Search Sort Posts:  Oldest to newest Newest to oldest

01-05-2005, 09:19 AM Anonymous مقالات اعجبتني و تعليقات قد لا تعجبهم - موضوع خالد بنات الهوى في دمشق يخضن الحرب بينما الحرب ما تزال مشتعلة في العراق، هناك حرب أخرى بدأت في سوريا منذ بضعة أشهر، حرب من نوع مختلف تمتد اسبابها الى سقوط صدام.خلال الأشهر القليلة، درج تعبير "حرب عالمية" مصغر بين بنات الهوى في سوريا: فببساطة قامت العديد من المهاجرات العراقيات بسلب المهنة من فتيات البلد. ولكن بنات الهوى السوريات قررن عدم الاستسلام وخوض الحرب من خلال بث الشائعات والادعات التي تقول بأن هؤلاء" المهاجرات يحملن مرض الايدز". ‏ ‏ خلال الأشهر الأخيرة اشتكت بنات الهوى في دمشق من " الاستيلاء العدواني" على زبائنهم من قبل بنات الهوى الأجنبيات. فسوق بنات الهوى مثله مثل باقي الأسواق تعرض للمعاناة بسبب وفود موجة المهاجرين العراقيين عليه. ‏ ‏ أحد المفكرين السوريين قال بأن عدد بنات الهوى في دمشق يصل الى 30.000 عاهرة، ولكن مصدراً في القنصلية العراقية في المدينة قال بأن هذا التقدير مبالغ فيه. ولكن على أية حال، امتلأت سوريا ببنات الهوى العراقيات بعد سقوط نظام صدام –وذلك اما خوفاً على أرواحهم من الازهاق على يد الجماعات المحلية المتدينة أو بسبب رغبة جامحة في اصطياد زبائن جدد. ‏ ‏ في هذه الحالة، التي غرق فيها سوق بنات الهوى في سوريا ببنات الهوى العراقيات، اللبنانيات، المغربيات، التونسيات، وغيرهم، تجد " بنات الهوى " البلد أنفسهن أمام مشكلة حقيقية وهي أن هناك من يقاسمهن عملهن. لذا فقد قررن الانتقام بطريقة مميزة وذلك من خلال نشر الشائعات في العاصمة السورية حول اصابة العراقيات بالأيدز. ‏ ‏ والشائعات تدور اليوم في دمشق حول انتقال مرض الايدز الى العديد من رجال الشرطة من بنات الهوى العراقيات. وتشير أخر هذه الشائعات الى قلق النظام السوري بخصوص هذه الظاهرة لدرجة أنه قرر سن قانون ينص على أن كل عراقي تثبت عليه تهمة التعامل مع بنات الهوى سيزج في السجن وبالتالي سيتم ترحيله من سوريا. ‏ ‏ ويبدو أنه في احدى المناطق التي يزدهر فيها هذا النوع من الأعمال تطور أحد الأساليب التنظيمية لهذه المهنة، حيث يتزوج القواد، سواء سوري أو عراقي، من أربع عاهرات (من سوريا، العراق، أو تونس). وتتعهد بنات الهوى بخدمة أي زبون وفي أي وقت وذلك لقاء عشرة ألاف دولار في السنة. وبالمقابل يتعهد هذا القواد باطلاق سراحها في حال تم القاء القبض عليها وذلك بعد أن يعرف عن نفسه أمام الشرطة على أنه زوجها. ‏ ‏ ذكرت التقارير بأن بنات الهوى العراقيات يعملن في القليل من المراكز. فعلى سبيل المثال في منطقة التل القريبة من دمشق، يستطيع المرء العثور على نادي ليلي تؤدي فيه نساء عراقيات وسوريات رقصات خلاعية. كما يستطيع المرء أيضاً أن يشاهد نساءً في الخمسين من العمر يجلسن جانب المنصة ويدخن النارجيلة. ربما هن أمهات تلك الراقصات وربما أتين لمراقبة بناتهن أو للتوسط بين بناتهن وبين الزبائن الشبقين. ‏ ‏ ‏ البوابة ‏ ‏

01-05-2005, 10:00 AM Anonymous مقالات اعجبتني و تعليقات قد لا تعجبهم - موضوع خالد هدول هنن ملايكة الشام الجداد....و الحمد لله....اذا بدنا ننظر للامر بتفاؤل..... منلاقي التنافس على اشده بقطاع الهوى.... يعني يمكن هي اول قطاع بيشهد تنافس في سوريا.....لانو معودين على شعارات متل..."لسنا الافضل....و لكننا الوحيدين" المهم....متل ما قلي الملاك تبع الجزيرة البيضاء....الشعب السوري شعب داير على بسطو... لا تشوفو بينق و بيسق و مو عاجبو شي.... و قت البسط...بيحط الدنيا بجيبو..... طبعا الهوى و تجارتو اقدم مهنة بالتاريخ..... و موجود بكل الدنيا مو بس بسوريا.... اذا بدي احكي بشفافية و عبر عن رأي السخصي بهل الموضوع.... و بتخيل انو ما يعجب كتير ناس.....بس يعني ما بتخيل هالشي رح يخليني اسكت.... انا مع فكرة وجود تجارة الهوى..... و بشجع كل رجال عم يبحث عن الجنس و الجنس فقط....انو يطرق هادا الباب...ليش؟ هاها...يا سادة يا كرام... هالانسان هاد, الجنس بالنسبة الو شي مهم لدرجة حيوانية او مرضية.... طيب مو احسن انو يروح لعند وحدة بتشتغل هالشغلة من انو يلف حبالو حولين شي بنت عالم و ناس و على حب و غرام و هل القصص هي!!!؟ يعني بمجتمعنا في طريقين للجنس غير الزواج....يا مصاري يا اما حب.... طريق المصاري بيمتاز بالصراحة و انعدام الكذب على الرغم من وساخة الفكرة..... و طريق الحب كلو خداع و غش و دمار لشخص قد يكون الرجل و قد تكون المرأة حسب مين حابب يدعر..... ما رح قول بدنا مجتمع مثالي لانو بعمرو ما تحقق هالشي..... بس بدنا مجتمع اكثر صراحة....و اقل غش.... بدنا مجتمع ما يتاجر بالحب منشان شغلة عشر دقايق.... او ربع ساعة اذا كان فحل يقبر قلب امو...!! بيجوز في عالم رح يقولو...ايه طيب يتجوز.... بس انا بقول ما بيصير نبني اسرة على اساس الجنس... الجنس كتير مهم بالحياة الزوجية متل ما قلي جدي الله يرحمو.... مهم بس مو حجر الاساس يلي فكرة بناء حياة مشتركة بتقوم عليه..... يعني انا بفهم انسان يشتهي ينام مع وحدة بيحبها..... بس ما بتخيل العكس.... يعني واحد يحب وحدة لانو مشتهي ينام معها..... الاثارة غير الاعجاب..... الجنس غير الرغبة بالعيش مع انسان منحبو.....هو جزء..بس مو كلشي....يمكن شطيت عن الفكرة..... الخلاصة ياايها المواطنين... اذا ما كان في عندكون رادع ديني او اخلاقي او اجتماعي و بدكن تدعرو.....دعرو....بس مع جماعة الهوى..... لا تغشو غيركون..... لا تعملو البحر طحينة لغيركون منشان تلحسو اصبعكون..... كونو صريحين...كونو جريئين....المهم ما تكونو كذابين.... علما انو بتأسف وين صار مجتمعنا.....بس الرمد احسن من العمى.....و الله لا يعميلنا عين او قلب.... زعبوط

01-06-2005, 12:19 AM jwdi Joined on 11-19-2005 Posts 198 مقالات اعجبتني و تعليقات قد لا تعجبهم - موضوع خالد سلامات زعبوطية كبيرة لأروع زعبوط كيفك زعبوط والله موضوعك شادد تمام مو حسيدة لا سمح الله لكن مجرد اطمئنان على موضوعك كنت بتمنى شارك بتعليك عن شي تعليق ولكن وللأسف الدراسة لفوق راسي ويا دوب اقدر مشي موضوعي وبتمنى يعني بعد اذنك سيد زعبوط تشارك بموضوعي أفضل موضوع وعضو لعام 2004 مشاركتك بتهمني وكمان النتائج لمصلحتك ماشية أوكي سلام القلب لديه أسبابه ..... التي لا يعرف العقل عنها شيئاً !!!    Report

01-06-2005, 12:45 AM mhd_uk Joined on 11-19-2005 Posts 0 مقالات اعجبتني و تعليقات قد لا تعجبهم - موضوع خالد المواطن زعبوط تحليلك عجبني ثابر إلى الأمام    Report

01-09-2005, 10:33 PM Anonymous مقالات اعجبتني و تعليقات قد لا تعجبهم - موضوع خالد قصة حزينة من سورية : على حطامنا يبني البعض مجده ؟! دمشق 1976 ، والمكان يقع بين ساحة المرجة ومنطقة البحصة الحيوية ويمتد على مساحة تزيد عن 1000 متر مربع ، موقع استراتيجي مطل على ثلاثة شوارع احدها يمثل احد اضلاع ساحة المرجة الاربعة والاخر يمتد على طول الشارع الرئيسي الذي يصل بين المرجة والبحصة ، والشارع الثالث هو امتداد لما بات يسمى بجسر فكتوريا وهو منطقة فنادق ومطاعم ومحلات تجارية وعصب رئيسي في حياة دمشق التجارية .. طفل يمشي بموازاة كتل هائلة من " الباطون " ( اسمنت مسلح ) ، يسأل والده " ما هذا يا بابا " ، يجيب الاب بفخر انه صرح عظيم يا بني.. انها سورية الحديثة .. ثلاثون عاما مضت ،كبر الابن واصبح ابا ومشى في الشارع ذاته مع ابنه الصغير ، وشاءت الاقدار ان يسأل الصغير اباه ، " ماهذا يا بابا .. " نظر الاب الى الكتل الباطونية ذاتها بحيرة .. وتذكر حين سأل والده السؤال نفسه .. مشهد مكرر مع استبدال ابتسامة الفخر والتفاؤل في مشهد بالابيض والاسود ، بمشهد بالالوان الكاملة اظهرت وجهاً اصفر متعباً ترتسم عليه حيرة كبيرة بفعل سؤال صغير " لا اعرف يا بني والله العظيم لا اعرف .. " .. خطوات تولد صغيرة متسارعة في اول الشارع ، تكبر وتتباطأ لتنتهي في اخره ويدور الزمان على الاعمدة الباطونية التي تحمل خمسة طوابق بارتفاع عشرين مترا بمساحة اجمالية تزيد عن الخمسة آلاف متر مربع .. لتشكل الملامح الاولى ( والاخيرة على ما يبدو ) لبناء يتوسط القلب التجاري لمدينة دمشق . . ، سنوات طويلة كثرت خلالها التكهنات : كراج ، مبنى حكومي ، مجمع تجاري ، مجمع ديني .. لم يعرف احد بالتحديد ما مستقبل البناء اللغز .. ولكن احداً لم يكن يتوقع ان يؤول " حلم الاجيال " لمجرد حامل لاعلان تجاري ضخم ، كفّن البناء بعلامة مسجلة ؟! اعتدنا على الخيبة ، وأدمنّا الفشل واصبحت المصائب في اوطاننا فرجة ، والمشهد بات غريباً ومقززاً ، وكأنه حطامنا بعد ان جعنا وتآكلنا حتى بان هيكلنا العظمي ، وجاء احدهم ليضع تاجه الذهبي على رأسنا الذي لم يبق فيه الا الجمجمة ، اما الاضواء فهي تزيد التاج بريقا وتلألؤاً ، عسى ان يعمي النور المبهر بصائرنا فنحمد لصاحب التاج ماله ، وننسى على انفسنا ان نترحما .. نضال معلوف

01-09-2005, 11:14 PM Anonymous مقالات اعجبتني و تعليقات قد لا تعجبهم - موضوع خالد بالفعل انا هادا البناء الهائل دايما بيلفتلي نظري.... من وقت ما كنت صغير....و صرلها القصة شي 28 سنة على حسب تعداد عمري.....و لساتو بيلفتلي نظري.... طبعا بالنظر لبعض المشاريع الاخرى متل ساحة الامويين و بتطبيق مبدء النسبة و التناسب منلاقي انو مشروع بناء ساحة المرجة لسا ضمن المدة المعقولة و الطبيعية لهيك مشروع..... فيعني ليش مستغربين؟ شو العجيب و الغريب؟ نفقين تحت الارض بساحة صرلون كم سنة.... فشلون يعني بناء ضخم وعملاق...! صحي انو الصحافة بسوريا مدري شلون.... انشاء الله عقبال هيك ما اخود ابني الصغير بعد ما يولد و يصير كبير و نمشي من تحت ساحة الامويين و يكون الحيطان خالصين و الساحة جاهزة و نروح على هالمجمع التجاري تبع المرجة و اشتريلو خاتم الخطبة منشان ابنو الصغير.... قولو اميييييييييييييييين... زعبوط

01-10-2005, 09:46 AM Anonymous مقالات اعجبتني و تعليقات قد لا تعجبهم - موضوع خالد أخطاء الأطباء جرائم بلا عقاب..؟! تطالعنا بعض صحفنا المحلية بين الفينة والأخرى بأخبار مواضيع عن أناس قضوا نحبهم نتيجة لأخطاء طبية أو كحالة من الاستهتار أو اللامبالاة مورست بحق المريض من قبل هذا الطبيب أو ذاك، سواء أكان ذلك في بعض مشافينا، مستوصفاتنا العامة أو في المشافي والعيادات الخاصة، ورغم أن حالات الوفاة التي تنشرها صحفنا ومنابرنا الإعلامية تكون أغلبها موثقة وتحمل الأدلة الدامغة إلا أنها على الغالب لا تلقى آذاناً صاغية، لا عند القضاء ولا عند نقابة الأطباء بل على العكس نجد النقابة تنبري كمحامي الدفاع عن الطبيب المرتكب على المبدأ القائل: (نصر أخاك ظالماً أو مظلوماً). ما دعاني لسوق هذه المقدمة، الحالة التي تابعتها من خلال اتصال من إحدى السيدات بعد تحقيق نشرته قبل عشر سنوات في جريدتنا «تشرين» وحمل عنوان: (مشاهير الأطباء ماذا يقدمون لمرضاهم) وطلبت مني عرض مشكلتها على صفحات الجريدة، وحضرت السيدة حاملة كل الوثائق والأدلة عن حالة ابنتها واسترسلت بالكلام والألم يعتصرها قائلة: كان عمر ابنتي ثلاث سنوات وتتمتع بكامل حواسها وذكائها وحيويتها، إلا أننا بدأنا نلحظ بعض التبدلات، منها: عدم التناظر بشكل الجمجمة وقليل من الارتجاج عندما تنظر الى التلفزيون، وبدأت رحلة عذاباتنا ومعاناتنا مع الأطباء ومن الاختصاصات كلها، لكن كل هذه المحاولات لم تجد نفعاً ولم يستطع أحد من أطبائنا وعلى مختلف الاختصاصات أن يشخّص حالة ابنتي الى أن شاءت المصادفة أن تلعب دورها في عملية التشخيص حيث كنت عند إحدى صديقاتي بزيارة أنا وابنتي، أتى بالمصادفة شقيق صديقتي لزيارتها وهو طبيب جرّاح مقيم في باريس ويعمل هناك حيث لاحظ حالة الارتجاج عند ابنتي وهي تنظر الى التلفزيون، عاتبني شقيق صديقتي لسكوتنا على وضع طفلتي فأوضحت له أننا أنا وزوجي بذلنا كل جهودنا في مراجعة أكثر من عشرين طبيباً اختصاصياً في دمشق ومن الاختصاصات كلها لكن لم نحصل على نتيجة وعددت له أسماء الأطباء الذين عاودناهم لكن دون جدوى أو نتيجة؟! ‏ وهنا طلب مني شقيق صديقتي أن أصوّر الطفلة «طبقي محوري» ليأخذ الصورةمعه الى فرنسا ويطلع فريقاً من الأطباء على الحالة، وبالفعل وبعد ثلاثة أسابيع أرسل لي مبيناً أن الطفلة مصابة بتضيق في قحف الرأس الأمر الذي يشكل ضغطاً على الدماغ وتحتاج الى عمل جراحي لإزالة حالة التضيق ومبيناً لي أن هذا العمل الجراحي يمكن إجراؤه في المعهد المتخصص لمثل هذه العمليات مؤكداً أن هذا المعهد يجري عملياته الجراحية لأطفال العالم الثالث مجاناً، باستثناء تكاليف الإقامة للأطفال ومرافقيهم، وهنا بدأت رحلة أخرى من المتاعب في تأمين المال اللازم لتكاليف الذهاب الى فرنسا وأجور الإقامة أنا وطفلتي هناك. ‏ المهم أن زوجي ومن خلال علاقاته وصداقاته الخاصة، استطاع الوصول الى السيد وزير الصحة ­آنذاك­ ووضع بين يديه التقارير التي وردتنا من فرنسا وتشخيص حالة طفلتي، فطلب من زوجي تقديم معروض مع الأوراق الثبوتية ووقع السيد وزير الصحة ­مشكوراً­ بالموافقة على سفر ابنتي الى فرنسا لعلاجها هناك، وأحال الطلب الى لجنة مشكّلة من مدير مشفى المجتهد ­آنذاك­ ورئيس قسم الجراحة العصبية ومعاونه في المشفى المذكور من أجل تقدير تكاليف الإيفاد والمعالجة بالعملة الصعبة على نفقة وزارة الصحة وقد وافق السيد مدير المشفى ومعاون رئيس قسم الجراحة العصبية، إلا أن رئيس قسم الجراحة العصبية بمشفى المجتهد لم يوافق وكتب على الطلب (هذا العمل الجراحي يمكن إجراؤه داخل القطر..).. وهنا تلاشت كل آمالنا في معالجة طفلتي في المعهد الذي شخّص حالتها والأنكى من هذا وذاك أن رئيس قسم الجراحة العصبية ­آنذاك­ أصر على أن يجري العمل الجراحي بنفسه ورضخنا لمشيئة السيد رئيس قسم الجراحة العصبية وأجرى لها العمل الجراحي عام 1988 وتكلل العمل الجراحي بالنجاح والحمد لله وسارت على ما يرام حتى العام 2000 حيث بدأت بعض الأعراض تظهر على ابنتي، وقد راجعت الطبيب الذي أجرى لها العملية فأوضح أن الجسم الذي وضعه لم يعد جسمها يتحمله ولابدّ من إجراء عمل جراحي لها. ‏ ونتيجة لمشادة بين الطبيب المذكور وزوجي رفض رئيس القسم إجراء العمل الجراحي لابنتي فقام معاونه بإجراء العمل لها في 30/3/2000 وهنا كانت الطامة الكبرى حيث تسربت جرثومة من غرفة العمليات أدت الى إحداث التهاب في عظم الجمجمة، عدنا وأجرينا لها العمل الجراحي الثالث في العام نفسه بتاريخ 1/تشرين الثاني عام 2000 في إحدى المشافي الخاصة ولم ينفع، الأمرالذي اضطرنا لإجراء عمل جراحي رابع لكن دون جدوى لأنها تحتاج الى عمل جراحي خامس. ‏ ما إن أنهت السيدة حكايتها مع أطبائنا «الإنسانيين» حتى اجتاحتني حالة من السخط والحزن لأمر هذه السيدة وابنتها وزوجها. ‏ والسؤال الذي يطرح نفسه الآن: هل يمكن لوالد هذه البنت أن يقاضي الطبيب المتسبب بهذه الحالة التي وصلت إليها ابنته وتحميله مسؤولية ما جرى؟؟ أم أن الإنسان آخر شأن يعنينا؟!! تشرين

01-10-2005, 09:48 AM Anonymous مقالات اعجبتني و تعليقات قد لا تعجبهم - موضوع خالد لا تعليق......وضعت المقال و سأتبعه بقصة صديقي..... فقط.....كي لا ننسى..... www.souria.com/club/sb_read.asp?id=27933 زعبوط

01-30-2005, 03:21 PM Anonymous مقالات اعجبتني و تعليقات قد لا تعجبهم - موضوع خالد الهجرة إلى أوروبا تتوقف أو تنخفض لو تم تأسيس حياة حرة ديموقراطية في بلداننا اعتبر رئيس جمعية حقوق الانسان في سورية هيثم المالح، ان فرنسا «معنية بمساعدة» سورية في ما يتعلق بشرعة حقوق الانسان، مؤكدا ان «مشكلة أوروبا في الهجرة المستمرة اليها ستتوقف وتنخفض في شكل ملحوظ في ما لو تم في بلداننا تأسيس حياة حرة ديموقراطية تنبع من احترام حقوق الانسان وحقوقه». ‏ من جهته، قال السفير الفرنسي في دمشق جان فرانسوا جيرو، ان باريس «مهتمة كثيرا في جانب حقوق الانسان، ومؤسسات المجتمع المدني، وهي ستكون سعيدة لو استطاعت تقديم المساعدة الفنية والتدريبية والدعم المعنوي في هذا المجال»، مؤكدا ان منزله في دمشق يمكن «اعتباره منزلا لجمعية حقوق الانسان ومنزلا لكل السوريين». ‏ وجاءت تصريحات جيرو والمالح أمس، على هامش حفل تكريم اقامه السفير الفرنسي وتم خلاله تسليم المالح جائزة رئيس وزراء فرنسا لحقوق الانسان للعام 2004. ‏ ونقل المالح عن جيرو انه «عبر عن الاهتمام الخاص بجمعية حقوق الانسان، معتبرا انها جمعية رائدة ومهمة في سورية»، وقال ان السفير «أشار الى سعادته لكون تكريمي يتم في منزله، وقال ان هذا ما كان ليتم لولا منعي من قبل الحكومة السورية من السفر الى باريس، موضحا انه يمكن لنا اعتبار منزله منزلا للجمعية ومنزلا للسوريين». ‏ ونُقش على الميدالية التي تسلمها المالح عبارة «تقدمة من الهيئة الاستشارية الوطنية لحقوق الانسان في فرنسا - جائزة رئيس الوزراء الفرنسي لحقوق الانسان لعام 2004 الى جمعية حقوق الانسان في سورية». ‏ وتعتبر الجائزة التي تسلمها المالح أمس، الثانية من نوعها للجمعية، غير المرخصة أصولا، منذ الاعلان عن تأسيسها نهاية العام 2001، حيث كانت تسلمت جائزة من البرنامج العربي لنشطاء حقوق الانسان في مارس العام 2002. ‏ وأوضح المالح ان الجائزة «لا تتضمن أي تعويض مادي», وقال ان «البحث الذي كان تقدم به تحت عنوان - من التعذيب الى منع التعذيب - كان واحدا من عشرة أبحاث فازت بجائزة رئيس الوزراء الفرنسي، خمسة منها حصلت على تعويض مادي والخمسة الأخرى لم تحصل الا على الميداليات، من أصل نحو 100 بحث شارك في المسابقة». ‏ وقال المالح في كلمته: «شكرت بداية رئيس الوزراء الفرنسي على الدعوة التي كان وجهها الي لحضور حفل أقيم في الثامن من الشهر الماضي في قصر الاليزيه بهدف توزيع جوائز على الفائزين في أبحاث حقوق الانسان، كان من المقرر ان أشارك، لكني منعت من مغادرة مطار دمشق الدولي في السابع من الشهر الماضي من دون سبب مشروع», وأضاف: «أكدت اني كنت سعيدا جدا حين تسلمت الدعوة لأكون في باريس عاصمة النور والحرية والثورة الفرنسية التي كان لها شرف اعلان حقوق الانسان والمواطن، وبالتالي أسفت لحقوق الانسان في عالمنا المعاصر، لكني منعت من السفر». ‏ وقال: «تعلمنا من رسولنا الكريم محمد (صلى الله عليه وسلم) ان نطلب الحكمة والعلم حتى ولو بعدت بلدانها، ونحن نطلبها عنكم فأنتم قريبون منا». ‏ ‏ الرأي العام‏

01-30-2005, 03:24 PM Anonymous مقالات اعجبتني و تعليقات قد لا تعجبهم - موضوع خالد و بدوري احب ان اتوجه الى السيادة السورية بدلا من ان اتوجه الى نظيرتها الفرنسية.... يا جماعة الخير..... الحرية حلوة و كتيرة مهمة للبشر..... يعني انا بفهم انو عم تحاولو انو تسد النقص الناتج عن عدم وجود حديقة حيوان كبيرة بسوريا...... بفهم و ما بشكك بالنوايا...... بس الحرية ضرورة متل المياه و الكهربا...صحي لسا المي بنتقطع على مدار السنة بكتير مناطق و الها طعمة عجيبة بمناطق تانية......و الها لون بمناطق تالتة....و صحي الكهربا بتاخد و بتعطي و خصوصا ايام الفحوص..... بس يا جماعة الحرية مهمة متل هالعوامل..طيب نحنا منقبل يكون الها طعمة و لون و لك حتى ريحة.....منقبل و حياة جد الشباب الطيبة...... فلتونا من الاقفاص و اعتبرونا بشر.....و شوفو شو منساوي.....شوفو شو منقدم.... لا تعتبرونا خونة و جواسيس و عملاء و متعاملين و قرود...... عطونا فرصة يا جماعة..... على كل خلونا بالجد و بلا حكي مسخرة و ما بيطعمي خبز...قال شو....حرية و ما حرية..... سيادة الحكومة شعبك على عكسك....جوعان.....منشان هيك عم يهاجر.... شعبك على عكسك.....مثقف (بشكل عام).....و منشان هيك عم يهاجر.....لانو المثقف عنا ما لو شغل غير يقعد بقهوة العابد و يكش دبان.... شعبك على عكسك.....متعلم.....منشان هيك عم يهاجر.....لانو المتعلم مالو شغل...المهندس بيفتح محل كمبيوتر و بيبيع موبايلات...... و خريج التجارة بيرد على التلفون بسيرياتل......و خريجات الاداب على قد ما عجزو عن ملاقاة شغل....في منهون عم يضطرو يكبو ادابهون و يهزو خصورهون......و المعاهد....و خريجين الحقوق عم يشتغلو عرضحلجية بالقصر العدلي..... و طبعا ما بدي قرب على المعاهد لانو بخاف اذا عيبت عليهون, يصير عندي ولد بيدرس معهد.....بعيد الشر.... و يا حكومتي.....شعبك عندو كرامة.....منشان هيك عم يهاجر..... لانو المواطن السوري العادي مغضوب عليه بالولادة..... مهما كبرت شهاداتو و خبراتو بتضل المصاري يلي بتكون بجيبتو و بيصيرو بجيبة موظفكون العتيد هنن يلي بيحددو قديش رح يكون محترم.....غير هيك...فبئس المصير.... يا حكومتي...شعبك عندو خدمة علم اجبارية....ظالمة و مجحفة....منشان هيك عم يهاجر.... يا ريت كانت مشكلتنا مشكلة حرية.....لك ما حدا كان هاجر.....بس مشكلتنا مشكلة بقاء و احترام الذات......طعمو الشعب و قدروه و احترموه.....و شوفو اذا بيحكي شي غلط عليكون.....و لك ساعتها اذا حدى حكى...ضربوه بالشحاطة....ما حدى بيزعل.... على كل....انا مو بصدد النق بس بصدد انو احمد ربي انو الحكومة عاطيتنا حق "حرية الهجرة" و عم تشجعنا عليه ...يعني احسن شي....الله وكيلكون يا جماعة يعني نحنا احسن بكتير من الصومال و مدغشقر و بوركينا فاسو... و النصر لقضيتنا... زعبوط

01-30-2005, 04:35 PM Latakian Joined on 11-20-2005 Posts 2,216 مقالات اعجبتني و تعليقات قد لا تعجبهم - موضوع خالد سلمات من فترة طويلة نسبيا بتزكر منيح وقتها كنا ندور ونبحبش بس ع شي مقال مزكور فيه اسم سورية طبعا هالحكي قبل انتفاضة مدري ثورة الاتصالات كانت المجلات والدوريات اللبنانبة اللي كان اغلبها ممنوع من الدخول لسورية المنهل الاول من غشمنتي كنت فوت عالانترنت عن طريق سيرفر لبنان قبل ما يصير في خدمة انترنت بسورية مشان دور عن مقالات عن سورية السبب الاساسي لتعلمي الانكليزية كان مشان اقرا مقالات التايمز اذا بتنتبهوا أول شي بسويه الشخص يلي بكون متعلم انترنت عن جد بيدور بمحركات البحث عن شغلتين الاولى ....بتعرفوها بلا ما قلكن والتانية سورية عند الجميع يلي موجودين بسورية في تعطش لمعرفة سورية ؟؟؟؟؟؟؟؟ هالايام يمكن صار في متل حالة معاكسة يعني الواحد مل قلبو من كتر ما صار حكي عن سورية والوضع بسورية لهيك اذا بتنتبهوا بس تحاول تحكي مع شخص معتر عن سورية بتشوف هيك تململ مو خوف مع انو الخوف موجود من فترة رحت انا وشخص لعند أحد الوزراء الميمونين مدري كيف انفتح حديث الحريات بسورية انا وقتها صرت طلع عالسقف واتأمل فخامة المكتب بس اتفاجات بشغلة صار يحكي الوزير عن الفساد والرجعية والبيرقراطية ويهاجم بشكل عنيف متل هدلون يلي بيطلعوا ببرنامج الاتجاه المعاكس يعني بصراحة حسيت اي شي ممكن نحكيه مارح يجي شي قدام اللي حكيه هوي في موضة جديدة هالايام الكل بدو يحكي يعني صار يلي ما بيحكي .." متهم" متل هيدي نكتة يلي شحطوهن من القهوة عالفرع لانهن كانو عم ينتقدوا يلي كانو عم يحكوا أكلوا دولاب بس في واحد من اللي شحطوهن كان ساكت مو حكيان شي هيدا اكل عشر دولايب ولما سألهن ليش انا عشرة مع اني ما حكيت شي قلولو انت أخطر منهن ... هني حكوا وعرفنا غاياتهن انت ما حكيت والله أعلم شو مخبي ورا سكوتك يمكن شطيت عن موضوع المشاركة بس مشان المقالات يلي بتتناول سورية يلي عم يقروا المقالات "اول شي ببلشوا من الاخير بشوفوا اسم الكاتب في ناس كتير عم يكتبوا بشكل منطقي ونقد بناء عن سورية بس اسمهن ارتبط بشكل او باخر بالعداء لسورية لهيك اي واحد ما بيسترجي يتبنا فكرة ألهن ويلي عم يكتب بحب عن سورية ضايع بين الزحمة كل يلي عم يحكوا بدهن ديمقراطية مع استئنناءات طبعا لأنو في عالم مدري شوبدهن ياترى اذا تحقق حلم الديمقراطية وصار عندنا ديمقراطية بالمفهوم الغربي يعني يلي بدو يعمل حملة انتخابية بدو شي عشرطعش مليون دولار واصحاب رؤوس الاموال رح يصيرو المحرك الاساسي للحياة بسورية مع فارق بسيط وهوي اكتسابهن صفة شرعية وقانونية لقيادة الجماهير الكادحة حبيبي زعبوط يمكن تكون مشاركتي بمجملها خارجة عن سياق موضوعك بس اعتبر انك قريتها بشي موقع من هالمواقع ونقلتها لهون ماحدي احسن من حدي الكل فيه يكتب مقالات سلام    Report

01-30-2005, 04:45 PM Nighty Joined on 11-19-2005 Posts 269 مقالات اعجبتني و تعليقات قد لا تعجبهم - موضوع خالد الهجرة مشكلة العالم الثالث كله و ليست حكر على سوريا ولا يمكن نسيت انو حكومتنا فارضة سيطرتها على دول العالم التالت لحتى كلو عمهاجر يعني الحكومة من الشعب و الشعب ضميرو فاسد الحل بتغير الشعب ولا قلك هلأ بتتهمنوي اني نازي الحل بتغير طبيعة الشعب لينتج فئة نظيفة قادرة على الحكم اكيد رح يكون كزاب يلي بقول ما عنا كل هالمشاكل يلي نذكرت بس نحن دولة مو نفطية و نحن دولة محاصرة و نحن دولة عمنحارب اسرائيل و لهلأ ما حددنا اولويات المستقبل من كتر مافي مشاكل براسنا عجزنا عن التفكير ابو الزعبيط بتوافق على حل كل هالمشاكل مقابل تنازلات بصراع النفوذ و الارض مع اسرائيل مثلا و نصير هونغ كونغ المنطقة ولا نسيت انو يلي سبقونا نخذلو لأنو تنازلو بدون شي و ما فرقو عنا الا شوي طيب الحل صعب ما عمشوف حل كيف بدنا نتطور بشعف فاسد و حكومة فاسدة لانو اوريدي جاي من الشعب و يلي حولينا ما عمخلونا نتقدم بتمنى اسمع جواب    Report

01-30-2005, 08:36 PM soukrat Joined on 11-20-2005 germany Posts 10,192 مقالات اعجبتني و تعليقات قد لا تعجبهم - موضوع خالد zaabout.. وين نسيت بنهاية مقالك والخلود لرسالتنا...بدي خبرهن ليطردوك من حزب البعص ....عفوا البعث.. http://bsam.4t.com/    Report

01-31-2005, 12:01 AM Anonymous مقالات اعجبتني و تعليقات قد لا تعجبهم - موضوع خالد لاتاكيان: طبعا الكل بيقدرو يكتبو مقالات لاتاكيان بس انا بدي علق على فكرة نوع المقالات و كيفية قراءة المقال من الاخير لمعرفة مين كاتبو....انا جدا بخالف هالفكرة و برفضها و بشجبها و بستنكرها (بالاخير انا عربي و لو ) يا سيدي ما انت.... نحنا ولاد هالبلد و عايشين بهل البلد و منعرف شو صاير بهل البلد....و لما منقرا مقالة عن هل البلد...نحنا منعرف اذا هل الشي صح و لا لاء...بغض النظر عن الكاتب...انا ما بحب اخد موقف مع او ضد كاتب معين او شخص معين.... بس انا فيني اخد موقف تأييد او رفض لمقالة معينة مثلا... المهم, كمان فكرة تانية.... يا ترى هالوزير ابو مكتب فخم...يلي عم ينق متلنا على الفساد و خلافو... عم يتصرف بهل الشي؟ وزارتو نظيفة و موظفينو نضاف؟(الكلام كمان لنايتي) انا كمواطن سوري بأسفل السلم الهرمي للانسان... شو بيطلع بأيدي غير انو نظف نفسي و يلي حولي من المقربين...اما هداك الوزير في عندو مليون زلمة تحت ايدو... منشان هيك يمكن فيه عالم بيطلعلها تحكي و تنق اكتر من غيرها... لانو بالاخير لازم نكون عم نساوي شي على قد ما فينا مو بس نعلك و نق و نسق..... نايتي: انا بأيدك بفكرة النازية و انا بقول انو الحل لسوريا بيكون بتفجير شي خمسين قنبلة نووية موزعين على سوريا بالتساوي و بعدين بتنترك سوريا لتنظف من جراء هطول الامطار الحامضية منشان تتطهر الارض... بس هدا حل نازي و كلام فاضي.... الحكومة من الناس...بس الحكومة ما بتمثل كل الناس...حكومتنا من عشرات السنين كانو بيمثلو اقل اقلية من الناس....و بدون ما نجرح حدى بس الفئة الممثلة كانت بهداك الوقت اقلها تعليما و ثقافة و تحضر.... ما عم بحكي بمنطلق طائفي اكيد بس ما حدى بينكر هيك وقائع..... الشركة الناجحة بيكون عماد نجاحها الادارة....و الادارة هي يلي بتكون مسؤولة عن قيام الافراد و الموظفين بدورهون على اكبر وجه....بس حط مدير جاهل مالو علاقة باللياقة....و حط تحت ايدو مليون انسان كفؤ....بتخرب الشركة... انا ما بنكر انو المسؤولية مشتركة بين الشعب و الحكومة.... بس الحكومة هي الادارة و الشعب هو الموظفين.... و الدنيا مراتب.... الفساد مستشري للعظم منشان هيك بدها رقابة و عصاية و العصاية بأيد الحكومة مو الشعب.... بس دودة الخل منو و فيه...... سوريا بلد مو نفطية بس ما منستورد نفط بالعكس منصدر جزء منيح....بس طبعا ما منتقارن بدول الخليج مثلا.... بس نحنا عن موارد خام.....الخليج ما عندها زراعة و ما عندها خامات سياحية متل سوريا....نحنا عنا مؤهلات سياحية بتحط تركيا و مصر بجيبتها بس ما حدى مهتم..... فيعني النفط مو مقياس....و فكرة انو اسرائيل عم تحاربنا...قديمة و بايتة و كانت مبرر لضياع مليارات تحت اسم "المجهود الحربي".....و مع هيك عنا جيش بيستحق الزكاة.....فما بحب ناقش بفكرة انة سبب تخلفنا و ضعف اقتصادنا هي اسرائيل.....لانو الشباب الطيبة استهلكوها و حرقو نفسها.... ما فيني قلك شو الحل او شلون بدنا نتطور... لانو ما بتوقع في أي حل تاني غير يلي حكينا تبع فناء كل السوريين.... غير هيك ما بظن انو بعمرنا رح نصير زلم.....لانو صار الفساد عم ترضعو الامهات لولادهون....الجهل منتشر و ما عم بحكي على جهل العلم....بس على جهل العقل و القلب..... نحنا شعب عنصري و متعصب و قد ما حكينا انو نحنا مو هيك منكون عم نضحك على بعض.... شوف المنتدى و يلي هو صورة مصغرة عن بلدنا..... متخبيين ورا قناع التسامح بس خلي مصيبة تصير لا سمح الله....لتصير الحرب الاهلية تبع لبنان فلم كوميدي بالمقارنة.... لا سلام مع اسرائيل و لا حتى مع المريخ رح يفيدنا....يمكن رح تستفيد فئة يلي هنن هلأ مستفيدين من انتشار الجهل و الفساد....فعلى قولة ايمن زيدان.............عوجة!!! النصر لقضيتنا و الخلود لرسالتنا و تسقط اسرائيل و الامبريالية و اداتهم عصابة الاخوان المسلمين العميلة(منيح هيك عمو سقراط؟) زعبوط

01-31-2005, 01:04 AM Anonymous مقالات اعجبتني و تعليقات قد لا تعجبهم - موضوع خالد المأخذ الوحيد على كلامك هو تصنيف من حكم و من لم يحكم و الحكومة بتمثل الشعب ولا لأ نحن ولاد بلد واحد من الحسكة لدرعا ما بتفرق منين الاصل و شو الدين و مين العيلة يلي حكمو يا زعبوط من سنة 63 لهلأ هن حزب مو طائفة او عيلة هالحزب كان الو افكارو و مبادؤه يلي امنو فيها كتير ناس بالرغم من عدم اتفاقك او اتفاقي معهون بس قدر يستولي على السلطة بعصر كانت الانقلابات فيه متل شربة المي مافيك تقول عنهون جهلة لأنو بصراحة كانو رواد الفكر السياسي بزمانهون و سياساتهون لهلأ عمتنجي البلد كل يوم من مصيبة شكل كمان هالشي بينحسب الهون بشكل عام الحكومة ليست بالسوء الذي يصور انا بشوف الحل باتفاق سلام سريع و التوجه نحو الشراكة الاوربية لأنو رح تجينا القوانين من اوربا و نضطر نفذها منشان نحقق شروط الانتساب تبع مستويات الدخل و البضائع يلي بدون جمرك و هالقصص يلي بتحسن كتير باوضاع البلد اكيد هالحكي مع شوية ثقة انو ناس لساتها نظيفة

01-31-2005, 01:14 AM Latakian Joined on 11-20-2005 Posts 2,216 مقالات اعجبتني و تعليقات قد لا تعجبهم - موضوع خالد الشذوذ الجنسي في سوريا نبيل فياض ما لا شكّ فيه أنّ المسألة الجنسيّة في سوريّا، مثلها مثل بقيّة الأقطار الناطقة بالعربيّة، تعرف توترات تكاد تصل تخوم الانفجار لأسباب كثيرة؛ نذكر من أسباب توترات المسألة الجنسية بشكل عام في سورية : أوّلاً: الانتشار المتزايد، على نحو جائحي، للتيارات الأصوليّة في البلد؛ الأمر الذي يعني مزيداً من الكبت والفصل الجنسي غير المعقلن؛ ثانياً: الانتشار الكبير، بالمقابل، لوسائل الاتصال الحديثة؛ وما يتضمنه ذلك من استخدام غير مسبوق لصحون الأطباق الطائرة والرسيفرات التي تُشرى أساساً لالتقاط محطّات البورنو التي تزيد الوضع صعوبة، خاصّة في حالتنا هذه؛ ثالثاً: تآكل الطبقة الوسطى وانضمامها الراسخ غير البطيء إلى الطبقة الفقيرة؛ وإذا ما حاولنا مقارنة دخل المواطن السوري ونسبته إلى مصاريفه مع دخل أي مواطن في الدول المتحضّرة لكانت النتيجة كارثيّة: هل يوجد بلد في العالم يمكن أن تشكّل فيه فواتير الكهرباء والماء والهاتف أكثر من ثلاثة أرباع دخل المواطن؟ - وما يعنيه ذلك من مشاكل اجتماعيّة ليس أوّلها الدعارة بشقيّها الأنثوي والذكوري، الذي ترفض الغالبيّة "النعاميّة" الاعتراف بها؛ رابعاً: وبسبب المسائل المشار إليها آنفاً، وغيرها كثير، لا نفاجأ إذا ما رأينا التأخر غير العادي لسن الزواج. إذن: كبت هائل تسوّقه التيارات الأصوليّة + شحن جنسي لا سابق له في كلّ مكان + فقر + تأخر سن الزواج = أزمات جنسيّة غير قابلة للحلّ! ومن ذلك مسألة المثليّة الجنسيّة، التي تصادفنا في كلّ مكان من البلد، والتي يرفض كثيرون، بفعل العقد المستعصية، الاعتراف بوجودها! إن اهتمامنا الدائم بهذه القضايا، من الدفاع عن حقوق الأقليّات الإثنيّة أو الدينيّة أو ذات الميل الجنسي غير المعمم، هو جزء أساسي من اهتمامنا بحقوق الإنسان، التي يوجد حتى الآن في سوريّا، خاصّة أولئك الذين قدموا من بيئة ريفيّة منغلقة على الحضارة، ومعظمهم من ورثة الشعارات الحزبيّة الفارغة التي عفا عليها الزمان، من يرفض الإقرار بها تحت رايات خداع ذاتي أُنهي مفعولها. إنّ المثليّة الجنسيّة، المسألة القسريّة سلوكيّاً باعتراف كلّ مدارس التحليل النفسي، تحتل أسفل السلّم في التدرج الانحداري لحقوق الإنسان السوري: المثلي جنسيّاً، يُعامل عموماً كمنحرف محترف لأحد أنواع الدعارة الذكوريّة؛ من هنا، فالدفاع عن إنسانيّة هذه الأقليّة، التي قد تتجاوز المليون في سوريّا، قضيّة لا بدّ منها بغضّ النظر عن مواقف أولئك الذين لا يفقهون ألف باء علم النفس أو الحريّة أو حقوق الإنسان: خاصّة الذين يظهرون الرفض العنيف لهذا السلوك، وهم في واقع الأمر يكشفون بذلك عموماً رفضاً لحافز مدفون في أعماقهم، ويخشون إن تعاطفوا معه أن يشار إليهم بالبنان بوقائع عايشوها ثم رفضوها بتغيّر الظرف، لكن ذكرياتها ما تزال تعشش في رؤوسهم! وفي اعتقادنا أن العنف في رفض فكرة ليس غير الدليل الأبسط على تمكّنها من شخص الذي يرفضها! وكلّنا نعرف أن المثليّة الجنسيّة، مع ممارسة الجنس مع الحيوان، انتشرت وما تزال منتشرة في تلك الأجواء الشعبيّة أو الريفيّة حيث يساهم الفرز الجنسي وإهمال الأهل والتخلّف الثقافي الاجتماعي في تعلّم الطفل ذاتيّاً عبر تجارب الصح والخطأ! هذه المقالة سبق ونشرت في مجلّة قبل زمن لا بأس به؛ أبيض وأسود العدد 57؛ وضمن دفاعنا الدائم عن حقّ الإنسان في العيش الكريم، وبسبب التواتر المتصاعد للمتابعين للناقد في سوريّا، نرى أن إعادة نشرها لا تخلو من المنطق! ليس أصعب من الكتابة برصانة في موضوع لم يتم التعامل معه، في الأدبيّات العربية، إلا ما ندر، بغير التسفيه أو السخرية. الشذوذ الجنسي، كمصطلح، يحمل من الأصداء السلبية المجحفة بحق الإنسان، بغض النظر عن ميوله، ما يكفي لرفض التسمية. وفي الدول التي تحترم حق الإنسان في ممارسة حياته كما يشاء، لا يوجد مصطلح كهذا للتعبير عن رغبة ما لفرد من جنس ما حيال فرد آخر من الجنس ذاته. في اللغات الأوربية الغربية، نجد تعبير homosexual، الذي يرجع في أصوله إلى اللغة اليونانية، لا اللاتينيّة، كما قد يعتقد بعضهم، والذي يعني (شخصاً ذا ميول جنسيّة حيال الجنس ذاته). مع ذلك، فقد شاع استخدام المصطلح البسيطgay ، عالميّاًََََ، للتعبير عن هذا النوع من الميول. حتى الآن، لا يوجد اتفاق عام على الأسباب الكامنة خلف ميل كهذا: ففي أحد الكتب الذي قمنا بترجمته عن الظاهرة ـ وما يشبهها ـ ولم ينشر حتى الآن!! ركّز المؤلّف الإنكليزي، أنطوني ستور (أقرب إلى يونغ منه إلى غيره) على الجانب الاجتماعي ـ التربوي في خلق هذا السلوك الجنسي؛ فالطفل الذي ينشأ في بيتٍ الأبُ فيه قاس أو لا مبال، والأم عاطفية للغاية أوهي التي تتولى مسؤوليّة العائلة، يمكن أن يكون مثليّا جنسيّا؛ بالمقابل، ثمة من يرى أن المسألة برمّتها جينية، أي أن قدر هذا الشخص، جينيّا، أن يكون مثليّا جنسيّا. مع ذلك، فمن دراساتنا غير السطحيّة في المسألة، نعتقد أن الرأيين كليهما لا يجافيان الصواب. فكثيراً ما نرى طفلين يتربيان في البيت ذاته، مع ذلك، يكون أحدهما مثليّا جنسيّا والآخر لا؛ بالمقابل، فكثير جدا من الذين تجبرهم البيئة، خاصة في الأوساط المتعصبة والمتزمتة، على السلوك المثلي في مرحلة ما قبل النضج، يطوى هذا كله في غياهب النسيان بعد الزواج. جنة المثلية الجنسية: قد يبدو صادما لعيون كثيرين أن نُظهر أن دمشق أكثر مثلية جنسية من مدينة تشتهر بذلك أي سان فرانسيسكو؛ ففي أحد الأيام، وكان في بيتي الدمشقي الصديق الباحث ايكارت فورتز، يعد كتابا لجامعة ايرلنغن حول بعض ما كتبت، وكنّا نتسامر حول مسألة الإباحيّة الجنسيّة الغريبة الموجودة في الغرب؛ قال إيكارت: نحن في الغرب أفضل منكم؛ فالإباحيّة التي تتحدّث عنها موجودة في الشرق الناطق بالعربيّة أكثر ربما من الغرب؛ الفرق بيننا وبينكم أننا لا نكذب في المسألة ولا نتجمّل، في حين أنتم تختبئون وراء أصابعكم وتنكرون واقعاً أوضح من الشمس. نحن نكشف الموضوع ونتعامل معه بعلنيّة؛ أولاً، لأن السلوك الجنسي مسألة إفراديّة لا يحقّ لأحد التدخّل فيها؛ ثانياً، لأن وضعَ سلوكٍ يمكن اعتباره مرضيّاً تحت الأضواء يمكن أن يساعد في دراسته ومن ثم علاجه أو تقويمه، بدل وضع الرأس في الرمل وإظهار أن المجتمعات الناطقة بالعربيّة، المنخورة بأسوأ أنواع الأمراض الاجتماعيّة والجنسيّة، قطع من الجنّة لا مكان فيها لغير الملائكة والقديسين! وهكذا، عرفت من إيكارت بوجود شخص أميركي من سان هوزيه، قرب سان فرنسيسكو، يدعى ادوارد غ، موجود في دمشق فقط بغاية السياحة الجنسية المثلية. ولما التقيت بالمذكور أخبرني أنه يملك دليل "السياحة الجنسيّة المثلية" العالمي والذي فيه معلومات كثيرة عن هذه الفعاليات في دمشق: فنادق، حمامات، مقاه.. كان ما قاله ادوارد مريعاً: ليس بمعنى تقويم الظاهرة أخلاقياً، بل بمدى انتشارها أفقياَ إلى درجة صادمة. وبعدها التقيت بكثير من الغربيين الذين يتحدثون في المسألة دون حرج، وعرفت أن بعض العاملين في سوريا من غير السوريين يفضّلون البلد على غيره فقط لأنه يلبي رغباتهم بأوفر مما قد يتواجد في بلدانهم الأصلية. كان من الضروري دراسة المسألة بنوع من البحثية الرصينة لأنها تمس قطاعاً من الناس أعتقد أنه غير قليل في المنطقة، هذا من ناحية، ومن ناحية أخرى، بسبب الإرث الديني ـ الاجتماعي ـ المتعلق بالتقاليد، ينظر العامة إلى هذا النوع من الناس لا كبشر عاديين مختلفين في مذاقاتهم الجنسية عن القطاع الأكبر، بل ككائنات مريضة أخلاقيا: ذكور محترفون للدعارة. وهكذا، سعيت إلى لقاء أحد المثليين من الشريحة المثقفة جداً، وأعطيته استمارات قام مشكوراً بتوزيعها على مجموعته، وكانت النتائج الإحصائية هي التالية: السن: 15 ـ 20 بنسبة 20 % السن: 20 ـ 30 بنسبة 60 % السن: 30 ـ 40 بنسبة 20 % ـ السؤال المتعلق بالذي قبله: هل الفصل بين الجنسين يلعب دورا في المثلية الجنسية؟ نعم بنسبة 60 % لا بنسبة 40 % ـ هل يلعب التعصب الاجتماعي دورا في زيادة المثلية؟ نعم بنسبة 52 % لا بنسبة 48 % ـ كيف ترى مستقبل المثلية في المنطقة؟ سيء بنسبة 84 % جيد بنسبة 16 % ـ ما هو دور الزمن في تقبل الناس للمثلي؟ سلبي بنسبة 76 % إيجابي بنسبة 24 % ـ هل تفضل أن يكون في سوريا منظمات مثلية كما في دول العالم المتحضر؟ نعم بنسبة 84 % لا بنسبة 16 % ـ هل تحب الهجرة إلى دول الغرب؟ نعم بنسبة 52 % لا بنسبة 48 % من هذه الاستبيانات الأولى من نوعها، المغرقة في بساطتها، نكتشف أشياء ربما تكون جديرة بالاهتمام: دور العامل الديني ـ الاجتماعي، الذي يتجلّى في الفصل الجنسي، في مسألة المثلية الجنسيّة. اعتراف المستبينة آراؤهم أنّهم مارسوا الجنس، في معظمهم، للمرّة الأولى، قبل سن النضج، وهو ما يعني أن الأمر كان أقرب إلى الاغتصاب أو الفعل اللاواعي في أحسن الأحوال منه إلى علاقة عاديّة، بمعنى أنّها برضى الطرفين أو بإدراكهما لما يفعلان. إظهار نسبة كبيرة من المستبينة آراؤهم أنهم، لو كان الأمر بيدهم، لما تمنوا أن يكونوا أو يبقوا مثليين، وفي اعتقادنا أن النسبة الصغيرة 28 % التي قالت إنها لو خيرت لاختارت لأن تبقى مثلية، ليست سوى مجموعة من صغار السن الممتلئين بالشبق والذين لم يقدّروا كفاية معنى كون المرء مثلياً في مجتمع كالمجتمع السوري المتزمت. الخطير في الأمر، مع أخذنا بعين الاعتبار عنصر المبالغة، اعتبار معظم أشخاص العينة أن نسبة المثليين تتجاوز 20 % من دراساتنا، خاصة كينزي، نعتقد أن ما ينطبق على المجتمع السوري وما يشبهه من مجتمعات، لا ينطبق بالضرورة على المجتمعات الأوربية التي أجرى فيها فرويد وأدلر بحوثهما، أو المجتمع الأميركي الذي قام كينزي بتجاربه عليه. وهكذا، يمكن تلخيص نتائج المقارنة على النحو التالي: بسبب العلاقة المشوهة بين الرجل والمرأة في مجتمعنا المحكوم بمفاهيم دينيّة ـ اجتماعية قديمة منافية بالكامل لفهمنا الحالي للحياة والعلم، فالذكر في مجتمعنا لا يشعر بالراحة، خاصة في سن ما بعد الطفولة، مع الأنثى بمثل ما يشعر ذلك مع صديقه من الجنس ذاته؛ لهذا فالحميمية الجوهرية، خاصة مع تذكّرنا للحاجز الإحراجي الذي يطبع العلاقة ذكر ـ أنثى عندنا، تكون أقوى في الحالة ذكر ـ ذكر. هذا الإحساس بالإرباك الذي يطبع عندنا