Search Sort Posts:  Oldest to newest Newest to oldest

02-10-2010, 08:22 AM LORAN_ZAZA Joined on 11-20-2005 Keep your world clean Posts 11,209 Re: سوريات  AlMzanber wrote:  LORAN_ZAZA wrote: طولو بالكون طولو بالكون لك مو سمعانو شو عم يحكي ؟؟؟؟؟؟؟؟؟؟؟؟؟ طول بالك طول بالك ليك آيم ىخدلي دوش و البس عالسريع بدي ارجع بعد خمس دئايئ لائيكون متصالحين و مبوسين شوارب بعض   على سيرة الشوارب الاحلى انو الواحد يحلئ شواربو و للا يخليهون   استغفر الله    Report

02-10-2010, 08:23 AM blawlashi Joined on 11-20-2005 Posts 11,815 Re: سوريات  LORAN_ZAZA wrote: على سيرة الشوارب الاحلى انو الواحد يحلئ شواربو و للا يخليهون طالما عم تسأل هالأسئلة لشباب .. بحياتك ما رح تعرف تركلج أمورك مقسومين .. لك قوم فوت نام وصير حلام    Report

02-10-2010, 08:23 AM lulie Joined on 02-04-2007 جيران القمر Posts 3,594 Re: سوريات  blawlashi wrote: فجأة وبدون سابق إنذار بترفع إسعاف راسها وبلوشة بيشوف وشها لأول مرة .. أو ما يعرف بالحب من أول نظرة بلوشة: يا أرض حرسي ما عليكي .. ولي على بعضي أنا بلوشة: لك عالمريخ بوصلك .. على سابع كوكب على إيدك اليمين بوصلك .. على كراجات درب التبانة بوصلك بلوشة: لك ليكا لك ليكا لك ليكا .. أوعى هيك أوعى هيك    Report

02-10-2010, 08:38 AM LORAN_ZAZA Joined on 11-20-2005 Keep your world clean Posts 11,209 Re: سوريات  blawlashi wrote:  LORAN_ZAZA wrote: على سيرة الشوارب الاحلى انو الواحد يحلئ شواربو و للا يخليهون طالما عم تسأل هالأسئلة لشباب .. بحياتك ما رح تعرف تركلج أمورك لك انا اصلن ما بربيهون بس هيك سؤال منشان نفك المشكلة بيناتكون الله يهدي اموركن عالعموم الله ينعم عليكون لاني اخدت دوش و لبست يالله بنرجع بعد شي خمس ساعات بدي شوفكون مبوسين شوارب بعض   استغفر الله    Report

02-10-2010, 08:41 AM blawlashi Joined on 11-20-2005 Posts 11,815 Re: سوريات بدك تخففلي فرجة عالإم بي سي ماكس لوران بيك مقسومين .. لك قوم فوت نام وصير حلام    Report

02-10-2010, 06:16 PM ice_mano Joined on 10-02-2006 Posts 7,445 Re: سوريات  LORAN_ZAZA wrote: بنرجع بعد شي خمس ساعات بدي شوفكون مبوسين شوارب بعض مامشي الحال شيت انو مافي شوارب الكبة المشوية خاصتنا لذيذة    Report

02-17-2010, 03:08 PM lulie Joined on 02-04-2007 جيران القمر Posts 3,594 Re: سوريات  blawlashi wrote: أم نظمي: ولي ولي .. طول بالك تقبرني .. بدي احكيلك عن بنت جيراننا لولي .. عم فكر اخطبها لأبنك نظمي   بقية الحلقة                       ام لولي: سكري هالضراب السخن حاجتك لعي ع التلفون وتعي لاحكي معك لولي: اي ماشي يلا برجع بحكي معك بعدين،، ماما عصبت باي اي ماما خير شو في ام لولي: تعي عدي لشوف جايكي خطابين وهي الجامعة واخدتيا وبيضتيلي وشي والبنت مرجوعا لبيت جوزا وازا الشب منيح والعيلة مئدرة ليش لنفرط فيه و.. لولي مقاطعة ً: لك ياماما ياحبيبتي ليش ماعم تفهمي عليي انا بدي اشتغل واعمل ماستر لك لاحئة ع الهم.. سمعي سمعي هالغنية لهيفا وهبي حليانة هالضرسانة ام لولي: لك نوصي لهالبطيخ.. لك حاجتك لك ماما والله ماعدتي زغيرة والعالم بتحكي لك امي كيف لكان.. لولي: اي ريتا العين تطرئون ان شالله وعلى شو بدن يحكوا!! بعدين انتي ليش فتحتيلي هالسيرة والله انهز بدني ام لولي: اسمعوا على هالسمعة في وحدة عم تنخطب وبتحكي هالحكي،، هلأ اسمعي اليوم الصبح اتصلت جارتنا ام نظمي ئال بدا تجي لعنا المسا لولي: يوه ومن ايمتا ام نظمي بتاخود مواعيد ماعرفتا من يوم يوما بتدئ هالباب ومابتسأل عن حدا ام لولي: لك يعدمك هاللسان ياحئ ،، عيب تحكي هيك ع المخلوئة والله الجماعة أكابر ومافي منون لولي: منفجرة عيونا ان شالله بدا تخطبني لنظمي!! ام لولي: اي وشبو نظمي شب معدل و آدمي لولي: ماما يخليلياكي ئيمي هالئصة من بالك وئليلا ماعنا بنات للجواز ئال نظمي اي شو هالاسم مالو سياحي بنوب بعدين المسا بدي روح شوف رفيئتي ام لولي: لك بدك تشرشحيني بآخر عمري،، ام نظمي جاية حضريلي حالك ولاحئة على رفيئتك    المسا...... ام لولي: يامية اهلا وسهلا يازارتنا البركة مواه مواه ام نظمي: بالمهلي تئبريني ام لولي: كيفك لك ام نظمي والله من زمان ماشفناكي حلوة هيك جيران ومامنشوفك ام نظمي: تسلميلي ياام "ام شو صحي ؟؟؟" بس بتعرفي ابو نظمي ئلانة طلعاتو من البيت ام لولي: سلامتو  ان شالله والله لازم ابو لولي يمرؤ يشئ عليه ويطمن عنو ام نظمي: لك لأا يوه ابو نظمي منيح مابو شي بس هيك عم يدلل التنتين عم يتصهصهو بعد شوي بتجي لولي حاملة بايدا الصينية لولي : مسا الخير خالة تفضلي ام نظمي: مسا النور تئبرني شو هي ئهوة اهلا وسهلا لولي "دوزي" ام لولي: اي تئبرني ئهوة اهلا وسهلا تفضلي تفضلي لولي بتاكول زورة بتجيب اجلا وبتطلع من الاوضة وصوت ام نظمي عم تشفط فنجان الئهوة ام نظمي: اي تئبريني انا جاية وبدي اخطب محروستكن لابننا نظمي ام لولي: اي النا الشرف تئبريني   بعد ماطلعت ام نظمي لولي لك ياماما الله يرضى عليكي لك شو نظمي!! نظمي!! بعدين ماشفتي ابوه اصلع والو كرش بكرة بيصير متلو ام لولي : لك ولي عليكي على هالمنطئ فيه بنت مرباية ومتعلمة بتحكي هيك ليكو ابوكي اصلع وناتعلي كرش لولي: ههههه هلآ بحكيلو لبابا ام لولي: لك ضبيلي لسانك وركزي بئا حاجتك وحطيلي عئلك براسك والله الشب من زينة الشباب لك امي،،     هاد الي طلع معي كملو انتو    Report

02-17-2010, 06:01 PM Tomato_83 Joined on 11-20-2005 Posts 6,409 Re: سوريات الساعة ايدعش ونص ببيت أبو نظمي ابو نظمي لأم نظمي: وينو ابنك المنظوم لهلأ ما شرف؟ وبدك تجوزيه كمان؟؟ ما بدو الا جواز ليفضحنا مع بنات الناس أم نظمي: لأ يوه طول بالك يا رجال.. ما القصة كلياتا مشان ينضب بالبيت ويكنكن ويركن مع مرتو.. نسيان تقبرني كيف كنت تسهر للصبح و انته عزابي وشلون اجيت انا وخليتك تركن؟ أبو نظمي: اااااخ الله يرحم هديك الأيام.. شو كان ضربني على قلبي أم نظمي: قلت شي تشكل آسي؟ أبو نظمي: لأ سلامتك.. الله يرضى عليكي روحي ساويلي كاسة شاي *صوت المفتاح بباب الصقاق.. بفوتة نظمي* أبو نظمي: هاه.. وهي شرف سبع البرمبة... وينك لهلأ يا مغضوب؟ نظمي: بونسواركون.. شبنا أبو نظمي مالك بالعادة تدقق أبو نظمي: نظمك شي ما نفعك.. أحكي بأدب ولاااك.. شو مافي بإيدك ساعة؟ وينك لهلأ؟ نظمي: شبنا أبي لبين ما خلصت برتية التريكس.. مبارح آكل غلب.. واليوم حلفت الا وبدي طالع الغلب من عينو لرفيقك أبو وصفي.. وشريكي الكديش ما كان يفهم عليي أبو نظمي: أبو وصفي كان عم يلعب معكون؟؟ الصغر ان شاالله ربي لا يكبرو *بينو وبين حالو: يقطع عمرك عم تلعب شدة؟؟ مشان هيك تركتني بالقهوة بنص برتية الطاولة؟؟ انا بورجيك يا أبو وصفي بكرة* أبو نظمي: ليش وين كنتو سهرانين؟؟ نظمي: بالألغورا *ابو نظمي: العين تسفقك شو مسأسأ يا أبو وصفي طيب خدنا معك كنا لحسنا اصبعتنا* أبو نظمي: وان شاالله غلبت؟ نظمي: معلوم! تربايتك انا يا معلم أبو نظمي: بري عليك أم نظمي عم تنكش ابو نظمي: ابن عمي.. لك شبنا فاتحو بالموضوع أبو نظمي:... آآآه.. ايه.. شوف يا ابني اليوم أمك راحت لبيت أم لولي مشان تشوف بنتون لولي نظمي: ليش شبها؟ أم نظمي: ما بها شي تقبرني... بتاخد العقل... جمال وطول وعلية وعلم أبو نظمي: ام نظمي شو رأيك تاخدي طربوشي؟؟؟ أم نظمي: يي يبعتلي حمى تقبرني.. ما تواخذني.. تفضل تفضل أبو نظمي: *آآمين* اي ابني.. امك راحت شافت لولي.. مشان تطلبلك ياها على سنة الله ورسولو نظمي: آآآه؟؟ أبو نظمي: وأوى! بيقولو نعم.. عفوا.. مو آآه نظمي: عفوا.. شو تفضلتو سيدي؟؟ أبو نظمي: انا وامك بدنا نزوجك ونفرح فيك مشان نتطمن عليك ونشوف ولادك يا ابني وهي سنة الحياة نظمي: بس انا لساتني صغير أبو نظمي: شو صغير.. قد الشنتير.. لما كنت قدك كنت جايبك انته وأخوك نظمي: طيب ما لقيتو غير لولي؟ لسا مبارح شفتا بالحارة عم تلعب خمس حجار مع الولاد... بعدين كتير زعرة هي البنت وعلى طول شعرا منكوش وبتمشي حافية بالحارة أم نظمي: من بعد اذنك ابن عمي.. لأ امي تقبرني صارت البنت صبية وتخرجت من الجامعة وتوظفت وعين الله حولها.. ويعني الجماعة منعرفهون وما الها البنت لا فوتة ولا طلعة وسمعتهون مسك نظمي: بس انا ما بدي اتجوز أبو نظمي: ليش يا بعدي؟ نظمي: لأني رايد واحدة تانية أبو نظمي: شلوووون شلوووووووون؟؟ نظمي: اي أبي شو ما بتآمن بالحب؟؟ أبو نظمي: شفتي شو آخرتا المياعة تبعك؟؟ الولد بدو يحب ويعشق ويتمعشق.. شو هالمسخرة هي؟؟ ومينو هي ست الحسن يللي حضرتك رايدها؟؟ نظمي: نظيرة بنت ابو وصفي أبو نظمي: كملت!!! بدك تجلطني انته؟؟ ما لقيتللي غير هالسرسري تناسبو؟؟ نظمي: ابو وصفي صار سرسري؟ مو ببالي رفيق عمرك أبي شبنا ابو نظمي: ورصاص يفش حنكك.. قوم انقلع من خلقتي تضرب بهالخلقة نزعت مراقي.. قال ربو واتعبو وين كاسة ضرااااب السخن؟؟ يتبع..    Report

02-17-2010, 07:30 PM lulie Joined on 02-04-2007 جيران القمر Posts 3,594 Re: سوريات يسعد مساكي طمطومة والله وطالعتي لهالنظمي كوول    Report

02-17-2010, 09:33 PM sanjoob Joined on 11-19-2005 حوض المتوسط Posts 10,779 Re: سوريات نظمي و نظيرة؟ فيها وجهة نظر بس لازم ينجح بالاختبار انابيبو و ارضي عربية    Report

02-18-2010, 06:30 AM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات لولي و طمطومة يسلم ايديكون حلئتين حلوين ومن وحي الحياة الاجتماعية تمام على فكرة لولي زكرتيني لما كان يجينا خطابين ولييي شو يصير معي مسلسلات بزماني اكلة ئتلة من امي مشان فوت لاني تنحت بعد ما وعدت امي الجماعة و ئلتلا فوتي انتي مو انت وعدتيون والله فلم مرتب ئتلة غير شكل مع انو كنت متخرجة و عم اشتغل تخيلي H+Y=my both eyes    Report

02-18-2010, 09:19 PM Tomato_83 Joined on 11-20-2005 Posts 6,409 Re: سوريات بعد ما فات ابو نظمي ينام نظمي: امي.. شو مشان هالسيرة هلأ وقتا؟ ام نظمي: لكان يا امي هلأ وقتا.. صار عمرك ستة وعشرين سنة حللي والله افرح فيك نظمي: اي ومين اقترح لولي بنت ام لولي؟ ام نظمي: انا تقبرني! والله بحبا من جوات قلبي لهالبنت.. وقلبي عم يقللي انا نصيبك نظمي: حبتك العافية امي... شو مشان فكري انك بالصورة وبتعرفي اني بحبا لنظيرة ونظيرة بتحبني ام نظمي: لك يا ابني انته ونظيرة هلأ عم تقطعو وقت.. وانا ماني شايفتا مناسبة الك.. بيكفي انها عم تحكي معك.. معناتا بتحكي مع عشرة غيرك اذا اجا على بالها نظمي: لا أمي لا تحكي هيك.. هي بنت عالم وناس.. وانا بعرف انها بتحبني كتير.. وانا ما بقدر اتخلى عنها ام نظمي: طيب امي انته شو خسران؟ بتروح معي بكرة بتشوف البنت .. اذا حبيتا بيكون صار نصيب.. اذا لأ بيكون مافي نصيب.. مشان خاطري.. مشان خاطر ابوك هالختيار نظمي: ماشي بروح بس من هلأ عم قللك ما رح حبا ---- نفس المساء في منزل ابو وصفي ابو وصفي: والله يا سعدية.. شايفلك أحسن استثمار عملناه هوه انو زبطنالا انفا للبنت وعملنالا تقويم سنان وحف للبشرة.. صارت أحلى من أنجيلينا جولي سعدية: يوه من زمان حلوة بنتك نظيرة ابن عمي بس انته مقسي قلبك عليها حبة ابو وصفي: لا مقسي ولا شي.. ليكا صارت متل الحورية والحمدلله ابنو لأبو نظمي طابس فيها لقراقيط أدانو.. وسمعت بالحارة انو رايدا وناوي يشيل ويمشي سعدية: بس يا رجال مافي احسن من بيت ابو نظمي؟ يعني منتوفين وعايفين التنكة.. شلون بتقللي استثمار؟؟ ابو وصفي: لك يا غشيمة هادا ابو نظمي بخيل اكتر من برهوم اليهودي يللي كان ساكن عنا بالحارة.. ومدكن تحت بلاطتو مصاري ودهب وبلاوي زرقا.. انا بعرفو بكرة بيتكل وولادو بيورتوه وبتعيش بنتك بأحلى نعيم.. ومنلحس نحنا كمان اصبعتنا سعدية: يي تقبر عضامي على تفكيراتك.. من الأول قللي هيك ابو وصفي: اي لكان شو.. قومي اطفي الضو والحقيني يتبع في بيت ام لولي :p    Report

02-18-2010, 09:24 PM lulie Joined on 02-04-2007 جيران القمر Posts 3,594 Re: سوريات تشييييييرز خطرلي سيناريو اليوم الصبح بس مازال كملتي مارح ائطشلك افكارك كملي طمطومة    Report

02-20-2010, 08:29 PM Tomato_83 Joined on 11-20-2005 Posts 6,409 Re: سوريات على درج بناية 23 نظمي ووالدته نازلين لبيت ام لولي بطلعة نظيرة لبيتهون بتجي عينها بعين نظمي وبتضحكلو عيونها.. بيطلع فيها بخجلة واحد عرفان حالو شو راح يساوي بتتفاجأ بيدقو جرس بيت أم لولي وبيفوتو بتنصدم نظيرة بالمشهد وبتدمع عيونها وبتطلع على البيت وعلى غرفتها متل الصاروخ ---- في بيت ابو وصفي سعدية: لك أمي شبك من وقت ما فتي لا من تمك ولا من كمك.. شوفي عيونك مبققة من كتر البكا! ما بيصير هيك شو صاير معك؟؟ نظيرة: امي هي عاشر مرة بقللك ما باني شي.. تركيني لوحدي ببوس رجليكي سعدية: طيب طيب.. ---- في بيت ام لولي.. نظمي ووالدته في صالون الضيوف *نظمي قالب وشو.. وأمو عم تحاكيه* ام نظمي: لك ابني فريد خلقتك شوي عيب ما حلوة شو بدك الجماعة يقولو ساحبتك سحب عالخطبة؟ نظمي: يقولو يللي بدن ياه.. اساسا مزبوط تفكيراتون.. عجبك على هالموقف اللي حطيتيني انتي وابي فيه؟ شلون بدي اشرحلها لنظيرة هلأ؟ ام نظمي: لك بتشرحلا بتشرحلا.. بعدين بس مو هلأ.. هلأ بدي ياك تفرد وشك تقبر عيني كرمال خاطري امك انا يا امي نظمي: طيب طيب *بفوتة ام لولي.. ومعها العروس* ام نظمي: اهلييين وسهليين يا حبيبتي.. يا عروستنا الحلوة *عشر مجقات على الخد اليمين.. وعشرة على الشمال* *نظمي عينو بالأرض* *لولي مشمئزة من الموقف كللو* *بتقرب لولي لتسلم على نظمي* *بيرفع نظمي راسو ليشوف لولي* نظمي: ولي... وين كنتي متخبية انتي؟؟؟ لولي: *وش مشمأنط* *بيمد ايدو ليسلم.. لولي بتحط ايدا على صدرا انو ما بتصافح* *بيتلبك نظمي بحالو.. بس بيقعد وما بيشيل عينو من على لولي* لولي بينها وبين حالها: ان شاالله القريضة تقرضك شو بعمرك مو شايف بنات؟؟ ------ في نفس الأثناء.. في القهوة ابو وصفي وابو نظمي عم يلعبو طاولة ابو وصفي: وهي حبستك باليك..طلبلي كاسة شاي لشوف *بيمسك موبايلو مشان يشوف نظمي وينو.. واذا في سلتة على الألغورا* *بيشتلق عليه ابو نظمي يللي خلقة مبقوق منو.. وبيحس انو الفرصة مواتية ليهزلو بدنو* ابو نظمي: على عيني.. يا والااااد هاتلك كاسة شاي اكرك عجم لعمك ابو وصفي ايييه يا ابو وصفي.. هالولاد.. هنن فرحتنا الكبيرة ابو وصفي: معلوم.. ان شاالله بتفرح بنظمي عن قريب يا رب يللا شدو الهمة.. كبر الصبي وصار لازمو ينضب بقا *بيجي صبي القهوة وبيحط كاسة الشاي لأبو وصفي.. ابو وصفي عم ياخد شفة* ابو نظمي: وهوه كذالك يا ابو وصفي... بهاللحظة هي بالذات.. نظمي وامو عند بيت ام لولي عم يشوفو المحروسة لولي مشان يخطبوها *ابو وصفي بيتشردق بشفة الشاي* ابو نظمي: خير خير ابو وصفي ابو وصفي: خير يصيبك.. بس سخنة شوي الكاسة *بيصمت شوي من هول الصدمة... بعدين بيتدارك الموقف* ايه.. الله يقدملو اللي فيه الخير لنظمي.. بيستاهل كل خير.. حبيبنا يللا.. دايمة كاسة الشاي ابو نظمي: ويييين؟؟ قاعدييين؟؟ عم قللك الشب ببيت الجماعة.. يعني مافي برتية بالألغورا اليوم ابو وصفي مبتسما ابتسامة صفراء: لا والله بس اليوم تعبت بالشغل.. بدي روح على بيتي ارتاح ابو نظمي: اي.. الله يعطيك العافية.. خلينا نشوفك يتبع....    Report

02-25-2010, 12:33 AM Tomato_83 Joined on 11-20-2005 Posts 6,409 Re: سوريات اذا ما كملنا ما حدا بيكمل؟ بقلبها تراجيديا والله بعدين وهي حذرتكون    Report

02-25-2010, 01:03 AM lulie Joined on 02-04-2007 جيران القمر Posts 3,594 Re: سوريات والله حبيت احمل عنك كتف بس خفت انزعلك فكرة معينة خلص ان شالله بركي بكرة او بعدو بازن الله    Report

02-25-2010, 07:41 AM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات هي الئصة صارت بآخر اجازة انزلتا على سوريا و اليوم اجت على بالي ئلت منكتبا هون بسوريات لفلي و اخت لفلي بالسيارة و لفلي عم تسوق و فايتين على دوار طبعا لما بتفوت على الدوار بكل دول العالم الطريق بيكون ئلك الا بسوريا بدك توئف بنص الدوار و تستنى يلي فايت على الدوار طبعا لفلي عم بتسوق على القانون العالمي و اذ بيصفر الشرطي بس كانت لفلي ئطعت مسافة و بصراحة كنا يوميتا مستعجلين لنجيب ابن اختي من الروضة المهم انا واختي قررنا نجيب الولد و نرجع لعند الشرطي طبعا اختي اقترحت انو هي تتطلع بدالي بالسيارة لانو هي معا ليسن سوري وانا اماراتي و خوفا من مشكلة اكبر لازم هي تكون يلي عم تسوق و الاحلى اني هي ئال ما بتسوق اتوماتيك و بتعرف على العادي ئلتلا اي هي اسهل طلعي وانا بئلك شو تساوي طلعت و انطلقنا للدوار و على نص الدوار و عند الشرطي و لانو اختي تلبكت بالاتوماتيك ادحت هداك الفرام العجيب انا و الاولاد لزئو عيونا بالبلور الامامي عند الكل السيارة الاتوماتيك اسهل الا عند اختي رح ندعس الزلمة و ندخل ببلوة تانية المهم بنفتح هالشباك و بيجي الشرطي اختي: خير سيدي الشرطي: الله يجعلك بخير كنت بدي سجلكون مخالفة غيابية وابعتا على عنوان البيت انا بئلبي يا حبيبي مشان ابوي يبطل خليني اخد السيارة اختي: يي ليش سيدي شو صار الشرطي: عرقلة سير يا مدام انا : طول بالك سيدي والله ما ئصدي .....ما ئصد اختي تعرقل السير يعني دخلت انا ....دخلت اختي عالدوار و تلبكت و كنا مستعجلين لانو الولد عم يستنا بالشارع الشرطي: انا بئلبي يحرء اخت حظك يا لفلي ما كنتي تتعلمي الكزب اختي: والله يا سيدي متل ما شايف الولاد ورا عم ينطو و جننوني طبعا الولاد ورانا بعالم تاني غير عالمنا نازلين نط ولا كأنو في شي اختي بتستناول جزدانها و بتطلع 200 ليرة و بتئلو:يلا مشيلنا ياها و الله متل خواتك نحنا ...مشان اختي حامل مو نائصا هزة بدن و هي على وش ولادة انا: الشرطي بكل روح رياضية بيشلح كفو و بياخد المصاري:والله لو مو متل خواتي ولو ما رجعتو ما بمشيها اختي: كتر خيرك رح ندعيلك الشرطي بيندار لعندي : انت دعيلي الله بيستجبلك لانك حامل انا: ان شاء الله الشرطي : شو بدك تجيبي انا بئلبي  وبعدين مع سماك انت : رح جيب صبي ان شاء الله الشرطي: لكان سميه على اسمي انا: ليش شو اسمك الشرطي:امين انا : مين هاد ....اه ...امييييين ايوا اي عاشت الاسامي خلص حطيتو ببالي اختي: ما شاء الله اسم على مسمى انا بئلبي مع زورة لاختي انو اسكتي هلأ بيشتلئ عم تئفلي كمان و بندار لعند الشرطي و بعطيه السمايلي التالي و منمشي و بعد ما نطلع عن الدوار و كم خطوة بتشحط اختي الفرام العجيب مجددا و بتئلي يلا استلمي الدركسيون وبتنزل طبعا انا ما استرجيت احكي مشان ما انحرم السيارة بس اختي حكتلو لجوزا المسا جوز اختي : ما في شي اسمو عرقلة سير اختي: طيب شو منساوي منتركو يخالفنا بشي 2000ليرة جوز اختي: لك عم يحكي ما بيعملا اختي : اي شو بيعرفنا جوز اختي: مشان هيك افترا عليكون شافكون نسوان لحالكون ئال بياخدلو ئرشين اختي: يلا جوز اختي: لكان عم تتطلعو مشاوير و بيوئفكون الشرطي و بطئو حنك معو و مو بس هيك و بتكبسولو 200 ليرة كمان والله وصايرة عم تعرفي ترشي اختي: جوز اختي:ومو بس هيك و بيئلكون سمو على اسمي اختي:شو بدنا نعمل بئا فلم و صار معنا جوز اختي:و هو عم يضحك :انو بس بدي افهم شلون عرفتي تعطيه المصاري و الله ئدي و دلئي بنعبط اذا بدي ادفع رشوة(اكرامية)و اختي : بي اس: انا يلي مجنني انو اسمو امين ومالو علائة بالاسم بنوووووب H+Y=my both eyes    Report

02-25-2010, 09:00 PM Tomato_83 Joined on 11-20-2005 Posts 6,409 Re: سوريات لفلي الموضوع اللي عم تدوري عليه كان اسمو مواقف مضحكة.. محرجة.. الخ    Report

02-25-2010, 09:49 PM AmeRiCanCoFFee Joined on 12-20-2005 Dubai Posts 8,264 Re: سوريات سيبهم يا قلبي سيبهم سيب الاوهام تاخدهم بكرا القلب اللي باعنا يندم على يوم وداعنا يندم على يوم وداعنا مالهمش في الطيب.. يا قلبي ياااااا طيب يللي ما شافوا منك غير كل شيء طيب   ام وصفي : لك شو قصتك من وقت ما رجعتي مقضيتيها نكد لك نظيرة !! خففيلي صوت هالمسجلة لك ماما شبك حكيلي شو في ؟؟ نظيرة : ايهيء ايهيء... ما في شي ماما مافي شي ام وصفي : لك كيف مافي شي.. تشتشتي المخدة بدموعك  لك امي نظيرة : هاد نظمي يا ماما.. شفتو مع امه فايتين علي بيت ام لولي وشكلهم لابسين اواعي العيد يعني القصة مو مزحة وأكيد فوتة خطبة ام وصفي : يوه شو هالحكي.. معقول ام نظمي تعملها وتروح تخطبلو هالمقصوفة الرقبة نظيرة : قلتلك انها ما بتطيقني ما صدقتيني.. بتكرهني وبتضل توز بأدن نظمي انه يتركني وانها بتقدر تخطبله وحدة احسن مني بكتير ايهيء ايهيء ام وصفي : ما تاكلي هم حبيبتي.. نظمي ما حيسمع كلام امه ويجدبها لأنه شكلو بيحبك كتير وانا حسيت وقت اشترالك هداك الدب عالفالنطاين وكنتي مو مصدقة حالك كأنه شاريلك طقم الماس فرنساوي والله نظيرة : هو بيحبني على قولو بس ما بدك مين يقلك على ابوه انتي بتعرفيه اديه نسونجي.. لك حتى لو مو نسونجي متل ابوه، اكيد بدو ينسطل بس يشوف لولي وهي عم تسبللو وتدبللو بعيونها وتاخد بوزات وهي عم تضيفو القهوة ام وصفي : اى يالله بحفض القرود.. اذا تزوجها بيكون قسمة ونصيب والله بيبعتلك اللي احسن منه حبيبتي اصلاً هو الخسران نظيرة : ما بدي غيروووووو انا بحبو يا ماما بحبو والله بحبو.. ايهيء ايهيء ام وصفي : يبعتلك حمى يا ام نظمي الهي يا حق بتفقس معك هالزواجة وبترجعي بسواد الوش لتترجيني اعطيكي نظيرة ياااااااا رب نظيرة : يا رب تفقس يا رب.. من تمك لبواب السما يا امي..  ايهيء ايهيء     يتبع من عند طمطوم خانم    Report

02-25-2010, 10:02 PM syrian_blood Joined on 05-13-2008 بين غرامي و الجنون Posts 5,447 Re: سوريات بالله خلو نظمي يتجوز نظيرة مع أنو القصة مو حقيقية بس عم توجعلي ئلبي شو يعني حرية (وش طشمة)    Report

02-25-2010, 10:21 PM AmeRiCanCoFFee Joined on 12-20-2005 Dubai Posts 8,264 Re: سوريات  syrian_blood wrote: بالله خلو نظمي يتجوز نظيرة مع أنو القصة مو حقيقية بس عم توجعلي ئلبي let's pray that luli has a huge pimple in the middle of her forehead, trips and spills the coffee over Nazmi's 3eed suit... that should be enough to ruin the deal inshalla      Report

02-25-2010, 10:38 PM syrian_blood Joined on 05-13-2008 بين غرامي و الجنون Posts 5,447 Re: سوريات  AmeRiCanCoFFee wrote:  syrian_blood wrote: بالله خلو نظمي يتجوز نظيرة مع أنو القصة مو حقيقية بس عم توجعلي ئلبي let's pray that luli has a huge pimple in the middle of her forehead,  trips and spills the coffee over Nazmi's 3eed suit... that should be enough to ruin the deal inshalla مرة خالتي كانت رايحة تخطب لأبنا و عنجد البنت تفركشت و هيه عم تضيف الئهوة و بعدين استقرت بحضن خالتي بعدما تلولحت شوي man..that was fun طبعاً ماصار نصيب آفتر أول  شو يعني حرية (وش طشمة)    Report

02-25-2010, 10:52 PM lulie Joined on 02-04-2007 جيران القمر Posts 3,594 Re: سوريات first of all, amirecan cafe plz esnawal hal dozy,, eshtahitellak yaha wallah ابو وصفي: ايييييييه الله يفرجيني فيك يوم يا ابو نظمي,, كسرت بخاطر هالبنت ام وصفي: كلو من هالمئوصة فوزية " ام لولي" وبنتا ابو وصفي: ئال وانا مشكلسا للبنت وعاملا عمليات تجميل ئال استثمرنا ام وصفي: يووووه الواه الواه على بنتا لفوزية ,, بكرة بنتك بيجيها احسن منو لنظمي اساسا انا ماكنت حابة هالعيلة ابو وصفي: أي ئومي انتتري ساويلي كاسة شاي ,, شو عليه يانظمي ................ في بيت فوزية فوزية: أي امي شو ئلتي الجماعة اجو وطلبوكي ولازم تقرري بئا وازا بدك تسمعي كلمتي انا بئول والله مافي منوه لنظمي اي مائام عينو عنك لولي: اي لكان نسونجي طالع لابوه,, لك امي والله مايتجوز عليي غير بموت طئيئ فوزية: لآا يوه شو يتجوز عليك لك امي,, هاد مو متل ابوه فكري لك امي بمستئبلك وحاجة كل يوم طالعتيلي بفنة شكل بتطلع فوزية لولي بتدئلا ل" بلوضة" : كيفك بلوضة شو اخبارك بلوضة: لك اهلين لولي شو كيف كانت السهرة كيفو نظمي لولي: مشان الله لاتزكريني من غير شي راسي عم يفجع فج بلوضة: هيهيهيهي لك طولي بالك ,, شو بدك بالحكي والله نظمي ظريف لولي: لك بس بيحبا لنظيرة شو نسيتي بلوضة: فكري مو كتير رفئات انتي وياها ,, لولي: مو رفئات بس المخلوئة بتحبو بلوضة: أي طلعي من هالبواب ئولي مو عاجبك وخلصينا لولي: أي موعاجبني بس شعبك بدو ستمية عزر ليقتنع ,, وامي هالكتني بنظمي افندي,, تئولي خلصو شباب المعمورة بلوضة: أي الحئ مو عليكي كان لازم نظيرة تزبطو لنظمي وتخلي يجي يخطبا لولي: ريتا الئريضة تئرضو وتئرضا ئشة لفة,,, خلص دبارو عندي بلوضة: شو بدك تعملي لولي ولا يهمك انا بتصرف يلا بحاكيكي بعدين باي لولي بينا وبين حالا " والله لخليك تندم ع الساعة لي فكرت تبعت فيا امك" : مااماااااااااا ,, انا موافئة فوزية : ييييي روحي ياامي الله يجعلو من نصيبك لولي: بس بشرط,, هلأ خطبة بس وبعدين كتب كتاب وبراني هه فوزية: ماشي ماشي بهالكم يوم بتتصل ام نظمي وبئلا لولي: والله لفرجيك نجوم الضهر فوزية: شو ئلتلي!! لولي: مافي شي عم ئول نيال ئلبي في لنظمي .....................    Report

02-25-2010, 10:56 PM lulie Joined on 02-04-2007 جيران القمر Posts 3,594 Re: سوريات طيعا يتبع بس كومبيوتري مجنني من اي اكسبلورر عم تفوتو والله ماعم ائدر لا لون ولا حط دوازي هف يا    Report

02-25-2010, 11:07 PM AmeRiCanCoFFee Joined on 12-20-2005 Dubai Posts 8,264 Re: سوريات  lulie wrote: first of all, amirecan cafe plz esnawal hal dozy,, eshtahitellak yaha wallah.. I thought I'm helping u, tho I know I suck in this      Report

Page 73 of 76 (1,899 items) « First ... < 71 72 73 74 75 > ... Last »

Souriaty Club » غرف المناقشة با... » غرفة سوريا الاج... » Re: سوريات

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة