Search Sort Posts:  Oldest to newest Newest to oldest

01-14-2010, 07:41 AM blawlashi Joined on 11-20-2005 Posts 11,815 Re: سوريات  Questions wrote: برافو بس لما تخلص هالقصة قلوب على مواضيع الفاينة هدوليك أحلى وبنفوت بنطحش معك مقسومين .. لك قوم فوت نام وصير حلام    Report

01-14-2010, 11:29 AM salem81 Joined on 12-17-2009 Posts 105 Re: سوريات عاش في أحدى الممالك القديمة حاكم متجبر لا يخشى الله في رعيته اسمه سنجوب, انتشر في عهده الظلم والفساد دون أن يقوى الناس على رفع سيفه المسلط على رقابهم , الى أن وفي أحد الأيام أهدى اليه زميله أمريكان كوفي فيلا  عظيما , أعجب سنجوب كثيرا  بالفيل , وأخذ يستخدمه في موكبه الملكي ويجلس فوقه محاطا بالحرس والخدم في أبهة قلّ نظيرها , وأصبح الفيل الحيوان المدلل  ل سنجوب , وأطلق سنجوب الحرية للفيل ليفعل ما يشاء ,دون أن يجرؤ أحد على الأعتراض فهو فيل الحاكم , مشى الكائن الضخم في الاسواق يخرب المحلات ويدوس على أجساد الناس ويأكل الزرع ويدمر المحاصيل حتى ضاق الناس به   ذرعا  واتفقوا على ضرورة الخلاص منه ورفع بلائه عن الناس.                         أجتمع القوم في ساحة المدينة وبعد تداول و نقاش , قرروا وبما أنهم لن يجرؤا على الشكوى الى سنجوب , قرروا جمع مبلغ من المال من كل واحد منهم ومن ثم شراء الفيل من سنجوب والتخلص منه, وأنتدبوا عشرة منهم لحمل صرة الذهب  الى قصر سنجوب وعرض الفكرة عليه , علّ شهيته التي لا تشبع للمزيد من المال أن تدعوه للموافقة.                                         أتجه العشرة صوب القصر وأعطوا الصرة ل لوغو الذي يحسن الكلام والخطابه , نظر صاحبنا حوله لما وصلوا البوابة فأذا بالوفد قد أصبحوا ستة دخل بهم الى سراي سنجوب , مشى حامل الذهب  في الحدائق الغنّاء الى أن شارف على ديوان سنجوب ولم يتبقى معه إلا رجلان فقط  لا يخافان لومة لائم , فأستقبله الحاجب الى داخل القاعة ليجد نفسه أصبح وحيدا وولي الأمر يشخص  إليه ومن حولهالحرس يرفعون فؤوسهم , "ما جاء بك إلينا ؟" قال سنجوب , في الحقيقة يا مولاي سنجوب لقد شاهد شعبك الوفي مدى حبك لفيلك الرائع , ونحن يا سيدي نغضب لغضبك ونفرح لفرحك , ولقد أرتأينا طال عمركم أن نقدم لكم هذا المبلغ المتواضع كي تشتروا به فيلة  لتؤنس عزلة فيلكم السامي ولربما تنجب أفيالا أخرى ليستمر نبع الخير والسعادة ملابس كلنار من دكانه أبو صطيف    Report

01-14-2010, 11:37 AM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات  salem81 wrote: عاش في أحدى الممالك القديمة حاكم متجبر لا يخشى الله في رعيته اسمه سنجوب, انتشر في عهده الظلم والفساد دون أن يقوى الناس على رفع سيفه المسلط على رقابهم , الى أن وفي أحد الأيام أهدى اليه زميله أمريكان كوفي فيلا  عظيما , أعجب سنجوب كثيرا  بالفيل , وأخذ يستخدمه في موكبه الملكي ويجلس فوقه محاطا بالحرس والخدم في أبهة قلّ نظيرها , وأصبح الفيل الحيوان المدلل  ل سنجوب , وأطلق سنجوب الحرية للفيل ليفعل ما يشاء ,دون أن يجرؤ أحد على الأعتراض فهو فيل الحاكم , مشى الكائن الضخم في الاسواق يخرب المحلات ويدوس على أجساد الناس ويأكل الزرع ويدمر المحاصيل حتى ضاق الناس به   ذرعا  واتفقوا على ضرورة الخلاص منه ورفع بلائه عن الناس.                         أجتمع القوم في ساحة المدينة وبعد تداول و نقاش , قرروا وبما أنهم لن يجرؤا على الشكوى الى سنجوب , قرروا جمع مبلغ من المال من كل واحد منهم ومن ثم شراء الفيل من سنجوب والتخلص منه, وأنتدبوا عشرة منهم لحمل صرة الذهب  الى قصر سنجوب وعرض الفكرة عليه , علّ شهيته التي لا تشبع للمزيد من المال أن تدعوه للموافقة.                                         أتجه العشرة صوب القصر وأعطوا الصرة ل لوغو الذي يحسن الكلام والخطابه , نظر صاحبنا حوله لما وصلوا البوابة فأذا بالوفد قد أصبحوا ستة دخل بهم الى سراي سنجوب , مشى حامل الذهب  في الحدائق الغنّاء الى أن شارف على ديوان سنجوب ولم يتبقى معه إلا رجلان فقط  لا يخافان لومة لائم , فأستقبله الحاجب الى داخل القاعة ليجد نفسه أصبح وحيدا وولي الأمر يشخص  إليه ومن حولهالحرس يرفعون فؤوسهم , "ما جاء بك إلينا ؟" قال سنجوب , في الحقيقة يا مولاي سنجوب لقد شاهد شعبك الوفي مدى حبك لفيلك الرائع , ونحن يا سيدي نغضب لغضبك ونفرح لفرحك , ولقد أرتأينا طال عمركم أن نقدم لكم هذا المبلغ المتواضع كي تشتروا به فيلة  لتؤنس عزلة فيلكم السامي ولربما تنجب أفيالا أخرى ليستمر نبع الخير والسعادة حلوة بس انو شو ئصتو سنجوب دابب الرعب في قلوبكم كل هالئد H+Y=my both eyes    Report

01-16-2010, 02:53 AM Questions Joined on 11-26-2008 القرون الوسطى Posts 512 Re: سوريات حددلو الموعد بعد يومين و حذروا انو ما بصير يجيب هيك سيرة لأي شخص مين ما كان  ... صار يتذكر كيف راح عالموعد و ميت من الرعبة ... أول مرة بصادف هيك موقف .. جمعية سرية , تأدية قسم , كل شي غامض حتى من الأعضاء ما بيعرف لسا غير لوست يللي كان بيعرفو من أيام المدرسة ...  كانت العلاقة بيناتهون تعتبر قوية و كان يتخللها دائما عبارات متل عراسي بلالاليش أو حبو لوست ..... الخ من هالعبارات يلي بعض اصحابهون كانو يعتبروها مجاملة مبالغ فيا . الفرق بين الشخصيتين اتوضح بشكل اكبر بأول سنة بالثانوي ... لما اتعرف لوست على طالب اسمو سنجوب .... سنجوب كان أكبر من لوست بحوالي تلات سنين بس كان راسب بصف الأول و التاسع ... و التقى مع لوست بالعاشر. بعد ما اتعرف لوست على سنجوب تغيرت طباعو و شخصيتو كتير و صار بالمختصر بلهموطي أو حسب رأيو حربوق و بيعرف من أين تؤكل الكتف ... و صارت السلبطة عالناس بطعمة و بلا طعمة شغلتو هو و سنجوب ... مع الأيام اتطورت علاقتهون كتير و صاروا حسب المتل الشعبي " فردين بلباس " و بنفس الوقت كانت العلاقة كتير فترت بين لوست و بلاولاشي ... من ناحية انو لوست ما بئا تناسبو رفقة واحد متل بلاولاشي ... بيحسبها عالبنس و بيمشي الحيط الحيط و بقول يا ربي سترك , و لالو لا فوتة ولا طلعة ... و من ناحية تانية صار ممشى لوست ما بناسب بلاولاشي أبدا و خصوصي بعد رفقتو لسنجوب صارت سيرتهون على كل لسان بالمدرسة و صارت طلعاتو و فوتاتو ما تناسب بلاولاشي و بالذات مواضيع البنات ... بس طبعا المودة ضلت قائمة بين الاتنين و كانوا دائما بلقائاتهون القليلة بعدين , يتذكروا أيام الإبتدائي و الإعدادي و فصولهون بالأساتذة و الآنسات , مع عبارت حبو و عراسي بين كل كم كلمة . قرر لوست بعدين يقطع علاقتو ببلاولاشي على اعتبار انو يمل يعني ... و اجا يحكي لسنجوب عن هالخطوة , طبعا لوست كان حاكيلو كل شي عن علاقتهون و عن بلاولاشي و شخصيتو ...  سنجوب رفض و قلو لازم ترجع علاقتك معو متل أول و أحسن ... لأنو هيك شخص سهلة السلبطة عليه و ممكن نستفاد من وراه كتير ... لوست بطبيعة الحال ما كان فيه يقول لاء لسنجوب لانو كان يعتبروا المنقذ ... يلي انتشلوا من الظلمات و وعاه على هالدنيا و ملذاتها و علمو أكل الكتف من وين و بالتالي الواجب عليه الطاعة ... و كان سنجوب ببعد نظرو و استراتيجيتو الحكيمة و إن كانت مو نضيفة أثبت للوست بمواقف كتيرة إنو هو المهدي المنتظر تبع هالعصر و إنو ناصر محمد اليماني ما كان إلا مجرد بدعة من نور65 ... صاحبة فضيحة - المهدى قادم ياكول مقادم - ويلي على اثرها تم طردا من منتديات العرب و العجم أجمعين.   يتبع ........... 'Media vita in morte sumus.'    Report

01-16-2010, 04:22 PM ice_mano Joined on 10-02-2006 Posts 7,445 Re: سوريات لوران:ماحدا احسن من حدا انا كمان رح افتح صالة باسم انابيبو بلوشي:معك حق والله سنجوب:هلئ بيجي لوست وبيحطلك نجمة وحدة بلوشي:معك حق والله سنجوب:في فرص عمل لراقصات بالملاهي الليلية عبفكر بدخل اضافي لوست:درست الفكرة قبلك سنجوب:عبفكر كمان فوت عالحمام مع انو ماني مضطر لوست:اخ سنجوب بالمختصر المفيد ومن دون زعل الفكرة هي عباراة عن توارد افكار مو اكتر بلوشي:معك حق والله سنجوب:شبعنا تنظير قلو حاج ينظرعسمانا بلوشي:معك حق والله المزنبر:يعني من شو بيشكي احداث وتعليقات ..لك حتى لولي فتحت صالة انابيبو للسيارات بلوضة:اخ يا قلبي بلوشي:معك حق والله ديالامور:ولك هي الرابط ..يا اخي ااقروا اخر تلت صفحات عالاقل قبل ما تحطو مواضيع لولي :طيب ليش وئفت ديالامور:مالقيت سبنسر يمول المشروع سنجوب:دي تفضل..ضل حدا ومافتح صالة انابيبو ..هلئ بيعرض علي كمان نعمل هدنة ونوحد الصف لفلي:ييييييي نسيت سمي موضوعي صالة انابيبو لمناقصة و استدراج عروض لاسعاراللايفون ديالامور:لاء عمي  لابتوبي اخر موديل الحجي:ضد المي؟ ديالامور:لا تحرف الموضوع حجي اناحاطط كل جهدي بس لاكشف حقيقة الاشرار السبعة الحجي:ولك هوس هلئ بيجي ابو زكي ليربينا بلوشي:معك حق والله قهوة:حاج تنق لك الله..روح شوف الولاد عبيسرحوا ويمرحوا بسوريات الحجي:الهام ما بتجي غير الصبح والصبح سجل دورة فرنسي  aliana wrote:  blawlashi wrote: - بلوشي :معك حق والله مو طبيعي بلوشي :معك حق والله الكبة المشوية خاصتنا لذيذة    Report

01-18-2010, 02:02 PM anas262 Joined on 05-07-2006 Posts 6,112 Re: سوريات روح شايفلك... بس بلا شرح المفردات مرة تانية واصلة بلشت تبين المواهب    Report

01-23-2010, 09:07 AM lulie Joined on 02-04-2007 جيران القمر Posts 3,594 Re: سوريات  Questions wrote: شو صار باليتبع    Report

01-25-2010, 07:43 PM lulie Joined on 02-04-2007 جيران القمر Posts 3,594 Re: سوريات ماحبيت ائطع ئصتك وال يتبع كويسشنز بس يعني عبين ماتحبكا للئصة ...............................................................   الدنية فحوصات وهلأ الساعة 10 و10 متل العادة لولي مستعجلة وفايتة ببعضا والمادة11 ياتاعبني ياواغع ئلبي من حبي مش ئادر اخبي"عم بيرن الموبايل" لولي: اي حبيبي سويت: اي لول.. لك لساتك بالبيت ولي عليكي شو نعيانة وئلبك بارد لك طلعي ئوام هلآ الدنية عجئة كتير لولي: لك اي هلآ طالعة من البيت انتي وينك بالميكرو سويت: اي بالميكرو ليكي برا عجئة كتير خدي تكسي مو تتأخري متل عوايدك لولي: ماشي ماشي بس ليكي شوفيلي بأنو كلية لح انشلف اليوم ان شالله مو بالفنون يااختي بتحسي حالك فايتة بمتاهة وخدي ع طلعة دراج ونزلة دراج واتبعي الأسهم,, عندك رئمي الجامعي ماهيك؟ سويت: اي اي عندي ياه ولايهمك حبيبتي يلا بشوفك هنيك لولي : اوك باي لولي عم تركد ماعم تلحئ بس لوصلت لراس الحارة تزكرت الآلة الحاسبة  يحرئ اخت هالنهار مبين من أولو الله يجيرنا ركد ع البيت بتاخود آلتا الحاسبة وكرفتة بتصير بأول الشارع بتأشر لتاكسي بس اسمع مني يالي مجنني بس اسمع مني يللي مجنني آآني المتعذييب وانت المتهني اآآني لولي: ع التجارة أخي كويسشنز : تكرم عينك لولي: عم ترتب النوط لي معها وتتأكد من هويتا وبطائتا الجامعية كلو تمام اسمع بس اسمع.. يالعينك تدمع هفففففف يفضح عينكون على هالأغاني مشتئلك بدي شوفك زاد الشوئ بئلبي كتير لولي: اي سويتو وصلتي سويت: اي وصلت ليكي لولو انتي لح تئدمي بالحقوق لولي: ولي انوحقوق ئصدك كلية الحقوق لما الهنكارات سويت: اي اي بالهنكارات لولي: يخرب بيتون على هالشلفة سويت: وينك انتي,, ئولي مااخدتي تكسي لولي:ليش انا بسترجي,, الله لايعلئني بلسانك انتي وين لح تئدمي سويت: بالكلية بالمدرج التاني ومنيح الشلة معي بركي بتنئل شوي منن مالحئت ائرا آخر فصلين لولي:وانا متل العادة مافي حدا معي كلون جماعة المرسوم والتكميلية وهدنك كلون بدون مين ينئلون,,ستي يلا الله بيعين,, اديش الساعة معك سويت: 11 الا تلت يلا منيح بتلحئي ان شالله لولي: اي الحمدلله معناتا بشوفك ئبل المادة كويسشنز : اي اختي وين بدك نزلك بالتجارة لولي:هييييييييييي,,, لك انو تجارة ولي على ئامتك لك كلية التجارة مو التجارة راحت المادة الله لايعطيك العافية فوئ تعبك .......................    Report

01-27-2010, 08:29 AM blawlashi Joined on 11-20-2005 Posts 11,815 Re: سوريات أم نظمي: تقبرني أبو نظمي بس تخلص نشرة الأخبار بدي حاكيك بسيرة أبو نظمي: سيرة شو أم نظمي: مو مشكلة بس تخلص الأخبار أبو نظمي: لا معلشي احكي .. لساتون عند استقبل وودع أم نظمي: لا معلشي تقبرني ما بدي انزع عليك النشرة خلص بس تخلص أبو نظمي: لك أم نظمي احكي .. احكي ولعية انشالله أم نظمي: طول بالك تقبرني خلص بتستنى السيرة مو مهمة أبو نظمي: لك أم نظمي برمي عليكي اليمين هه .. احكي يحرئ اخت هالسيرانة عند هالمسا أم نظمي: ولي ولي .. طول بالك تقبرني .. بدي احكيلك عن بنت جيراننا لولي .. عم فكر اخطبها لأبنك نظمي أبو نظمي: أنو وحدة هي لولي؟ لتكون هي يلي بتلغمط حالا بالمكياج وبتطلع متل عروسة العيد أم نظمي: لك لأا يوه .. لولي هي ما بدا مكياج .. حلوة عالسبحانية .. وبتضل لابسة أخضر أبو نظمي: ايه حرام .. ما عندها غير هالواعة بالظاهر أم نظمي: لك لأا يوه .. كل يوم بتلبس شكل بس بتحب اللون الأخضر بالظاهر أبو نظمي: ايه عرفتا عرفتا .. بس هي ما بشوفها إلا بالميكرويات من أرنة لأرنة .. أنا ما بحب البنات يلي من بيت شقاع لبيت رقاع .. البنت لازم ما تطلع من البيت إلا للضرورة أم نظمي : يعلينا لك أبو نظمي .. ما عاد في هيك بنات تقبرني .. البنات هلق بتطلع على جامعتا بتطلع على شغلا .. شو لكن أبو نظمي: عالجامعة؟ مو بعلمي صف عاشر أم نظمي: لك لأا يوه شو صف عاشر .. بالجامعة بالجامعة .. مين قلك صف عاشر؟ أبو نظمي: والله ما بعرف مدري من وين سمعان هالشي أم نظمي: المهم شو رأيك نروح نخطبها؟ أبو نظمي: ما بعرف بترضى تنزل على ضرة؟ أم نظمي: يوه .. ضرة لمين؟ أبو نظمي: ليش إنتي لمين بدك تخطبيها أم نظمي: لك لأبنك نظمي أبو نظمي: اه ئلعلي .. فكرتك رح تخطبيلي ياها إلي أم نظمي بتبلش تبكي أبو نظمي: ييييي علينا لك عم نمزح معك تعي هيك ئعدي بحزائي تعي أم نظمي : ما بدي أبو نظمي : لك تعي لهون ولي علينا   بقية الحلقة مشفر   مقسومين .. لك قوم فوت نام وصير حلام    Report

01-27-2010, 09:04 AM lulie Joined on 02-04-2007 جيران القمر Posts 3,594 Re: سوريات  blawlashi wrote:   أبو نظمي: ايه عرفتا عرفتا .. بس هي ما بشوفها إلا بالميكرويات من أرنة لأرنة .. أنا ما بحب البنات يلي من بيت شقاع لبيت رقاع .. البنت لازم ما تطلع من البيت إلا للضرورة الله يصبحك بالخير بلوشة      Report

01-27-2010, 09:23 AM blawlashi Joined on 11-20-2005 Posts 11,815 Re: سوريات صباح النور لولي خانوم مع إنو حالياً ضايعة معي الطاسة بين الصباح والمساء سليبينغ ديس أوردر بعيد عنك مقسومين .. لك قوم فوت نام وصير حلام    Report

02-02-2010, 12:42 PM Questions Joined on 11-26-2008 القرون الوسطى Posts 512 Re: سوريات صار يتذكر كيف راح على المكان يللي حددلو ياه لوست مشان تأدية القسم ... المكان كان عبارة عن قبو صغير بأحد الأبنية ... غرفتين و مطبخ و حمام ...كان مستأجرو لوست على أساس مستودع و بعدين صار مكان لإجتماعات الجمعية .. هيك عرف بعدين ... دخل عالقبو و كان قلبو عم يدق بسرعة و ايديه عم يرجفوا و العرق عم يزخو زخ .. كان الباب مفتوح شوي صغيرة .. دخل لجوا و لمح على ايدو اليمين .. غرفة مكركبة كتير .. كلها كراكيب و كراتين و غراض على رفوف و غراض بالارض و آلة طابعة و كومبيوتر مشلوف بالزاوية و شكلو صرلو زمان مو مستخدم .. أو ما عم يشتغل من أصلو .. هو و عم يتطلع بهالغرفة .. بيجيه صوت : سكر الباب وراك ..    بيرتعب زيادة و بزخو العرق أكتر .. بقول لحالو ( لك ما صوت لوست هادا .. معناها مو لحالنا هون ) .. بسكر الباب و بكمل مشي بالممر بلاحظ بنهايتو غرفة و هو ماشي بشوف على يسارو المطبخ و جنبو الحمام .. بفوت عالغرفة و بشوف على يمينو طاولة فخمة لونها بني غامق من خشب الزان .. يللي عرفو فورا أو هيك خمن عالأقل باعتبارو كان يشتغل بالصيفية لما تسكر المدرسة عند نجار جارهون بالحارة .. مشان يطالع مصروفو و يضيع وقت بالشغل ... حولين الطاولة كان فيه سبع كراسي جلد بس فيه كرسي شكلها غريب عن البقية و كانت براس الطاولة .. أول ما شافها اجا ببالو كرسي ابن الوهاج بمسلسل الكواسر ..   على الحيط كانت معلقة صورة .. شك انها تكون صورة سنجوب يلي صرلو ما شافو من أيام المدرسة .. قال لحالو ( مستحيل يكون هادا سنجوب .. هادا أصلع و سنجوب شعرو ما كان يفوت فيه المشط على ئد ما كان سميك و عامل متل الفلافل ) بلاحظ تلت أشخاص قاعدين حولين الطاولة .. لوست يللي كان مشغول بشي عم يقراه و تنين عم يطلعوا فيه بنظرات ما قدر يحدد معناها أو المغزى منها .. بيطلع على يسارو بلاقي موجود كاميرا فيديو مثبتة على الحامل و قدامها كرسي و طاولة عليها شوية وراق ..    بيقطع تفكيرو لوست و بقلو : عراسي بلوشة و الله .. شو ما بدك تقعد؟ بلاولاشي : امبلا امبلا .. اهلين لوست كيفك ؟ بيختار لحالو كرسي مقابل الشخصين يللي لسا ما بيعرف عنهون شي و يللي نظراتون خلت الفار يلعب بعبو أكتر .. بيطلع عليهون بنظرة تحدي و بقلو للوست هو و عم يقعد بدون ما يشيل عينو عنهون .. شو .. ما عرفتنا عالشباب؟   لوست .. معك حق .. عندك هالشب الظريف هادا .. و بأشر باصبعتو على الأول يللي كان بقبال بلاولاشي تماما ... كان لابس تي شيرت لون أحمر و مكتوب عليها بالانكليزي " دونت تاتش مي " و شعراتو عليهون نص كيلو جل و منكوشين هيك على اساس ستايل يعني و رافعون لفوء و دقنو حافرها حفر و صايرة متل الخريطة ... هادا يا سيدي المسؤول بالجمعية عن الإندماج بمجتمعات الصبايا و الشباب .. أو أصح مجتمعات الشباب الكوول .. و نشر أفكار الجمعية بيناتهم و كان إلو جولات كتيرة مشرفة بهالمجال .. اسمو الحقيقي غولدن و  اسمو الحركي الحجي   بلاولاشي بقول بقلبو ( لك اذا هادا حجي .. لعما شو صاير بالدنيا؟ )   بكمل لوست : و هادا هالشب .. و بأشر باصبعتو على الشخص التاني يللي كان قاعد على يمين الحجي ... كان لابس تي شيرت لون أسود و عليها صورة لمايكل جاكسون و تحتا مكتوب R.I.P Michael Jackson .. عيونو منفخين و حالتو حالة .. هادا يا سيدي المسؤول عن الانترنت و اليوتيوب و الفيس بوك و نشر أفكار الجمعية بين مستخدمي الشبكة و خاصة بين الفانز تبعوت مايكل جاكسون .. اسمو الحقيقي أمريكان كوفي .. و اسمو الحركي قهوة   بلاولاشي : انشالله العمر الك سيد قهوة قهوة : الله يرحمو .. كان اسطورة .. كان عملاق .. كان عظيم .. و هون بحس بلاولاشي انو الدمعة رح تنزل من عينو لقهوة و بحاول يخفف عنو شوي بلاولاشي : طول بالك .. الدايم الله قهوة : ليش فيه الله؟ لو في الله ما كان مات هالأسطورة بلاولاشي بقلبو ( لعما شبو هاد؟ )  يلا يا سيدي ... الله يجعلا آخر المصايب   بيقوم لوست من على الكرسي و بحط ايدو على كتف بلاولاشي و بقلو : يللا اتفضل معي لعند الكاميرا .. ما عنا كتير وقت بدنا نخلص .. بلاولاشي : خير انشالله شبها الكاميرا ؟ بدك مساعدة يعني ؟ لوست : مشان تأدي القسم شو نسيت لشو نحنا هون ؟ بلاولاشي بمسخرة : و وين بدها تنعرض هي بابا ؟ عالأولى و لا عالفضائية .. الله يصلحك كنت قلي بدي اطلع عالتلفزيون .. كنت لبست غير هاللبس . لوست : بلا مسخرتك هلأ و ئعود ورا الطاولة و جهز حالك لحتى نبلش .. و هي نص القسم ادامك .. لا تخاف هادا مجرد اجراء شكلي و هي بس لأنو اعراف و تقاليد الجمعية هيك ... و اتطمن رح يضل هالفيديو محفوظ بأيدي أمينة .. حط رجليك و ايديك بمي باردة بلاولاشي .. بيتطلع بلوست و بيصفن .. بقول بينو و بين حالو ( انا قلبي مو متطمن و خصوصي انو هدول قهوة و الحجي ما ارتحتلهون بنوب .. خلص احسن شي اتحجج بشي شغلة و افركها .. و يا دار ما دخلك شر .             ........... يتبع 'Media vita in morte sumus.'    Report

02-03-2010, 06:47 AM blawlashi Joined on 11-20-2005 Posts 11,815 Re: سوريات  Questions wrote: حبيت مقسومين .. لك قوم فوت نام وصير حلام    Report

02-03-2010, 07:51 AM Reddeer Joined on 12-13-2009 Posts 115 Re: سوريات  Questions wrote: صار يتذكر كيف راح على المكان يللي حددلو ياه لوست مشان تأدية القسم ... المكان كان عبارة عن قبو صغير بأحد الأبنية ... غرفتين و مطبخ و حمام ...كان مستأجرو لوست على أساس مستودع و بعدين صار مكان لإجتماعات الجمعية .. هيك عرف بعدين ... دخل عالقبو و كان قلبو عم يدق بسرعة و ايديه عم يرجفوا و العرق عم يزخو زخ .. كان الباب مفتوح شوي صغيرة .. دخل لجوا و لمح على ايدو اليمين .. غرفة مكركبة كتير .. كلها كراكيب و كراتين و غراض على رفوف و غراض بالارض و آلة طابعة و كومبيوتر مشلوف بالزاوية و شكلو صرلو زمان مو مستخدم .. أو ما عم يشتغل من أصلو .. هو و عم يتطلع بهالغرفة .. بيجيه صوت : سكر الباب وراك ..    بيرتعب زيادة و بزخو العرق أكتر .. بقول لحالو ( لك ما صوت لوست هادا .. معناها مو لحالنا هون ) .. بسكر الباب و بكمل مشي بالممر بلاحظ بنهايتو غرفة و هو ماشي بشوف على يسارو المطبخ و جنبو الحمام .. بفوت عالغرفة و بشوف على يمينو طاولة فخمة لونها بني غامق من خشب الزان .. يللي عرفو فورا أو هيك خمن عالأقل باعتبارو كان يشتغل بالصيفية لما تسكر المدرسة عند نجار جارهون بالحارة .. مشان يطالع مصروفو و يضيع وقت بالشغل ... حولين الطاولة كان فيه سبع كراسي جلد بس فيه كرسي شكلها غريب عن البقية و كانت براس الطاولة .. أول ما شافها اجا ببالو كرسي ابن الوهاج بمسلسل الكواسر ..   على الحيط كانت معلقة صورة .. شك انها تكون صورة سنجوب يلي صرلو ما شافو من أيام المدرسة .. قال لحالو ( مستحيل يكون هادا سنجوب .. هادا أصلع و سنجوب شعرو ما كان يفوت فيه المشط على ئد ما كان سميك و عامل متل الفلافل ) بلاحظ تلت أشخاص قاعدين حولين الطاولة .. لوست يللي كان مشغول بشي عم يقراه و تنين عم يطلعوا فيه بنظرات ما قدر يحدد معناها أو المغزى منها .. بيطلع على يسارو بلاقي موجود كاميرا فيديو مثبتة على الحامل و قدامها كرسي و طاولة عليها شوية وراق ..    بيقطع تفكيرو لوست و بقلو : عراسي بلوشة و الله .. شو ما بدك تقعد؟ بلاولاشي : امبلا امبلا .. اهلين لوست كيفك ؟ بيختار لحالو كرسي مقابل الشخصين يللي لسا ما بيعرف عنهون شي و يللي نظراتون خلت الفار يلعب بعبو أكتر .. بيطلع عليهون بنظرة تحدي و بقلو للوست هو و عم يقعد بدون ما يشيل عينو عنهون .. شو .. ما عرفتنا عالشباب؟   لوست .. معك حق .. عندك هالشب الظريف هادا .. و بأشر باصبعتو على الأول يللي كان بقبال بلاولاشي تماما ... كان لابس تي شيرت لون أحمر و مكتوب عليها بالانكليزي " دونت تاتش مي " و شعراتو عليهون نص كيلو جل و منكوشين هيك على اساس ستايل يعني و رافعون لفوء و دقنو حافرها حفر و صايرة متل الخريطة ... هادا يا سيدي المسؤول بالجمعية عن الإندماج بمجتمعات الصبايا و الشباب .. أو أصح مجتمعات الشباب الكوول .. و نشر أفكار الجمعية بيناتهم و كان إلو جولات كتيرة مشرفة بهالمجال .. اسمو الحقيقي غولدن و  اسمو الحركي الحجي   بلاولاشي بقول بقلبو ( لك اذا هادا حجي .. لعما شو صاير بالدنيا؟ )   بكمل لوست : و هادا هالشب .. و بأشر باصبعتو على الشخص التاني يللي كان قاعد على يمين الحجي ... كان لابس تي شيرت لون أسود و عليها صورة لمايكل جاكسون و تحتا مكتوب R.I.P Michael Jackson .. عيونو منفخين و حالتو حالة .. هادا يا سيدي المسؤول عن الانترنت و اليوتيوب و الفيس بوك و نشر أفكار الجمعية بين مستخدمي الشبكة و خاصة بين الفانز تبعوت مايكل جاكسون .. اسمو الحقيقي أمريكان كوفي .. و اسمو الحركي قهوة   بلاولاشي : انشالله العمر الك سيد قهوة قهوة : الله يرحمو .. كان اسطورة .. كان عملاق .. كان عظيم .. و هون بحس بلاولاشي انو الدمعة رح تنزل من عينو لقهوة و بحاول يخفف عنو شوي بلاولاشي : طول بالك .. الدايم الله قهوة : ليش فيه الله؟ لو في الله ما كان مات هالأسطورة بلاولاشي بقلبو ( لعما شبو هاد؟ )  يلا يا سيدي ... الله يجعلا آخر المصايب   بيقوم لوست من على الكرسي و بحط ايدو على كتف بلاولاشي و بقلو : يللا اتفضل معي لعند الكاميرا .. ما عنا كتير وقت بدنا نخلص .. بلاولاشي : خير انشالله شبها الكاميرا ؟ بدك مساعدة يعني ؟ لوست : مشان تأدي القسم شو نسيت لشو نحنا هون ؟ بلاولاشي بمسخرة : و وين بدها تنعرض هي بابا ؟ عالأولى و لا عالفضائية .. الله يصلحك كنت قلي بدي اطلع عالتلفزيون .. كنت لبست غير هاللبس . لوست : بلا مسخرتك هلأ و ئعود ورا الطاولة و جهز حالك لحتى نبلش .. و هي نص القسم ادامك .. لا تخاف هادا مجرد اجراء شكلي و هي بس لأنو اعراف و تقاليد الجمعية هيك ... و اتطمن رح يضل هالفيديو محفوظ بأيدي أمينة .. حط رجليك و ايديك بمي باردة بلاولاشي .. بيتطلع بلوست و بيصفن .. بقول بينو و بين حالو ( انا قلبي مو متطمن و خصوصي انو هدول قهوة و الحجي ما ارتحتلهون بنوب .. خلص احسن شي اتحجج بشي شغلة و افركها .. و يا دار ما دخلك شر .             ........... يتبع ينصر دينك دكتوره حنان    Report

02-03-2010, 09:27 AM Firstwater Joined on 12-13-2009 Posts 108 Re: سوريات Pls. Questions حكيلنا عن الأشرار السبعه في مزبله التاريخ طاسه طرن طاسه    Report

02-03-2010, 12:39 PM Questions Joined on 11-26-2008 القرون الوسطى Posts 512 Re: سوريات  blawlashi wrote:  Questions wrote: حبيت Please check your private 'Media vita in morte sumus.'    Report

02-03-2010, 01:52 PM blawlashi Joined on 11-20-2005 Posts 11,815 Re: سوريات خلص يومين بيكونو المكدوسات عندك مقسومين .. لك قوم فوت نام وصير حلام    Report

02-10-2010, 07:07 AM blawlashi Joined on 11-20-2005 Posts 11,815 Re: سوريات آخر لحظات حفلة عرس .. إسعاف طالعة من الحفلة ومتغطية بعشرين واعة مشان ما يبين لبسا ومكياجا بلوشة: لازمك توصيلة يا آنسة؟ إسعاف بدون ما ترفع راسا: كتر خيرك يا أخي .. هلق بيجي ابن عمتي رشوان وبيوصلني بلوشة: والله يا أختي رشوان من خمس دقايق أخد كم حرمة وراح يوصلون على كفرسوسة .. وما بيرجع قبل ساعة إسعاف: يوه .. ولي على طولي شو بدي اعمل هلق بلوشة : اختي أنا بوصلك وين مشوارك إسعاف: يا أخي والله ما يدرى أبي إنو رجال غريب موصلني لحتى يشختني عالسلم بلوشة: اختي لا تخافي هلق إذا بدك بنوصل معنا حدا تاني يعني ما رح نكون لحالنا فجأة وبدون سابق إنذار بترفع إسعاف راسها وبلوشة بيشوف وشها لأول مرة .. أو ما يعرف بالحب من أول نظرة بلوشة: يا أرض حرسي ما عليكي .. ولي على بعضي أنا إسعاف بترجع بتوطي راسها وهيه عم تقول بعبها ولي ولي ولي بلوشة: يا قمر .. قصدي يا اختي وين بدك بوصلك .. انتي بس قلي وين مشوارك يا جميل إسعاف: ولي .. مشواري على آخر ما عمر الله بلوشة: لك عالمريخ بوصلك .. على سابع كوكب على إيدك اليمين بوصلك .. على كراجات درب التبانة بوصلك إسعاف: ولي على قامتي .. أخي عيب في عالم حوالينا بلوشة: انتي قولي وين بدك وصلك لوصلك .. بدك على قلبي بوصلك .. انتي بس قولي إسعاف: طيب خلص يلا وين سيارتك .. رح يسمعونا العالم بلوشة: لك ليكا لك ليكا لك ليكا .. أوعى هيك أوعى هيك   وهكذا تعرف أبو نظمي على أم نظمي وعاشا قصة حبهما التي عرفتموها مقسومين .. لك قوم فوت نام وصير حلام    Report

02-10-2010, 07:18 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: سوريات ظريفة ونلقوط ورق الدخان قال نعملهون مصاري    Report

02-10-2010, 07:23 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: سوريات على صعيدن آخر .. الحبكة شيت اخر مقطعين بموضوع الاوغاد السبعة ابدا مو زابطة ما عجبوني ولا بليرة ونلقوط ورق الدخان قال نعملهون مصاري    Report

02-10-2010, 07:33 AM LORAN_ZAZA Joined on 11-20-2005 Keep your world clean Posts 11,209 Re: سوريات يعطيكون العافية استغفر الله    Report

02-10-2010, 07:56 AM blawlashi Joined on 11-20-2005 Posts 11,815 Re: سوريات  AlMzanber wrote: على صعيدن آخر .. الحبكة شيت اخر مقطعين بموضوع الاوغاد السبعة ابدا مو زابطة ما عجبوني ولا بليرة ببعض مراحل الانضمام للعصابة كنت تحت تأثير المخدر وما كنت بوعيي .. فطبيعي تكون الأمور غير مترابطة   قلتلي حبكة لكن مقسومين .. لك قوم فوت نام وصير حلام    Report

02-10-2010, 08:11 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: سوريات الحبكة ... الفوتة.. العقدة .. الدحش شنو ما تقنعني انك بلشت الموضوع وكانت هيك شغلة براسك ونلقوط ورق الدخان قال نعملهون مصاري    Report

02-10-2010, 08:15 AM LORAN_ZAZA Joined on 11-20-2005 Keep your world clean Posts 11,209 Re: سوريات طولو بالكون طولو بالكون   استغفر الله    Report

02-10-2010, 08:16 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: سوريات  LORAN_ZAZA wrote: طولو بالكون طولو بالكون لك مو سمعانو شو عم يحكي ؟؟؟؟؟؟؟؟؟؟؟؟؟ ونلقوط ورق الدخان قال نعملهون مصاري    Report

Page 72 of 76 (1,899 items) « First ... < 70 71 72 73 74 > ... Last »

Souriaty Club » غرف المناقشة با... » غرفة سوريا الاج... » سوريات ... من تأليف عضاوات سوريا دوت كوم

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة