Search Sort Posts:  Oldest to newest Newest to oldest

08-21-2006, 03:34 PM Tomato_83 Joined on 11-20-2005 Posts 6,005 وانقطعت الكهربا ما ستقرأونه الآن ليس فصلا من فصول "سوريات من تأليف عضاوات سوريا دوت كوم" بل هي قصة حقيقية حدثت بالامس:ـ   الساعة الثامنة و النصف مساءا... المكان: منزل عائلة طمطومة في دمشق الحدث: عائلة طمطومة عم تتفرج على احياء ليلة الاسراء و المعراج المنقولة من الجامع الاموي بدمشق   فجأة!    تنقطع الكهرباء في المنزل و لكن ليس بشكل كامل، بس خطين من اصل تلاتة   ام طمطومة: اي شكلو عطل و هلأ بيصلحوه، مو كل الخطوط مقطوعة لأن   بعد مضي ساعة   اخو طمطومة: كأنو طولوا فيها؟ ليكون لهلأ ما عرفو؟ ام طمطومة: يللا اذا ما اجت بعد نص ساعة منتصل منستفسر.. اكيد الجيران صاير معون نفس الشي و حكو مع الطوارئ   الساعة العاشرة مساءا *طمطومة تتصل بطوارئ كهرباء المزة*   طمطومة: يعطيك العافية طوارئ المزة؟ الموظف: نعم طوارئ المزة، خير؟ طمطومة: اخي نحنا هون بالمنطقة الفلانية صرلها الكهربا مقطوعة من الساعة تمانة و نص.. بس الخطوط شي شاعل و شي مطفي الموظف: وين العنوان؟ *طمطومة تعطيه العنوان* الموظف: يللا راح نبعتلكون سيارة الطوارئ *انتهى الحوار* طمطومة: شو هالسلبة؟ معقول لهلأ مو دريانين فيها؟ ام طمطومة: الظاهر جارتنا السئي نئي ببيت اهلها اليوم.. يللا المهم يصلحوها قبل ما ننام الدنيا جهنم الليلة   تمر  ساعة و نصف و التيار الكهربائي بعدو مقطوع.. الساعة 11:30 طمطومة: راح ارجع اتصل شوف شو صار معهون *طمطومة تتصل بطوارئ الكهرباء* طمطومة: يعطيك العافية الموظف: اهلين.. طمطومة: اخي نحنا هون بالمزة صارلها مقطوعة الكهربا من التمانة ونص وللآن ما اجت.. و اتصلنا من ساعة و نص قلتولنا راح تبعتو سيارة مشان تشوف المشكلة و لهلأ ما صار شي الموظف: اففف من الساعة تمانة و نص مقطوعة؟! طمطومة: ايه و اتصلنا و خبرناكم الموظف: اي ما عندنا علم بالموضوع طمطومة: شلون بقا ما عندكون علم؟؟؟ الموظف: اختي عطيني العنوان عالمظبوط لشوف و رقم التليفون لو سمحتي *طمطومة تعطيه المعلومات* الموظف: بيت مين انتو اختي؟ طمطومة: بيت فلان الموظف: خلص هلأ منبعت سيارة عالسريع مشان تشوف الموضوع... و منتصل فيكون مشان نتأكد انو شعلت طمطومة: شكرا اخي   و تمر ساعة كاملة طويييييلة... ولكن دووون جدوى.. الساعة 12:30 طمطومة: امي مشاااااان الله دقيلون انتي ليكون فكروني بنت صغيرة عم تمزح وللا شي *ام طمطومة تتصل* ام طمطومة: يعطيك العافية اخي الموظف: اهلين يا اختي ام طمطومة: اخي نحنا مقطوعة الكهربا عنا الها من الساعة تمانة و نص الموظف: انتو بيت فلان ام طمطومة: ايه نعم الموظف: بعتنا السيارة لعندكون دغري يللا عالطريق. متما وصلت بيحكو معكون ام طمطومة: ايه خير انشالله.. شكرا   بعد نصف ساعة.. الساعة 1:00 طمطومة: ايه شو جاية السيارة من حلب؟؟ وللا الاتوتستراد عليه زحمة يعني؟؟ ام طمطومة: طولي بالك امي بيكون عم يشتغلو بغير مكان هلأ بيجو طمطومة: انا فايتة نام و امري لله.. منفتح الشباك بركي بتنسم شوي   طمطومة تفكر... يا سلام شو هالهدوء.. با ينتها مقطوعة بالمنطقة كلها... معقول بكل هالبيوت ما حدا حكا معهون.. عجيب!! فجأة   ورررررررررررررررررررررررررررررررررررررررررررررررررررر   ولي يعلى حظي من مكيف الجيران!! كان ناقصني التراكتور عند هالمسا.. ليش مو مقطوع خطو يا ربي دخيلك     الساعة الرابعة و النصف صباحا... لازالت الكهرباء مقطوعة... المؤذن ينادي لصلاة الفجر يستيقظ اهل البيت... هادا اذا كانو نامو اصلا طمطومة: الله لا يعطيون العافية لو السيارة جاية من هونولولو كانت وصلت... راح تطلع روحي *طمطومة تتجه نحو الهاتف* ام طمطومة: شو عم تساوي؟؟ طمطومة: هلأ بتشوفي *تتصل بالطوارئ* الموظف: نعم طمطومة: الله ينعم عليك.. نحنا بيت فلان بالمزة.. شو صار مشان عطل الكهربا؟؟ الموظف: انو عطل؟ طمطومة: شو انو عطل؟ مقطوعة عنا الكهربا الها من التمانة و نص المسا و لهلأ ما اجت و صرنا كذا متصلين على امل تحنو سيادتكون و تبعتولنا حدا يشوفها؟ يا اخي ما عندكون احترام لهالمواطن المعتر؟؟ مالك شايف الدنيا شوب و الدنيا جهنم؟؟ معلوم جنابك قاعد عندك دش و عندك كونديشن شو بدك بباقي العالم انشالله ينفتقوا الموظف: طولي بالك يا اختي هلأ وعد مني خلص.. حالا حالا بشفلك الموضوع طمطومة: ماشي شكرا.. بس بسرعة اذا بتريد *تغلق طمطومة سماعة الهاتف و تبحث في دليل الهاتف عن رقم اخر* ام طمطومة: فشيتي برعتك؟؟ ريحتي فؤادك؟؟ قومي خلصينا فضحتي الدنيا طمطومة: لحظة شوي لسا ما خلصت ام طمطومة: لمين بدك تدقي بنصاص الليالي؟ طمطومة: اسمعي *تطلب طمطومة الرقم و يرن الرقم المطلوب* على الطرف الاخر و بصوت نائم: نعم طمطومة: ريتو الله لا ينعم عليك يا قليل الزوق يللي بلا احترام... شو مو سمعان التراكتور يللي عم يورر تحت شباكون؟؟ شو فكرك الناس كلها عندها مكيفات و بتسكر شباكها لما تنام مشان ما تسمع تراكتورك؟؟ ما عاد تعرف تنام بلا مكيف بطيخ؟؟ العما شو انك بلا اخلاق!! بتحب حدا من الجيران يشعل مكيفو هيك على العالي متل ما حضرتك ما عامل؟؟ شو ما عاد حدا يفهم انو الجيران بشر و لازم يكون في احترام بين الجار و جارو؟؟ انشالله الفتقة الجار يللي صحصح من هول البهدلة و الشرشحة: لك مين انتو؟؟ بيت ميين؟؟ طمطومة: ما بيهم بيت مين يا بني ادم.. المهم من الجيران.. المهم انك تفهم انك بلا زوق و بلا ترباية الجار: انا بورجيكون...طلع رقمكون على الكاشف والله لبهدلكون.. لو انتي شاطرة كنتي دقيتي عالبا... *تطبش طمطومة السماعة بخلقة الجار النعسان الحردان* ام طمطومة: يي الله لا يعطيكي العافية على هالعملة طمطومة: معليش امي حاجتون مدمدة.. ما بيكفي متحملين سآلتون و الدبك فوق راسنا؟ منيح يللي مالنا هون طول السنة شو كنا عملنا بحالنا؟؟ خليون يحسو قديشون سئلا و مزعجين   في تلك الاثناء.. بتشعل الكهربا.. و تغلق طمطومة شباك غرفتها و تسدل الستائر حتى لا يدخل ضوء الشمس الى الغرفة و يقلق نومها.. و تشعل المكيف على ابرد شي و تتأكد انو الوحدة البرانية ما عم توررر متل التراكتور حتى لا تجعز جيرانها.. ثم تنام قريرة العين مرتاحة البال   تمت عيد سعيد    Report

08-21-2006, 03:38 PM Tomato_83 Joined on 11-20-2005 Posts 6,005 Re: وانقطعت الكهربا هي الصراحة.. القصة كلها متل ما خبرتكون ماعدا اخر مشهد تبع تليفونات نص الليل... اللي صار كان كما يلي:     الساعة الرابعة و النصف صباحا... لازالت الكهرباء مقطوعة... المؤذن ينادي لصلاة الفجر يستيقظ اهل البيت... هادا اذا كانو نامو اصلا طمطومة: الله لا يعطيون العافية لو السيارة جاية من هونولولو كانت وصلت... راح تطلع روحي *طمطومة تتجه نحو الهاتف* ام طمطومة: شو عم تساوي؟؟ طمطومة: هلأ بتشوفى ام طمطومة تأخذ سماعة الهاتف من يد طمطومة و تقول: قومي.. قومي الله يرضى عليكي هدول ما بيجو بالبهدلة.. هلأ بعدين بالجكارة ما بيعودو بيوصلوها بنوب.. قومي صلي و اتكلي على ربك ما الك غيرو هلأ بعدين حبيبتي لو كانو بدون يوصلوها كانو وصلوها من زمان.. بس الجماعة بيكون اندفسو طمطومة: طيب شو مشان هدول الجيران و التراكتور تبعهون؟ ام طمطومة: تعي نامي بالصالون النسمة احلى و مافي ضوجة.. امرك لله     ولم تصل الكهرباء الا في الساعة الحادية عشرة صباحا هلأ تمت عن جد عيد سعيد    Report

08-21-2006, 03:44 PM Tomato_83 Joined on 11-20-2005 Posts 6,005 Re: وانقطعت الكهربا المضحك في الموضوع.. انو هلأ و انا عم اكتب البوست ردت انقطع الكهربا.. بس هالمرة اتصلت دغري بالطوارئ الموظف بنبرة تفاؤلية: ايوة طمطومة: يعطيك العافية اخي الموظف: اهلا وسهلا طمطومة: نحنا هون ب... الموظف: المنطقة الفلانية؟ طمطومة: ايه الموظف: 10 دقايق عيني.. خلل بسيط طمطومة: 10 دقايق وللا لبكرة؟؟ طول الليل كانت مطفية لأن الموظف: لأ اختي ولا يهمك.. بس 10 دقايق على الاكتر.. على عيني وراسي..   و بالفعل.. خلال اقل من ربع ساعة كانت الكهربا راجعة   عنجد بلدنا نهفة عيد سعيد    Report

08-21-2006, 03:48 PM soukrat Joined on 11-20-2005 germany Posts 11,729 Re: وانقطعت الكهربا عنجد بلدنا نهفة http://bsam.4t.com/    Report

08-21-2006, 03:56 PM toulin Joined on 11-24-2005 Posts 2,847 Re: وانقطعت الكهربا وكاسك ياوطن   Toulin محشوة بحبك...كوسادة    Report

08-21-2006, 04:18 PM AlMzanber Joined on 03-29-2006 عودة المقاتل الشرس Posts 9,816 Re: وانقطعت الكهربا لك هي انتي اللي كنتي عم تدقي لابن عمتي بالطوارئ طول الليل ؟ طيب قولي هالموظف تعبان وكحيان وبدو ينام شوي؟ يعني الا ما تقلقي راحتو يعني ؟؟ كل راتبو 4500 ليرة دخلك ليش ليعذب حالو يعني ؟؟ لك دخيل رب الزوق بس لو أنو بينشرى وينباع الله حيووووووووو المزنبر والقصة من زاوية أخرى متحلي بالصبر    Report

08-21-2006, 04:42 PM AlMzanber Joined on 03-29-2006 عودة المقاتل الشرس Posts 9,816 Re: وانقطعت الكهربا على هالسيرة .. تعو لاحكيلكون هالسيرة اللي اطول من تبع طمطومة حسب مبدا الشيء بالشيء يذكر اول شي بحب اعطيكون فكرة عني انا ... كالشخص اللي بيكتب باسم المزنبر انا انسان سلبي بكل معنى الكلمة .. يعني بحياتي ما فكرت اني دق لطوارئ لا كهربا ولا مي ولا تلفون ولا حتى اسعاف او اطفاء يعني بقول لحالي لشو حتى وجع قلبي وهز بدني .. خلص مستعد نام بالشوب وبلا مي نهارين بين ما تتصلح لحالا .. مقابل انو ما اسمع صوت حدا من الموظفين ما علينا هي مرة كنت راجع من الشغل وعم اتناول وجبة الغداء بالبيت .. واذ بتنط خالتكون ام المزنبر وبتقلو تعا لهون بسرعة عالشباك وقفت عالشباك وشفت هداك المنظر شفت مي عم تخدق خدق من جنب بنايتنا فقلت لام المزنبر : يخزي العين شو هالبير اللي عم تخدق المي منو ام المزنبر وقد طقت مرارتها  المسكينة على مر السنين : حبيبي هدا بوري مي مضروب وشكلو البوري الرئيسي انزيل شوف القصة بلا تنبلة والله نزل المزنبر ليستكشف شو القصة ..وبعد حوارات بناءة مع الناطور ومع ابو عبدو الحبش وهو رئيس لجنة  السرقة بالبناية بالاضافة لابو فراس وابو محمد والسيد العميد القاطن في نفس البناء .. استنتجنا انو هدا بوري مي نضيفة وباردة يعني فيجة وانو هالمياه عم تروح هدر ولازم نتصرف بسرعة وانصرفنا بس ما اتفقنا شو لازم نعمل .. رجعت بهالخبرية لعند خالتكون ام المزنبر وخبرناها شو دار بالقمة اللي دارت بسفل البناية قامت طلبت مني احكي مع الطوارئ .. طبعا انا رفضت بشكل قاطع وتحججت بأنو ابو فراس رح يحكي معهون .. مع انو ابو فراس كان رايح على صلاة العصر وما منظرو واحد رح يحكي مع حدا المهم مالكون بالطويل .. بعد ما قالتلي الله يرضى عليك بامزنبر وبعد ما تدخل ابي بشكل جزئي عن طريق عبارات وكلمات تهديدية وتقريعية .. قلت لحالي ياولد اشتري راحت بالك ودق للطوارئ مسكنا هالسماعة حكينا مع طارق اخدنا منو رقم الطوارئ ودقينا المزنبر: يعطيك العافية حبيبنا الموظف : اهلين المزنبر : يسلملي هالصوت الحلو.. دخيل عينك ابو الشباب نحنا قصتنا واحد اتنين تلاتة وعطيناه نبذة عن الموضوع الموظف : يا اخي هون الطوارئ الرئيسية نحنا ما دخلنا احكي مع الطوارئ بالمنطقة عندكون المزنبر : طيب بدنا نعزبك معنا يا اكابري في مجال رقمهون الموظف : والله ما بعرفو يا اخي المزنبر عقلو جوزتين بخرج ودقو ببعضهون وانفلتت عليه على سيرة شو هالحكي والمي نظيفة عم تروح كب .. وبصير وما بصير ..ولازم تكونو انتو المسؤولين وانا فاعل خير ومن هالحكي  الموظف اعتذر نوعا ما وقللي واكدلي انو فعلا ما بيطلع بايدو يعمل شي هون انا حسيت حالي سمعان صوت هالزلمة قبل فسألتو : مين عم يحكي الموظف : الله يعطيك العافية يا اخي بتؤمر بشي تاني المزنبر : بالله شو اسمك حبيب ؟ الزلمة فكرني بدي هددو او شي الموظف : اخي ما تواخزنا الله معك المزنبر قبل ما يسكر الموظف : بالله مو فلان عم يحكي الموظف بعد صفنة : لا يا اخي المزنبر : بالله مو فلان الفلاني ؟ الموظف بخوف : ايه معك تفضل المزنبر : لك ما عرفتني ياقليل الخير يا كذا يا كذا .. لك انا واياك كنا رفقات بمدرسة كذا وقت كنا بالحادي عشر معقول نستيني ؟؟ طبعا هومعو حق ينساني .. انا تذكرتو لانو صوتو متل الجاروشة مافيك تنساه.. ولهجتو مميزة المهم تبادلنا الذكريات والسلامات لمدة عشر دقايق وخالتكون ام المزنبر كل شوي : لك قلو يلاقيلنا حل للقصة المهم قلنالو للزلمة والله حرام هالمي وانا قلبي عالبلد واستجديت الضمير الوطني بالزلمة قام بالاخير اقتنع واخد العنوان بالتفصيل ومالكون عليي يمين ربع ساعة مو اكتر كانت جاية فرقة طوارئ ولا فرقة حفظ النظام بعزها   والله اجو الجماعة واشتغلو وتجمعت كبارية البناية تحت عم يعطو ملاحظتهون ورأيهون بالاهمال المستشري بالبلد وعن المسؤول عن هذا التقصير والنهفة انو سيادة العميد هو اكتر واحد نقد ووجه ملاحظات ومسبات وما حدا مسترجي يقلو حتى ايه والله او معك حق..  بس عم يهزو براسون والانهف انو عمكون ابو المزنبر نزل لتحت كمان وقال بكل فخر واعتزاز انو ابنو المزنبر حكا مع عالم بيعرفهون بالطوارئ وهذا سبب تلبية النداء بهذه السرعة طبعا الكل اثنو على المزنبر واخلاقو العالية وتربايتو وصفاتو اللي ورثها عن ابو المزنبر طبعا مع العلم اني وقتها كنت قاعد بالشورت وعم تابع جزيرة الكنز ومطموز منهون لانو بدي اطلع عالبرندة دخن بس ما فيني طول ما هنن واقفين تحت ... وموقفين ابو المزنبر معهون الخلاصة : انو الموظف اللي طلع رفيقي اكدلي انو ما بيطلع بايدو شي ولو كان بيقدر ما بقصر وحلف مية يمين على هالقصة بس بالاخير بربع ساعة كان كل شي خالص وتوتة توتة وخلصت الحتوتة الله حيووووووووووو المزنبر وسيرة مالكون فيا   متحلي بالصبر    Report

08-21-2006, 04:51 PM Alpha2008 Joined on 06-15-2006 Posts 2,633 Re: وانقطعت الكهربا  AlMzanber wrote: على هالسيرة .. تعو لاحكيلكون هالسيرة اللي اطول من تبع طمطومة حسب مبدا الشيء بالشيء يذكر اول شي بحب اعطيكون فكرة عني انا ... كالشخص اللي بيكتب باسم المزنبر انا انسان سلبي بكل معنى الكلمة .. يعني بحياتي ما فكرت اني دق لطوارئ لا كهربا ولا مي ولا تلفون ولا حتى اسعاف او اطفاء يعني بقول لحالي لشو حتى وجع قلبي وهز بدني .. خلص مستعد نام بالشوب وبلا مي نهارين بين ما تتصلح لحالا .. مقابل انو ما اسمع صوت حدا من الموظفين ما علينا هي مرة كنت راجع من الشغل وعم اتناول وجبة الغداء بالبيت .. واذ بتنط خالتكون ام المزنبر وبتقلو تعا لهون بسرعة عالشباك وقفت عالشباك وشفت هداك المنظر شفت مي عم تخدق خدق من جنب بنايتنا فقلت لام المزنبر : يخزي العين شو هالبير اللي عم تخدق المي منو ام المزنبر وقد طقت مرارتها  المسكينة على مر السنين : حبيبي هدا بوري مي مضروب وشكلو البوري الرئيسي انزيل شوف القصة بلا تنبلة والله نزل المزنبر ليستكشف شو القصة ..وبعد حوارات بناءة مع الناطور ومع ابو عبدو الحبش وهو رئيس لجنة  السرقة بالبناية بالاضافة لابو فراس وابو محمد والسيد العميد القاطن في نفس البناء .. استنتجنا انو هدا بوري مي نضيفة وباردة يعني فيجة وانو هالمياه عم تروح هدر ولازم نتصرف بسرعة وانصرفنا بس ما اتفقنا شو لازم نعمل .. رجعت بهالخبرية لعند خالتكون ام المزنبر وخبرناها شو دار بالقمة اللي دارت بسفل البناية قامت طلبت مني احكي مع الطوارئ .. طبعا انا رفضت بشكل قاطع وتحججت بأنو ابو فراس رح يحكي معهون .. مع انو ابو فراس كان رايح على صلاة العصر وما منظرو واحد رح يحكي مع حدا المهم مالكون بالطويل .. بعد ما قالتلي الله يرضى عليك بامزنبر وبعد ما تدخل ابي بشكل جزئي عن طريق عبارات وكلمات تهديدية وتقريعية .. قلت لحالي ياولد اشتري راحت بالك ودق للطوارئ مسكنا هالسماعة حكينا مع طارق اخدنا منو رقم الطوارئ ودقينا المزنبر: يعطيك العافية حبيبنا الموظف : اهلين المزنبر : يسلملي هالصوت الحلو.. دخيل عينك ابو الشباب نحنا قصتنا واحد اتنين تلاتة وعطيناه نبذة عن الموضوع الموظف : يا اخي هون الطوارئ الرئيسية نحنا ما دخلنا احكي مع الطوارئ بالمنطقة عندكون المزنبر : طيب بدنا نعزبك معنا يا اكابري في مجال رقمهون الموظف : والله ما بعرفو يا اخي المزنبر عقلو جوزتين بخرج ودقو ببعضهون وانفلتت عليه على سيرة شو هالحكي والمي نظيفة عم تروح كب .. وبصير وما بصير ..ولازم تكونو انتو المسؤولين وانا فاعل خير ومن هالحكي  الموظف اعتذر نوعا ما وقللي واكدلي انو فعلا ما بيطلع بايدو يعمل شي هون انا حسيت حالي سمعان صوت هالزلمة قبل فسألتو : مين عم يحكي الموظف : الله يعطيك العافية يا اخي بتؤمر بشي تاني المزنبر : بالله شو اسمك حبيب ؟ الزلمة فكرني بدي هددو او شي الموظف : اخي ما تواخزنا الله معك المزنبر قبل ما يسكر الموظف : بالله مو فلان عم يحكي الموظف بعد صفنة : لا يا اخي المزنبر : بالله مو فلان الفلاني ؟ الموظف بخوف : ايه معك تفضل المزنبر : لك ما عرفتني ياقليل الخير يا كذا يا كذا .. لك انا واياك كنا رفقات بمدرسة كذا وقت كنا بالحادي عشر معقول نستيني ؟؟ طبعا هومعو حق ينساني .. انا تذكرتو لانو صوتو متل الجاروشة مافيك تنساه.. ولهجتو مميزة المهم تبادلنا الذكريات والسلامات لمدة عشر دقايق وخالتكون ام المزنبر كل شوي : لك قلو يلاقيلنا حل للقصة المهم قلنالو للزلمة والله حرام هالمي وانا قلبي عالبلد واستجديت الضمير الوطني بالزلمة قام بالاخير اقتنع واخد العنوان بالتفصيل ومالكون عليي يمين ربع ساعة مو اكتر كانت جاية فرقة طوارئ ولا فرقة حفظ النظام بعزها   والله اجو الجماعة واشتغلو وتجمعت كبارية البناية تحت عم يعطو ملاحظتهون ورأيهون بالاهمال المستشري بالبلد وعن المسؤول عن هذا التقصير والنهفة انو سيادة العميد هو اكتر واحد نقد ووجه ملاحظات ومسبات وما حدا مسترجي يقلو حتى ايه والله او معك حق..  بس عم يهزو براسون والانهف انو عمكون ابو المزنبر نزل لتحت كمان وقال بكل فخر واعتزاز انو ابنو المزنبر حكا مع عالم بيعرفهون بالطوارئ وهذا سبب تلبية النداء بهذه السرعة طبعا الكل اثنو على المزنبر واخلاقو العالية وتربايتو وصفاتو اللي ورثها عن ابو المزنبر طبعا مع العلم اني وقتها كنت قاعد بالشورت وعم تابع جزيرة الكنز ومطموز منهون لانو بدي اطلع عالبرندة دخن بس ما فيني طول ما هنن واقفين تحت ... وموقفين ابو المزنبر معهون الخلاصة : انو الموظف اللي طلع رفيقي اكدلي انو ما بيطلع بايدو شي ولو كان بيقدر ما بقصر وحلف مية يمين على هالقصة بس بالاخير بربع ساعة كان كل شي خالص وتوتة توتة وخلصت الحتوتة الله حيووووووووووو المزنبر وسيرة مالكون فيا     أنو حلقة كانت بجزيرة الكنز لأنو في حلقة راحت عليي بئا انشالله تتطلع هي يلي كنت عم تحضرا مشان تحكيلي ياها    Report

08-21-2006, 04:55 PM AlMzanber Joined on 03-29-2006 عودة المقاتل الشرس Posts 9,816 Re: وانقطعت الكهربا  Alpha2008 wrote:  AlMzanber wrote:   أنو حلقة كانت بجزيرة الكنز لأنو في حلقة راحت عليي بئا انشالله تتطلع هي يلي كنت عم تحضرا مشان تحكيلي ياها كانت اول الحلقات ... لسة سيلفر ما كان طالع بالقصة .. وقت يكون هداك القرصان تبع خمسة عشر رجلا خايف وبلش يبين عليه المرض اللهم عافينا وبشوفو هداك ابو جنازير .. عرفتيها .؟ المشكلة نسيان الاسماء الله حيووووووو     متحلي بالصبر    Report

08-21-2006, 05:12 PM shamsouri Joined on 11-19-2005 شامتنا Posts 7,410 Re: وانقطعت الكهربا نحنا بركن الدين متطورين ومتحضرين اكتر من المزة ما بتنقطع عنا غير بالشهر مرة يمكن لأنو عميعطو لبنان كهربا حتى لمن عم يقطعوها ما بتضل اكتر من نص ساعة او ساعة عل اكتر العالم في عصر اوباما    Report

08-21-2006, 05:20 PM Tomato_83 Joined on 11-20-2005 Posts 6,005 Re: وانقطعت الكهربا  AlMzanber wrote: لك هي انتي اللي كنتي عم تدقي لابن عمتي بالطوارئ طول الليل ؟ طيب قولي هالموظف تعبان وكحيان وبدو ينام شوي؟ يعني الا ما تقلقي راحتو يعني ؟؟ كل راتبو 4500 ليرة دخلك ليش ليعذب حالو يعني ؟؟ لك دخيل رب الزوق بس لو أنو بينشرى وينباع الله حيووووووووو المزنبر والقصة من زاوية أخرى شو عمو مزنبر ما كملت قراء الرواية للنهاية؟ عيد سعيد    Report

08-21-2006, 05:32 PM nonilove Joined on 12-27-2005 Posts 3,063 Re: وانقطعت الكهربا مرة انقطعت عنا بسوريا وطولت كتيرر وديما لمن بتصل بيقلولي راح يصلحوا العطل بس مافي فايده او مابيردوا على التلفون ابدااا  ومرة من كتر ماطولت وانا عصبت اتصلت فين قلتله خيو ايمتا يعني راح اتصلحوا العطل قالي مابعرف ايمت بدك بنصلحه قلتله اذا مافي مانع قوم هلا قالي اي امرك وسكرت وماصلحوها وانا ضل اتصل عناد وبالاخر طلعتلي واحد معصب قام عليي بالعالي قلتله عفوا بس لايمتا يعني راح اضلها مقطوعه قالي مابعرف انشالله ديما اضلها مقطوعه عندك وماانصلحها هون كبرت براسي وعملت حالي بنت مسئول كبير قلتله لو بتعرف مع مين عم تحكي ولا ماكنت هيك حكيتني قالي مين قلتله رقمي طلع عالكاشف عندك وفينك تعرف مين انا وبنت مين وبطريقك وصلني بالخط المباشر مع مدير عام الكهربا وعطيته اسمه قالي عفوا هلا هو نايم قلتله فيقه وقله انه بهل المنطقه مقطوعه ولا هو نايم مرتاح ونحنا لاء قالي والله مابسترجي وماتواخذيني لانه ماكنت بعرف مين انتي واستري ماشفتي مني كنت معصب وحكيتك بالعالي ولاني مابقدر ماطالع كذبتي منشان فرجيه كيف كان معصب واتحول لخارووف وضيع قلتله على كلن انا ماني متل لفكرت وهاد الشخص مابعرفه كله على بعضه بس حبيت فرجيك لو كنت مسئوله كيف كنت عاملتني منيح ولو اني مواطنه عاديه كنت تطلع عليي بالحكي متل لطلعت قالي انا بعتذر وهلا وعد راح جيب الكهربا وفعلا مافي شوي وجابوها بس ماكررت العمليه لانه اول وحده مرقت على خير والتانيه يمكن روح فيها ههههههه طمطومة جربي هل الحل بس مرة وحده مو تنين سلامي   عازز عليا النوم وطيفك على بالي    Report

08-21-2006, 05:33 PM Tomato_83 Joined on 11-20-2005 Posts 6,005 Re: وانقطعت الكهربا  AlMzanber wrote: على هالسيرة .. تعو لاحكيلكون هالسيرة اللي اطول من تبع طمطومة حسب مبدا الشيء بالشيء يذكر ..... صدق من قال الدنيا حظوظ هلأ لو هاد الموظف النايم يللي رد عليي كان رفيقي بالابتدائي كانت اجت الكهربا دغري و نمنا مرتاحين عيد سعيد    Report

08-21-2006, 05:40 PM Tomato_83 Joined on 11-20-2005 Posts 6,005 Re: وانقطعت الكهربا  nonilove wrote: ههههههه طمطومة جربي هل الحل بس مرة وحده مو تنين هو هيك كانت النية.. بس ما ظبطت معي عيد سعيد    Report

08-21-2006, 06:15 PM AlMzanber Joined on 03-29-2006 عودة المقاتل الشرس Posts 9,816 Re: وانقطعت الكهربا