Search Sort Posts:  Oldest to newest Newest to oldest

03-19-2006, 07:31 AM za3boot Joined on 11-20-2005 Posts 8,459 الشيف زعبوط..... مرحبا اعزائي القراء..... انا من هواياتي الطبخ....بس لما كنت بالشام...كنت شاطر باللزانيا و انواع الباستا و الستيكات و الشرحات و كم اكلة صينية..... دارت الايام.....و هلأ هون محل مالي قاعد....عفن قلبي من هالاكلات....... المهم و مالكون بطول سيرة...... انا من عشاق اللبنة..... و اللبنة شكلها اكلة عربية لانو ما لقيتها هون....مدري ما كان الي مروة دور على شي محل لبناني او عربي و اشتريها..... الايام تمر....و كل يوم يزداد شوقي و حنيني لصحن اللبنة.....بالشام...كنا ناخد هالاكلات على المضمون.....شي لبنة هنا...شي لبنة السعودية...شي مدري شو...... اليوم و بعد تفكير شديد...قررت اصنع اللبنة....بأيدي..... و اليكم الطريقة: المكونات و المواد اللازمة: - بقرة - سطل - علبة لبن عادي - مصفاية - جاط - محارم مطبخ - ملح - نعنع - زيت - شمعة - علبة محارم كلينكس لون زهري طريقة التحضير: بتحلبو البقرة.....و طبعا السطل منشان تحلبو البقرة فيه.....بيطلع عنا سطل حليب بقري طازة....هلأ هون....انا ما بعرف شلون بيحولو الحليب للبن....منشان هيك...شيلو السطل و الحليبات على جنب و استعملو علبة اللبن العادي يلي فيكون تلاقوها بأي سوبرماركت. بتحطو المصفاية بالجاط و بتحطو على المصفاية طبقتين من محارم المطبخ (يكون نوع اكسترا سميك).... بعدين بتدلقو علبة اللبن....و بتتركوها تصفي شغلة 24 ساعة او حتى اقل...حسب اللبن.... لازم هيك يكون شكل المطبخ...لحتى تعرفو انكن ماشيين صح و انو الوصفة و العيارات صح:   بعد ما يشرو الميات و ينشف اللبن...بتلاقو انو صار في عنكون لبنة.... بتحطو اللبنة بالصحن و بتضيفو ملح على قد الرغبة....و بعدين شوية نعنع و زيت.... اذا مشيتو على هل الطريقة خطوة خطوة.....بتحصلو على الاتي: المقادير بتكفي لخمسة اشخاص...اربعة منهون ما بيحبو اللبنة. صحتين و هنا.... الى اللقاء مع طريقة تحضير المكدوس......      Report

03-19-2006, 07:52 AM stalwart Joined on 11-19-2005 Posts 7,887 Re: الشيف زعبوط..... برافو زعبوط... عن جد زكرت سؤال... هادا بنطلونك يلي معلقو على الخزانة؟ و لمَ؟    Report

03-19-2006, 08:15 AM finalfantasy Joined on 11-20-2005 في جنح الظلام Posts 1,265 Re: الشيف زعبوط..... شو مشان الزيتون؟....ما زكرتو بالمقاديير      Report

03-19-2006, 08:34 AM Anasnet Joined on 11-19-2005 illuminated city Posts 502 Re: الشيف زعبوط..... بري عليك زعبوط ... عن جد بيلبقلك اسم شيف بجدارة عندي إلك ما يلي: تساؤل. عرض. أما التساؤل فهو : لم يتم ذكر الزيتون الأخضر المحشي فليلفة بالمكونات ! فمن أين ظهرت على الصحن بالنهاية؟ أما العرض فهو : بما أنك شاطر بصنع اللبنة وكثير من الشغلات  المفيدة وإن كان يشوبها بعض الغموض (متل موضوع الزيتون) ،،، فشو رأيك تتجوز بنتي .؟؟ Tomorrow's Vision 4 Today's Mission    Report

03-19-2006, 08:41 AM za3boot Joined on 11-20-2005 Posts 8,459 Re: الشيف زعبوط..... يا جماعة منشان الزيتون الاخضر ما يشكل ازمة..... انتو امشو بالخطوات يلي ذكرتها خطوة خطوة و بالحرفية.....و انا بضمنلكون انو لما تخلصو....رح تلاقو الزيتون على وش اللبنة.... الحكي مضمون و مجرب....متل ما شفتو.....   شكرا انس على العرض....بس انا قررت انذر نفسي للمطبخ.... بلاولاشي...قلتلي بدك تتجوز؟ يا فهيم هيك طبخة عادة بس النسوان بيساووها....لانو رح يضطرو يستعملو بيض جاج....لعدم توفر البديل.....      Report

03-19-2006, 08:44 AM za3boot Joined on 11-20-2005 Posts 8,459 Re: الشيف زعبوط.....  stalwart wrote: سؤال... هادا بنطلونك يلي معلقو على الخزانة؟ و لمَ؟ ايه....منشان نشف الصحون....و منو بينضف البنطلون تلقائيا و بهل الطريقة بوفر مسحوق غسيل و الوقت اللازم للغسيل.....و قبل يومين كنت حاطط الاندر وير.....بس نضف لما جليت مبارح......    Report

03-19-2006, 10:08 AM Jazmine Joined on 03-04-2006 Posts 294 Re: الشيف زعبوط..... فتئتلي جروحاتي على ذكر اللبنة, عا شوي كنت لح جيب لبن مصفى من الشام او بس جيب لبن عادي مشان ساوييهون هون. عم تأول صفي اللبن.........!!!! ما هو اللبن بدو تقطيع بالسكين عا كتر مانو قاسي, ما علينا ,.....انا اعملت نفس الشي و طلع شكل لبن مصفى بس مو بنفس طعمة لبن الشام, و حطيتلهون نعنع يابس جايبتهون من الشام خصوصي,حسن طعمتهون يعني مو متل النعنع يلي هون منظر عا الحل. بس انا حطيت زيتون أسود عا الوش اما مشان المكدوس فا كتير سهلة, لما يصير وقت مساواة المكدوس اتصل بالأهل و خليهون يئيمولك شي كم كيس مكدوس و يحطوهون بالفريزة, فا هيك اذا حدا جاية من الشام للبلد يلي انت فيها بيجبلك ياهون بيطريقو  اذر وايس لما انت بتنزل بيتجيبهون, اني وي....   لما  بيوصلوا لعندك بيكون فاكك التلج عنهون , فاهون انت بتجيب أطرميز و بتحطهون فيه وبتعبي الأطرميز زيت (يكون بلدي,يعني زيت زيتون) و بتستنالك شي شومين .... و بعدين بتجيب شوكة و بتطلع بس وحدة مشان ما يخلصوا بسرعة و بتحطها بصحن زغير و بتعمل كاسة شاي و صحتين و عافية   be the best one in your block    Report

03-19-2006, 10:12 AM ta3ban Joined on 03-09-2006 Posts 361 Re: الشيف زعبوط..... والشمعة قبل اللبن ناكلها او بعدو؟   مشان البقرة وكيف منحول حليبها للبن اليك الطريقة....مجربة وممتازة وعالطريقة الفرنسية هللق نحنا بحاجة كيس قماشي خاص...وكونو مافي بدو محل مو ساكن مو ضروري الكيس....منخلي الحليب بقلب البقرة بهالمرحلة اول شي لاحظ انو البقرة الها اربع اطراف وهدول مو بس للمشي بدك تعرف ليش؟ تابعنا بعد الاعلان     بتجيب حبل غسيل وبتعلق البقرة عليه من اطرافها الاربعة طبعا بتكون مليئة بالحليب هللق بدك تكون متأكد انو البقرة عمبتنخض بشكل مستمر بالتالي كل ما تروح وترجع من المطبخ هزها شوي وخليها عمبتهز بعد 3 ايام من الهز....بتلاقي البقرة صارت ناشفة....وهون بتعرف انو الحليب صار لبن.......بتفتح الكيس...وهون هوة البقرة.....بتقشرها للبقرة وبتحط السطل تحتها فبينزل اللبن الطازج كمان صحتين وعافية   تعي نئعد بالفي...مش لحدا هالفي    Report

03-19-2006, 10:19 AM farid55 Joined on 11-19-2005 SYR Posts 3,855 Re: الشيف زعبوط..... شيف زعبوط سؤال إذا سمحت هلأ كل المكونات موجودة بس  بقرة مالقيت   في جدي بيمشي الحال يحرق حريشك مطرح مابيحرقو الحريش    Report

03-19-2006, 12:05 PM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: الشيف زعبوط.....  za3boot wrote: : المكونات و المواد اللازمة: - بقرة - سطل - علبة لبن عادي - مصفاية - جاط - محارم مطبخ - ملح - نعنع - زيت - شمعة - علبة محارم كلينكس لون زهري       عملت اللبنة و طلعت بتشهي بس البقرة لم تكن متوفرة لذلك استعضت عنها بمعزة و لعلمك لبن الماعزززز أطيب إن لم تستح فافعل ما تشاء    Report

03-19-2006, 12:26 PM Sakraan Joined on 11-19-2005 Posts 1,358 Re: الشيف زعبوط.....  !! بيخلق من الشبه اربعين كأنك بمطبخ غرفتي Bent El-Sultaan .    Report

03-19-2006, 09:53 PM bassel1159 Joined on 11-21-2005 بالشو اسمو Posts 6,782 Re: الشيف زعبوط..... hey za3boot i can tell how to make labneh out of milk rather than laban!! my mom always makes it but you will need some laban to add it to your milk (khamira ya3ni) w iza farat ma3ak el 7aleeb finak ta3mlo sorkeh!!!! byb2a b3almak el tari2a ba3din أيلة و مريم بيحبو بعضون    Report

03-20-2006, 12:03 AM almusharek Joined on 11-19-2005 Damascus Posts 705 Re: الشيف زعبوط..... زعبوط أنا جبت بقرة وسطل وكل شي انت كتبتوه بالمكونات بس لللأسف انتزعت الأكلة ..يمكن لأنو نسيت حضرنك تحط زيتون بالمكونات..على فكرة ممكن أعرف شوهاد يللي معلّق على الحنفية؟؟لا تئللي جرابات؟؟ No    Report

03-20-2006, 08:04 AM za3boot Joined on 11-20-2005 Posts 8,459 Re: الشيف زعبوط.....  ta3ban wrote: بتجيب حبل غسيل وبتعلق البقرة عليه من اطرافها الاربعة طبعا بتكون مليئة بالحليب هللق بدك تكون متأكد انو البقرة عمبتنخض بشكل مستمر بالتالي كل ما تروح وترجع من المطبخ هزها شوي وخليها عمبتهز بعد 3 ايام من الهز....بتلاقي البقرة صارت ناشفة....وهون بتعرف انو الحليب صار لبن.......بتفتح الكيس...وهون هوة البقرة.....بتقشرها للبقرة وبتحط السطل تحتها فبينزل اللبن الطازج كمان صحتين وعافية عن جد و لك تعبان......طلع في اغلظ مني......شكرا    Report

03-20-2006, 08:06 AM za3boot Joined on 11-20-2005 Posts 8,459 Re: الشيف زعبوط.....  Sakraan wrote:  !! بيخلق من الشبه اربعين كأنك بمطبخ غرفتي لتكون هادا انت يلي #@$ هداك اليوم؟ بس هديك ما كان الها......      Report

03-20-2006, 08:09 AM za3boot Joined on 11-20-2005 Posts 8,459 Re: الشيف زعبوط.....  Jazmine wrote:  أطرميز ما عنا اطارميز هون.....    Report

03-20-2006, 08:11 AM za3boot Joined on 11-20-2005 Posts 8,459 Re: الشيف زعبوط.....  farid55 wrote:  في جدي بيمشي الحال بيمشي يابي بيمشي....بس لحق حلبو قبل ما يحلبك.....    Report

03-20-2006, 08:24 AM za3boot Joined on 11-20-2005 Posts 8,459 Re: الشيف زعبوط.....  almusharek wrote: زعبوط أنا جبت بقرة وسطل وكل شي انت كتبتوه بالمكونات بس لللأسف انتزعت الأكلة ..يمكن لأنو نسيت حضرنك تحط زيتون بالمكونات..على فكرة ممكن أعرف شوهاد يللي معلّق على الحنفية؟؟لا تئللي جرابات؟؟ ما دخل الزيتون...... جرب غير السطل....   ايه نعم جراباتي....و لنفس الطريقة المذكورة سابقا بخصوص البنطلون.....    Report

03-20-2006, 08:25 AM blawlashi Joined on 11-20-2005 Posts 11,815 Re: الشيف زعبوط..... أطيب ألبان بالعالم http://www.tasteofturkey.com/mystore.php?Page=Product&Category=Dairy+Products+%28Sut+Urunleri%29&SubCategory1=Butter+%28Ya%26%23287%3B%29&SubCategory2=&ProductId=556 مقسومين .. لك قوم فوت نام وصير حلام    Report

03-20-2006, 08:29 AM za3boot Joined on 11-20-2005 Posts 8,459 Re: الشيف زعبوط.....  silva_silva wrote: عملت اللبنة و طلعت بتشهي بس البقرة لم تكن متوفرة لذلك استعضت عنها بمعزة و لعلمك لبن الماعزززز أطيب بلا بقرة معناها ما بتعرفي طعمة تمك....سمحيلي.....    Report

03-20-2006, 10:52 AM silva_silva Joined on 03-05-2006 الأرض العتيقة حيث القدر يبتسم للشجعان Posts 4,586 Re: الشيف زعبوط..... sho  mshan  almakdos ??? إن لم تستح فافعل ما تشاء    Report

03-20-2006, 02:48 PM almusharek Joined on 11-19-2005 Damascus Posts 705 Re: الشيف زعبوط.....  za3boot wrote: ما دخل الزيتون...... جرب غير السطل....   ايه نعم جراباتي....و لنفس الطريقة المذكورة سابقا بخصوص البنطلون.....   وأنا عمقول لحالي ياضرسان شو عملت حتى طالعة معك الأكلة عاطية على لون أصفر متل مو مبين بالصورة ..أنا ساويت متل ماساويت انت تماما واستخدمت بنطلوني وجراباتي قام طلع معي شنكليش  بدل اللبنة ..ليش تقول؟؟ يمكن كان لازم استخدم الأندر وير كمان؟؟ يضرب الطبخ وسنينو..بحياتي مارح احسن اعتمد على نفسي. بس على القليلة تعلمت كيف بيعملو الشنكليش . No    Report

03-20-2006, 08:03 PM Jazmine Joined on 03-04-2006 Posts 294 Re: الشيف زعبوط.....  za3boot wrote:  Jazmine wrote:  أطرميز ما عنا اطارميز هون..... في  مطربان؟ اذا ما في حطهون بسطل لكان be the best one in your block    Report

03-21-2006, 04:20 AM sanjoob Joined on 11-19-2005 حوض المتوسط Posts 10,779 Re: الشيف زعبوط..... طبق اليوم كتير سهل اسمو تشيبسنشييز.... ما بيحتاج اي تحضير بالبيت يعني بتشتريه من التيك اويه...بس عادة التيك اويه ما بيعرضوه كمنتج قائم بحد ذاتو لذلك انت بدك تقلون كيف يعملوه.... 1- طلوب لارج بورشين اوف تشيبس )باميركا الله العليم اسما فرايز.... هالبورشين ما يضحكو عليك و يلفولك ياها بكيس ورق....لآلآلآلآلآلآلآلآلآ بتخليهون يفرشوها بالصحن يلي عادة بيقدمو فيه وجبة البيرغر....هاد الصحن الكرتون المطاول يلي قلو غطا 2- هلأ و ابل اي شي بتخليهون يضيفو الفنيغر )خل( بعدين سولت )ملح( مو ملح اول لانو الخل بينزلو لتحت...لذلك الخل اول.... 3- هلأ بتخليهون يضيفولك فوق غطاء كثيف من جبنة البيزا...... 4- تغلق العلبة لمدة دقيقتين....لتسيخ الجبنة بحرارة البطاطا...... أييييييييييييييييياك سم ايييياك انك تقبل يحطولك ياها بالميكروويف لتدوب الجبنة لانو الماكرو بيدبل البطاطا و بدل ما تكون عم تقرمش بتصير متا ال النايم.... 5- تفتح العلبة فيصبح الغطاء كصحن اضافي يدمج فيه الكتشب و المايونيز و سحطين و عافية انابيبو و ارضي عربية    Report

03-21-2006, 04:25 AM matrix01 Joined on 11-19-2005 Posts 15,488 Re: الشيف زعبوط..... سنجوب ...... هالوجبة في منا على فجل        Report

Page 1 of 2 (43 items) 1 2 >

Souriaty Club » غرف المناقشة با... » غرفة سوريا الاج... » Re: الشيف زعبوط.....

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة