Search Sort Posts:  Oldest to newest Newest to oldest

06-26-2010, 12:53 PM rafi83 Joined on 12-13-2006 freaks city Posts 1,805 Re: فيلم خرج و فيلم مو خرج  blawlashi wrote: Prince of Persia  القصة كتير حلوة بس التنفيذ أكل *** .. لو سلمو الفيلم لمخرج تاني كان طلع شغلة كبيرة .. وإنو بدهون يقنعوك بالغصب إنو بطلة الفيلم شغلة خارقة الجمال وهيه كلها منفخة تنفيخ متل دواليب اليوكوهاما بشكل عام يحضر بالسينما كنوع من التسلاية مو أكتر بعطيه 4 ونص من 10   بندم انو حضرت اول ربع ساعة منو.. أسوأ من هيك ما عاد يصير باك اب بلان جنيفير لوبيز و معها واحد يا الله شايفو قبل هالمرة بفيلم ما.. وين ما عم اذكر المهم الفيلم ظريف و على ما يبدو دمو خفيف.. يحضر بجمعة شباب بالسهرة على اركيلة و كولا و صحن مكسرات.. جنيفر عاملة شي بوشها عن جديد.. يمكن مزبطة كراسي خدود ما بعرف.. المهم في شي مغير.. 6 من عشرة خصوصا للقطة الولادة الكوميدية بجدارة.. إنه يرى في فوهة بندقيتك الجنة    Report

06-27-2010, 01:35 PM blawlashi Joined on 11-20-2005 Posts 11,815 Re: فيلم خرج و فيلم مو خرج The Blind Side بأيد الزميل زعبوط بإنو الفيلم بيخري .. وكلو تنظير أمريكي على سمانا .. وبدي قص إيديي وأرجلي من خلاف إذا كانت قصة حقيقية روحوا عنا يا من 10 بعطيه وبعطي أميركا 0 .. يلي مو شاطرة غير تبيض علينا مثاليات مقسومين .. لك قوم فوت نام وصير حلام    Report

06-28-2010, 04:13 AM watan Joined on 08-26-2008 syria Posts 930 Re: فيلم خرج و فيلم مو خرج The Secret in Their Eyes فيلم إسباني أو أرجنتيني .. بعيدا عن السينما الأمريكية الفارغة فيلم جميل و يستحق المشاهدة يعني نصيحة بالنسبة لبكرة ... شو    Report

06-28-2010, 01:07 PM blawlashi Joined on 11-20-2005 Posts 11,815 Re: فيلم خرج و فيلم مو خرج  watan wrote: The Secret in Their Eyes  أرجنتيني فيلم بايخ وبيطلع الروح من كتر مو ممل شلون قدرت تكملو يا زلمة؟ مقسومين .. لك قوم فوت نام وصير حلام    Report

06-30-2010, 06:50 PM watan Joined on 08-26-2008 syria Posts 930 Re: فيلم خرج و فيلم مو خرج بتعرف  بلاولاشي  ذكرتني بأم كلثوم يوم كنت صغير ما كنت أطيقها  و كنت قول بتطلع الروح شو إنها بطيئة و مملة  الان بحب إسمعها و صرت أميز شو يعني الغناء الراقي و بالأخير الناس أذواق بالنسبة للفيلم الأرجنتيني أنا ما عندي وقت لحتى أشوف كتير أفلام و أقيم بدخل على موقع www.imdb.com وبعرف آخر الأفلام وكل فيلم كام نجمة تقييم عاطيه المشادين هالفيلم أخد ثمان نجمات .. وعلى هالأساس  نزلته و شفته و عجبني لأني بحب هالنوع من الأفلام طيب ما علينا .. أمش شفت فيلم Mamma Mia قصة ظريفة وفيها تكريم لفرقة ABBA كمان عجبني .. يمكن لأني بحب الفرقة ؟؟ يارب ما طلعلي بلاولاشي هلق و يقول لي فيلم بايخ     بالنسبة لبكرة ... شو    Report

07-04-2010, 02:46 PM Mediaz Joined on 07-21-2009 Posts 23 Re: فيلم خرج و فيلم مو خرج American Gangster انتاج 2007 من بطولة الفحل رسل كرو و دانزل واشطن, ان لقيت سلسلة غاد فازر حلوة فهاد الفلم ممكن انو يعجبك. الفلم بيحكي قصة حقيقة لاحد الاميريكان السود يلي اعتبر احد اكبر تجار المخدرات و درج على انو سبق المافيا او الطليان باميريكا بهل الخصوص, و طريقة القبض عليه يلي جرت لوحدة من اكبر عمليات الفساد بالشرطة و يلي حصلت في اميريكا بهداك الوفت. اكيد الفلم رح يحكي شوية كماليات و شرف اميريكي يلي ظاهرة بدور رسل كرو, بس ذلك لا يمنع من انو الفلم يشاهد.    Report

07-04-2010, 02:49 PM blawlashi Joined on 11-20-2005 Posts 11,815 Re: فيلم خرج و فيلم مو خرج  watan wrote: Mamma Mia قصة ظريفة وفيها تكريم لفرقة ABBA كمان عجبني .. يمكن لأني بحب الفرقة ؟؟ يارب ما طلعلي بلاولاشي هلق و يقول لي فيلم بايخ   لسا ما شفتو .. عم استنى شوفو تحت الأمر الواقع   Little Miss Sunshine فيلم من نوع الكوميديا السوداء بيحكي عن عائلة عايشة بحالة من الفوضى والفشل الذريع .. مهووسين بشي اسمو النجاح .. وهنن أبعد ما يكونوا عنو .. حياتون تعتير وبهدلة وشقا وكلو عالفاضي الفيلم عجبني كتير وبصنفو برياحة ضمن أفضل أفلام الكوميديا السوداء خرج إذا بتحبو هالنوع من الكوميديا وبتقدرو تشوفو الجانب الكوميدي من الحالات المستعصية ما خرج إذا عم تدورو على كوميديا من نوع التهريج والتنكيت من 10 بعطيه 9 مقسومين .. لك قوم فوت نام وصير حلام    Report

07-04-2010, 02:53 PM Mediaz Joined on 07-21-2009 Posts 23 Re: فيلم خرج و فيلم مو خرج <BLOCKQUOTE><table width="85%"><tr><td class="txt4"><img src="/club/Themes/default/images/icon-quote.gif">&nbsp;<strong>silivio wrote:</strong></td></tr><tr><td class="quoteTable"><table width="100%"><tr><td width="100%" valign="top" class="txt4"><div align="right"><b>حدا شاف<br>undisputed 3 ???<br><br>نزل جديد <br></b></div></td></tr></table></td></tr></table></BLOCKQUOTE> الجزء الول برائي احلى من التاني و التالت, بتحس الجزء التالت ليعطو اسم للبطل الغليظ و دوره هالمرة اكتر تواضع من التاني. الجزء الاول من هالسلسة حلوة و مستقل, الجزء التاني مكمل الو الجزء التالت.    Report

07-04-2010, 03:14 PM Mediaz Joined on 07-21-2009 Posts 23 Re: فيلم خرج و فيلم مو خرج ان حصل و شفت فلم the pianist و عجبك الفلم الثاني اسمو Schindler's List نفس السلسة فلم بيحكي عن معاناة اليعود على عهد هتلر, حاكي عن قصة احد الالمان يلي حب يستفيد من الكره الموجه لليهود باستخدامهم باسعار اقل بصناعتو. و كيف كان يحارب من اجل البعض لحتى يخليون عايشين من الناحية الاولى و لحتى يمشي شغلو من الناحية التانية. الفلم بيظهر انو الرجل اخيرا تحول لاكثر انسانية اول ما انتهت الحرب. يستحق المشاهدة ان حابب تعرف عن هالحقبة الزمنية او.ان حبيت تشوف خفاصة الالمان بتلك الفترة و معاناة اليهود لبعض الشيء بهديك الفترة.    Report

07-06-2010, 01:25 PM Mediaz Joined on 07-21-2009 Posts 23 Re: فيلم خرج و فيلم مو خرج فلم باسم Sweeny Todd :The Demon Barber of Fleet Street من بطولة جوني ديب, الفلم غنائي بيحكي قصة حلاق ساذج كان بحياة جميلة و لطيفة مع زوجته الجميلة. لكن شجع اصحاب السلطة على زوجته سببلو النفي. بعد ما رجع بمساعدة بحار للندن صار عندو وجع الانتقام للي صار معاه باستخدام مهارتو بالحلاقة طبعا بمساعدة صانعة الفطائر يلي بتحبو و هاد الشي. الفلم جميل لان يحضر لانو بيجمع بين التمثيل المسرحي و السنمائي. و اكيد ان بتحب الافلام الغنائية.    Report

07-06-2010, 01:27 PM Mediaz Joined on 07-21-2009 Posts 23 Re: فيلم خرج و فيلم مو خرج ليش مافي تحرير للرد...شيه    Report

07-11-2010, 10:40 AM blawlashi Joined on 11-20-2005 Posts 11,815 Re: فيلم خرج و فيلم مو خرج فيلم اليوم اسمو Knight and Day من بطولة توم كروز وكاميرون دياز يلي كبرانين ومشخترين بهالفيلم لشبعانين الفيلم كتير ممتع ومسلي إذا عم تحضروه بالسينما .. فيه أكشن وكوميديا كتير مقبولة وخفيفة عالقلب .. صحي القصة كليشيه بس الإخراج متميز وحبيت مشاهد الملاحقات والضرب والقتل يلي كتير مميزين باختصار الفيلم خرج ينحضر بالسينما للتسلاية مو خرج إذا ما بدكون تتسلو، ريتكون تتسلو بحك جلدكون من 10 بعطيه 7 مقسومين .. لك قوم فوت نام وصير حلام    Report

07-12-2010, 07:52 AM blawlashi Joined on 11-20-2005 Posts 11,815 Re: فيلم خرج و فيلم مو خرج She's Out of My League فيلم كوميدي بيضحك بس شرط يكون في حدا قاعد عم يكركرك ما بعرف شو إلو طعمة هالفيلم .. بس بيجوز أنا فاقد الحس الفكاهي بعطيه 0 من 10 بس نظراً لوجود ملاك نازل من السما بدور البطولة قررت أعطيه 10 من 10 لك ريتو يأبش الأبش يلي إذا ما أبش بالليل يأبش بالصبح مقسومين .. لك قوم فوت نام وصير حلام    Report

07-18-2010, 07:47 AM blawlashi Joined on 11-20-2005 Posts 11,815 Re: فيلم خرج و فيلم مو خرج Inception فيلم من بطولة ليوناردو دي كابريو يلي قدم بهالفيلم واحد من افضل أدوارو .. وإخراج كريستوفر نولان العظيم .. المخرج العبقري يلي هو مخرجي المفضل من إيام فيلم ميمينتو الفيلم هو عبارة عن تحفة سينمائية .. تحفة كتابة وتصوير وإخراج وتمثيل .. باختصار من أفضل الأفلام يلي انعملت على الإطلاق خرج وبشدة .. لكن بننصح إنو تشربو فنجان قهوة عملاق قبل ما تدخلو عالفيلم لحتى تقدرو تستوعبو القصة والأحداث .. ولأنو أي شردة بيشردها الواحد بالفيلم يمكن ما عاد يفهم شي .. وبجميع الأحوال لا تطلعو من الفيلم ليخلص حتى لو ما عم تفهمو .. لحتى ما تروح عليكون آخر نص ساعة يلي هي أجمل ما في الفيلم .. بالإضافة لمشهد الخناقة يلي بيصير بحالة انعدام الجاذبية واحد من الأفلام يلي بتنعطى العلامة الكاملة .. روحو شوفوه مقسومين .. لك قوم فوت نام وصير حلام    Report

07-18-2010, 07:58 AM blawlashi Joined on 11-20-2005 Posts 11,815 Re: فيلم خرج و فيلم مو خرج على هامش الفيلم صار عندي تصنيف لرواد السينما 1- الناس يلي طلعت بأول نص ساعة من الفيلم هيه ناس فايتة عالسينما لحتى تريح مخها .. هالناس عم تدور على أفلام الأكشن متل أفلام فان دام وجاكي شان .. أو أفلام الكوميديا التافهة متل أميريكان باي وباربر شوب .. بس يحس إنو شوي لازم يشغل مخو بيهرب 2- الناس يلي طلعت بعد ساعة من الفيلم .. هي الناس بتشبه الناس يلي فوق .. بس بتختلف عنهون إنو كل قرش بيدفعوه بيتوقعو مقابل إلو .. وبالتالي ورغم إنو ما كانوا فهمانين شي إلا إنو حاولو يضلو بالسينما لحتى ما يخسرو قيمة التذكرة .. بس باعتبار إنو القصة بعد ساعة صارت كتير معقدة مخون ضرب وطلعو 3- الناس يلي هفهفت (من هففففففففف) لما خلص الفيلم .. هي الناس يا إما كانوا نايمين .. يا إما كانوا مشغولين بشي تاني أثناء الفيلم .. يا إما فايتين مع صحابون .. وبالتالي ما فهمو شي من الفيلم 4- الناس يلي زقفت بس خلص الفيلم .. يا إما فعلاً استمتعوا كتير بالفيلم .. يا إما حاولو يورجو باقي الناس إنو فهمو الفيلم 5- الناس يلي متلي .. أبشيني أبشاتو مقسومين .. لك قوم فوت نام وصير حلام    Report

07-25-2010, 07:45 AM blawlashi Joined on 11-20-2005 Posts 11,815 Re: فيلم خرج و فيلم مو خرج فيلم اليوم اسمو سولت Salt من بطولة أنجيلينا جولي الفيلم بيحكي عن بطلة خارقة اسمها إيفيلين سولت .. خرطت شي خمسين زلمة بدون مبالغة أتلة .. وأكلتلها شوية خبطات ودبجات بالمعية .. بس كان ناقص يلبسوها أواعي سبايدر مان القصة إنو هيه سلاح فتاك بس الحب بيقلبلها كيانها .. دخيلو باختصار فيلم أكشن مالو جنس الطعمة ولا هدف غير يورجونا إنو النسوان إذا حطو عقلون براسون بيصيرو أرجل من العكيد يحضر بحالة وحدة إذا كنتو داخلين عالصالة الدهبية .. وقعدوكون على كراسي جلد مخصصة للانجعاص وجابولكون الأكل لحضنكون وكان الأكل طيب لا يحضر بأي حالة أخرى بعطيه 3 من 10 مشان السبرينغ رولز يلي أكلتون خلال الفيلم مقسومين .. لك قوم فوت نام وصير حلام    Report

08-06-2010, 12:49 AM finalfantasy Joined on 11-20-2005 في جنح الظلام Posts 1,265 Re: فيلم خرج و فيلم مو خرج حدا بيعرف شو طالع افلام بالسينما بالشام.....مالي خلئ اطرؤ مشوار    Report

08-11-2010, 01:31 PM lulie Joined on 02-04-2007 جيران القمر Posts 3,594 Re: فيلم خرج و فيلم مو خرج then visit this website: http://www.cinemacityonline.com/syria/nowshowing.html    Report

08-14-2010, 08:49 AM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج  blawlashi wrote: Inception فيلم من بطولة ليوناردو دي كابريو يلي قدم بهالفيلم واحد من افضل أدوارو .. وإخراج كريستوفر نولان العظيم .. المخرج العبقري يلي هو مخرجي المفضل من إيام فيلم ميمينتو الفيلم هو عبارة عن تحفة سينمائية .. تحفة كتابة وتصوير وإخراج وتمثيل .. باختصار من أفضل الأفلام يلي انعملت على الإطلاق خرج وبشدة .. لكن بننصح إنو تشربو فنجان قهوة عملاق قبل ما تدخلو عالفيلم لحتى تقدرو تستوعبو القصة والأحداث .. ولأنو أي شردة بيشردها الواحد بالفيلم يمكن ما عاد يفهم شي .. وبجميع الأحوال لا تطلعو من الفيلم ليخلص حتى لو ما عم تفهمو .. لحتى ما تروح عليكون آخر نص ساعة يلي هي أجمل ما في الفيلم .. بالإضافة لمشهد الخناقة يلي بيصير بحالة انعدام الجاذبية واحد من الأفلام يلي بتنعطى العلامة الكاملة .. روحو شوفوه فيلم ظريف بصراحة .. وفعلا انبطست فيه خيرات الله.. و كان نصيحة بس اخي بلوشة يعني ما بيستاهل كل هالجريدة اعلاه خصوصا انو مو هالتعقيد المستحيل فهمه .. يعني انا عن حالي ... رواد الصالة اللي كنت فيها ما حدا منهون ترك الفيلم لاخرو .. وبس تطلع بتحس بالاقتناع والتفاعل على عيون الرواد.  يعني حتى هدا الشب السوري اللي قعد قدامي سقط لقط و اللي جايب رفيقتو الفليبينية وقضوها تفريك وفعفطة طول الفيلم.. الله وكيلك طلع مبسوط كمان .. صحيح مخنق .. بس مبسوط خلاصتو اخي بلوشة انت بالغت في وصف الفيلم وبالتالي رفعت سقف التوقعات عندي ... لهيك بعطيه تمانة من عشرة ونلقوط ورق الدخان قال نعملهون مصاري    Report

08-15-2010, 07:10 AM finalfantasy Joined on 11-20-2005 في جنح الظلام Posts 1,265 Re: فيلم خرج و فيلم مو خرج ثانكيو لولي    Report

08-19-2010, 01:32 PM AlMzanber Joined on 03-29-2006 الافاتار خارج الخدمة مؤقتا Posts 14,464 Re: فيلم خرج و فيلم مو خرج غرون اب مدري شلون مو ضمن المتوقع هلق بتبتسملك شوي ولا يخلو الامر من كم ضحكة بس بالمجمل .. من الافلام اللي خرج تتفركش فيه عالفوكس او التو مو اكتر ونلقوط ورق الدخان قال نعملهون مصاري    Report

09-09-2010, 09:56 AM blawlashi Joined on 11-20-2005 Posts 11,815 Re: فيلم خرج و فيلم مو خرج باعتبار عنا 3 ايام عطلة وباعتبار صرلي شي شهرين ما شفت أفلام نصحونا بكم فيلم ظريف بمعيتكون مقسومين .. لك قوم فوت نام وصير حلام    Report

09-09-2010, 01:20 PM silivio Joined on 11-19-2005 SYR Posts 4,864 Re: فيلم خرج و فيلم مو خرج red cliff فيلم صيني مدبلج انكليزي حلو بس يعني ما لدرجة الروعة . . . . . بس حلو the exam فيلم بريطاني . . . . كل الممثلين فيه يمكن 13 ممثل وكل المشاهد بغرفة وحدة , يعني بيجوز هالفيلم كلفن بعد اجرة الممثلين شي خمس تالاف ليرة وفرطت القصة بس يعني حلو جدا وينصح فيه بلوشة شوفو    Report

10-05-2010, 07:47 AM blawlashi Joined on 11-20-2005 Posts 11,815 Re: فيلم خرج و فيلم مو خرج بعد أكتر من شهرين من الانقطاع الكامل عن الأفلام إن كان بالسينما أو بالتلفزيون .. وفي يوم غابر .. وبعد ملل قاتل .. قلت قوم يا صبي روح شفلك شي فيلم بالسينما وضيع شوية وقت .. وفعلاً رحت عالسينما وكان عم ينعرض عدة أفلام يبدو عليها إنها حلوة .. لكن ما بعرف ليش قررت فوت على أخـرى فيلم بيناتون .. واسمو Resident Evil: Afterlife هلق من المفيد إنك تفوت عالفيلم وإنت بتعرف إنو بيخـري .. ويمرق ربع ساعة من الفيلم وإنت عم تقول لحالك .. لك طالما بتعرف الفيلم بيخـري ليش فتت عليه؟ .. لأنو طلع أخـرى مما كان متوقع المهم بعد ما تمرق صدمة أول ربع ساعة والخـرائية المنقطعة النظير .. فجأة بيبلش يتحسن الفيلم .. ويصير مقبول نوعاً ما .. لأ حتى بيصير فيلم حلو وبيبلش الأكشن ومداعبة الأعصاب .. لحتى قريب النهاية فكرت غمض عيوني من كتر ما كنت متوتر من الأحداث بعدين بينتبه المخرج على حالو إنو لعما .. لك هدا الفيلم مفترض إنو بيخـري .. كيف هيك تركتو يتحسن؟ .. وفعلاً ما بيكذب خبر .. وبيحطلك نهاية بتـخري .. لأ ومو بس هيك .. بيقلك إنو لسا في جزء سادس   العبرة من الموضوع .. إنو لا تفوت على فيلم بيخـري .. حتى لو كنت بتعرف إنو بيخـري .. وتهيألك إنو هالشي رح يهون عليك من خـرينة الفيلم .. روح اعملك شغلة تنفعك أحسنلك من هالفوتة مقسومين .. لك قوم فوت نام وصير حلام    Report

11-03-2010, 10:14 AM blawlashi Joined on 11-20-2005 Posts 11,815 Re: فيلم خرج و فيلم مو خرج فيلم اليوم اسمو Stone بطولة روبيرت دي نيرو العظيم وإدوارد نورتون العظيم قصة الفيلم بتحكي عن واحد .. إنو .. شو بدي قلكون .. إنو هيكه طيب بصراحة أنا ما فهمت شي من الفيلم .. وأمانة برقبتكون إذا حدا شافو وفهم شي يفهمني شو القصة .. لأنو ما في بالعادة ما أفهم شي قد ما كان الفيلم بيخري بعطي إدوارد نورتون 10 على 10 على تمثيلو .. مع إنو ما عرفت شو القصة وبعطي المخرج صفر من 10 على اختيار ميلا جوفوفيتش لتعمل هالدور .. إنو ما لقا غيرها؟ .. ما إلها علاقة بشي اسمو أنوثة مقسومين .. لك قوم فوت نام وصير حلام    Report

Page 82 of 83 (2,067 items) « First ... < 79 80 81 82 83 >

Souriaty Club » غرف المناقشة با... » غرفة سوريا الاج... » فيلم خرج و فيلم مو خرج

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة