Search Sort Posts:  Oldest to newest Newest to oldest

02-26-2010, 12:25 AM DeadManwalkingExtra Joined on 11-29-2005 nos su-umus... magni eri... munitores pyramidum... Posts 1,409 Re: سوريات كانت ليلة من ليالي دمشق الممطرة اكتسبت فيها المدينة الرمادية القديمة رونقا مختلفا  في عيني نظمي فالشوارع المبللة بالمياه عكست اضواء المدينة والسيارت بشكل جميل وحزين في آن واحد... للوهلة الاولى كان يرى المدينة بطريقة كانها المرة الاولى التي يشهادها فيها كان يراقب بتمعن هذا العالم المختلف تماما الذي انعكس على اسفلت الطرقات ...هذا العالم المشوه الغريب الذي و مع ذلك يضفي جمالا غامضا للمدينة القديمة بداخله كان يشعر ان حياته اصبحت تماما مماثلة للمشهد الذي يراه هذا التناقض الغريب الذي اكتسى مشاعره بعد ان رأى لولي وهي تحمل صينية القهوة وقد اضاف الضوء الاصفر المنعكس من على سطح الصينية بريقا ساحرا لعينيها الخجولتين المتزاولتين بنفس الوقت لكن لم يكن لنظمي ليلحظ ذلك فالابتسامة المصطنعة التي ارتسمت على شفاه لولي جعلته ينسى الدنيا وما فيها ..... هذا الشعور المزعج الذي بدأ ينتاب نظمي وهو يحاول حشر نفسه فوق الانتفاخ الذي يوجد عادة تماما فوق العجلة الخلفية من الجانب الايمن من اي سرفيس لانه لم يتمكن كالعادة من ايقاف اي سرفيس تتوفر فيه مقاعد شاغرة فآثر الصعود كنصف راكب بعد ان اشار له سائق السرفيس تلك الاشارة المرمزة التي فهمها نظمي بسرعها واجاب من دون تردد باشارة مرمزة اخرى مفادها انه مستعد للصعود على ظهر السرفيس على ان يبقى منتظرا ساعة اخرى خصوصا وان المطر وان توقف فلا يمكن لنظمي ان يتنبأ متى سوف يعود للهطول ... " يلعن اخت هل الشغلة...لك شو القصة" قالها نظمي وهو يحاول معرفة سبب هذا الشعور الغريب الذي بدأ ينتابه كانت معدته تؤلمه تماما بنفس الطريقة التي تؤلم اي طالب ينتظر نتيجة امتحانه النهائي حاول نظمي فك طلاسم هذا الشعور الغريب الذي انتابه فجأة " معقول من يلي صار معي اليوم...معقول اني خايف من مفاتحة نظيرة بالشي يلي صار معي اليوم...وانو يدرى اخوها باني بطلت اخد اختو ويعملي قتلة روح فيها خــــرا سمك" جميع الاحتمالات التي فكر فيها نظمي كانت منطقية لتتسبب بذلك الشعور المزعج لكنها لم تكن لتقنع نظمي.......في تلك اللحظة بالذات توقف السرفيس لينزل راكبا تنفس فيها نظمي الصعداء متفائلا انه سيجلس على كرسي آخيرا للآسف صعد شخص بسرعة وجلس على الكرسي الذي كان نظمي متربصا به كنمر يراقب فريسة لينقض عليها ....لكن في تلك اللحظة بالذات رأى نظمي بين يدي الرجل الذي صعد السرفيس شيئا ....جعله يدرك تماما ما سبب هذا الشعور الغريب الذي ينتابه شعر نظمي ان عيناه كانت مغمضة عن السبب الحقيقي وراء مشاعره المضطربة شعر انه خدع كطفل صغير للمرة الاولى في حياته كان يرى بوضوح كان يرى كل شئ لقد استطاع ان يكتشف المؤامرة التي احيكت ضده من قبل والدته لقد عرف ما هو سبب تلك الآلام الغريبة التي اجتاحت احشاءه و معدته والفضل بالطبع للرجل الذي صعد منذ برهة فالشئ الذي كان بحوزة الرجل حرك مرآه مخيلة نظمي وحركت رائحته ما بقي من مشاعر انسانية اخرى متبقية لدى نظمي كانت ربطة الخبز الساخنة التي يحملها الرجل بعناية بالغة هي ما جعلت نظمي يرى من خلال الظلام الذي اعمى بصيرته فمنذ بداية سنين الدراسة الاولى له اعتاد نظمي ان يستيقظ على صياح والده ورائحة الفطور الدسم الذي تعده ام نظمي كل يوم البيض المقلي و السمن العربي المسكوب على صحن الحمص المطحون وبقية الاطعمة وخصوصا رائحة الخبز الساخن الذي كانت ام نظمي توصي عليه يوميا.....ابتلع نظمي لعابه الذي بدأ يسيل جراء تذكره لفطور العائلة ...لكن ما اذهله رغم ذلك انه تذكر ان والدته  اليوم لم تقم كالعادة باعداد الفطور اليومي الذي ومنذ نعومة اظفاره اعتاد نظمي على تناوله يوميا ....كان شعور الالم المرافق قد ازال الغباشة عن عيني نظمي بشكل كامل فقد استنتج ان والدته قامت بحيك تلك المؤامرة ضده حتى تضمن بان فلذة كبدها ضعيف ولن يستطيع مقاومة او رفض اقتراحها بالذهاب لبيت اهل لولي الشعور بالخيانة والخداع لكن مع الرضى عن قدراته التحليلية والقليل من الغرور المترافق كانت مشاعر نظمي المتبقية الشئ الوحيد الذي كان يعزي نظمي هو ذهابه للقاء صديقيه شيركو و اسعد لتناول الصندويشات عند مطعم مشهور قريب نسبيا من بيت شيركو في ركن الدين شيركو كان شابا كرديا يزيد نظمي ربيعا واحدا من العمر لكنه كان قد رسب في احدى المراحل الدراسية جعلته يلتقي في سنة اعادتها كلا من نظمي واسعد طبعا قبل ان يترك الدراسة نهائيا بحجة التفاته للامور العملية التي تطعم خبزا يتميز شيركو بلكنة شامية ثقيلة التي تعزز من شخصيته المحبة للبهورة.... وكمعظم الشباب الاكراد في منطقة ركن الدين شيركوه اختار ان يكون متدربا على رياضة تعنى باللياقة البدنية والفنون القتالية و كتلميذ متخرج كما يقول هو من مدرسة المدرب العتيد كاسم متيني اكتسب شيركو ميزة الافتخار بنفسه و سرد قصص سبق له ان سردها لصديقيه وخصوصا اسعد مرارا وتكرارا مرارا وتكرارا يعتبر شيركو نفسه قبضاي الشلة والمدافع عن ربوعها حتى وان كان في اغلب الحالات التي تعرضت لها الشلة لعلقات مع شباب آخرين اعتبر شيركو ان تدخله غير مناسب وانه لن يضيع وقته و جهده على بعض من الطنطات كما يصفهم وان تدخله سوف يكون غير عادل لانه متدرب على ان يخوض معارك مع اشخاص محترفين اسعد في المقابل هو شاب هزيل البنية طويل القامة مقارنة بصديقيه يتميز بطيبة قلبه لمرحلة السذاجة لكن هذا لا يمنعه من ان يكون هو السبب الوحيد لوجود هذه الشلة والرابط الذي يجمعها خصوصا عندما يبدأ شيركو بسرد قصصه المعتادة فتثور حفيظة نظمي ويبدأ بالتقفيل على شيركو الامر الذي يجعل الاخير يزبد ويرعد مما  يدعو اسعد لامتصاص غضب شيركو ومحاولته اقناع نظمي بمسايرة قبضاي الشلة مشكلة اسعد انه لم يجد فتاة احلامه او بالأحرى وجدها لكنه لا يجرأ بالافصاح عن مشاعره لها خوفا من ان ترفضه الامر الذي يحزن اسعد كثيرا و بنفس الوقت لا يستطيع مصارحة اصدقائه بالامر خوفا من ان ينتهي الامر بتقفيل نظمي عليه واستهزاء شيركو به تو بي كونتينيو Viva La Revolución    Report

02-26-2010, 01:33 AM syrian_blood Joined on 05-13-2008 بين غرامي و الجنون Posts 5,447 Re: سوريات  lulie wrote: طيعا يتبع بس كومبيوتري مجنني من اي اكسبلورر عم تفوتو والله ماعم ائدر لا لون ولا حط دوازي هف يا أنا غالباً عم فوت من فاير فوكس لأنو الإكسبلورار بطيئ شو يعني حرية (وش طشمة)    Report

02-26-2010, 08:07 AM sanjoob Joined on 11-19-2005 حوض المتوسط Posts 10,779 Re: سوريات  lulie wrote: لولي: بس بشرط,, هلأ خطبة بس وبعدين كتب كتاب وبراني هه انابيبو و ارضي عربية    Report

02-28-2010, 09:26 PM Tomato_83 Joined on 11-20-2005 Posts 6,409 Re: سوريات قهوة ما بك شي طالع معك شي حلو.. ثابر يا بطل لولي كمان ممتاز تابعو لنشوف انا مو جاييني وحي    Report

02-28-2010, 09:29 PM lulie Joined on 02-04-2007 جيران القمر Posts 3,594 Re: سوريات وينو بلاليش    Report

03-04-2010, 03:49 PM lulie Joined on 02-04-2007 جيران القمر Posts 3,594 Re: سوريات بعد الخطبة ام نظيرة وهية عم تحط غطا الصلاة على راسا: أي أي يلا جاية ,, مييييييين؟؟ لولي: صباح الخير خالة انا لولي ام نظيرة ليلك شي يخلع رئبتك:اهلين بلولي كيفك خالة, ئال انخطبتي لولي: أي والله انخطبت,, وينا نظيرة ام نظيرة: والله تعبانة شوي,و بتكون لساتا نايمة لولي مقاطعة: سلامتا ان شالله,, فايتة شوفا واطمن عليها ام نظيرة: ولي عليكي شو ئوية وئارحة متل امك لولي مرعوبة: لك ليش هيك عاملة بحالك,, يخرب بيتك كلو شئفة نظمي وماكان نظيرة وعيونا مبجبجة ومحمرة: جاية تشمتي فيني لولي: لا عيني موجاية اشمت,, اصلا نظمي شيتك كلو مو معبى مخي,, بعدبن مازالو مطيرلك ضبنات عئلك ماعرفتي تكوشي عليه وتركزيه وتخليه يخطبك,, احسن ماامو ساوتلو غسيل دماغ نظيرة: لك امو مبتحبني ,, بس هوة بيموت فيني لولي" أي كتير واضح عيونك تشوفو ئال ميت فيا" : ليكي اناجاية لفهمك انو مارح اخدو للعينتين ببالي خطة,, بخلي يندم ع اللحظة لي سمع فيا كلمة امو وبيرجعلك متل الحلوين نظيرة بعد مانشفت دموعا بالمحرمة: بحياة ربك,, يعني رح تفسخي خطبتك لولي: ماصار شي لسال حتى افسخ خطبتي منو بس عم حضرلو طبخة,, وبدياكي تساعديني نظيرة :كيف بدي ساعدك؟ لولي: ................ . ......... تاني نهار بعد الضهر نظمي: شو حبيبتي جاهزة لولي: أي جاهزة ,, اطلع لعنا اشربلك فنجان ئهوة,, نظمي: خلص منشربا بس لنرجع بس خفي شوي بدنا نلحئ الفلم لولي: أي يلا اطلع بس مشان ننزل سوا بهلأثناء ,, بتطلع نظيرة بيئوم نظمي بيتلبك وبيفوت ببعضو: كيفك نظيرة نظيرة: الك عين تسأل عني,, بعد شو,, وبتبلش تتبكبكلو,, لك بس بدي افهم شو عجبك بهالسنكوحة لولي,,هيك بعت كل شي,, نسيت وعودك الي,, هلآ معد اعجبك انا,, نظمي بعد ماتحركت المشاعر جواتو بيئرب منها شوي: لك والله لساتني بحبك يانظيرة,, بس شو بدي اعمل ابي مريض ومابدياه يزعل ,,, بتطلع لولي وبتشوف هالشوفة نظيرة بتروح كرفتة على بيتا لولي: ليش وائف مع نظيرة شو كنت عم تئلا نظمي: اه,, مافي شي كنت طالع وصدفتا ئمت سلمت عليها لولي : ئلتلي سلمت عليها لكان,, وليش عم تبكي وانت ليش هيك منظرك نظمي: لك شبكي يابنت الحلال عم ئلك سلمت عليها ,, بتغاري علي لك لولي لولي " العين الطرائة": ليش لحتى ماغار عليك تئبرني نظمي: دخيلو الخجلان نظيرة وهي وائفة عم تنوضر من على درج البناية: الله لايوفئك يالولي يتبع,,    Report

03-05-2010, 04:46 AM syrian_blood Joined on 05-13-2008 بين غرامي و الجنون Posts 5,447 Re: سوريات يحميكي الرب لولي شو يعني حرية (وش طشمة)    Report

03-05-2010, 08:21 PM Tomato_83 Joined on 11-20-2005 Posts 6,409 Re: سوريات على الحارك بتمسك نظيرة التليفون وبتتصل ببلوضة حبيبة عمرا *خليني أعيش يومين يومين بغمازات* *بلوضة عم تترقوص على المزيكا* بلوضة: يس؟ نظيرة: يساكي شي ما نفعك ساعة لتردي.. ما بتبطليها عادة الرقوصة على رنة الجوال؟ بلوضة: هههه يبعتلك ضربة يا نظورة نظيرة: سمعي هلأ.. اجت لعني الما بتتسمى لولي.. وقالتلي انو عندا خطة وهيه أصلا ما بعينا نظمي ولا شي.. بس قال بدا تربيه بلوضة: وصدقتيها؟ نظيرة: مابعرف لأنو هلأ شفتون نازلين سوا من البناية بعد ما ردحتلو لأنو شافتو عم يحكي معي بلوضة: ليش ايمتا حاكيتيه يا مقوصة؟؟ نظيرة: هلأ من شوي.. ناولتو كم كلمة بجنابو بلوضة: و دخلك جابو نتيجة؟ ليكو اكل زفة من التانية ومتل التوتو ركض قدامها وطلعو سوا نظيرة: ما هيه عندا خطة مشان اتطفشو وترجعلي ياه بلوضة معصبة: لك يا حوبة بتضلك قلبك شرشوح؟ شلون صدقتيها بس فهميني نظيرة: وبركي مانها عم تكذب شو عرفك انتي؟ بلوضة: لك لا تجنني!! مين يللي لابس المحبس؟ انتي وللا هيه؟ مين يللي طلع هوه معها متل التوتو انتي وللا هيه؟؟ نظيرة بتبلش تبكي: يبعتلك حمص على هالحكي.. فوق ماني عاملتك رفيقتي وعم اشكيلك همي.. بترشي على جرحي ملح؟ بلوضة: ايوا.. عم توجعيلي راسي وعم تمنني فوق منها؟؟ نهايته.. سمعي يا حوبة.. لأيمتا بدي ضل علم فيكي انا بس بدي افهم نظيرة عم تنف انفا بالمحرمة: شو في ببالك؟؟ بلوضة: اذا ما برجعلك ياه لهالنظمي السأسوء ما بكون اسمي بلوضة نظيرة: بالله جد عم تحكي؟ وللا عم تكشي عليي متل المحورقة لولي؟ بلوضة: لك عيب عليكي عيب! شو ما بتعرفيني نظيرة: مبلى مبلى.. ايدي بزنارك شو ببالك؟ بلوضة: راح طبقلك "كوبري" لتعدي لبر الأمان لعند نظمي التشتوش تبعك نظيرة: لك حاجة تسبيه حاجة بلوضة: اي شو سبينا النبي؟ سمعي.. هلأ راح أعزف تليفون لواحد من ماي فرندز بالمعهد الفني.. اسمو.. الميت وهوه ماشي... اكسترا!! ـ نظيرة: لأ كللو الا الاكسترا.. هلأ هيك أهلو بيندهولو؟؟ بلوضة: لك لأاا هادا اسمو الحركي.. مناديلو ديدو.. راح احكيلو السيرة وهوه الشب كفو فوق العادة نظيرة: بس ما يكون واحد من رفقاتك الفنانين المصروعين يللي عايشين بعالم السريالية تبعهون بلوضة: مابدك بتوقفي على البلكون بتتفرجي على زفة نظمي ولولي من بلكونتكون نظيرة: ولي!! لأ خلص خلص ماشي مو مشكلة موافقة بلوضة: ما قالتلك لوين رايحة هيه وياه؟ نظيرة: مبلى.. قال على الان هاوس بأبو رمانة... العين تطرقون.. ما كان ياخدني الا على كافتريات شارع الهندسة بلوضة: ومستقتلة عليه لساتك؟؟ طيب.. روحي هلأ جهزيلي حالك وزبطيلي أمورك بدي ياكي تكوني قمرة وانا هلأ رح احكي مع ديدو واعطيه نمرتك وبتتواعدو بشي ارنة وبتفوتو على الان هاوس سوا شو قلتللك؟؟ نظيرة: اي وشلون بدي أعرفو لهادا فيدو ديدو؟؟ بلوضة: لك ولعية ولعية.. قلتللك راح يحاكيكي! روحي لا تضوعي وقت بقا نظيرة: ماشي ماشي يللا عم انتظر تليفونو بااي بلوضة: بااي *بتمسك التليفون وبتعزفلو لديدو* بلوضة: هاااي! كيفك يا مان؟ عاوزتك بسيرة.. الك وللا للديب؟؟ ناويين نكسر راس واحد الك مصلحة؟؟؟ كفوووو ابو الديد.. كما عهدتك دائما يتبع..    Report

03-05-2010, 09:22 PM lulie Joined on 02-04-2007 جيران القمر Posts 3,594 Re: سوريات لك مرئت لولي لعندا ئبل بنهار بعدين كانوا رايحين ع السينما يشوفوا فلم اني وي رح كمل ع السيناريو شيتك    Report

03-05-2010, 10:04 PM lulie Joined on 02-04-2007 جيران القمر Posts 3,594 Re: سوريات نظمي: اي شو وينو الكارسون شوه الخدمة السيئة هي؟؟؟ لولي" يعدمنياكي يانظيرة على هالجدبة": حبيبي هون مافي كراسين انت بتروح بتطلب لي بدك ياه وتجيب فنجانك لعندك,, سيلف هيلب يعني نظمي: سف هف,, اااه ,, اي اي ,, شو بتحبي جبلك لولي: جبلي سبريسو حبيبي نظمي: أي مو على عيني لولي:يبعتلو حمى زوئك يانظيرة شو مبهدل برجعت نظمي لعند لولي بيتفاجأ بفوتة نظيرة وديدو بيتكركب نظمي وبيحمر وبيخضر وبيرجع عالطاولة محمل بالكافي لولي: شبك شو صرلك,, ليش هيك وشك ماعم يتفسر نظمي: لا مافي شي مافي شي,, وهي سبريسو الك نظمي بيتلفت ليشوف وين ئعدت نظيرة,, بتنتبه لولي انو نظيرة بالكافي لولي" شو عم تعمل هالمئوصة هون": لك نظمي نظيرة شو عم تعمل بالكافي نظمي: انو نظيرة لولي: شو انو نظيرة هلآ من شوي كنت عم تسلم عليها,, لك ئلتلا وين بدنا نئعد كمان,, عم تتواعدو عينك كنت عينك نظمي: لك شو بيعرفني شو عم تعمل هون ,, الله وكيلك مائلتلا شي بتنتبه نظيرة وين ئعد نظمي وبتعمل حالا تفاجأت بشوفتن وبتصير تأشر عليهوم بتجي نظيرة ومعا ديدو: هاي لولي كيفك نظمي,, شوه الصدفة الحلوة هي لولي وهي عم تزورا لنظيرة: أي يامية هلا,, شو انخطبتي نظيرة انت كمان نظمي وعم يبحلئ بديدو:هاي نظيرة,,شو ماعرفتينا ع الشب ديد مان: اهلا ,, انا رفيئا لنظيرة بمعهد الرسم نظمي: أي اتفضلوا عدوا معنا نظيرة: أي والله ليش لأ لولي وعم تسحبا لنظيرة عم تئعد: نظيرة تعي معي بدي زبط مكياجي ,, بركي انتو كمان تتعرفو على بعض,, عن ازنك حبيبي شوي بيصلو ع التواليت نظيرة: ايييييييييييي ,, شبكي,, ولي عليكي شو سماوية شوي شوي ع ايدي لولي: يخرب بيتك من حالك,, يخرب بيتك,, الله لايوفئك على هالعملة لك شو عم تساوي ولك مجنونة نظيرة: شو شايفتيني عم اعمل يعني لولي: شايفتك عم تخربي بيتك بايدك,, لك جدوبة انا هيك ئلتلك تعملي,, فكرك بدك تغيظيه لنظمي,, هلآ بيئول معناتا كنتي عم تلعبي وتضيعي وئت وماسدئتي راح من خلئتك الا ودغري عللي بعدو نظيرة وبلشت تتبكبك : والله انا بحبو لنظمي وبتعرفي مالي بهالحركات,, بس ئلت بركي بخلي يغار عليي ويرجعلي لولي: رجعك خشت يسهل امرك,, ولك انتي مابتعرفيه لنظمي,, عئلاتو جوزتين بخرج,, بكرة بيئول اي والله معها حئ امي,, نظيرة مابتسوى نظيرة وعم تمسح دموعا بطرف كما: الله لايوفئك يابلو.... بتنتبه ع حالا وبتستدرك: أي شو اعمل هلآ لولي: شو ئلتلي الله لايوفئ مين؟؟ نظيرة: ماحدا ماحدا لولي: لك احكي مين هي,, بلوضة؟؟؟ نظيرة: انا مائلت شي انتي ئلتي لولي: العمااااااااااااااااااا على هالمئلب,, وليه نظيرة,, انتي بدك ياني اخدو لهالمحورئ نظيرة : لا ببوس ايديكي لا لولي: اي لكان ساوي شو عم ئلك ولاتردي ع حدا فهمتي نظيرة: فهمت فهمت,, وشو مشان هاد ديدو مدري دودي لولي: وكمان مابتعرفي مين جايبة,, يخرب بيتك يابلوضة حسابك بس لارجع,, خلص هلآ منشوف شو صار برا ,, امشي لشوف يتبع,,,    Report

03-05-2010, 11:31 PM Tomato_83 Joined on 11-20-2005 Posts 6,409 Re: سوريات انا اختلطت عليي الأمور وخربطت بين انو بلوضة رفيقة لولي مو نظيرة يللا هيك فيها فاينة أكتر    Report

03-06-2010, 02:40 AM syrian_blood Joined on 05-13-2008 بين غرامي و الجنون Posts 5,447 Re: سوريات برافو بنات..شغلكون لزيز شو يعني حرية (وش طشمة)    Report

03-06-2010, 06:47 AM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات بس ما ئلتولي مين نظيرة يا صبايا؟؟ H+Y=my both eyes    Report

03-06-2010, 08:28 AM lulie Joined on 02-04-2007 جيران القمر Posts 3,594 Re: سوريات وبدنا نعرف مين نظيرة ومين نظمي كمان المشكلة شوفة عينك الأعضاء مختفيين فما بعرف مين رح تكون الشخصيات    Report

03-06-2010, 07:43 PM Tomato_83 Joined on 11-20-2005 Posts 6,409 Re: سوريات لفلي قولي انك بدك الدور لا تستحي مو مشكلة ما بتفرق معو الجمهور... سلاف فواخرجي عندا ولدين ولساتا بتعمل دور ساندريلا    Report

03-07-2010, 12:08 AM AmeRiCanCoFFee Joined on 12-20-2005 Dubai Posts 8,264 Re: سوريات  Tomato_83 wrote: لفلي قولي انك بدك الدور لا تستحي مو مشكلة ما بتفرق معو الجمهور... سلاف فواخرجي عندا ولدين ولساتا بتعمل دور ساندريلا looooooooooool      Report

03-07-2010, 09:36 AM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات  Tomato_83 wrote: لفلي قولي انك بدك الدور لا تستحي مو مشكلة ما بتفرق معو الجمهور... سلاف فواخرجي عندا ولدين ولساتا بتعمل دور ساندريلا بصراحة انا بدي دور وازن اكتر ما بحب المرأة الضعيفة عاطفيا امام الرجل المستهتر بعواطفا متل نظمي H+Y=my both eyes    Report

03-07-2010, 02:01 PM lulie Joined on 02-04-2007 جيران القمر Posts 3,594 Re: سوريات شو رأيك بدور ام نظيرة واللا حابة تكوني من رفئات لولي ونظيرة؟؟    Report

03-07-2010, 02:04 PM Tomato_83 Joined on 11-20-2005 Posts 6,409 Re: سوريات سعدية أمها لنظيرة    Report

03-07-2010, 02:07 PM lulie Joined on 02-04-2007 جيران القمر Posts 3,594 Re: سوريات ليش عم تعيطي عليني مابعرف مين الشخصيات كلياتا بئا ازا ماعندك مانع ئليلي كل واحد مين بيكون غير انو ابونظمي بلاليش وانتي تماضر يعني بس سعدية وزهرية والله بخربط بيناتون    Report

03-07-2010, 02:25 PM Tomato_83 Joined on 11-20-2005 Posts 6,409 Re: سوريات سعدية = اليانا زهرية = ياسمين ابو وصفي = سنجوب ابو هيثم = لوست بارادايس هدول اللي جايين ببالي هلأ انا وقت حطيت شخصية نظيرة كنت بالأول بدي ياها قوية متل سعدية وأبو وصفي.. بس طلعت مو آخدة جيناتهون بقا عم فكر انو سلم الشخصية لهي لميا يللي مستقتلة على العريس    Report

03-07-2010, 02:29 PM lulie Joined on 02-04-2007 جيران القمر Posts 3,594 Re: سوريات done    Report

03-07-2010, 03:06 PM lovelybaby Joined on 12-07-2006 شوفولنا هالتحفة الفنية Posts 3,036 Re: سوريات H+Y=my both eyes    Report

03-15-2010, 06:22 AM blawlashi Joined on 11-20-2005 Posts 11,815 Re: سوريات غرفة قديمة مهرهرة .. في تنكات زيت وسمنة فاضية ملحوشة هون وهون .. سرنجات فاضية ملحوشة بالأرض وفلاتر سجاير .. بزاوية الغرفة قاعد أبو وصفي حامل السم الهاري وقاعد عم يشرب أبو وصفي: تفيد بإيه .. إيييييييه يا زمن يا زمن يا زمن .. وبتعمل إييه .. إييييييييه يا عذاب فجأة بيسمع صوت عم يقول : أبو وصفيييييييييي بيوقف الغنا شوي وبيتطلع يمين ويسار .. بعدين بيصفن بالسم الهاري وبيقول لحالو : بكير أستاذ .. صرلنا ساعة قاعدين الصوت: أبو وصفييييييييييي هون أبو وصفي بينتتر من أربعت ركانو وبيقعد يقلب تنكات الزيت الفاضية أبو وصفي: شيه الصوت : يا أبو وصفييييييييييييي أبو وصفي: الله أكبر على هالقصة الصوت: هلق صرت تعرف الله يا أبو وصفيييييي أبو وصفي: لعما على هالسردة مينو هاد الصوت: حزير مين أنااااااا أبو وصفي: مينو إنت الصوت: أنا جد جدك يا أبو وصفيييييييي أبو وصفي: إيه تشرفنا .. مو شايف إنك قطعتلي المزاج شيتي؟ الصوت: لك أنا جد جدك الشهيد يا أبو وصفييييييي .. مو عار عليك تلطخ سمعتي هيك يا أبو وصفييييييييييي أبو وصفي: ييييييييي .. ييييييييي .. حاجة تمط بهالحكييييييييي .. شبدك هلق عند هالمسااااااااااااااا الصوت: رجاع لصوابك يا أبو وصفيييييييييي .. بطل هالمنكر ورجاع على بيتك لعند مرتك وولادك يا أبو وصفييييييييييي أبو وصفي: روح عنا يا وبيرجع بيقعد مطرح ما كان بيصرخ الصوت: قوم انتتر ولا بينفلج أبو نظمي وبيطلع ركيد من الغرفة على سطح الغرفة قاعد أبو نظمي حامل سبيكر وجنبو قاعد أبو هيسم والتنين قالبين على ضهرون من الضحك مقسومين .. لك قوم فوت نام وصير حلام    Report

03-15-2010, 06:23 AM blawlashi Joined on 11-20-2005 Posts 11,815 Re: سوريات  blawlashi wrote: بيصرخ الصوت: قوم انتتر ولا بينفلج أبو نظمي أبو وصفي وبيطلع ركيد من الغرفة على سطح الغرفة قاعد أبو نظمي حامل سبيكر وجنبو قاعد أبو هيسم والتنين قالبين على ضهرون من الضحك مقسومين .. لك قوم فوت نام وصير حلام    Report

Page 74 of 76 (1,899 items) « First ... < 72 73 74 75 76 >

Souriaty Club » غرف المناقشة با... » غرفة سوريا الاج... » سوريات ... من تأليف عضاوات سوريا دوت كوم

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة