيبي اطمئن ، سورية بخير .. يالله حبيبي رجاع على البيت ونام منيح واستريح فانت بأمان واستقرار ولا زم تفرح بهل النعمة ، لا تشتغل وتعب حالك ، ولا تهتم لشي حبيبي ، كول منيح ، ورجاع كول ، وبس كول ، الحياة اكل حبيبي وانتو عم تاكلو مشكل ملون بسورية حبيبي ، واذا بدك اكتر من الاكل دخنوا الاركيلة حبيبي ، حواليك اركيلة ، والله بتسلي ، وسيدي شوي شوي ، بتشتري ديش وبتتفرج على روبي وهيفاء وماريا وستار اكاديمي ، وبس ينامو الولاد .. هوو.. هــوو .. شو بدك تتسلى .. بس فك التشفير حبيبي وشوف .. واليوم صار خط الموبايل بــ 200 ل.س .. وحياة عيونك لنخلي لكل مواطن موبايل .. وعلكوا بهل التليفونات ، وابعتوا ماسجات ، وفقسوا بهل الصور على كيفكن ، وتحرشوا ببعضكن بالبلوتوث .. يلعن ابو يلي رح يخلي بجيبتكن قرش واحد ، ما بتسمع عن الرفاه الاجتماعي حبيبي ، هي انتو مرفهين ، اكل واركيلة وسيكس وموبايل .. والله باميركا ما عم يصحلهن متلكن .. وبتسألني كيف حال المواطن السوري .. ايه رواق .. رواق حبيبي .. طلاع على بيتك طلاع .. والله اخاصمك آه .. بعدين " ؟؟ ركضت تحملني موجات الفرح الى باب المصعد ، والغيت فكرة الذهاب الى العمل ، مسرعا الى جنان ميلودي وميوزيكانا وروتانا .. " واحلى اركيلة مع صحن فول ، وصورة ابعتها لصاحبتي على الـ GPRS .. لم يتوقف المصعد في الطابق السابع ، وشق طريقه الى الاعلى بسرعة ، دقائق وانا اصعد واصعد ...توقفٌ مفاجئ وطيران خارج المصعد وهبوط على الغيوم البيضاء ، طيور النورس ، نسيم عليل ، ومخلوقات لطيفة مجنحة .. كيف حال المواطن السوري ايتها الملائكة .. ؟ هبطتُ وتركتهم هناك دون ان يجيبوا .. ، لتعرفوا فقط انصِتوا قبل ان تناموا بعمق الى صوت السماء ، ستسمعونهم ما ينفكون يبكون منذ ان وجهت لهم ذاك السؤال .. نضال معلوف

01-04-2005, 01:40 PM Anonymous مقالات اعجبتني و تعليقات قد لا تعجبهم - موضوع خالد حاولت ان انصت لجواب الملائكة...... بس ما سمعت شي......فتحت الشباك....فاتت ضوجة المكرويات و السيارات........ و اختنقت بدخان الباصات..... و كل يلي يسمعتو كان زمامير السيارات علما انو الساعة بعد نص ليل....بس السوريين دمهون حامي و ما بيستحملو حدا يكسر عليهون و هنن عم يسوقو.....و بنفس الوقت بيعتبرو وقتهون من دهب و الزمور بالنسبة الهون متلو متل الكازوز..... بيسرعو الحركة.....شي بالشارع و شي بالامعاء.... طلعت على الاسطوح...قلت لحالي اقرب على السما و ابعد عن الشارع......صارت الساعة كتير بعد نص ليل.......تفركشت و تكدمت و اطحبشت مع كل متر مشيتو من ورا السطلايطات...... ما شاء الله, الشياطين وفو بوعدهون لعام 1995 و كترو.....و صار في لكل مواطن ست سبع سطلايطات, لكل قمر واحد....و الغرب الملعون ما الو شغلة غير انو يعبي الفضاء اقمار......بس نحنا وراهون وراهون.....يعني ما حدا احسن من حدا.....هنن بيعجقو السما اقمار....و نحنا منعجق الاساطيح صحون...... و يا نحنا يا هنن...... المهم.....كملت مشي الحواجز على الاسطوح......و حاولت اسمع رد الملايكة......سمعت صوت صحن ابو تيسير عم يتحرك من القمر العربي للقمر الاوروبي...عرفت انو ام تيسير نامت....... وقف الصحن و اكيد ابو تيسير تفاعل معو...... حاولت ركز...... ابو حاتم متابع الدوري باليابان و عم يدور على محطة عارضتها....و الصحن تبعو...زيق من اليمين و ميق لليسار......دور....دور....المعتر ما كان يلاقي محطة......بعد نص ساعة من الزقزقة و المقمقة......صار هدوء....... حسيت حالي عم اسمع شي.......بس .......صحن ابو تيسير دار بسرعة على القمر العربي و تحديدا على قناة اقرأ......فعرفت انو ام تيسير فاقت لتشرب كاسة مي......و بأخر الليل...... عرفت انو ام تيسير نومها خفيف و ابو تيسير ايدو اخف على الريموت...... لانو ما سمعت غير زيق و ميق طول الليل...... طبعا.... هادا جزء من الرد العربي الاستراتيجي على الغرب......هنن بيسهرو طول الليل عم يراقبو الاقمار الطبيعية و النجوم الليلة......و نحنا منسهر طول الليل عم نراقب الاقمار الصناعية و النجوم الليلية العارية....... تاني يوم...... نطرت لاجا الليل.....بس كنت قررت اطلع برات الشام.....لمكان قريب من بيتي بالمزة.......و الشرط انو يكون بعيد عن السطلايطات....... بعد نص الليل حملت ترمس الشاي.....و رحت على الربوة...... و مين مو سمعان عن ربوة الشام.......و السمع مو متل الشوف......... قعدت على كرس ورا طاولة قدام طاولة و على جنب كرسي تاني ورا طاولة كمان....و مجموعهون بيشكلو قهوة ابو شفيق..... و وين ايامك يا ابو شفيق....... و بلش الليل يكبر......و انا عم ركز لانو صار لازم اسمع جواب المكلايكة.........فجأة سمعت.....و السمع كان واضح....فرحت لانو يمكن اول مرة بسمع صوت ملاك......ركزت اكتر....حسيت انو الملاك من لهجتو مالو من اي مدينة او ضيعة على اي خريطة...... ركزت اكتر......سمعتو عم يحكي شي على الحصاد و الخير....و يمكن السمار...طبعا هنن الملايكة بس بيحكو عن الخير و الجمال.......... بس ما استوعبت شو الصلة بين احوال المواطن السوري و هي الامور......كرعت كاسة شاي منشان صحصح.......فسمعت... "جايي تسنبل وارايا.....سمرا واني الحاصودة"......سألت شفيق يلي كان عم يأرغل و صفنان بالدنية.....اذا كان فهمان شو بنقصد الملايكة بالشي يلي عم تقولو...... فقلي انو الملايكة بلاقيهون بمطعم الجزيرة البيضاء يلي بأول الربوة......مو هون.....و هادا مطرب جديد اسمو "متعب المكهرب" و صرلو عم يغني بالمطعم يلي قدام ابو شفيق شهر و عم يحاول يقلد مشاهير العرب من المغنيين و اخوانا الخليجيين عم يسلطنو عليه مع الكاس..... طلعت انا بواد و هو بواد......هو رجع لصفنتو و انا حملت ترمستي و رحت لدور على الملايكة....بعد ما عرفت وين بلاقيهون...... كم دقيقة وبلشت الجزيرة تبين بالافق رغم الغيوم و دخان المشاوي يلي معبيين الدنيا الساعة اربعة الصبح.....فتت و قعدت و سألت عن الملايكة...... قالولي, رح يظهرو للمرة التالتة لهل الليلة.....و سألوني اذا في عندي طلب خاص.....قلت بدي اسمع الملايكة....قالولي كم ملاك؟...جاوبت ما عندي مشكلة طالما انو ملايكة....... سألوني اذا بفضل من سوريا, العراق, لبنان او المغرب.....تعجبت و قلت ليش حتى الملايكة الهون جنسيات.... قالولي مو جنسيات بس منشان اللهجة و الطعمة...... ما فهمت بس قلتلو..... ما عندي مشكلة....طالما انو بيحكو عربي.....ما اصلا العرب بيمتازو عن شعوب العالم انو موحدين بلغة الضاد.......خمس دقايق.....اجا الملاك..... بس ما اجا من فوق....اجا من غرفة على اليمين...... مافي جناحات.....و لا لون ابيض..... بس لحم و مكياج...... سألني.....شو بدي.....قلت...بدي اعرف احوال المواطن السوري.....سألني الملاك قديش معي مصاري...... بحبشت و لقيت عشرين طربوش كنت حاططهون منشان فواتير المي و الكهربا و الموبايل...... اخد المصاري و قال... المواطن السوري.....مبسسسسسسسسسوط......و مزوق......و دفيع.......و بيعرف شو بدو....... الشباب بيحبو يجربو ملايكة من كل الجنسيات.......شي بحجة مساج.....شي بحجة كاس.....شي بحجة اصطهاج........ بس عموما.....شعب داير على بسطو......كأنو ما عندو لا هم....و مستقبلو مأمن..... موبايل بأيد....و السيجارة بأيد تانية..... و شوية مصاري من هون او هون....و بيركض على الملايكة..... و اذا ما معو.....بيقعد بالبيت متل زبون سابق بس طلع على المعاش اسمو ابو تيسير.........شكرت الملاك و مشيت و انا عم حاول افهم..... شو بيقصد بهل الالغاز.......اتصلت برفيق حربوق حكيتلو......قلي انو مالي مصلحة مع هيك ملايكة......و حسب تجربتو.....الملايكة البيض الاصليين بيكونو من روسيا حصرا و معبيين الشام...... قلتلو بدو ملايكة من فوق....قلي.....شو شربان مع هالملاك؟؟؟ رجعت و نمت..... فقت تاني يوم....و قلت مالي غير اسئل ستي عن الملايكة.....فقالتلي....رزق الله يا تيتة لما كانت ملايكة السما تحرس الشام...... بس هادا كان زمان....من بعد ما شياطين سوريا صرلهون كلمة...... هربو الملايكة...... فأستوردولنا شياطينا ملايكة مخصوص منشان الشعب ينام....و نحنا ما قصرنا و نمنا و ما عاد فقنا و ما حدا بيعرف اذا كنا رح نفيق......... زعبوط

01-04-2005, 02:07 PM nourhuda Joined on 11-19-2005 Posts 3,401 مقالات اعجبتني و تعليقات قد لا تعجبهم - موضوع خالد quote posted by za3boot ..... فقت تاني يوم....و قلت مالي غير اسئل ستي عن الملايكة.....فقالتلي....رزق الله يا تيتة لما كانت ملايكة السما تحرس الشام...... بس هادا كان زمان....من بعد ما شياطين سوريا صرلهون كلمة...... هربو الملايكة...... فأستوردولنا شياطينا ملايكة مخصوص منشان الشعب ينام....و نحنا ما قصرنا و نمنا و ما عاد فقنا و ما حدا بيعرف اذا كنا رح نفيق......... زعبوط </div> موضوع جميل فعلا و هذا المقال بالذات اجده من اروع ما يكون في التعبير و الاسلوب الساخر المبكي ان شالله نفيق .. بس مو على صوت هيفا وهبي .. على صوت صفاء قلوبنا لعل الملائكة تعود و من يتق الله يجعل له مخرجا    Report

01-04-2005, 02:20 PM Nighty Joined on 11-19-2005 Posts 832 مقالات اعجبتني و تعليقات قد لا تعجبهم - موضوع خالد مين هن شياطين سوريا و مين هن ملايكة سوريا انا بعرف الشياطين كانو ملايكة و الملايكة لو نعطو فرصة لصارو شياطين و انت حملت المقالة غير معنى على فكرة و عزائي انو انا يلي دليتك على هاد الموقع وجهلي تحية ام 500 محروقة على الاقل    Report

01-04-2005, 02:31 PM Anonymous مقالات اعجبتني و تعليقات قد لا تعجبهم - موضوع خالد quote posted by Nighty و انت حملت المقالة غير معنى على فكرة المقالة متل ما هيي...انا ما حملتها اي معنى...بس استعملتها كأنطلاقة لغير معنى و فكرة..... و لو يا زلمة... و تحية الك و خمسمية محروقة في حال كنت انت يلي دليتني على موقع المركز الاقتصادي السوري..... زعبوط

01-04-2005, 09:20 PM Anonymous مقالات اعجبتني و تعليقات قد لا تعجبهم - موضوع خالد رجاع لاول صفحة من هاد الموضوع بتعرف مين يلي دلك عليه

01-04-2005, 09:38 PM Nighty Joined on 11-19-2005 Posts 832 مقالات اعجبتني و تعليقات قد لا تعجبهم - موضوع خالد انا كتبت من حساب رفيقي فايتر مان و ستعجلت بس رجاع للصفحة التانية مو الاولى و احلى 1000 محروقة    Report

Page 6 of 10 (226 items) « First ... < 4 5 6 7 8 > ... Last »

Souriaty Club » غرف خاصة » مختارات من مواض... » مقالات اعجبتني و تعليقات قد لا تعجبهم - موضوع خالد

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة