Search Sort Posts:  Oldest to newest Newest to oldest

11-25-2009, 01:42 PM Delamore Joined on 02-04-2006 Posts 3,614 Re: لو كان الأعضاء .. خواريف  blawlashi wrote: لو كان الأعضاء .. خواريف حلوه What I just said is a fundamental, not subject to opinion, absolute truth, ultimate, unconditional reality and a permanent fact depending on my mood    Report

12-09-2009, 08:48 AM blawlashi Joined on 11-20-2005 Posts 11,815 Re: لو كان الأعضاء .. خواريف بلوضة قاعدة بقهوة عم تسحب نفس أركيلة وتنفخو بعنف بيجي الكرسون بتحبي تشربي تاني شي مدام؟ بلوضة: أنا مدام؟ .. لك انت شو؟ .. بلا مخ؟ بلا عقل .. روح انقلع من وشي ولا الكرسون المسكين بيمشي وضهرو محني طائين   بيجي حبو بلوضة مرحبا بلوضتي بلوضة: بلضك شي يئش رئبتك .. وينك لهلئ لك ضراب السخن حبو بلوضة: له يا حياتي .. إنتي بتعرفي دوامي بيخلص تمانة وهلق الساعة تمانة ودقيقة بلوضة: الطريق من شغلك لعندي تقطيعة شارع .. هدول 10 ثواني .. بقيان خمسين ثانية شو كنت عم تعمل فيهون؟ حبو بلوضة: اشتقتيلي يا عمري؟ بلوضة: المشكلة إنك قد ما تيست وتحيونت بضل بحبك .. مو بإيدي مراقي انبلي بعالم من شكيلتك حبو بلوضة: وأنا بحبك يا روح قلبي بلوضة: ايه ايه بلفني بكلمتين من كلماتك الحلوين .. شو بدك تتزهرم هلق لحتى اطلبلك؟ .. أنا سبقتك   ايه وهيك شغلات يعني مقسومين .. لك قوم فوت نام وصير حلام    Report

12-09-2009, 09:27 AM syrian_blood Joined on 05-13-2008 بين غرامي و الجنون Posts 5,447 Re: لو كان الأعضاء .. خواريف الله يسعدك إلي شي إسبوع ما ضحكت هيك i gotta let the 3enten read this  شو يعني حرية (وش طشمة)    Report

12-09-2009, 04:38 PM anas262 Joined on 05-07-2006 Posts 6,112 Re: لو كان الأعضاء .. خواريف with which 3en?    Report

01-10-2010, 12:02 AM lulie Joined on 02-04-2007 جيران القمر Posts 3,594 سوريات لك معئول كل هالمواهب وتاركين الموضوع هيك هاد لازمو تسبيت انو الحمدلله هلآ عرفت من وين جاية اسم ابو نظمي وابو هيسم   بس انو ئليلة شو في عالم ماعادت بينت صرلي كم يوم عم ائرا بهالموضوع وهلآ تئريبا خلصتو يلا رجعو هالبوست بركي بيرجعو العضاوات    Report

01-10-2010, 12:13 AM AlDomary Joined on 11-29-2007 Done .... Posts 1,993 Re: سوريات ماشالله لولي الك خلق قريتي شي سبعين صفحة ؟؟؟    Report

01-10-2010, 12:22 AM lulie Joined on 02-04-2007 جيران القمر Posts 3,594 Re: سوريات والله الملل بيعمل اكتر من هيك يادومري بس انو ئدرت اطلع على معظم هالكتابات شو بدك بالحكي عنجد شي ظريف    Report

01-10-2010, 12:59 AM lulie Joined on 02-04-2007 جيران القمر Posts 3,594 Re: سوريات في المدرسة حصة العربي بلوشة: الله يمضي هالسنة على خير لك والله ماسدئت ايمتا مرئت هديك السنة مو طبيعية كانت.. سنجوب: لك انت المو طبيعي لك يازلمة معئول مخك شو سميك.. بلوشة: انا مخي سميك شبنا سناجيبو ليش لتكبر معي بالحكي سنجوب: لك اي حاجتك تتحسوس من كل كلمة ،، ئليلة المبني للمجهول شمستنا بمسابقة اللغة لي صارت بصفنا وبصف اللي ناحنا لك حتى استاز التاريخ هابي دراغون صار يعربلي من ئفا ايدو ويتحفنا بشي موجود وشي مو موجود ماتئول سيبويه ومالنا خبر.. بس مو الحئ عليك الحئ عليي انا لي رشحتك بلوشة: اي رو عنا ياه صاير نفسية كلو من هالشكيلات لي عم ترافئا ئهوة: سس اخت هالمادة ازا بتنزللي على معدة لنشوف هلأ الانسة اليانا شو لح يطلع معها بدرس اليوم بوزكي.:لك عيب عليك لك هي لغتنا سقافتنا أمجادنا شو بدا تحكي علينا العالم بكرة بس لتتغرب ع شي دولة وانت نازل سبسبة بهاللغة و ...   اليانا.." بتفوت شادة ضهرا وحاطة نضاراتا وعم تزبطا" .. صباح الخير الطلاب: صباح النور آنسة اليانا:ان شالله حالين وظايفكون   الطلاب: اي انسة حالينا تك تك تك لوست بيدئ الباب.. صباح الخير آنسة اليانا اليانا.. اهلين استاز لوست تفضل لوست.. والله ياآنسة في طالبة جديدة انتئلت ع مدرستنا فارتأت الإدارة تكون بصفك اليانا "بينا وبين حالا لك هفففف نائصو هالصف" .. اي اهلا وسهلا خليها تتفضل الصف ،، اكسيس : يي فراشة جديدة اهلا وسهلا بالفراشة النعومة بلوضة: لك انت مابتبطل ئفلة اشتهيتك شي مرة تحكي جد بليرة لوست: سمعونا شوي ..بعرفكن ع زميلتكون لولي اليانا "مو عاجبا وعم تشئلا للولي من فوئ لتحت ":هلأ من حئا عم تحكي هي بدا تحضر بصفوفنا!! لوست اي شو المشكلة آنسة اليانا.؟؟ اليانا: لا مافي مشكلة !! بس لولي انتي متأكدة انو مخلصة ابتدائي لولي: اي آنسة اليانا: طيب اعربي مايلي لشوف .............      Report

01-10-2010, 01:10 AM AlDomary Joined on 11-29-2007 Done .... Posts 1,993 Re: سوريات  lulie wrote: ئهوة: سس اخت هالمادة ازا بتنزللي على معدة لنشوف هلأ الانسة اليانا شو لح يطلع معها بدرس اليوم بوزكي.:لك عيب عليك لك هي لغتنا سقافتنا أمجادنا شو بدا تحكي علينا العالم بكرة بس لتتغرب ع شي دولة وانت نازل سبسبة بهاللغة و ...   يا ستي بتستاهلي الله حيو .... اول تجربة روائية الك و ظابطة معك خيرات الله      Report

01-10-2010, 07:44 AM blawlashi Joined on 11-20-2005 Posts 11,815 Re: سوريات  lulie wrote: هلأ من حئا لله دركي يا لولي .. لله دركي أغمي عليي من عند هالصبح مقسومين .. لك قوم فوت نام وصير حلام    Report

01-10-2010, 11:28 AM lulie Joined on 02-04-2007 جيران القمر Posts 3,594 Re: سوريات   في الشركة..   لوران "جاية ركيد مئطوع نفسو وطاير عئلو من الفرحة" : شباب .. شباب.. دريتو  ه ه ه ه "عم يلهت" لولي: لك شبك شبك مين راكد وراك بلوشة: في زيادة رواتب.. بوانص. لوران: لك لا لا مو هيك الئصة اليانا: تتحورئ بئا لهالجوهرة شوفي احكي لوران: لك سمعت انو في تريننغ ومرشيحن كم واحد من التيم تبعنا لولي" وبظو جوز عيونا  من الفرحة" _ياحسرتي عليها_ بحياة الله لك لوران عنجد عم تحكي بلوشة : لا كتير تفرحي لولي حسب التارغيت تبعك بهديك السنة ازا مومجمعة منيح مابينزل اسمك بالليست اليانا " بدون ماتلتكشا للولي": فكرك لولي كل مين هب ودب بدو يترشح ئليلة شو هلكنا السنة الماضية بدك بين يوم وليلة يعملولك تريننغ لوران: هلأ خلصونا فرطووا بئا انت وياها يلا ئوام بعد 10 دئايئ في مييتنغ دومري: انو ميتنغ ماحدا خبرني بهيك شي سنجوب: تشيك يور برايفط" ئصدو الانبوكس"                                                                                                                                                      يتبع.....    Report

01-10-2010, 11:51 AM blawlashi Joined on 11-20-2005 Posts 11,815 Re: سوريات ما فهمت آخر وحدة بس إنو كملي   على كل حال أنا ما وقفت كتابة بهالموضوع .. بس ما عاد كتبت إلا إذا خطرت ببالي شي تحشيشة جديدة غير مطروقة من قبل مقسومين .. لك قوم فوت نام وصير حلام    Report

01-10-2010, 12:10 PM lulie Joined on 02-04-2007 جيران القمر Posts 3,594 Re: سوريات آخر وحدة ئصدك تبع البرايفت؟؟ اف سو،، بيكون ئصدو لسنجوب انو اجاهون الميتنغ ع الايميل مشان هيك ئللو تشيك يور برايفت     المهم بلوشة لاتحرمنا من كتاباتك بركي العالم بترجع تكتب لك موصفيان بنات بالمرة الا كم وحدة وياريتون عم يبينو كمان     Report

01-10-2010, 04:26 PM AlDomary Joined on 11-29-2007 Done .... Posts 1,993 Re: سوريات شدة الهمة لولي ... شكلك عندك موهبة الكتابة و ميول للفاينة قولي يا رب      Report

01-12-2010, 10:03 AM lulie Joined on 02-04-2007 جيران القمر Posts 3,594 Re: سوريات يالله يارب    Report

01-12-2010, 10:09 AM lulie Joined on 02-04-2007 جيران القمر Posts 3,594 Re: سوريات الموظفين بوشون للميتنغ رووم..   غولدن: ئولتك التيم تبعنا مرشح للتريننغ. المزنبر: والله مابعرف ئال ياخبر اليوم بمصاري بكرة ببلاش.. غولدن: ياسيدي ازا بوزكي طالع لهالتريننغ ما لح اطلع انا.. المزنبر: له ياغولدو له,, لشو هالحكي لي مالو جنس الطعمة غولدن: لك مالك شايفو كيف صاير مولدن وعالطالعة والنازلة يلطش حكي المزنبر: والله مامولدن اكتر منو غيرك هاد شغل لشو تدحشلي خلافاتكون اشخصية بالنص انت خلينا نشوف شو لح يطلع معون بالاجتماع   لوست..بيكون المسؤول تبع الاتش ار وهوة لي عندو أسامي المرشحين للتريننغ مساء الخير ياجماعة ويعطيكون العافية الموظفين الله يعافيك لوست: أكيد وصلكون خبر انو في تريننغ وفي أشخاص مرشحين لهالسفرة لوران.. تريننغ براة الشركة وسفرة؟!!؟ لوست: اي لوران بفرعنا لي بدبي هدوء....الكل منصت لوست: انا شيكت مع السفارة وشفت الورائ الي لازمتنا مشان نشتغل بفيزكون وبالكتير شغلة ابو عشرة تيام وبتكون ورائكون خالصة و بأول الشهر بيبلش التريننغ طبعا الاوتيل لي حاجزيلكون في شغلة 5دئايئ مشي عن الشركة ولح يكون دوامكون نظامي مافي ساعات اضافية والشركة ... لولي عم توشوشو للوران ياي ياي ع دبي اليانا: طيب حضرتكون رشحتو أشخاص معينين لما أقسام معينة لوست: لا آنسة اليانا مرشحين من كل بستان زهرة ومن كل بحر قطرة وبيغمزلا ل اليانا اليانا: ولي ع الهضامة" بينا وبين حالا طبعا" طبعا أسماء المرشحين هنن التالي: بلوشة ، غولدن، دومري، اليانا، لوران، لولي ، بوزكي ، فاينال فتسي، سنجوب لي عندو اي سؤال او استفسار يتفضل..   بيكتر اللغط والوشوشة" كيف لولي بنزل اسما" " يفضح عينا  شو محظاية هالبنت" " لك يفضح عينو هاللوست " " هلأ بوزكي طالع" "الئصة فيا خيار وفئوس" " شو مشان الأكل"...   لوست: شو شباب خير في شي   غولدن: وازا حدا حب يعتزر ومايعمل التريننغ بلوشة: هو هو علينا العما شو مولدنين لوست: لي مو حابب يعمل هالتريننغ في يئدم طلب ع مكتبي او يبعتلي ايميل تفضلوا ع مكاتبكن   بعد اسبوع..   ترررن تررررررن .. لولي: اهلين استاز لوست لوست: آنسة لولي تفضلي ع مكتبي لولي : خير استاز في شي لوست: خير يصيبك تفضلي هلأ منحكي المزنبر: شو في شو بدو منك لوست لولي : شبيعرفني رايحة شوف شو بدو بمكتب لوست   تك تك تك لوست: تفضلي آنسة لولي لولي: اهلين استاز خير شو في لوست: والله يا لولي في خبر مو منيح لولي: خير ان شالله شو في لوست: ونحنا عم نئدم الورائ مشان التريننغ رفضولك الريكويست تبعك لولي: ليش استاز لوست: لساتك زغيرة لولي: كيف زغيرة وموظفة لوست: والله يالولي هاد النظام لولي مئهورة والدمعة لح تهر من عينا: طيب شكرا استاز بترجع ع مكتبا بلوشة: شو في لولي لولي: ئال لساتك زغيرة ومافي روحة لوران: روحة لوين؟؟ لولي: ع دبي لوران: لك بتتزبط ازا كنتي بين 25 و30 بس لاتكوني ازغر لولي: ازغر اليانا والضحكة ملاة وشا" خلص ام اللول ولا يهمك بكرة بس  لنرجع من دبي مناخدك رحلة ع تدمر هنيك ما بيدئئو ع العمر بلوشة واليانا وسنجوب والمزنبر كلياتون بصوت واحد: كه كه كه كه " ضحكة الأشرار" ...................................................................................................................................................................        Report

01-12-2010, 01:55 PM ice_mano Joined on 10-02-2006 Posts 7,445 Re: سوريات رحمة الله عليك يا ابو نظمي الكبة المشوية خاصتنا لذيذة    Report

01-12-2010, 11:17 PM lulie Joined on 02-04-2007 جيران القمر Posts 3,594 Re: سوريات تعيش وتترحم    Report

01-12-2010, 11:29 PM Questions Joined on 11-26-2008 القرون الوسطى Posts 512 Re: سوريات قصص جميلة فعلا .. اجيت بدي اكتب شي .. بس قلت لحالي بلاها .. لانو ما بعرف طباع الاعضاء او طريقة تفكيرهون .. و بخاف شي حدا ينزعج او ياخود على خاطرو بلاها عمي بلاها 'Media vita in morte sumus.'    Report

01-13-2010, 07:39 AM blawlashi Joined on 11-20-2005 Posts 11,815 Re: سوريات ما حدا بيزعل ولا حدا بياخود على خاطرو كتبو اخي اكتبو .. أبدعو مقسومين .. لك قوم فوت نام وصير حلام    Report

01-13-2010, 02:58 PM Questions Joined on 11-26-2008 القرون الوسطى Posts 512 Re: سوريات بلاولاشي : لك الله يجيبك يا طولة البال , وحدي الله يا مرا لساتنا بأول النهار لولي : منين بدها تجي طولة البال آه منين؟ كل رفئاتي و جيراني صار عندهون سيارات و نحنا لسا مئضينها بالسرافيس .. و بأول الشهر عأساس ئال يعني عم نتشبرء منطلع كم مرة بالتكسي ... اذا جارتي هي السرنوة سيريان مبارح جوزها مشتري سيارة .. لا و مبارح ما في غير هيي و طالعة فيها أو نازلة منها بتشئلني بعيونا و بتضحك .. و انا عالبلكون كان فيني اسفئها لسيارتون بشي اصيص زريعة طحبشلون ياها بلاولاشي : طيب شو اعمل .. بسرء , برتشي؟ بعدين شو بدنا بالعالم لك انشالله يصير عندهون طيارات أصلا هادا يلي وصلنا لهون .. شو بدنا بالعالم ! شوف رفئاتك لك حتى زملائك بالشغل كلهون صاروا و اتصورا .. إلا انت لا رحت ولا جيت بلاولاشي : (بعصبية) شو ئصدك؟؟ لولي : ئصدي انت بتعرفو منيح , يعني شو فيها إذا مرئتلك كم معاملة كل شهر بتخرب الدنيا يعني .. أصلا مين سائل .... لك اضرب على حظي و الله مليت من التعتير بلاولاشي : لك شو منئص عليكي بس بدي إفهم .. هلأ السيارة هيي المهم؟ بعدين ئلتلك ألف مرة أنا مستحيل ساوي هيك شي .. سمعتي هيي راسمالي بهالدنيا ... و ئبل كل هيك ضميري ما بطاوعني لولي : لك حاج بئا لسا ضميري و ضميري ....... ( بهالوئت برن التلفون ) ... بلاولاشي بيرفع السماعة و هو عم يئول بينو و بين حالو ... لك يبعتلي حمى من ساعة ما ئلتلها لامي تدورلي على عروس بلاولاشي : ألو المتصل : ألو مرحبا , لك كيفك انت؟ وينك صرلك فترة غاطط مو مبين؟ بلاولاشي : (بيرتبك و بيحكي بصوت واطي) أهلين غولدن , أنا منيح انت كيفك؟ غولدن : اسمعني منيح ما عندي وئت ضوعو .. اليوم في اجتماع الساعة 7 المسا .. انت بتعرف وين لا تتأخر , يلا باي . بلاولاشي : لحظة شوي .. ألو .......... ألووو     يتبع ............ 'Media vita in morte sumus.'    Report

01-13-2010, 03:01 PM Questions Joined on 11-26-2008 القرون الوسطى Posts 512 Re: سوريات رجاءً .. بدي رأيكون , إذا باين عليها بايخة مشان ما كمل 'Media vita in morte sumus.'    Report

01-13-2010, 03:24 PM lulie Joined on 02-04-2007 جيران القمر Posts 3,594 Re: سوريات حلوة كتير ووالله كأنك بئلبي بدي سيارة        Report

01-14-2010, 04:33 AM Questions Joined on 11-26-2008 القرون الوسطى Posts 512 Re: سوريات الساعة رح تصير 6 ئال لحالو لازم اتحرك بئا ... بلش بلاولاشي يلبس تيابو و بنفس الوئت عم يفكر بالكذبة يلي رح يحكيها لمرتو .. لولي ما بتعرف عن شي عن هالموضوع و ما لازم تعرف (عم يحكي بينو وبين حالو) ... لولي : شو لوين يا مهون؟ بلاولاشي : يلا بدك شي أنا رايح عالئهوة و بجوز اتأخر شوي ... لولي : ايوا انت تروح عالئهوة تتسلى و انا ائعد لحالي هون مو هيك؟ بلاولاشي : (بعصبية) شو رأيك بالله تجي معي؟ و تاخديلك نفس اركيلة كمان , بعدين مين ئلك رايح اتسلى ... رفيئي الدومري ... حاكيلك عنو انا (ما حاكيلا غير انو معهون واحد بالشغل اسمو الدومري و هو شلحها بضهرو لانو هيي ما بتعرف عنو شي و بالتالي ما ممكن تكشف كذبتو) مدري شو صاير معو و حكا معي بدو يشوفني ... شيه لولي : (بلشت تلطف الجو شوي لانها بتعرفو منيح اذا بلش يضوج) لك و الله مو هاد ئصدي بس ... هون بقاطعا بلاولاشي : خلص ما بدي اسمع ولا كلمة و ما في داعي تصرعيني باتصالاتك , اساسا رح اعملو لموبايلي صامت طول الئعدة مشان ما حدا يزعجني . لولي : متل ما بدك ابن عمي بس المهم انت تروء اي و الله مو لابئتلك هالتكشيرة .. خلص روح و انبسط تشكل آسي ريتك على هالطلة , تكفني يا حئ ... الساعة صارت ستة و نص ( بينو و بين حالو ) احسن شي اتمشى , منها بوصل عالوئت تمام و منها شوية رياضة هو و عم يمشي بلشت الذكريات تجي ببالو ... قبل كذا شهر كان وضعو المالي للأسوء خصوصي بعد موجة الغلا يلي صارت بالبلد ... قرر يروح لعند صديقو لوست بارادايس يلي كانت اوضاعو باللوج و كان بيعرف انو بيطلع بايدو يدبرلو شغل اضافي يحسن من وراه مدخولو , لحد هاللحظة ما عم يقدر يفهم ولا يستوعب كيف يومها لوست قدر يقنعو بانو ينضم لهالجمعية السرية و كيف اقنعو انو هيي جمعية لمساعدة الضعفاء و المحتاجين بهالبلد بس نشاطها سري من مبدأ انو ما بصير تعلم يدك اليسرى ما تنفق يدك اليمنى , بلش لوست يوضحلو طبيعة شغلو يلي هو عبارة عن صياغة خطابات بطريقة قريبة من فكر الناس يلي رح توصلها هالخطابات (لوست كان بيعرف تمام المعرفة اسلوب بلاولاشي الرائع بالخطابة و البلاغة , من ايام المدرسة كانت كتاباتو بمجلة الحائط تلاقي الاطراء و المديح من قبل اساتذتو و آنساتو) و قلو انو المواضيع يلي رح يكتب عنها و يصيغا بطريقتو رح توصلو من البيغ بوسس عن طريقو هو  فكر شوي بالعرض و قبل فورا بعد ما سمع انو الراتب سبعتالاف ليرة و في مكافآت سخية حسب أدائو العملي ... و قال لحالو شو بدي احسن من هيك راتب و مكافآت و أنا قاعد بالبيت عم مارس هواية الكتابة ... و بلكي بخلص شوي من نئ هالنئائة يلي عندي بالبيت و اذا ئدرت بصمد شوي و باخد قرض و بشتريلا سيارة احسن ما تضل تصرعني بنئها يلي ما بيخلص ,  شرحلو لوست كيف انو هالعمل كتير مهم بهالجمعية و لهيك كنوع من الثقة فيه من البداية , رح يصير عضو اصيل بهالجمعية و يلي صار اسمها بعد اكتمال العقد بانضمامو الها ... جمعية السبعة السرية ..... و حددلو موعد لحتى يحلف اليمين ...       يتبع ............                                                                           'Media vita in morte sumus.'    Report

01-14-2010, 05:49 AM LOGO Joined on 11-19-2005 SYR Posts 22,698 Re: سوريات  متابع بصمت وطني.... يا عز ما بينهان    Report

Page 71 of 76 (1,899 items) « First ... < 69 70 71 72 73 > ... Last »

Souriaty Club » غرف المناقشة با... » غرفة سوريا الاج... » سوريات ... من تأليف عضاوات سوريا دوت كوم

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة