Search Sort Posts:  Oldest to newest Newest to oldest

02-14-2010, 06:57 AM blawlashi Joined on 11-20-2005 Posts 11,815 Re: فيلم خرج و فيلم مو خرج The Fisher King فيلم من بطولة جيف بريدجز وروبن ويليامز ومن إخراج المبدع تيري جيليام الفيلم قديم .. وألوانو كاحتة .. بس إخراجو إبداع متل العادة من تيري جيليام .. بس للأسف كتير كتير طويل .. وبيملل .. ولولا إنو بدي اعرف شو بدو يصير بالأخير كنت ما كملتو .. بس يعني كملتو وشفت نهايتو السعيدة للجميع إنو الفيلم حلو إذا بتحبو إخراج تيري جيليام وبتحبو تشوفو إبداع بالتمثيل .. أما كفيلم .. ممممممم .. ما زيادة وما بعرف يلي نصحوني فيه ليش كتير زاحط العقل شيتون بهالفيلم أنا ما بعطيه أكتر من 5 على 10 مقسومين .. لك قوم فوت نام وصير حلام    Report

02-14-2010, 07:06 AM blawlashi Joined on 11-20-2005 Posts 11,815 Re: فيلم خرج و فيلم مو خرج بدي اشتري كميات من الديفيدي من الشام .. مسلسلات وما مسلسلات وهيك قصص فإذا حدا بيعرف شي محل بعينو خرج ينشرى منو هالقصص يدلني عليه .. يكون كواليتي منيحة وبحيث ما نتخورف لأنو آخر مرة اشتريت من البحصة نص الديفيديات ما اشتغلت غير على اللابتوب وتشرشحنا قدام الزباين .. وقضيناها على فوكس وما فوكس وبيتي الئبيحة وهيك شغلات مقسومين .. لك قوم فوت نام وصير حلام    Report

02-14-2010, 08:11 AM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج في محل اسمو سكوب كنت اخود منو سيديات وانت طالع من شارع بغداد بوشك لباب توما ئبل المدرسة الي رصيفا بضل طالع منو ريحة زبالة هاد المحل سيدياتو ظراف وكان بيبيع السي دي ببيتو هلأ عم يبعو بالنايلون حئ السي دي 40 ليرة وازا اخدت منو كوشة سيديات بعطيك سكرة   وسمعت كمان في محل بشيخ محي الدين السيدي ب15 ليرة وئال الكواليتي منيح غير هيك تصل بالسلامة     Report

02-14-2010, 08:16 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج  blawlashi wrote: بدي اشتري كميات من الديفيدي من الشام .. مسلسلات وما مسلسلات وهيك قصص فإذا حدا بيعرف شي محل بعينو خرج ينشرى منو هالقصص يدلني عليه .. يكون كواليتي منيحة وبحيث ما نتخورف فوق جسر الرئيس على حيط الحقوق .. تقريبا قبل الزاوية بشي تلت بسطات اسال على بسطة كرمو .. شب سكرة كفو وابو عجقة .. بجبلك شغلات لسة ما نزلت بامريكا نفسها .. وقلو انك دفيع وبدك شي نضيف رح يخورفك ابو تلاتين ورقة حق الواحد .. بس حلاوتو انو عالمكسر واذا شي ما اشتغل برجعو وبيعطيك غيرو زائد واحد ببلاش من اختيارك انشالله مفكرني دفعت حق دي في دي الرقص الشرقي؟؟ ونلقوط ورق الدخان قال نعملهون مصاري    Report

02-14-2010, 08:17 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج بي اس : اذا نادالك ابو حميد عادي .. كل الناس عندو ابو حميد ونلقوط ورق الدخان قال نعملهون مصاري    Report

02-14-2010, 08:56 AM blawlashi Joined on 11-20-2005 Posts 11,815 Re: فيلم خرج و فيلم مو خرج مشكورين ما قصرتو .. بس بيلتقى عندون مواسم كاملة إذا بدي لشي مسلسل معين؟ مقسومين .. لك قوم فوت نام وصير حلام    Report

02-14-2010, 09:01 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج كرمو بدك تمرق لعندو وتقلو بدي كزا كزا . بيكتبهون ع ورقة مجعلكة .. وبقلك امرق يوم كزا بعد الساعة كزا بتمرق بتلاقيه حاططلك اياهون بكيس نايلون زهر وجاهزين وملزق ورقة كاتب اسمك والسعر والدفعة المقدمة وقديش بقيان عليك ونلقوط ورق الدخان قال نعملهون مصاري    Report

02-14-2010, 09:01 AM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج اي بس انت وصيه ئبل بوئت وازا بدك بدبرلك رئمو واكد عليه تكون النوعية منيحة    Report

02-14-2010, 09:14 AM blawlashi Joined on 11-20-2005 Posts 11,815 Re: فيلم خرج و فيلم مو خرج مشكورين ما قصرتو .. وانشالله هيكه مقسومين .. لك قوم فوت نام وصير حلام    Report

02-14-2010, 09:58 AM DeadManwalkingExtra Joined on 11-29-2005 nos su-umus... magni eri... munitores pyramidum... Posts 1,409 Re: فيلم خرج و فيلم مو خرج Blawalshi, if you care about the money..well..i can't help you that much... but there is a shop in Al Mazzeh...sadly i can't remember the location very well....but here is a map : the store contains a huge collection especially for series and TV shows...and trust me all in good quality...the price depends on the quantity of course....and ask him for the un-subtitled copies which I've always preferred since he had some problems with translation ( it made my eyes hurt and my mind far from meeting for a moments ) ....anyway.....the store - if it still running - worth the visit. Viva La Revolución    Report

02-14-2010, 10:03 AM blawlashi Joined on 11-20-2005 Posts 11,815 Re: فيلم خرج و فيلم مو خرج عرفت المنطقة .. جنب الحلاق تبعي .. ايام ما كان عندي شعر .. ميغسي حياتي .. بس انزل بشوفو اسمو قريب عليي مقسومين .. لك قوم فوت نام وصير حلام    Report

02-14-2010, 10:15 AM DeadManwalkingExtra Joined on 11-29-2005 nos su-umus... magni eri... munitores pyramidum... Posts 1,409 Re: فيلم خرج و فيلم مو خرج my pleasure, and bon voyage Viva La Revolución    Report

02-14-2010, 08:05 PM Tomato_83 Joined on 11-20-2005 Posts 6,409 Re: فيلم خرج و فيلم مو خرج بلاولاشي المحل اللي قللك عليه الميت وهوه ماشي اكسترا اسمو المعلم بيلتقى عندو شغلات.. اخي السنة الماضية جاب من عندو السيريز تبع بريزون بريك من اول سيزون بس روح لعندو بعد العصر لأنو عادة ما بيفتح الصبح وبتقدر توصيه وبيدبرلك يللي بدك ياه    Report

02-15-2010, 06:24 AM blawlashi Joined on 11-20-2005 Posts 11,815 Re: فيلم خرج و فيلم مو خرج  Tomato_83 wrote: ميغسي وويلكم باك   ملاحظة على مسلسل لوست إذا حدا ناوي يحضر الموسم السادس ولسا ما بلش فيه .. بنصحو يستنى شوي ليخلص وياخد فيد باك عليه .. لأنو شكلو بايخ مقسومين .. لك قوم فوت نام وصير حلام    Report

02-15-2010, 08:03 AM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج ليش لهلآ عم يعرضوه للوست يخرب بيتو هالمسلسل من الجزء التاني ماعدت تابعتو شي للجلطة وحدة بوحدة    Report

02-16-2010, 09:43 PM Tomato_83 Joined on 11-20-2005 Posts 6,409 Re: فيلم خرج و فيلم مو خرج Julie and Julia ميريل ستريب وآيمي آدمز فيلم بيروح بين الماضي ليحكي عن حياة جوليا تشايلد يللي هيه تعتبر المرأة اللي جابت فن الطبخ الفرنسي على أمريكا وبين الحاضر عن جولي يللي بتحب جوليا كتير وبتقرر انها تطبخ كل وصفاتها الموجودة بكتابها ظريف اذا بتستمتعو بشوفة الأكل وتحضيرو.. ميريل ستريب كان دورها حلو.. متل العادة بعطيه 7/10    Report

02-16-2010, 10:49 PM talah26 Joined on 05-21-2008 ئدام الشباك Posts 1,531 Re: فيلم خرج و فيلم مو خرج Jane Auston book club فلم ببتودر احداثو عن مجموعة نسوان عاملين كلوب ليناقشو اعمال الكاتبة اوستون وكيف حياتون بتعكس الروايات بكشل او باخر حلو  نوعا ما لاني يمكن بحب روايات جين استون بالنهاية كانت نهاية سعيدة للكل وكل واحد اخد الي بيحبو   إن غدا لناظره قريب    Report

02-17-2010, 06:26 AM blawlashi Joined on 11-20-2005 Posts 11,815 Re: فيلم خرج و فيلم مو خرج  talah26 wrote: Jane Auston اوستون  لاني يمكن بحب روايات جين استون تحبك العافية اخت تالة ما شاء الله حولك انتي التانية مقسومين .. لك قوم فوت نام وصير حلام    Report

02-17-2010, 06:55 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج استون مادة لازالة المناكير واذا بتشمها بعمق بتنبسط ونلقوط ورق الدخان قال نعملهون مصاري    Report

03-02-2010, 08:03 AM talah26 Joined on 05-21-2008 ئدام الشباك Posts 1,531 Re: فيلم خرج و فيلم مو خرج أريضة تأرضك انت وياه , علئولي على حرف المهم فيلم اليوم هو Shutter islandللفنان الموهوب ليوناردو ديكابريو  الفيلم بيحكي عن مارشال راح على جزيرة هي مكان متل المشفى للامراض العقلية مشان يحقق باختفاء احد المرضى. وبعدين بيصير في تطور بالاحداث تنتهي فيه هو ذاتو مارح احكي كتير مشان ما انزع الفلم لانو يفضل الواحد يحضروا من دون ما يكون يعرف شو لح يصير مشان يستمتع. ويحبذ مشاهدة الفيلم اكثر من مرة لانو في كتير تفاصيل الفلم حلو كا اخراج وئصة وتمثيل بياخد 8 من عشرة العلامتين راحو  because it has lots of disturbing scenes including child murder and holocaust corpses and people opining their eyes right into the screen..... إن غدا لناظره قريب    Report

03-02-2010, 08:25 AM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج في فيلم ع أساس كان قريبا والمفروض يكون انعرض اكيد ع الفالنتاين دي بس مو مخلين ممثل الا وححاطينو بهالفلم حدا شافو شي؟؟    Report

03-02-2010, 01:52 PM Tomato_83 Joined on 11-20-2005 Posts 6,409 Re: فيلم خرج و فيلم مو خرج شو اسم الفيلم؟    Report

03-02-2010, 02:00 PM AmeRiCanCoFFee Joined on 12-20-2005 Dubai Posts 8,264 Re: فيلم خرج و فيلم مو خرج  talah26 wrote: للفنان الموهوب والراقصة المبدعة سمارا      Report

03-02-2010, 02:08 PM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج  Tomato_83 wrote: شو اسم الفيلم؟ Valentine's Day حضرتيه شي؟    Report

03-02-2010, 10:48 PM AmeRiCanCoFFee Joined on 12-20-2005 Dubai Posts 8,264 Re: فيلم خرج و فيلم مو خرج فيلم اليوم اسمه Felon بيحكي عن واحد مسكين انحبس ظلم وعم يكتشف حياة السجن الحقيرة وتبعاتها اذا كنتوا من الفانز تبعات هالفيلمين The last castle, The Shawshank redemption معناها هالفيلم بيعجبكم ما وصل لمستواهم طبعاً بس يعتبر من افلام السجن اللي بتنحضر 7/10      Report

Page 78 of 83 (2,067 items) « First ... < 76 77 78 79 80 > ... Last »

Souriaty Club » غرف المناقشة با... » غرفة سوريا الاج... » فيلم خرج و فيلم مو خرج

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة