Search Sort Posts:  Oldest to newest Newest to oldest

01-06-2010, 02:36 PM sweet100 Joined on 12-08-2005 in hell Posts 5,899 Re: فيلم خرج و فيلم مو خرج  anas262 wrote: meet joe black gotta check into rehab...    Report

01-07-2010, 02:51 PM anas262 Joined on 05-07-2006 Posts 6,112 Re: فيلم خرج و فيلم مو خرج Davenci Code 8/10 فلم طويل أكتر من ساعتين وأربعين دقيقة فيه تشويق وقتل وتاريخ ودين وغموض وكل شي الفلم كان عندي بالدر من زمان ما بعرف ليش لمبارح لحضرتو Mall Cop 6/10 فلم كوميدي بايخ بس لايخلو من بعض الهضامة ما بعرف ليش طول الوقت وأنا عم اتخيل لوران البطل      Report

01-10-2010, 11:41 AM blawlashi Joined on 11-20-2005 Posts 11,634 Re: فيلم خرج و فيلم مو خرج Cold Souls فيلم من بطولة بول جياماتي .. وهالممثل إلو ستايل معين بالأفلام .. باعتبارو كتير بيهتم بالسيناريو أكتر من اهتمامو بالإخراج هالفيلم من أولو لأخرو ساركازم .. بطل الفيلم يلي هو بول جياماتي والشخصية بتحمل نفس الاسم هو ممثل مسرحي وعم يعاني من تراجع بمستواه كممثل .. وبيسمع عن طبيب بيسحب الأرواح من الأجساد وبيحفظها بمكان بارد .. مشان يخف تقل الروح عن الشخص فالأخ بيصفى بلا روح .. تخيلو بئا الفكرة ما رح احكيلكون كمان مشان ما انزع عليكون القصة .. يلي بيحب هالنوع من الأفلام يلي هيه عبارة عن سيناريو متقن جداً وكتير ساركازم فالفيلم خرج .. مع إنو لا يخلو الفيلم من شوية عتت .. وبطيء شوي ما خرج إذا كنتو من النوع يلي ما بيحب هالنوع من الأفلام يلي ما فيها جنس الأكشن أو الحركة من 10 بيستاهل 7 أو أكتر تعا لالي وناجيلك وأنور أنا ديلك    Report

01-10-2010, 11:48 AM blawlashi Joined on 11-20-2005 Posts 11,634 Re: فيلم خرج و فيلم مو خرج Dogma فيلم من السبعو تسعين .. ما فيه بطولة مطلقة لحدا .. بس بيشارك فيه مات دامون وبين أفليك وكريس روك وممثلة أمورة نسيت شو اسمها .. حتى جورج كارلين نازل بدور قديس فتخيلو الفيلم هو عبارة عن كفر من أولو لآخرو .. والممثلين على أساس شي ملائكة شي شياطين شي أنبياء .. وبيفوتو الميثولوجي وهالقصص ببعضها .. وبنهاية الفيلم بيخروها كتير  بالكفر يعني .. وعلى تحشيش وكفر يا معلم هلق إذا بتتقبلو هالنوع من الكوميديا فالفيلم رائع جداً .. فيه تحشيشات وسردات ما إلها حل .. لكن إذا كنتو من النوع يلي بيحمل مسبحة واستغفر الله ما خرج بنوب وبيجوز آخد وزركون مشكلة الفيلم بس إنو أحياناً بتحسو آخد الموضوع جد وبيبلش يناقش السردات يلي عم يسردوها .. وبرأيي هالشي ما كان إلو داعي .. لو ضلو عالأفلة كان أحسن عموماً الفيلم بياخد عالحس الكوميدي 9 من 10 وأوفر أول بياخد 7 من 10 تعا لالي وناجيلك وأنور أنا ديلك    Report

01-10-2010, 09:05 PM LOGO Joined on 11-19-2005 Posts 22,681 Re: فيلم خرج و فيلم مو خرج  تسعة وتسعين .. اذكر وقتها انني حضرته في الاردن وكانت شائعة القيامة سنة الفين قائمة وانو هاد كلو من مخطط ابو عين وحدة    Report

01-11-2010, 01:17 PM anas262 Joined on 05-07-2006 Posts 6,112 Re: فيلم خرج و فيلم مو خرج على نفس النمط تقريباً في فلم غارييل gabriel بيحكي عن ملايكة بينزلو عالظلام (الأرض) لحتى يحرروها من الشياطين ويرجعلها النور (الرب) بس هالفلم ما بينكر وجود الإله بس بيطرح فكرة انو هو عادل أو لأ... الفلم كتير حلو ع فكرة أب نظمي بيعجبك... بعطيه تمانة من عشرة   آخر تشكيلة: Push  7/10 فلم على مبدأ الوولفرين والاكس من taken 5/10 بيحكي عن واحد أمريكي كان بالقوات الخاصة بيخطفوله بنته بفرنسا.. متل العادة بيروح بيقتل نص فرنسا وآخر شي بيرجع بنته وبيرجع هو وياها beyon the wall of sleep 1/10 عأساس فلم رعب بس ايع stay alive 5/10 فلم رعب بيحكي عن لعبة على نمط الكاونتر بدك تلعبها بدون ماتموت .. اذا متت باللعبة بتموت بالحقيقة reborne 4/10 رعب بايخ fast&furious IV  8/10 كتير بيشبه باقي أجزاء السلسلة بس وجود فان ديزل أحلى شوي yes man 6/10 تيبيكال جيم كاري    Report

01-11-2010, 01:46 PM blawlashi Joined on 11-20-2005 Posts 11,634 Re: فيلم خرج و فيلم مو خرج  LOGO wrote:  تسعة وتسعين صح .. خطأ مطبعي بس إنو -he's the voice of God -and where the f*** is the rest of him? تعا لالي وناجيلك وأنور أنا ديلك    Report

01-12-2010, 11:15 PM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج هالفلم شفتو من شي سنة تئريبا ومبعرف ليش هلأ فطنت عليه وحابة شوفو بس مالئيتو لاهوة ولاكوشة الفلام لي عندي المهم ضليت ساعة لحتى لئيا اسمو À l'intérieur (2007)  the inside الفلم فرنسي طبعا هوة رعب اجرامي مدري اجرام رعب الفلمبيحكي عن وحدة بتكون حامل بتتعرض لمحاولة ئتل من وحدة بظن والله اعلم مريضة نفسيا الفلم كتير حلو وفي لئطات بتأشعر البدن وفي ئتل بطريئة متوحشة كتير بأول الفلم مابتعرف ليش كل هالئد في حقد وغل بآخر الفلم بتعرف ليش ولو بيطلع بإيد الئاتلة انو تئتل المخرج ماكان ئصرت خرج ازا حابب تشوف ئتل واجرام وفلم رعب من نوع آخر مو خرج ازا ئلبك ئطيعة الفلم بعطي 8/10 والعلامتين راحو لانو مدري ليش حسيت انو في سلبة بالنص طبعا لي عم بيدور على ممسلات حلوين ماحيلائي الله كبير    Report

01-13-2010, 12:50 PM anas262 Joined on 05-07-2006 Posts 6,112 Re: فيلم خرج و فيلم مو خرج  lulie wrote: طبعا لي عم بيدور على ممسلات حلوين ماحيلائي البلاغة في الإيجاز            على صعيد آخر...معقول أخدتي التاسع وما سمعتي بحرف الـ إق؟    Report

01-13-2010, 01:05 PM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج كلق لانو اساتزتنا كانوا طنطات وحرف ال ط كمانة تعلمتو من مدرسة الحياة الله كبير    Report

01-14-2010, 09:15 AM blawlashi Joined on 11-20-2005 Posts 11,634 Re: فيلم خرج و فيلم مو خرج بعد ما حضرت فيلم مخيلة الدكتور بارناسوس .. حبيت شغل المخرج تيري جيليام وبلشت دور على أفلامو .. واكتشفت إنو هو مخرج فيلم Twelve Monkeys الفيلم من الخمسو تسعين .. ومع إنو انعرض كتير عالتلفزيون والله مرة شفتو على رواق .. الفيلم بطولة بروس ويليس بواحد من أفضل أدوارو وبراد بيت بأفضل أدوارو .. ومادلين ستو يلي ما كنت اهضمها لا بحلال ولا بحرام هلق كفكرة وإخراج الفيلم جميل جداً .. والممثلين أبدعو فوق الوصف .. ومشهد مستشفى المجانين مشهد للذكرى وبقدر صنفو بين أفضل عشر مشاهد بتاريخ السينما .. لكن في مشكلة بالحبكة .. بيجوز المشكلة مني أنا ما استوعبت الحبكة .. بيجوز الحبكة فعلاً مو مفهومة .. بس في كتير شغلات فايتة ببعضها ويمكن بدها تركيز زيادة أو بدها حشيشة ليستوعبها الواحد لكن فيلم كتير ريكومندد إذا كنتو بتحبو أسلوب هالمخرج .. يلي شكلي رح نزل كل أفلامو أوفر أول بيستاهل 7 من 10 تعا لالي وناجيلك وأنور أنا ديلك    Report

01-14-2010, 09:18 AM blawlashi Joined on 11-20-2005 Posts 11,634 Re: فيلم خرج و فيلم مو خرج ولا مرة .. مو والله مرة تعا لالي وناجيلك وأنور أنا ديلك    Report

01-18-2010, 06:19 AM aliana Joined on 11-19-2005 Montréal Posts 4,643 Re: فيلم خرج و فيلم مو خرج  blawlashi wrote: avatar بيخري  blawlashi wrote: Sherlock Holmes عدا عن هيك الفيلم حقو فرنكين من 10 بعطيه 5 حالتك صعبة كتير عفكرة....الله يشفيك    Report

01-18-2010, 08:16 AM blawlashi Joined on 11-20-2005 Posts 11,634 Re: فيلم خرج و فيلم مو خرج فوق ما بدي مصلحتكون تعا لالي وناجيلك وأنور أنا ديلك    Report

01-18-2010, 11:58 AM ZEROCOOL Joined on 11-20-2005 Rami & Lana Posts 4,735 Re: فيلم خرج و فيلم مو خرج avatar صح بخري  وصرعونا فيه 1000  ساعة عمل لكل نصاعة مدري شو بس  شارل لوك  ظريف وبايخود 8 من 10 Rami بيك - Lana خانوم    Report

02-07-2010, 06:47 AM blawlashi Joined on 11-20-2005 Posts 11,634 Re: فيلم خرج و فيلم مو خرج Up in the Air فيلم من بطولة جورج كلوني وفيرا فارميغا .. ويلي ما بيعرف فيرا لشو عيشتو ما بعرف الفيلم بيحكي عن واحد شغلتو يفنش عالم .. وبيضل عم يسافر بالطيارة من مكان لمكان .. لدرجة إنو مقضي معظم حياتو بالسما والأوتيلات الفيلم خفيف وكوميدي إلى حد ما .. وقصتو بسيطة ما بدها تفكير كبير .. يعني فيلم مسلي وخفيف وما بيوجع الراس من 10 بعطيه 7 تعا لالي وناجيلك وأنور أنا ديلك    Report

02-07-2010, 06:55 AM blawlashi Joined on 11-20-2005 Posts 11,634 Re: فيلم خرج و فيلم مو خرج بلش الموسم السادس والمفترض إنو الأخير من لوست ومبارح شفت الحلقة الأولى .. وللعلم الحلقة الأولى مدتها ساعة ونص تقريباً لكن يبدو من بداية الموسم إنو المخرجين من كتر ما عقدو الحبكة بالموسم الخامس رح يضطروا بهالموسم يخترعوا اختراعات ما أنزل الله بها من سلطان .. يعني من أول حلقة في كشتين شغل مخرجين مو شغل الله .. فالله يستر من الكمالة والله يطعمون بعد كل هالنطرة تطلع النهاية فافوش تعا لالي وناجيلك وأنور أنا ديلك    Report

02-07-2010, 07:40 AM sanjoob Joined on 11-19-2005 حوض المتوسط Posts 10,776 Re: فيلم خرج و فيلم مو خرج  blawlashi wrote: Up in the Air من 10 بعطيه 7 اخر تلت من الفيلم بيخري 2.5 /10 انابيبو و ارضي عربية    Report

02-07-2010, 07:46 AM blawlashi Joined on 11-20-2005 Posts 11,634 Re: فيلم خرج و فيلم مو خرج  sanjoob wrote: اخر تلت من الفيلم بيخري 2.5 /10 7/10 تعا لالي وناجيلك وأنور أنا ديلك    Report

02-07-2010, 08:43 AM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج Avatar على ئد ماصرت سامعة عن هالفلم شي بيئول مو حلو وشي بيئول ظريف حضرتو الاسبوع الماضي الفلم فكرتو حلوة والتصوير والالوان والاصوات كلو ع بعضو كتير حلو وحبيتو وحتى فكرتو حلوة يعني الفلم متعوب عليه شو ئليلة للأسبوع الخامس على التوالي هوة الاول مشكلتو انو كتير طويل يعني عئد ماتحركت بالفلم حسيت حالي لح اسلوت من الكرسي الفلم بعطيه 8/10 والعلامتين راحو لانو طويل   الله كبير    Report

02-07-2010, 08:51 AM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج صحي ما خرج تشوفو دي في دي     ـــــــــــــــــــــــــــــــــ   Sherlock Holmes كنت رايحة فكري لح شوف شي بوليسي او في شوية سسبنس بس اكلت مئلب طلع الفلم فايت ببعضو شي كوميدي شي بوليسي بليرة مابعرف لو ضالل ع البوليسي كان لح يطلع احلى البطل دورو حلو وكان مهضوم بس حاسة حالي اكلت كم بالفلم ورفيئتي ع اخر نص كانت رح تنام لولا لطف الله وانو في شوية ضحك يخليها تصحصح شوي انبسطنا ونحنا راجعين ع البيت اكتر من الفلم   بعطيه 5/10 مشان حس الكوميديا لي فيه ومشان الصالة لي حضرتو فيها لهلأ حاسة حالي اكلة كم ومين مابيسألني عن الفلم بئول امممممم ماشي حالو حلو الله كبير    Report

02-07-2010, 09:25 AM abd84 Joined on 11-19-2005 Posts 7,392 Re: فيلم خرج و فيلم مو خرج ياجماعه الي بسوريا شو صار وضع السينما قالولي في سينما جديده وفيها كل شي 3D شو صحة هالكلام انا مو عبد84>>شوتفضلت    Report

02-07-2010, 09:33 AM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج مزبوط مية بالمية الصالات بتجنن في الكبير وفي لي بيسع أعداد اقل السينما مرتبة كتير والنظام فيا جديد كلو الكتروني من حجز التكت لحجز المقاعد مابعرف ازا سنما الشام فيك تحجز ع التلفون بس بسينما سيتي فيك كل اسبوعين بنزلو افلام جديدة والافلام كتير جديدة يعني لساتا عم تنعرض ع البوكس اوفيس شو كمان في اي فيك تعبي ابليكشن تحط في ايميلك ورئم تلفونك ازا بدك مشان يبعتولك  ابديت بشو لح يعرضوا افلام فيها صالة سوشي الأكل لي عندن والسلطات شي مرتب كتير الصالات جوا كتير حلوة لما رحت كان في تنين نسوان جايين يحضروا الفلم قسما بالله ئد ستي وكمان شفت عمو كبير بالعمر يعني فيها لحمة وطنية   الله كبير    Report

02-07-2010, 09:42 AM lulie Joined on 02-04-2007 جيران القمر Posts 3,429 Re: فيلم خرج و فيلم مو خرج  abd84 wrote: ياجماعه الي بسوريا شو صار وضع السينما قالولي في سينما جديده وفيها كل شي 3D شو صحة هالكلام يعني انت سألت من الشرئ وانا نطيت جاوبت من الغرب العما على هالخزوة اي بظن كل شي فيها 3دي بالاضافة للمعلومات لي اتحفتك فيها أعلاه وش تبلكم وسليب 3 دي الله كبير    Report

02-07-2010, 09:53 AM abd84 Joined on 11-19-2005 Posts 7,392 Re: فيلم خرج و فيلم مو خرج  lulie wrote:  abd84 wrote: ياجماعه الي بسوريا شو صار وضع السينما قالولي في سينما جديده وفيها كل شي 3D شو صحة هالكلام يعني انت سألت من الشرئ وانا نطيت جاوبت من الغرب العما على هالخزوة اي بظن كل شي فيها 3دي بالاضافة للمعلومات لي اتحفتك فيها أعلاه وش تبلكم وسليب 3 دي بسيطة بنت خالي  بكفي انك رديتي علي بسرعة معناها هي السينما الجديدة الي عم يحكولي عنها شيء حلو عنجد لازمنا هيك دور عرض لانه للاسف بسوريا ماكان في غير سينما الشام وكانت بس صالتين عرض وخلال تواجدي ابدا الافلام الي معروضه جيده كلها عربي انا مو عبد84>>شوتفضلت    Report

Page 77 of 82 (2,041 items) « First ... < 75 76 77 78 79 > ... Last »

Souriaty Club » غرف المناقشة با... » غرفة سوريا الاج... » فيلم خرج و فيلم مو خرج

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة