Search Sort Posts:  Oldest to newest Newest to oldest

03-23-2010, 01:56 PM Mediaz Joined on 07-21-2009 Posts 23 Re: فيلم خرج و فيلم مو خرج Law Abiding Citizen من السنة الماضية فيه شي جديد عن العادة، خلال عشر سنين من جريمة قتل ما قدر القانون غير على الوقوف مع المجرم،  خلال يحسب انو يعلم الناس بحياتهم ثغرات القانون. النهاية كنت اتمنى انو ما تكون هيك من وقت اكتشاف النفق يلي عاملو بس مع ذلك يبقى الفلم ذو بخصوصيتو. ما بيتصور انو بيستاهل اي جائزة بس فلم يحضر.   من عشرة بيستاهل سبعة و نص    Report

03-23-2010, 07:11 PM aliana Joined on 11-19-2005 Montréal Posts 4,643 Re: فيلم خرج و فيلم مو خرج the ghost writer بيحكي عن شاب مكلف إنو ينقح مسودة كاتبا رئيس وزراء بريطانيا السابق بيحكي فيها عن قصة حياتو ،،،بهالوقت بتتقرر محاكمتو كمجرم حرب هلق شي طبيعي الواحد يتخيل قصة كلاسيكية عن البطل اللي بينظلم وبعدين بيظهر الحق وبيزهق الباطل وبالأخير بينفد وبعيش بسبات ونبات بس القصة بتطلع غير هيك كلياً...يعني نهاية مفاجئة نسبياً وهي أحلى شي بالموضوع الفيلم بإختصار كتير بارد وإيقاعو ممل جداً، بريس بروسنان كتير غليظ و دورو متل ضيف الشرف لا فكاهة ولا مزية أحلى شي بالفيلم BMW تئبش قلبي وإذا بدي أعطي علامة ما بعطي غير مشانا   بإختصار،،،نوط إمبرسد    Report

03-27-2010, 09:26 AM blawlashi Joined on 11-20-2005 Posts 11,815 Re: فيلم خرج و فيلم مو خرج The Bounty Hunter فيلم من بطولة جينيفر آنيستون يلي كل ما تكبر تحلى .. وريتشارد بتلر القصة إنو أبو الريتش بيلاحق مجرمين مقابل مصاري .. وبيوم من ذات الإيام بيطلبو منو يجيب طليقتو يلي هيه أم الجين .. فبيفرح وبينبسط وبيروح يتغالظ عليها ويزنبر عليها مشان ياخدها للسجن الفيلم مهضوم وبيضحك وبيسلي .. بس طبعاً لا تقعد تشغل بالك بالأحداث والقصة الفايتة بالحيط خرج إذا حابين تحضرو فيلم كوميدي مهضوم خفيف مع شوية رومانس ومشاعر مشلخة ما خرج إذا عقلكون أكبر من هيك قصص بياخد 7 من 10 مقسومين .. لك قوم فوت نام وصير حلام    Report

03-27-2010, 09:40 AM DeadManwalkingExtra Joined on 11-29-2005 nos su-umus... magni eri... munitores pyramidum... Posts 1,409 Re: فيلم خرج و فيلم مو خرج * Gerard Butler Viva La Revolución    Report

03-27-2010, 11:43 AM anas262 Joined on 05-07-2006 Posts 6,112 Re: فيلم خرج و فيلم مو خرج Ocean's thirteen فلم جريمة ( ماي فيفوريتس) كتير حلو وفيه تشكيلة تير كبيرة من النجوم اللي بيأبدعو فيه بس بدو تركيز بليرة بياخد سبعة من عشرة برياحة اذا حضرانين الاوشنز الفن shutter island سبعة من عشرة لليوناردو دي كابريو لحالو وباقي الفلم ما بياخد أربعة الباونتي هنتر عالويتنغ ليست هلأ حابب احضر جيرارد بتلر عم يمثل كوميدي    Report

04-04-2010, 06:40 AM blawlashi Joined on 11-20-2005 Posts 11,815 Re: فيلم خرج و فيلم مو خرج Green Zone أو المنطقة الخضراء من بطولة مات ديمون العظيم فيلم أكشن حلو ممتع خفيف نضيف ما بدو تشغيل مخ .. لأنو هو بيقلك شو القصة وشو الحكمة وشو العبرة ونوعاً ما بيقلك شو رح يصير بالأخير من الأول بس مشكلتو إنو متأخر شي 5 - 6 سنين .. لأنو لو انعرض من شي 5 - 6 سنين كان خرب الدنية أما هلق بتشوف الفيلم وبتقول Dude! I already know that! بس إنو خرج كفيلم أكشن وبيستاهل 6 من 10 مقسومين .. لك قوم فوت نام وصير حلام    Report

04-07-2010, 06:02 PM MISS_LAMIA Joined on 01-03-2008 Posts 235 Re: فيلم خرج و فيلم مو خرج شو في فيلم رومانسي حلو خرج الواحد يشوفو؟ مرات كتير ما بعرف شو بني    Report

04-07-2010, 06:09 PM ice_mano Joined on 10-02-2006 Posts 7,445 Re: فيلم خرج و فيلم مو خرج تايتنك الكبة المشوية خاصتنا لذيذة    Report

04-07-2010, 06:15 PM MISS_LAMIA Joined on 01-03-2008 Posts 235 Re: فيلم خرج و فيلم مو خرج <BLOCKQUOTE><table width="85%"><tr><td class="txt4"><img src="/club/Themes/default/images/icon-quote.gif">&nbsp;<strong>ice_mano wrote:</strong></td></tr><tr><td class="quoteTable"><table width="100%"><tr><td width="100%" valign="top" class="txt4"><P>تايتنك</P></td></tr></table></td></tr></table></BLOCKQUOTE> مالقيت غير هاد مليت منو وصار قديم مرات كتير ما بعرف شو بني    Report

04-07-2010, 06:19 PM ice_mano Joined on 10-02-2006 Posts 7,445 Re: فيلم خرج و فيلم مو خرج مابعرف افلام رومانس غيرو اصلا انا تعلمت الحب منو الكبة المشوية خاصتنا لذيذة    Report

04-07-2010, 07:25 PM stalwart Joined on 11-19-2005 Posts 7,887 Re: فيلم خرج و فيلم مو خرج  blawlashi wrote: Green Zone i love matt daemon but i hate how they made the movie sound like it's gonna be very similar to the bourne movies.. i think it sucked. one thing it was late in concept.. VERY late.. and second.. wtf.. where is the action... matt daemon is falling into this category of the guy who always has no idea what the hell is going on in his action movies.. sort of always just trying to understand and everybody understands everything except him.. ma 7abbeto eh-eh 6/10    Report

04-11-2010, 07:24 AM blawlashi Joined on 11-20-2005 Posts 11,815 Re: فيلم خرج و فيلم مو خرج Edge of Darkness فيلم من بطولة ميل غيبسون يلي وجودو بالفيلم هو الحسنة الوحيدة لهالفيلم البايخ ذكرني بأفلام الفئة التالتة يلي كانو يعرضوها بالقناة الأرضية التانية باختصار فيلم بيخري وما بيستاهل تضيعو وقت عليه   Un Prophete فيلم فرنسي من بطولة ممثل جزائري أو مغربي مالي متأكد قصة الفيلم بتحكي عن شب عربي بيتواجد بالسجن بفرنسا .. بيحاول يضل بعيد عن بقية المساجين لكنو بيلاقي حالو بموقف بيخليه ينتقل لجانب عصابة من عصابات السجن ويصير أهم أعوان رئيس العصابة فيلم ممتع جداً وعجبني كتير .. المخرج عبقري والممثلين أبدعو خرج إذا بتحبو الأفلام الفرنسية أو بتحبو تحضرو قصة وإخراج حلو وأكابر وبيحترم المشاهد مدة الفيلم ساعتين ونص بالمناسبة من 10 بعطيه 8 مقسومين .. لك قوم فوت نام وصير حلام    Report

04-13-2010, 09:03 AM Delamore Joined on 02-04-2006 Posts 3,614 Re: فيلم خرج و فيلم مو خرج  MISS_LAMIA wrote: شو في فيلم رومانسي حلو خرج الواحد يشوفو؟ Friday the 13th What I just said is a fundamental, not subject to opinion, absolute truth, ultimate, unconditional reality and a permanent fact depending on my mood    Report

04-13-2010, 09:14 AM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج Raising Helen فيلم خفيف نضيف بيحكي عن ام واب بيصير معون كانسر وبيضطروا يتركوا ولادون عند خالة الولاد بيفرجونا كيف بتختلف حياتها لهلين وكيف بيعملوا جو المهم ازا ماعندكون شي ودايقة خلاقكن من الفيس بوك شوفوا بي اس: طلع ع ام بي سي ماكس بي اس2: لامانع من وجود أ"طفال تحت العاشرة بينعطى 5 من 10 بس كرمال كيت هدسون الناعمة واناقتها وجون كوربت     Report

04-18-2010, 07:22 AM blawlashi Joined on 11-20-2005 Posts 11,815 Re: فيلم خرج و فيلم مو خرج Nordwand (North Face) فيلم ألماني مقتبس عن قصة حقيقية .. عن شبين ألمان هوايتون يتسلقو الجبال وبينعرض عليهون الشهرة مقابل تسلق أعلى قمة جبلية بالنمسا .. ومعظم وقت الفيلم بيدور حول عملية التسلق .. مع قصة حب يعني إذا الواحد بدو يتفلسف شوي بنقول إنو الفيلم هو عن صراع الإنسان مع الطبيعة الفيلم حلو بس القصة صارت مكررة كتير .. يمكن إذا بتحبو تشوفو المناظر الرائعة وشغل الكاميرا الرهيب على الجبل .. أو إذا بتحبو تشوفو شي مختلف عن السينما الأمريكية .. بهالحالة الفيلم خرج أكتر شي عجبني بالفيلم جملة بتنقال بنهايتو one has lived if one has loved من 10 بعطيه 7 كرمال عين السينما الأوربية مقسومين .. لك قوم فوت نام وصير حلام    Report

04-22-2010, 12:39 PM blawlashi Joined on 11-20-2005 Posts 11,815 Re: فيلم خرج و فيلم مو خرج حدا حضر فيلم Clash of the Titans حاسو بيخـري بس إذا حدا شافو يحكيلنا إذا خرج أما ما خرج مشان ما نضيع وقتنا فيه مقسومين .. لك قوم فوت نام وصير حلام    Report

04-25-2010, 07:44 AM blawlashi Joined on 11-20-2005 Posts 11,815 Re: فيلم خرج و فيلم مو خرج  blawlashi wrote: Clash of the Titans بيخري .. الله يكسر إيديهون على هالفيلم   How to Train Your Dragon فيلم أنيميشن رائع .. من أولتو لآخرتو ما فيه عيب واحد .. الشخصيات مبتكرة والغرافيكس رائعة والموسيقى التصويرية حضارة كتير كتير كتير خرج ما خرج إذا ما كان فيكون جنس الذوق بدون فلسفة 10 من 10 مقسومين .. لك قوم فوت نام وصير حلام    Report

04-25-2010, 01:57 PM DeadManwalkingExtra Joined on 11-29-2005 nos su-umus... magni eri... munitores pyramidum... Posts 1,409 Re: فيلم خرج و فيلم مو خرج  blawlashi wrote: Clash of the Titans I was building high hopes on this one. Viva La Revolución    Report

04-26-2010, 11:55 AM Delamore Joined on 02-04-2006 Posts 3,614 Re: فيلم خرج و فيلم مو خرج  DeadManwalkingExtra wrote:  blawlashi wrote: Clash of the Titans I was building high hopes on this one. ما عمبقدر اتخيل شلون ردة فعلك بعد ما شفتو لأنو انا كنت عرفان انو سخيف و معت بس كمان لما شفتو انصدمت لأنو عنجد فاق كل التوقعات بسخافتو What I just said is a fundamental, not subject to opinion, absolute truth, ultimate, unconditional reality and a permanent fact depending on my mood    Report

04-26-2010, 12:55 PM blawlashi Joined on 11-20-2005 Posts 11,815 Re: فيلم خرج و فيلم مو خرج  Delamore wrote: لأنو عنجد فاق كل التوقعات بسخافتو على فكرة من ميزات الفيلم إني تذكرت خلالو وين حاطط النضارة يلي كنت مضيعها مقسومين .. لك قوم فوت نام وصير حلام    Report

04-26-2010, 01:16 PM Delamore Joined on 02-04-2006 Posts 3,614 Re: فيلم خرج و فيلم مو خرج  blawlashi wrote:  Delamore wrote: لأنو عنجد فاق كل التوقعات بسخافتو على فكرة من ميزات الفيلم إني تذكرت خلالو وين حاطط النضارة يلي كنت مضيعها ولاد الكلب اخدو 48 درهم حق التزكره و تركولي النضارات سوفونير لو ما لقيت نضاراتك كنت بدي اعطيك ياهون What I just said is a fundamental, not subject to opinion, absolute truth, ultimate, unconditional reality and a permanent fact depending on my mood    Report

05-02-2010, 07:32 AM blawlashi Joined on 11-20-2005 Posts 11,815 Re: فيلم خرج و فيلم مو خرج Iron Man 2 بنفس مستوى الجزء الأول إلى حد ما .. إبداع من روبرت داوني متل العادة .. إنتاج ضخم متل العادة .. وطوشة كتير متل العادة طبعاً أكتر شي مهم بالفيلم هو وجود سكارليت .. ربي يحميها ويخليها ذخر .. وغوينيث ربي يمد بعمرها بس بتمنى إنو ياخدو وقتون قبل ما ينزلو جزء جديد .. لأنو واضح إنو نجاح هالفيلم كان معتمد على أبطالو بعطيه 6 من 10 مقسومين .. لك قوم فوت نام وصير حلام    Report

05-09-2010, 07:30 AM blawlashi Joined on 11-20-2005 Posts 11,815 Re: فيلم خرج و فيلم مو خرج City Island فيلم من بطولة آندي غارسيا وجوليانا مارغوييز ما بعرف كيف بينلفظ اسمها .. يلي كانت بمسلسل إي آر فيلم ظريف كتير .. على نمط أفلام وودي آلين .. بيحكي عن عيلة فايتة بستين حيط .. كل يوم خناق وعياط .. وكل واحد بيكذب عالتاني .. ومن هون لآخر الفيلم بتصير مواقف فايتة بالحيط أكتر من العيلة نفسها فيلم كتير ظريف وبيسلي وبيضحك .. مع إنو يمكن لو أخرجو وودي كان طلع معو أحلى بعطيه 8 من 10 مقسومين .. لك قوم فوت نام وصير حلام    Report

05-12-2010, 04:16 PM archiv Joined on 11-19-2005 Posts 867 Re: فيلم خرج و فيلم مو خرج The Bridges of Madison County  blawlashi wrote:  archiv wrote: هدا نفسو تبع ميريل ستريب اللي بتكون عم تنفض فيه سجاد ؟ و هداك مصور بيطلع ايطالي مدري مارر بإيطاليا؟ اسمو كلينت إيستوود مو مصور إيطالي بفهم من هالحكي أنو ميريل ستريب بالأصل بتنفض سجاد , يعني مهنتا بالحياة هيك؟ يعني ما بحفظ اسماء ماشي, ما بحفظ كلمات أغاني ماشي , بس ما تبقى كلو شغال! هداك اللي سميتلي اياه كلين ايستوود دورو بالفلم مصور مارر بإيطاليا بمدينة ولادتا ليلي بتنفض سجاد كأنو الفلم كلو داير حول الصورة اللي صورا اياها عالجسر هدا الفلم 10 /10 مع مرحى   بطاطا مقليي تفو حليب بالشعيريي تفي    Report

05-13-2010, 11:04 AM blawlashi Joined on 11-20-2005 Posts 11,815 Re: فيلم خرج و فيلم مو خرج  archiv wrote: بفهم من هالحكي أنو ميريل ستريب بالأصل بتنفض سجاد , يعني مهنتا بالحياة هيك؟ لا بظن ممثلة مقسومين .. لك قوم فوت نام وصير حلام    Report

Page 80 of 83 (2,067 items) « First ... < 78 79 80 81 82 > ... Last »

Souriaty Club » غرف المناقشة با... » غرفة سوريا الاج... » فيلم خرج و فيلم مو خرج

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة